Ask @safaashour20:

مساحة 🌸

-
" ﺃﻇﻦُ ﺃﻥَّ ﺭﻣﻀﺂﻥ ﻗﺪ ﺟﺎﺀَ ﻓﻲ ﻭﻗﺘﻪِ، ﻓﻲ ﺍﻟﻮﻗﺖِ ﺍﻟﺬﻱ ﻛُﻨﺖُ ﺳﺄﻓﻘِﺪُ ﻓﻴﻪِ ﺍﻷﻣﻞَ، ﻭﻓﻲ ﺍﻟﻮﻗﺖِ ﺍﻟﺬﻱ ﺃﺻﺎﺑﻨﻲ ﻓﻴﻪِ ﺍﻟﺘﻌﺐ "

View more

مساحة

.
مش رح أبلش كلامي بكيفك ، لأنو كيفَك معآدش بهمني ،
رح أكتب كلام كثير و بعرف إنّك رح تقرأ و متأكدة ،
بعد شهور كثيرة من محاولة نسيانَك بقدر أحكي إنّي بلّشت أحقق هدفي ، ما بقدر أحكي إنّي نسيتك ، بس صرت أعرف أتناساك ،
مستعدة أفكر بلون المناكير أو مسلسل أو أي إشي تافه و ما أفكر فيك لأنو التفكير فيك خسارة ، صرت ألهي حالي بكل إشي لحتّى ما أفكر فيك ، حذفت بوستاتي يلّي عنّك ، و نصوصي يلي كتبتها إلك و كلشي بخصّك ، زعلت على حالي قدّيش كآينة أقدّس حبّك ، حب كثير لشخص ما بيستآهلو ، ما بقدر أحكي إنّي كرهتك ، بس بلّشت أحِس بقرف تجاهك ، تجاه مشاعري إلك ، تجاه حالي و قلبي لمّا يحنّلك ، و القرف شعور إنتصار بالنسبة إلي ، بطلت أفوت أتطلع بصورك ، ملامحك و تفاصيلك بطّلت تشّدني ، حروفك و وجودك بطّل محور حياتي ، قلبي بيغلبني لحظات و بحِن ، بس هالمرّه القرف طاغي على الشوق ، حرفيًا أنا قرفانة منّك من آخر موقف صار ، هاد ثمار قسوتك ، كنت و ما زلت أوسكار باللئمنة و الظلم !
كنت رافضة فكرة إنّي أحِب بعدك ، و بلشت تتغيّر قناعاتي ،
رح أحِب و أنحب ، و ألاقي " زلمة " ما بيخون وعودو و ما بيكسر كلامو ، زلمة قد كل حرف بحكيه ، مش ولد جبان بهرب عند أول عقبِة بطريقنا ، شخص يستاهل حُبّي و حنيّتي و قلبي يلي هما خسارة فيك ، مش ندمانة على حبّك ، لأنو وصلني لجمود خيالي ، لقسوة كبيرة ، لعدم مبالاة رهيبة ، لقوّة عظيمة ، مستحيل أنكسر بعد اليوم أو أوقع .
بالنهاية ؟ أنا مش مسامحتك على وجعي يلي تجاوزتو ، ولا على دموعي يلي كانو ينزلو ، ولا على فشلي بسببك ، ولا على تغيّر نفسيتي منّك ، مش مسامحتك على أي إحساس مرّيت فيّو ، أنا بكل صلاة بدعي ربنا ياخد حقّي منّك أضعاف ، بتمنالك شر كثير ، و أيام بشعة ، بتمنى همومك تصير جبال على قلبك ، و يا رب ما تذوق طعم الراحة بيوم ، و خطيتي تضل تلاحق فيك ليوم الدين ، وإللي خلق الروح بعمري ما بسامحك ، ويجعل خطيتي تكسرك و تنهيك ، و يوخد حقّي من راحتك و سعادتك ، الله يوجعك ضعف كل مرّة وجعتني فيها ، الله يذوقك الإهانة يلي كنت أحسها بسببك ، الله يذلّك مثل ما ذلّيت قلبي ، الله يستجيب لكل أدعيتي ، و لو وقفت قدامي يوم الحساب طلبت السماح ، بعمري ما بسامحك ، الله يكسرك.
" روح الله لا يهنّيك مثلي بجرح يبليك تموت و ما يشفى "

View more

Next