Ask @safadana9:

جمعة مباركة ، 🌸

Mohammad ⁦✌️⁩
علينا وعليك 🌸🍂
على قد ما في بالدنيا خير وناس منيحة ، على قد ما فيها سوء وناس سيئة .. 🙅
يمكن متعودين علي دايماً أحكي عن التفاؤل والايجابية وعن الخير يلي عند الناس بس هالمرة خليني أفتح عيوني على واقعنا شوي وبعد ما نحكي عن الصفة الظاهرة على مجتمعنا خلينا نحاول نوصل لحل يخفف من خوفنا .. 🙅🌸💙
إحنا بنعرف إنه كتير ناس وصلت لمرحلة مُخيفة من السوء ، ناس مستعدة تأذي وتجرح وتكذب وتخون وتسرق وتُكفر وتخدع وتنافق و و و و ... الخ ، بس مشان تمشي أمورها ومصالحها بغض النظر عن شو رح يصير بغيرها .. 😩
بنعرف إنه حتى أقرب الناس إلنا ويلي أحيان كتيرة ممكن نكون إحنا وياهم ب مُحيط واحد وبربطنا دم وأصِل واحد بس مع ذلك مستعدين يدمرونا اذا شافونا أحسن منهم او عنا أشياء بتميزنا عنهم ..
كلنا بنعرف ناس بتمنع الخير عن غيرها رغم انها بتقدر تساعد بدون ما يأثر عليها ، بس " الحقد والأنانية " بتغلب على دافع العطاء عندهم ... 🙏🙅🙅🙅🙅
عاشرنا ناس خانت العهد ، وناس أخدوا منا بلا ما يعطوا ، ناس أفشوا السر ، وناس حكوا علينا من ورانا إشي مش فينا ، وقدامنا حبونا بنفاق ودهاء .. 🌸
خلينا متفقين انه أي حد عنده سوء وبقدر ببساطة وبلا أي تأنيب ضمير يأذي غيره بأي طريقة او بأي شكل هو شخص مريض نفسياً وعنده نقص ما بقدر يكمله إلا بهاي الطريقة وهو حتماً شخص بعيد عن ربنا وهدول الناس لازم نعمل حد كتير كبير بينا وبينهم اذا كانوا اشخاص ما بتقبلوا النصيحة وتصرفاتهم مستحيل يغيروها للأحسن .. 😩🙏🙅
هاي هي حقيقة مجتمعنا يلي إحنا المفروض نتجاهلها وما نضل نفكر فيها أو نحكي فيها عشان لازم ننسى ولازم نكمل حياتنا بلا عُقد نفسية من الناس وبلا خوف زايد على حالنا من غيرنا ..
انت بس خليك ماخد حَذَرك من كل الناس ومش ضروري تكشف أوراقك لأي حد ، خلي ثقتك محدودة وما تعطيها إلا للي بستاهلها ..🌸🌸
والأهم من كل هاد حاول قد ما بتقدر انك ما تحتاج غيرك ولا حتى بإشي بسيط عشان شغور الخذلان او زي ما نحنا بنسميها " تنكيسة " بس نيجي نطلب من حد شغلة ويرفض ، شعور صعب كتير بخليك تفكر إنه السند كلمة كبيرة ، وكتيرة على أي حدا . 🍂♥

View more

Next