Ask @rere69427:

الصداقة الصح ماتعرفش أنانية، والأصل فيها هو المشاركة على الحلوة، والمره.. حق ربنا فى قانون الصداقة إن كل واحد له نصيب من زعل، وإنبساط التاني.. من أجمل الجمل اللي اتقالت فى النقطة دي: (يا صديقي إن شعرت بالوجع وبكيت يوماً؛ فلا تنسى نصيبي مما يؤلمك.. ليس عدلاً أن نفرَح سوياً، وتتألم أنت بمفردك!).

عظيم جدًا❤❤❤❤❤

View more

كيف تشكر الأشخاص الذين يعطونك هدية؟

بحبهم أكتر وبيكون مميز عندى جدًا ولهم أولوية عندى ف كب حاجة مش علشان جابلى حاجة أنا فكرة إنه فاكرنى وافتكرنى حتى لو بكلمة كويسة بتبقى أحلى هدية ❤❤❤❤

View more

احط حدود لنفسى ازاى مع الولاد انا لو حد.كلمنى مثلا مبحبش احرجه وده فطبعى والله مش عارفة اغير ده وفى نفس الوقت عاوزة مبقاش سهلة فى الكلام يعنى!

يا حبيبتى الحدود دى بتفرضها شخصيتك يعنى لو أنتِ محترمة ومش بتكلمى ولاد ايه اللى هيخليهم يتخطوا الحدود دى ؟ ولو مثلا فيه كلام عام على سبيل الزمالة شخصيتك برده اللى بتحدد هل يتجاوز بالكلام ويزود ف كلام ليه لازمة أو ملهوش ، هل يتقال ليكِ كلام مجاوز هتتقبليه وتردى بهزار وتجاريه واللا هتصديه وتحطى لسانه ف بقه .. بيبقوا عارفين المحترمة واللى لا واللى ممكن تجاريه بسهولة او لا والمحترمة بتفرض نفسها لو ماشية بين ألف واحد فاضى وبيحترموها من نفسهم .
موضوع الاحراج انا كده برده ع فكرة وده حاجة كويسة بس مش مع الولاد او مع حاجة تخص كرامتك أو سمعتك . وكتر الموضوع ده مع الناس عموما هيحولك لسلبية علشان كده لازم الرد بس بطريقة محترمة متقللش منك ولا تربيتك لأنك اوردى محترمة فهتردى بطبيعتك اصلا 👍🌸

View more

بتعملى حاجة جديدة مشغولة عن اسك واللا ايه ؟

مش مشغولة عن آسك ولا حاجة بس الأسئلة مفيش جديد او حاجة أرد عليها يعنى بس أنا فعلا بعمل حاجة جديدة ادعيلى ربنا يوفقنى فيها🤲🌸

View more

سعادة بالانجلش يعنى happiness يا حبيبتى اكتبى البحث عن السعادة وخلاص بدل ما تغلطى غلطة عبيطة😹🤭

أنا لو مكانك بعد ما أشوف الآنسر ومعرفش الفيلم وأروح اتأكد هتمنى الأرض تتشق وتبلعنى✔
فيه حاجة فى التفكير (النقدى) او تسمعى عنه اسمها التواضع الفكرى بمعنى إنك تكون عارفة حدود منطقتك المعرفية ومتفتيش 😊

View more

+1 answer in: “أخر فيلم اجنبى اتفرجت عليه؟”

وايام الجامعة ايه رايك فيها 😂😂😂

جيت أجاوب افتكرت الفاينل و العملى والميدتيرم والشفوى والشيتات ف عاوزة اعيط بس للأمانة أنا بحب كليتى وأصحابى اللى عرفتهم فيها حتى المرمطة فيها و الضغط وحشنى و وحشنى كونى طالبة جامعية جدًا😭😭😭😭😭💔
انتظرنى لما نرجع .. هقلك رجعونى البيت والبنت ملهاش غير بيتها وجوزها😂😂😂🤝

View more

+1 answer in: “أجمل سنواتك الدراسية؟”

انا جوزى عنده بيت دورين دور فوق ليا ودور تحت لحماتى بس هى تعبانه ومبتقدرش تعمل حاجة وانا بعمل مع انه مش واجب عليا ولا من اختصاصى اخدمها بس جوزى بيطلعها بالليل تنام معانا فى الشقة علشان لو عازت حاجة وانا حاسة ان حريتى متقيدة ومش عارفة اعد براحتى فى بيتى وقرفت هى بتنزل لوحدها الصبح اعمل ايه ف القرف ده

جوزك غلطان إنه مستحمل واحدة قليلة الأصل مشفتش بربع جنيه احترام زيك ،، كان لازم يخرجك بره البيت خالص ويتجوز واحدة تساعد والدته بحب منها وتكون راضية مش واحدة بتقول مش واجبى هو مش واجبك اه بس واجبه هو اتجاه والدته اللى كبرت وتعبت وربت وللأسف كان فاكر معاه بنى آدمه بتحس وهتشيل معاه وتساعده بس ظنه طلع ع الفاضى + راحة ايه اللى بتقلها دى بتنزل لوحدها يا جبرووووت ده أنا اللى معرفهاش صعبت عليا وأنت متأثرتيش خالص !!!
أنت قيمتك عنده مش حاجة جمبها يا حبيبتى ده بدل ما تساعديه بتقولى قرف !! هو قرف فعلًا بس قرف منك . خافى ع نفسك علشان اللى بتعمليه وهتربى ولادك عليه هيطبقوه عليكِ .
*للعلم المشكلة دى حساها فيك اعتقد ولو مش فيك يبقى تستاهلى الشتايم اللى هتجيلك*

View more

تعتقدى حد ممكن ينافس عمرو فى الصوت وجمال الاغانى؟

آنون أنت بتقلب ف الآسك !🙄😂
بس أعتقد لو كان عامر منيب الله يرحمه موجود وكمل كان هيبقى منافس إنما حاليا اعتقد لا
*مع العلم مش بسمع مغنيين تانيين اصلا ولا اعرفهم وشكرٍا*😌

View more

+1 answer in: “فى الموسيقى اعطينا فاكت من رأيك ؟”

متقدملى مهندس وواحد كلية تجارة وانا صيدلة اختار ايه؟

الأسئلة دى بتستفزنى أوى لو تعلمون😒
يا حبيبتى أنت هتتجوزى مكتب التنسيق ! أنت هتختارى زوج يشاركك حياتك ف كل تفاصيلها ويشاركك تبنى عيلة ومستقبل جديد بتبصى ل ايه ؟
سيدنا محمد حسم موضوع الاختيار و قال ايه " إذا جاءكم من ترضون دينه وخلقه فزوجوه" صدق رسول الله يعنى مقلش مش ترضون دينه وخلقه وكليته!! ، يعنى يا حبيبتى تقعدى معاهم وتشوفى الأحسن خلق و دين و تتكلمى وبعدين تصلى استخارة وتشوفى ارتاحتى لمين بعد إشارة ربنا وتتوكلى ع الله .. نصيبك ليكِ مهما هربتى وبعدتى عنى ف توكلى الله ومتبصيش للكلام ده ياما ناس كليات كبيرة بس عقلهم أصغر من حبة الرمل ومتعبين .. ربنا يختارلك الصالح يارب❤

View more

كان عندي اكتئاب شديد وبعاني منه بقالي سنين وكنت متدمر ومصدقت اني اخف شوية ودلوقتي بدات ارجع اعمل ايه انا بدات اتعب

لو لقيت نفسك مش قادر انك تغير حالتك ولا حد مساعدك روح ل دكتور مش عيب ابدًا ولا حرام محدش هيساعدك وقت لما تنتكس والاكتئاب يدمرك بعد ما سمعت كلامهم إنه مينفعش تروح لدكتور!
وربنا يعفى عنك وترجع أحسن من الأول وتبقى حياتك اللى جاية كلها فرح❤

View more

‏بعد فترة هتكتشف إن سبب حزنك مش على العلاقات الي خسرتها و لا على الوقت الي ضاع و لا على الناس الي خذلتك، سبب حزنك هيكون إن طاقتك خلصت و ان قدرتك علي التحمل انتهت ..

Maryam Salah
وأن معندكش طاقة تكمل بيها ولا حتى طاقة جديدة تبدأ بيها ولا طاقة تتحمل بيها أى حاجة خالص .. فترة رخمة جدًا وبتسحب ل الانطواء والبعد علشان ناخد فترة نقاهة والكارثة بنلاقى نفسنا اتعودنا نبقى لوحدنا علشان لقينا ده أريح بس ده غلط ف لازم نشحن نفسنا ونجدد طاقتنا بنفسنا ونقوم تانى بس بوعى أكبر و درس كبير ✔

View more

Next