Ask @s_s_shammari:

سلطان انا صرت حسوده وصرت اذا شفت الشي اللي ابيه عند غيري ابجي حيل واتضايق وانا مو جذي والله 💔

السبب اكبر من انك صرتي تحسدين
الموضوع امور اثرت ع نفسيتك جعلتك بهذه الحالة
معرفة تلك الاسباب وحلها ستجعل الامور الاخرى التي تأثرتي بها وجعلتك حاسدة ستتغير وتتحسن مع الوقت

هي الحين متزوجه استحي اراسلها احس وقتها مو لها ما اقدر ياليت اختها وصلت كلامي بس ماتبي تدخل نفسها لو كنت مكانها دخلت نفسي وصلت الكلام شكرا لك سلطان

العفو الي تشوفينه انا اقول لو حصل مجال ترسلين لها واعتقد انه وصل لها من اختها
وهذي نصيحتي لك

View more

لانه لو مسلمه كنت انا ارتحت وبنفس الوقت الكل يلومني طيب هي كان سلمت وتعرف عماتي كان قالتلهم انه خلوها تجي 😭الوقت كله كان نظرات كلمت اختها تقولها انه مو قصدي اني ما اسلم عليها بس اختها ماتبي تدخل نفسها 💔

الخوف المتبادل انك تردينها او تردك
تبين نصيحتي
ارسلي لها رساله قولي كان ودي اسلم عليك خفت ترديني
حبيت اقولك شعوري اني كنت مبسوطه بشوفتك
اكتبي كذا واكتفي بهالكلام
راح ترد عليك وتبادلوا الكلام عقبها
بسيطه جربي وشوفي

View more

سلطان صارلي يومين انطرك ترد تتذكر اني قتلك بقابل بحفله صديقتي ومتفرقه عنها سلطان ماسلمت عليها وبنذبح صارلي اسبوع ابجي غصبا علي طول الوقت تطالعني يعني تعالي بس احس في شي خلاني ما اسلم حتى تكرم لحقتها للحمام طالعتني وحطت راسها بالتلفون الكل يقولي ليش ماسلمتي طيب هي ليش ماسلمت انا مو قادره أوقف بجي_

سلطان انا عندي فراغ من الناحيه العاطفيه كل رفيجاتي تزوجوا وما اقدر اكلمهم لانه خلاص مشغولين واكتفوا وانا اتكلم عن الصعيد العاطفي لكن بالحياة العمليه انا انسانه ناجحه وتخصصي قوي وقارئه وكاتبه وعندي الهوايات اللي افرح فيها وتاخذني حق عالم ثاني لكني صرت ابحث عن الحب كرهت الصداقه صرت ابي احس انه ممكن_

انا مكلَمة اولاد بس كان استفسار عن دراسة عادي؟

شوفي الحين انتي لابد اذا بتسوين اي شي ولو كان بنظرك عادي
سويه بحساب جديد
ولا يدري زوجك بأي حال من الاحوال عن هالحساب
افهمي هالشي
مجرد شك انك تراسلين شخص لمجرد دراسه راح يقودني التفكير والشك لأمر اكبر
استعيدي حسابك عن طريق رقمك او ايميلك
وعيشي حياتك مع زوجك بحب
لكن هالأمور امور تحصل في كثير من المتزوجين الجدد او المخطوبين
انتي ما تعرفين عن العلاقات لا تتكلمين عن طلعات البنات
لا تقولين انا انسانه اعرف انتي مع خطيبك ما عمرك شفتي بنت تسوي اي شي غلط
انتبهي هالكلام يزيد الشك
بالعكس انسانه درستي ولا شفتي شي سمعتي امور بسيطه بس ما تنصدق
اي سؤال عن الشك من خطيبك قولي ليه شاك فيني اقفلي ع هالموضوع لا تفتحه معي مره ثانيه
ولا تزعلين زعل كبير بالعكس
هذا امر طبيعي يحصل وينتهي مع الوقت

View more

هو شكاك و كان يختبرني كثير على تويتر من حسابات ثانية و انا ادري انه هو لأني معرف اَي شاب غيره . بعدها ما قدر يصبر قام هكر حسابي. ما يكفي انه يتابعني و مسوي لي فلو؟ هل هذا شخص طبيعي

شوفي كثير من الشباب
حتى المتزوجه تسويها بزوجها بعد الزواج تسوي حسابات بنات وتختبر ازواجهم
من الغيرة او تجربة وما شابه
وقت فقط وينتهي
لكن هل هناك راحه له انسان شخصيته حلوة ويحبك هنا الاهم
اما موضوع الشك مجرد وقت وينتهي

View more

ايه مربوط بجوالي بس غير كلمة المرور هو ، ماعلي لو رجعته بس كيف هذا بعيش معاه قد كذا مافي ثقة

انا اقولك وافهمي بشكل بسيط
ربما الانسان في بداية حياته يخاف ان تكون خطيبته صاحبه سوابق وهو مؤمن انها لا بس حاب يتأكد
متى ما ذهب هالشي من قلبه مع الوقت مثل ما دخل حسابك بيحاول ع الانستقرام وخلافه
لما يحس انك انسانه مالك بالعلاقات بيرتاح ويذهب هالشي
اهم شي يكون انسان مرتاحه له انتي
وهالشي فترة وتعدي

بالنسبه لي ماعندي مشكله اني اسلم واعرف اني انا الطرف اللي مسامح ويعز الطرف الثاني اكثر لكن الخوف غصبا عني انا طول ٦سنين مانسيتها بس انا ناسيه حتى ملامح الشكل ما احب اني التقي بشخص كان ماخذ جزء كبير من القلب والروح بطريقه بارده افضل اني ما اسلم عشان لا انكسر لكن اتمنى انه تسلم علي

حاس بشعورك
المحبه الكبيرة الي بقلبك لهالصديقة
معطيه هالخوف من انها تردك
مهما كان افهميها مني زين من تجربة
الناس تنسى والناس تعيش لحظات جديدة ومن تجربة اقولك
لا تفكرين بس
بمعنى الحين قولي بنفسك لا لقيتها شفتها وعيني بعينها
بقول يا هلا حي الله فلانة واسلم عليها عاش من شافك
ان شفتها بتصدصد بعديها واخليها
يعني افهمك شي بالحياة مهم جدا ما احد يقوله لك زي ما اقوله لك
في كل امور حياتك اي شي حطي ببالك جميع الخيارات ولا تفكرين عقبها خلاص
عيشي حياتك بدون ما تفكرين كثير بهالامر وراح تشوفين حياتك افضل
ودائماً حطي ببالك الشئ الافضل
فهمتيني

View more

راح أقابل صديقتي بعد فراق ٦سنين بحفله هي معزومه بعد عالحفله شلون اتصرف اسلم ولا اطوف خصوصاً انه علاقتي مع عايلتها جيده ولازم اسلم عليهم خايفه من المواجهه خايفه من ردت الفعل تكون جارحه خايفه اتضايق وبالنهاية انا راح اكون جالسه بالطرف الثاني لكن مدري شنو اسوي شلون اسلم عليها مستحيه منها ومرتبكه

ياهلا ويامرحبا
خوذيها قاعدة الجميع يخاف من القاء بعد فراق وخاصه الخوف من رده الفعل
انتي هالشعور داخلك وهي كذلك
وافهمي شئ مهم ان الزعل مهما كان ينتهي بمرور الايام وهي كذلك
لن تردك ابداً بالعكس ربما ستجد الفرصه للحديث معك مره اخرى
كل ما عليك ايجاد الفرصه لسلام عليها وابعاد الخوف من داخلك
لن يجد شخصاً الحياة وفي داخله يكمن شعور الخوف
الابتعاد عن التفكير يبعدك عن الخوف
احرصي عن الابتعاد عن التفكير فقط واعملي جاهده على ان تكوني مبادرة بالسلام ولن تخذلك ابدا وحتى لو لم ترد السلام وانا لا اعتقد هذا الشئ ستكونين صاحبه الفضل ولن تكونين في محل الغلط ابداً
شكرا لمرورك وسؤالك اتمنى ان اكون قد افدتك واسالوني متى ما اردتم

View more

Next