لو خطيبي متعلق بيا بيحبني جدا بس انا حاسة اني مش ببادله مشاعره دي وأي كلمة بسيطة مني له بتاخد من روحي وترهقني نفسيا مش عارفة ارتاح حاولت والله ما عرفت وبفكر اسيبه اجيبهاله ازاي ؟ هو للأسف بيحبني اوي وكذا مرة حاولت ألمحله بس هو بيقولي كل المشاعر الحلوة هتيجي مع الوقت انا حاسة اني بغصب نفسي وتعبت
مش مرتاحه = متكمليش في الخطوبه
مينفعش نكون في علاقة مع حد من باب الامتنان او الشفقة او اننا خايفين نسيبه يتجرح.. مانتي كل مرة مش هتكون فيها كويسة معاه هتجرحيه
سيبيه باحترام
اعزلي أي عامل خارجي هيأثر ع كلامك زي آراء أهلك أوأصحابك أو علاقات سابقة لسه متأثرة بيها، ثم اديله فرصة واتنين و لو لسه زي ما انتي ومش مرتاحة يبقى أظن ان الفركشة حل مناسب
تجبهاله ازاي دي سهلة ومقدور عليها أهم حاجة قرارك تكوني مقتنعة بيه و مستريحاله
قوليله و ابعدي انك تبعدي دلوقتي احسن من بعدين
طلما مش مقتنعه متعشميش شخص ملوش ذنب
طالما حاسة بتغصبي علي نفسك فابعدي بشكل نهائي وقوليله كل حاجة عشان ميعشش في احلام مع نفسه مش هتتحقق
انهي الموضوع بدام مش حاسه بحاجه ناحيته علشان لو فضلتي عمرك كله مش هتحسي وحرام تضيعي وقتك ومجهودك ف حاجه مش مستريحه فيها وهو كمان يساهل حد يبادله نفس الشعور متكمليش ف حاجه مش مقتنعه بيها
بصي هو في فرق بين انك مش عارفة تحبيه ولا مش عاوزه تحبيه اصلا اسالي نفسك كده انتي مشكلتك معاه بس هي انك مش عارفه تديله المشاعر ولا مش حابة وجوده في حياتك لازم تجاوبي علي الأسئلة دي مع نفسك
ونصيحتي ليكي اول ما تعرفي انتي عايزه اية لازم تاخدي action بسرعة علشان كل يوم بيعدي عليه هو بيتعلق بيكي اكتر
حاولي مره واتنين ولو لسه مشاعرك زي ما هيا سيبيه فورا علشان كل ما تتقدموا أكتر كل ما الأمل عنده بيزيد وجرحه هيبقي أكبر بمرور الوقت
للأسف مفيش حل لدا غير قعدة صراحة معاه وتقوليله
متعمليش حاجه انتى مش مقتنعه بيها
