Ask @saadhamido03:

🎶-

LeeNa Abuarqoub ( لينـو ❤)
“But you need to talk to your brain and retrain it. If you’re going to write, you must teach it that a little insanity is going to be important.”
( لما اقرأ اش جميل و افهم الموضوع غلط😂😂)
~~~~~~~~~~~~~~
بتعرفو انت الثاني ؟ يعني انتا اللي بس انتا بتحكي معو بس تكون لحالك، يعني اللي لما تيجي تعاتب نفسك على اشي عملتو غلط، بيجي هو و بحاول يبررلك فعلتك بطريقه منطقيه، فبتروح انتا بترد عليه، و هو اكيد طبعاً مش حيسكت. ...
انا الصراحه بنبسط عليه بس ما يسكت، بحس شوي بالفخر الصراحه! انو انا اللي انشأت هذا الشخص المصر على رأيه اللي عم بقدم حجج منطقيه و بجادل بعقلانيه و عندو قوه شخصيه، حتى امراتن بيجي عبالي اعتزل و احطو هو بالواجهه، يعني بكون نفسي اكون انا الثاني و انا الثاني يصير انا اللي الناس بتعرفو !
المهم انت الثاني ما بسكت و بروح بقدملك اشي اكثر منطقيه فبتروح انت بتنعجق و بتحكيلو بلا هبل روح انقلع و بتسكر عالموضوع، مع انو باغلب الحيان ممكن يكون انت الثاني صح! بس خلص حتى بهاي الشغله في نظريه الهرم! يعني لو شو ما كان انت الثاني ذكي و عالم و فهمان و بطرح نقاط منطقيه الّا انه بكلمه واحده فيك تِخرسو، لأنك المسيطر، لانك اعلى منو بالهرم، بتحس الموضوع زي العصور الوسطى، اي عالم و مفكر ما كان يقدرو يناظرو لقوه علمه، يقولوله اخرس و يتهموه بالهرطقه،-بعرف ممكن اخر نقطتين ملهمش دخل ببعض-.
انا الصراحه اقل تطرف من هيك، يعني انا كبيري احكي لانا الثاني بعد "اخرس" طبعاً: " يزم انتا شو فهمك، اللي ايدو بالمي مش زي اللي ايدو بالنار" و هو بالعاده بنهي النقاش بعد هاي النقطه، طبعاً ما بنهيه لأنو مش عارف يرد علي، او لانو مش قادر يقدم حجج منطقيه، بس خلص صار يعرف انو مخي خرا و بعد هاي الجمله و لو شو ما حكي و عمل ما رح يقدر يغير فكري، فهو الله يرضى عليه بياخدني عقد عقلي و بحكيلي جملته المعهوده: " سعد مش عندك دوام بكرا؟ يلا انقلع نام" و انا الصراحه -و مع اني المسيطر- ما بقدر انكر عليه هذا القول، فبرد عليه
و بنقلع و بنام🤷🏻‍♂️.

View more

Next