بناء مدرسه ولسبب واحد انو بلكت واحد من ذوله الي حيدرسون بهل مدرسه يصير باجر عكبه ويساعد الفقراء ويبني الهم بيوت وهذا هم اجر الك وما الاعمال الا بالنيات
مرات الانسان يلتزم الصمت مو لان خوف بس مرات يكلك من اجل عين تقر لها الف عين وله ماكو انسان بهل وكت ما يعرف يرد بس اكو شي اسمه احترام تقدير غيره زاد وملح يوكف بعينك الماعون اله حوبته هاي عد اهل كبل بس هسه الناس كل المبادء مالته اختلفت بأقل غلط ينسى كل شي ف اني اعتبر الصمت هو قوة + وقار للشخص بس اكو خطوط حمره بنسبه الي ا اكدر اوكف عده و اول خط احمر عندي هو امي اذا شفت احد أذاه بكلمه بساعته ينتهي الف قريب و الف صديق و الف حبيب
امممم سوال حلو الاجابه مو يمي مع الاسف يم الله لان بيده كل شي بين قوسين احنه مطين هل موضوع اكبر من حجمه ما اكول الحب هو جذب او شي وهمي بس اعتبر الحب هو وسيلة جوز وسيلتك للزواج والله كاتبه الك او وسيلة لحزنك وراح تشبع قهر او الله ما يقسمه الك وتزوج زواج تقليدي وراه تبدي تحب مرتك جوز تلكه بيه اشياء تحبها علموده جوز تعامله ويا اهلك حلو فتحبه علموده او ويا جهالك او لان هو صاينتك ونصيحة مني للشباب عوفو سوالف سوبر مان و الابطال الخارقين اخطفج و ازوجج بسر او نعيش بره تره احنه عايشين بالواقع مو بفلم كارتوني يا رجلي 🙃 للواقعين فقط
بين قوسين راح انطيه بمختصر الانسان الزين بهل وكت ما يعيش ف خليك ع طبيعتك واترك تقيم الناس الك اذا جنت راضي عن نفسك و نفسك راضيه عليك و متصالح وياه فباقي الامور تعتبر تفاصيل صغيره وما راح اصغر نفسي حتى انزل اشوفه عيش لنفسك والبس الي يعجبك و اكل الي يعجبك لان دنيا صغيره و راح نعيشه مره وحده ف لو تعيشه بحريه وتمرد والشي الي تشوفه صح سوي لو روح اتبع القطيع وراعي القطيع وبالاخير يطيح حضك