باللحظه اللي تكتب فيها بمكان مافيه رد يريح؟ وقتها تفهم ان حب هالشخص لك قل
باللحظه اللي تكتب كل شي بخاطرك حتى لو سؤال وتسترجع؟ وقتها تعرف ان احساسك صح هالشخص فعلا بطل يحبني مثل قبل بدليل اني صرت اخاف من كل رد يجيني منه ويوجع قلبي
اخس شعور ممكن ينعاش ما اتكلم! خايفه من ردك ما اتكلم! جوابك بيوجع قلبي ما اتكلم !لانك مابتحس فيني ما اتكلم! لانك راح تستصغر الشي اللي متعبني
الشجاعه اللي كنت امتلكها قبل عشان اتكلم بكل اريحيه راحت من كثر الخوف وبسبب الرد المتوقع، بداخلي كلام ودي يطلعلك حتى لو طلع لشخص ثاني قلبي ما راح يرتاح الا اذا طلعلك انت ما ابغى غير الشخص اللي في بالي يهديني يروقني يراضيني.
قاعده اشوف اهمالك مدري هوا كرهه ولافتره وتعدي، حتى نومنا مو مع بعض زي قبل ماتعرف عن يومي شي وانا نفس الشي كل واحد فينا قاعد يعيش حياته لحاله لمتى طيب! لمتى الاهمال هذا اشتقت لكل شي بيومنا ولكل كلمه تعبت من هالوضع والشعور ادري قلبك صار مايبغاني ولا يتحملني ومو حاب تشوفني تبغى تبعد وبس لمتى طيب بتقعد تتهرب! لمتى بتطنشني وتبعد اكثر بس اللي متأكده منه ان قلبك كرهني ومو متقبلني مثل قبل.
المكان الوحيد اللي اكتب واتمنى يوصلك المكان الوحيد اللي اقدر اطلع اللي بداخلي بدون اعتراض او مقاطعه وبنفس الوقت هوا المكان اللي مليت اكتب فيه بدون نتيجه بدون كلام يطمن بدون طبطبه، عايشه يومي لكن متوقع ما امر بضغط نفسي! ما اموت من داخلي! ما ابكي واتعب! ما اتمنى ابعد عن هالدنيا! وبكل مره اجي واحاول اتكلم اتردد مليون مره قبل ما اخطي لاني عارفه انو الجواب بيتعب قلبي بس برضو اجي واسأل بكل غباء وفعلا يتوجع قلبي الشي اللي ابغاه انحل بنص يوم وخرب ثاني يوم لهدرجه حظي زفت! لهدرجه مايمديني انبسط! متى تحس فيني؟! متى تسمعلي؟! مقدره كل ظرف تمر فيه لكن اعيش على وهم!! اعيش على امل وراح يموت!! متى تفهم اني مو قادره اتقبل هالشي وقاعده اغير كل شي عشان الوضع يرجع بكل مافيه! قولي اشكي لمين! مين يجاوبني! مين يسوي اللي بخاطري! متى تفهمني وتحس فيني! بعطيك شهر شهرين لكن نهايه انتظاري هذا بيتغير شي؟!! بحصل شي يرضيني مثل ماصبرت؟! ولا قلبك بيتعود ويقسى ولايفكر فيني؟! غيرتي مو بيدي مالي سلطه عليها مثل ماتحس انا كمان احس مثل ماتغار انا اموت من غيرتي الف مره، شي مو قادره اتحكم فيه تبغاني انهيه واكرهك وابعد؟! تبغاني ابقى اتحمل واتحمل لين انسحب بهدوء؟ اضحك على نفسي واقول فتره وتعدي وكل شي بيرجع بحلاوه قبل بس شكلي اتوهم عشان اعيش بس بجد نفسي تعطيني وقتي وتخليني اتكلم واقول كل شي بخاطري وبعدها يصير لاني تعبت اتحمل واتجاهل نفسي تسمعلي وتخليني افضفض بدون انفعال وعصبيه ونفسي ونفسي ونفسي وتبقى امنيات ومستنيه متى تتحقق الله كريم بس، بس تقرأ هالشي راح تفهمني💔💔 .View more
لكل لحظه حلوه متى بترجعين؟ متى بيرجع سهرنا وغزلنا؟ متى بيرجع روقاننا وخوفنا على بعض؟
متى ترجع حلاوه ايامنا وشوقنا لبعض، كلام كثير بداخلنا محتاجين نفضفض ونتكلم ونصارخ لو اضطرينا عشان نرتاح بس تعبنا من كثر الضغط، محتاجين نتكلم قدام الشخص المطلوب مو نشكي بمكان ثاني بدون فايده محتاجين نفضفض عشان نغير كثير اشياء متعبه قلوبنا لكن مجرد مايطول الكتمان ننفجر بالوقت الغلط ونكون غير مسؤولين عن اي شي يطلع مننا ونتوجع من الغصه.
يحز بخاطرك يوم تشوف الصد من اقرب شخص لك كل ماتتقرب خطوه يبعد مليون خطوه وقت ماتحاول تسوي كل شي يطلع بيدك بس عشان ترجع تسمع سوالفه مثل قبل وهوا يصد ويجرحك با اسلوبه وقت ما تشوف كلام يكسرك ويجرحك ومتوقعك هالشخص انك حديد ماتحس او تنجرح، وكل ما حاولت تهدي الوضع ينقلب عليك وتضعف اكثر واكثر حمل كبير على قلبك معقوله هالشخص نفسه اللي كان معاي قبل!؟ اللحين صار يجرحني ولايحس فيني!! يسوي اللي يضايقني بس عشان كبريائه!! يطنشني وينافخ علي ويسب !! اذا ماتبغاني اتركني طيب لاتجرحني بكل مره لاتكرهه قلبي فيك، وقتها تتمنى تختفي بعيد عن الكل حتى اقرب شخص لك.
- ذكريات-
اشتقت لأيامي معاك اشتقت لسوالفنا وروقانا اشتقت لكل ساعه تمر وانا وياك مع بعض اشتقت لصوتك اشتقت لكل لحظه كنت تفاجئني فيها وتتصل تسمعني صوتك اشتقت لمحادثاتنا الطويله ولأعترافاتك الحلوه اشتقت لسهرنا لين يغلبنا النوم، اشتقت لحضنك وشدك لي اشتقت لمسكه يدك اللي احس فيها با امان هالدنيا اشتقت للحظه اللي اغمض فيها عيوني بعد ما اشم ريحتك اشتقت لضحكتك اشتقت لطريقه تضحيتك لي اشتقت لكل شعور معاك ولك اشتقت للحظه اللي تحاول تسعدني وتبعد كل شي يضايقني اشتقت لنظراتك لما تتأملني حرفياَ اشتقت لكل ايامي بلي فيها معاك اشتقت للحظه اللي نتحمس فيها عشان نسولف ونعبر لبعض اشتقت للكلام الطويل منك اللي يوصفني ويطيرني لسابع سماء امنيه كل يوم انو هالايام ترجع بكل مافيها من شعور وكلام وراحه وكل شي مو بس ترجع الا يجي اللي احلى منها فعلياَ محتاجه هالايام معاك ترجع.
خبئني فِي صدرِك فهذا العٓالم بات مُخيفاً خبئني في أمان عينيك في سكينة قبُلاتِك،ضع راسي بين كتفٓيك وأهمِس في أذُني،أنك هُنا مِن أجلي أنك لِي دايماً.View more
اكثر شي ممكن يغبنك لما تبقى فاتح على محادثه هالشخص تقول الا مايرسل مستحيل ينساني ومستحيل يضيع هاليوم وبالاخير هوا مشغول مع غيرك يدخلون ويطلعون سوا وانت تتفرج وميت من داخلك لكن مابيدك شي، مخنوق من جواتك مو قادر تتكلم وترتاح ولا قادر تسوي شي يطلع اللي بداخلك لكن خليك كذا بيجي اليوم اللي تدورني وماتلاقيني بكون رحت لمكان احسن من هالدنيا.
اللهم إنّك لا تحمل نفسًا فوق طاقتها فلا تحمّلني من كُرَب الدنيا والحياة مالا طاقة لي به.
بعيداً عن الحلطمه والفضفضه بكتب اليوم عن اقرب شخص لقلوبنا😴❤️❤️..
شخص قربه مثل قرب دقات القلب بداخلنا شخص يوقف معاك بالحلوه والمٌره شاد على يدك بكل الظروف وجوده مهون كل شي، وقت تعبك وقت ضغطك النفسي بكل وقت تحصله حولك وجمبك مو بس بفرحتك كأنه يقولك انا مثل ظلك فين مارحت بكون معاك وقريب منك بس اسند علي وانسى كل همومك، بس تشوف ابتسامه هالشخص تنسى كل هموم هالدنيا ودك تقعد تتأمل فيها تبقى ساكت وهوا يتكلم تسمع وبس دقات قلبك هيا الوحيده اللي تشرح كل شعور حلو بداخلك، مجرد مايدخل هالشخص حياتك تصير تحب كل تفاصيله ريحته سوالفه صوته حضنه كل شي يخصه تحس انك بعالم ثاني بس تكون معاهه تنسى كل اللي حولك قلبك وعقلك مع هالشخص تشوفه اهلك وصاحبك وحبيبك وكل شي وفوق الاشياء الحلوه هذي لو كان الاهتمام متبادل مو بس الاهتمام حتى الحب والغيره اعرف اللي يضايقه واللي يسعده ونفس الشي يسويه معاي هنا! اعطيه عيوني وقلبي وكل شعور حلو،يضحي بكل مافيه عشان يشوف ابتسامه حبيبه، اللي عنده مثل هالشخص تمسك فيه بكل مافيك العمر مره ولابكل مره بتحصل شخص يحبك ويفهمك خلو السلبيات على جمب وعيشو حياتكم مع بعض انسو كل شي وتمسكو ببعض وخلو العواذل بعيد عن حياتكم.
بالمناسبه لشخص القريب مني وراح يقرأ؛ احبك والله يديمك لي يارب.
أنا حابه إستقرارك فيني بمعنى إنك جيت وصرتّ الأول والأخير😴💭.View more
لشخـص مـا🕊✨..
اشتقت لأيامنا الحلوه اشتقت لكل شي كان يجمعنا ياليت لو بيدي ارجع كل يوم حلو كان معاك اشتقت لحنانك،خوفك،غيرتك
تضحيتك، بكل مره اقعد فيها مع نفسي اتمنى لو كل شي حلو راح يرجع ينعاد ونرجع نعيش الشعور الحلو، وكل التفاصيل ترجع اول يوم حضنتك،اول يوم مسكت يدك، اول يوم قلبي حبك فيه، جمال ايامنا ماتنوصف كل اللي اتمناه ترجع تتكرر ونعيشها من جديد لحظات قد ما اقولها مابكتفي الود ودي اغمض عيوني وافتحها على هالايام ترجع من جديد، دايم الاشياء الحلوه تنعاش مره وحده بس مهما تمنينا..ولو بترجع راح يرجع معاها اشياء كثيره اولها دقات قلبي وقلبك يوم نكلم او نقابل بعض نظراتنا نبره صوتنا كل شي فات كان حلو ان شاء الله ترجع ونعيشها من اول وجديد بعيد عن كل شي سلبي، ادري عيونك راح تقرأ هالشي عشان كذا الله يديمك لي يارب💜💜💜.
أّ؛ وكأنك أتيتني نوراً على درب مُظلم أو طريق مستقيم في إعوجَاج الحظ أو لفظتك السمّاء كغيمة فرح حتى أرتوي بِك.View more
٥:١٢م
الثــقه..
اهم شي في كل علاقه الثقه حافظ عليها لانو مجرد ماتختفي ماراح ترجع ابد خليك قد هالثقه سو كل شي يطلع بيدك عشان ماتخسر هالشي الحلو الطرف الثاني مجرد مايحس بالامان والثقه معاك ينسى كل هموم ومخاوف هالحياه، لاتسمح لشي يكسر هالثقه ويبعدكم عن بعض لاشخص ولاظروف تجاهل كل كلام الناس اللي تحاول تبعدكم عن بعض كل مازادت الثقه كل ما زاد هالحب خلك صريح خاف على مشاعر هالشخص دور رضاه اسعده عشان يبادلك هالشي كثير ناس وثقنا فيهم وندمنا مو كل شخص يستاهل هالثقه، اللي يحب من قلب قادر يحافظ على هالثقه.
سأعرفك مهما بدوت قاسياً مجروحاً حاداً ومؤذي.سأميزك دائماً٫سأعرف روحك التي لم يعرفها أحداً بهذا القدر سواي.
