Ask @rofaida000:

في بعض الأحيان تبكي الأنثى لعدم استطاعتها تسريح شعرها ..فما بال من كسر قلبها ؟

المحن هيفقعلى مرارتى أقسم بالله ..
طيب هيا لو عيطت عشان مش عارفة تسرح شعرها ،فعشان هو كيرلى "اكرت يعنى " ...ومجبوره تستحمله ،لاما تروح تحلقه وتستريح..
أما اللى كسر قلبها ، ده شيء مش مجبورة عليه ولا هو مجبور عليها ...كسر قلبها تكسر ع دماغه زير ...
خلصانه واسمها رمانه 🙄

View more

افضل أفلام كرتون لكـٌ ؟

وأنا صغيرة كان كعبول 😁كارتون كان بيجى ع القناة الأولى أو التانية ...مبحبش توم& جيري ممكن اتفرج عليه بس مبحبوش .
بعدين حبيت مولان وشركة المرعوبين المحدودة وكونان ولوفى وناروتو وتقريبا معظم اسبيس تون ..
وحبيت انمى رئيسة مجلس الطلبة نادلة و skip beat و حاجات كتير ...
فاللى عنده انمى حلو يا ريت يقولى 😎

View more

ما الشئ الذي تتمنى لو يتغير فيك ؟

مزاجى ..
بجد بقى حاجة مرهقة جدا بالنسبالى ....وبقيت معظم تصرفاتى معتمدة عليه ...ولما باجى عشان أتصرف عكس ما انا عايزة ف موقف ما ،بافضل بعدها مضايقة جدا ..
فابشتغل الفترة دى انى أقدر أسيطر شوية عليه وع نفسى .

View more

متى يمكنك أن تقول أنك قوي ؟

لما أعرف أستقل بنفسى استقلال تام ...ولما يكون فى نظام محترم وواضح الواحد يمشى عليه ...
الاستقلال المادى والمكانى التام من الحاجات اللى باحلم بيها حرفيا ،مع انى طول السنة مكانيا بعيدة عن الأهل ومبنزلشى غير ف الاجازات وبس ،بس كون انى لسه لحد دلوقتى باخد منهم فلوس فده نفسيا مرهق بالنسبالى .
وبالنسبة للنظام المحترم والواضح اللى باتكلم فيه ...فده لأنى ف الفترة الجاية هيكون عندى الاسبوع كله امتحانات زائد أن المحاضرات شغالة عادى ،فجالى ظرف ما خلانى مش قادرة أذاكر ف اليومين الاجازة اللى عندنا ،وف نفس الوقت ولا منها ذاكرت ولا منها ركزت فى الظرف الموجود دلوقتى ..وحاسة دايما بالتقصير..
فلو فيه نظام واضح ف الكلية له ملامح صريحة لنظام الامتحانات ،ووجود فرصة تانية لأى حد عنده ظرف ،كانت الدنيا هتكون سهلة ...مع العلم انها ممكن تكون سهلة خالص لو عندى واسطة ف أن الخرابة دى.

View more

اذا كنّا نتعلم من أخطائنا فلماذا نخشى الوقوع في الخطأ دائماً؟

إنك ترتكب خطأ فده شىء نفسيا مؤلم....ولما تعيد نفس الخطأ اللى كنت وقعت فيه قبل كده فده شيء أكثر إيلاما ..
ده ع المستوى الشخصى للإنسان ....
فتصور معايا الضغط النفسى الداخلى ده بيكون معاه ضغط نفسى خارجى ،واللى بيتمثل ف نظرة المجتمع والبيئة المحيطة لحد فشل ف اختبار أو تجربة ما ....
الموضوع مش مقتصر ع الفئة متدنية الفكر أو التعليم ،بل بيشمل الفئة اللى المفروض عالية ف الفكر والثقافة .
فالموضوع بيتحول من كونه مؤلم لكونه مؤذى ..
وبدل ما ناخد وقت قصير نزعل فيه ونقوم بسرعه نشوف ايه اللى جاى بعد كده...بقينا بتاخد وقت أطول ف جلد ذاتنا ويا نقوم نقف ع رجلنا من تانى لإما منقمشى أصلا

View more

- شخص اذا جلست معاه تنسى همومك ؟❤️❤️.

لا مفيش ....انا لما باجلس مع حد ..بيكونو من الحبايب اللى الواحد بيلاقى نفسه تلقائيا عمال يحكى ويطلع كل اللى نفسه...
ونفضل نتريق وناخد كل حاجة بضحك ...
فنقوم والنفسية خفيفة ...وبدل ما كنت واحدة الحاجة ع قلبى باخدها ع رجلى 😅

View more

Next