-
أجدك بيني وبين الوحدة، بيني وبين التهور، بيني وبين المساوئ، أجدك حتى في غيابك الكثيف حاضرا معي تمهد لي الليل، وتدخلني إلى الفجر.
3:12
حَ
3:12
حَ
Liked by:
ايلول محمد《 اللهم قوة 》❤
تَعْب
صوفي_Lolo
S
❤️ Likes
show all
Latest answers from ساجدة أكرم.
احلى مين كبر سنة
حبيبتي شكراً لذوقك ، الله يهدّي بالنا ونحس بمتعة العُمر والنضوج
ساجدة
صوت عقارب السّاعة مش اعلى من صوت ضحكة ببو يونس حبيب الماما ، يومين وبصير تسع شهور ، م شاء الله شو سريعة الايّام لسّا مبارح كنت بحس بالآم المخاض فيه ، بصراحة شو عبالي ينام هو وارتاح شويّ انا ، بس حتى بضحكته الساعه 2:00 الفجر حلاوة من نوع تاني خصوصاً انها ممزوجة بالتعب عندي ، عصّبت عليه شويّ وضربني كتير بس اخرتو ينام لو مش هلا كمان ساعات ..
يمكن حسّيت اسمي لازم يكون مربوط بشيء مقدس ؛ م لقيت اغلى منّه عندي ، بحبّه وبحبّ ابوه يلي خلّاني اعيش الامومة بهالقد امتنان ،
بتمنى هو بس يكبر يتذكّر شويّ من تعبي عليه والكثير من حبّي ، بحسَ مشبعتش من ريحتو وطعمو وحضنو ، بتمنى
يكون صعب ليّن حنون حازم صادق طموح حنون ذكي ساعِِ ومُمتن
وحنون ..
وشو بتمنى لنفسه واكتر.
يونس ابن ساجدة*
م شاء الله 💙
يمكن حسّيت اسمي لازم يكون مربوط بشيء مقدس ؛ م لقيت اغلى منّه عندي ، بحبّه وبحبّ ابوه يلي خلّاني اعيش الامومة بهالقد امتنان ،
بتمنى هو بس يكبر يتذكّر شويّ من تعبي عليه والكثير من حبّي ، بحسَ مشبعتش من ريحتو وطعمو وحضنو ، بتمنى
يكون صعب ليّن حنون حازم صادق طموح حنون ذكي ساعِِ ومُمتن
وحنون ..
وشو بتمنى لنفسه واكتر.
يونس ابن ساجدة*
م شاء الله 💙
-
وعد يوماً قالت لي :
"أنتِ والدة الأشياء، تمنحين الأشياء دوماً أمومتك".
ولم أجد أفضل من صورة وجهي وطفلي تحت هكذا وصف
اللهمّ اجعلهُ من البارّين بأمّه.
"أنتِ والدة الأشياء، تمنحين الأشياء دوماً أمومتك".
ولم أجد أفضل من صورة وجهي وطفلي تحت هكذا وصف
اللهمّ اجعلهُ من البارّين بأمّه.
+ 1 💬 message
read all
لم يكن ذنبي يا ساج، لم يكن ذنبي أنني خُلِقتُ… لا زلت يا إلهي على قارعة الطريق أصارع أفكاري وتصارعني مخاوفي. أنتظر أن يفهمني العالم دون أن أهمس له بما يدور في جوفي… أيها العالم، افهم قلباً خانته الأيام وروحاً أثقلتها الجراح… ويا أصدقاء: متى ستكفوا عن الرحيل؟
اسمحيلي أرد عليكِ بصوتي مش بحرفي ، لو فهمت صح انتِ
غلطانة كثير ، تعي جربي اطلعي من دور الضحيّة - مش استخفافاً فيكِ لا سمح الله -وإنما منطق ، كيف راح تتقدمي وانتِ عايشة ببؤس الوجود والاستخلاف؟ انخلقتي عبث؟ طبعاً لا ، انما انتِ وحدك مستخفة بنفسك ..
مين قال الحياة ورديّة ومش كُلنا عم ننطحن بظروف وتعب وشقى وموت ووجع ومسؤوليات؟ انا معك مبلا الطريق طويييييلة وثقييييييلة جداً جداً بدون رفيق يفهمنا ، بس مرّات بنحكي وبنشكي وبنعتب وبنصرخ كمان واحبالنا الصوتيّة بتتقطع ومش عم ننفهم !!
الخلل مش فيهم ولا فيكِ.
بس غيري المكان والنّاس. ارمي بوصلتك بشارع تاني ، خلّي رجلك تجُرّك ، وتعلّمي تكوني مع يلي يفهم عينك مش صوتك ، يفهم رجفة نَفَسِك مش دمعتك.
ولوّ ساجدة محسوبة من الاصدقاء فأنا مش راحلة ، واكبر دليل انّك جيتِ بألمك هون ، وعلى طول ضلّك هيك .. القصّة الحياة اكبر مني بكلشي فيها ولا انا قادرتلها ولا هي قادرتلي
بالبُعد ادعيلي ، وبالقرب كمان ، الله يمطر على قلبك براحة بال وفرج
غلطانة كثير ، تعي جربي اطلعي من دور الضحيّة - مش استخفافاً فيكِ لا سمح الله -وإنما منطق ، كيف راح تتقدمي وانتِ عايشة ببؤس الوجود والاستخلاف؟ انخلقتي عبث؟ طبعاً لا ، انما انتِ وحدك مستخفة بنفسك ..
مين قال الحياة ورديّة ومش كُلنا عم ننطحن بظروف وتعب وشقى وموت ووجع ومسؤوليات؟ انا معك مبلا الطريق طويييييلة وثقييييييلة جداً جداً بدون رفيق يفهمنا ، بس مرّات بنحكي وبنشكي وبنعتب وبنصرخ كمان واحبالنا الصوتيّة بتتقطع ومش عم ننفهم !!
الخلل مش فيهم ولا فيكِ.
بس غيري المكان والنّاس. ارمي بوصلتك بشارع تاني ، خلّي رجلك تجُرّك ، وتعلّمي تكوني مع يلي يفهم عينك مش صوتك ، يفهم رجفة نَفَسِك مش دمعتك.
ولوّ ساجدة محسوبة من الاصدقاء فأنا مش راحلة ، واكبر دليل انّك جيتِ بألمك هون ، وعلى طول ضلّك هيك .. القصّة الحياة اكبر مني بكلشي فيها ولا انا قادرتلها ولا هي قادرتلي
بالبُعد ادعيلي ، وبالقرب كمان ، الله يمطر على قلبك براحة بال وفرج
كتير شتقتلك وبفتقدك.. وكتير كتير نفسي أحضُنك..
حاسّة برغبة عملاقة للفضفضة ، صرلي كثير كاتمة شعوري بالعجز ، بالالم ، الحشرجة يلي بحلقي ، دمعتي يلي بنزلها بس احط بطن ببو يونس على صدري عشان م يشوفها ، سئمت الاخبار ، وبهرب منها ولو تطلع قدامي بغمض عيوني ، على طول زوجي بحاول يطلعني من الجوّ يهديني ، لكن العجز والقهر شو يسكنّهم؟
احضن ابني واعيط؟ وبعدين؟ واللهِ م كافي يريحني ، عندي بلسم حبيبتي .. بلسم وخالتي امّ البهاء يلي على طول بحكيلها ربنا يجمعك بالدكتورة بلسم ،
حبيبتي نازك الطّيبة تزوجت ورجعت من مصر زياره لعند اهلها ويا ريتها ما رجعت.
ولاء ..التقيّة الدافية ،
رنا .. استشهدت بنتها الرضيعه وزوجها..
وكثيرين وكثار ،
تعب قلبي يحصّي ناس راحت ،
انا حقيقي استوعبت قدّيش الفلسطيني حامل وطنه بقلبه.. حداد.. مش عم بدوق طعم الهنا الا بضحكة ببو يونس ،
حتّى اليوم من كم ساعة غنّيت ليونس
" بلادي بلادي بلادييي لك حُبي وفؤادي "
وضحك كثير وشاركني برجليه وايديه وكلّو حماسية
وعد ي ماما لتتشرب حُب البلاد اكثر منّي ولاحكيلك عن كل حارّة وبيت وزقة انا بعرف قصّتهم
ي الله ي حبيبي شو بتمنالك مستقبل حنون .. عكس ايامنا القاسية الباردة هايّ.
شكراً ملك ، بِحُضنك خلّتيني اتنهدّ وأعبّر ، اوف شو كنت محتاجته!. 💙🙏
احضن ابني واعيط؟ وبعدين؟ واللهِ م كافي يريحني ، عندي بلسم حبيبتي .. بلسم وخالتي امّ البهاء يلي على طول بحكيلها ربنا يجمعك بالدكتورة بلسم ،
حبيبتي نازك الطّيبة تزوجت ورجعت من مصر زياره لعند اهلها ويا ريتها ما رجعت.
ولاء ..التقيّة الدافية ،
رنا .. استشهدت بنتها الرضيعه وزوجها..
وكثيرين وكثار ،
تعب قلبي يحصّي ناس راحت ،
انا حقيقي استوعبت قدّيش الفلسطيني حامل وطنه بقلبه.. حداد.. مش عم بدوق طعم الهنا الا بضحكة ببو يونس ،
حتّى اليوم من كم ساعة غنّيت ليونس
" بلادي بلادي بلادييي لك حُبي وفؤادي "
وضحك كثير وشاركني برجليه وايديه وكلّو حماسية
وعد ي ماما لتتشرب حُب البلاد اكثر منّي ولاحكيلك عن كل حارّة وبيت وزقة انا بعرف قصّتهم
ي الله ي حبيبي شو بتمنالك مستقبل حنون .. عكس ايامنا القاسية الباردة هايّ.
شكراً ملك ، بِحُضنك خلّتيني اتنهدّ وأعبّر ، اوف شو كنت محتاجته!. 💙🙏
استوقفتني إجابتك الأخيرة… يا أم يُونس، بوركت الوالدة والمولود.
جئتُ وخانة الاسئلة لديّ مُكتظة ، لكنني في الحقيقة لم أُعد قراءة اي منهم سوى الثلاث خاصتك، لربّما رائحة الشام أتت ، لستُ متأكدة فإحساسي اخيراً يخيب كثيراً وتكراراً ، في الحقيقة سعيدة لانّ اول ما يجيء في خاطركم هو انّي - مقدسيّة - وأشعر بالفخر جدّاً حينما يسبق هذا الوصف العظيم اسمي وشخصي ، وقلبي منفطر على حال البلاد وحالنا ، ليتني استطيع مشاركة ماهية القهر الذي في صدري، حتّى هذا النفس مُحاسبةٌ عليه ، أكاد أختنق .. لا أُشاهد ولا اسأل .
لكنني كاذبة.. لي الكثير هناك ، والكثير الكثير من الاحباب ..مثلاً حينما كنت حامل أخبرت رنا بعدما باركت لها في حملها فظنت انّ ابنتها ستكون الاكبر لكنّ في الحقيقة صغيري يونس يكبرها بشهران .. البارحة… استشهدت طفلتها الصغيرة وزوجها الذي خاض المستحيل من أجلها ، لم أنم حسرةً والم وعجز.
أكره النهايات والفراق فما بالك نهايةٌ كهذي وفراق لا ينسى .
أمّا عن تنبؤك بردة فعلي وتخمينك .. بعد رائحة الفراق المميتة وددت أن أخبئ كل من اعرف واحاوره واعيد الذكريات ورائحة الاصدقاء للاماكن . يّاه كم كبرت في اليوم سنين
شكراً للدفئ السّاطع فيما بعثت ، والعُقبى لشمس الحق الساطعة في سماء الكون. اكتفيت بالرد فقط هُنا .
لكنني كاذبة.. لي الكثير هناك ، والكثير الكثير من الاحباب ..مثلاً حينما كنت حامل أخبرت رنا بعدما باركت لها في حملها فظنت انّ ابنتها ستكون الاكبر لكنّ في الحقيقة صغيري يونس يكبرها بشهران .. البارحة… استشهدت طفلتها الصغيرة وزوجها الذي خاض المستحيل من أجلها ، لم أنم حسرةً والم وعجز.
أكره النهايات والفراق فما بالك نهايةٌ كهذي وفراق لا ينسى .
أمّا عن تنبؤك بردة فعلي وتخمينك .. بعد رائحة الفراق المميتة وددت أن أخبئ كل من اعرف واحاوره واعيد الذكريات ورائحة الاصدقاء للاماكن . يّاه كم كبرت في اليوم سنين
شكراً للدفئ السّاطع فيما بعثت ، والعُقبى لشمس الحق الساطعة في سماء الكون. اكتفيت بالرد فقط هُنا .
ساااجدة
استوقفني اسمي وقررت هالتفصيل م انساه واشاركه هون يمكن يجي يوم بنتي وابني يتعلمو منّه بس يقرأوه ولانّه لا حول الي ولا قوة ، استخرت ربنا وتنازلت عن شهادتي وطموحي وعلمي ووظيفتي لانّه م قدرت اتحمل القيود على ضميري وانسانيتي بمكان عملي ، اول مرّة كنت امّ لاطفال توّحد وحكيت بحياتي م بتركهم على قد م تعلقت فيهم ، وتركت .. ببساطة الفعل وعُمقه بداخلي لليوم ، أمّا هلا بالوظيفة بشهداتي كنت اسعالها من زمان ومدّة م قدرت ، م تحمّلت ، كنت اشوف ڤيديوهات تحطم فؤادي وتمزّقه واروح على وظيفتي رجل قدام ورجل ورا لانّي مقدسيّة ولانه مستقبلي المهني تحت ادارة صهيونية ، جيت على حالي وربطت لساني لانّه كلشي حوليّ مسعور ، خفت على ابني ، وأهلي وزوجي ، بس من كثر م هنن مُستفزين حتى بمكان عملي ماكينة الميّ حاطين عليها اعلام اسرائيليه ،
بعد عراك نفسي شرس ، خسرت وظيفتي وقدمت استقالتي
وفعلاً قراري هاد خسرني كثير
بس كسبت " ساجدة " بمواقفها بوطنيتها بمبدأها بقوتها بضميرها وتنفست ، واللهِ جبال نزلت عن كتفي.
متأسفه لانّه فش بايدي اكتر ..
الطوفان 2023 / نوڤمبر
بعد عراك نفسي شرس ، خسرت وظيفتي وقدمت استقالتي
وفعلاً قراري هاد خسرني كثير
بس كسبت " ساجدة " بمواقفها بوطنيتها بمبدأها بقوتها بضميرها وتنفست ، واللهِ جبال نزلت عن كتفي.
متأسفه لانّه فش بايدي اكتر ..
الطوفان 2023 / نوڤمبر
-
هذا النصّ لصغيري وطفلي الاول يونس
حبيبي ذو الغمارات والعيون ، هكذا سأبدأ ، جئتَ يا ماما بعد الكثير من المعارك ، والكثير من الالام ، تماماً كما كنتُ اتخيّلك وأقول لبابا " رموشه طويله غمازات كثيرة ووجه بشوش "
ولله الحمد اكرمني بك بلا حولٍ منّي ولا قوة
جئت وجاء الخير ، كُلُّ الخير ، رسمت لك اياماً ومستقبلاً ، بدأت اُخطط وأقول وأبحث وأسعى ، هذا كُلّه لك
صرتَ حاضري ومستقبلي وفرحي وامتناني وكلُّ المعاجم التي تُفسر معاني دهشة ، عشق ، حُبّ ، غرام ، روح ، فؤاد.
اليوم أُمسك كف يداك بنومك عشرات المرّات ، أشتمُّك مئات المرات ، يجيء والدك وانا ابكي ضامةً ايّاك بشدّة فيحضننا انا وانت ويفهم ..
هذا هو حال قلب كل من يُحبّ البلاد يا صغيري ، لطالما أحببت فلسطين وطني ، وبسببك انتَ فهمت كيف يكون الوطن روح صغيرة .
خُلقت فلسطيني من أّمٍّ مقدسية وأبّ عظيم ، فلسطيني حتّى النخاع ، وددتك لو تكبر باليوم عامان ، على هذي الحسبة انت الآن تفوق عمري مرتان واكثر ..
سأحدثك عن وائل الدحدوح ، تذكّر اسمه جيّداً فهو أبّ الصحفيين ، عن مخيًم جنين واجتياحه عام 2002 وما بعد ذلك ، عن درجات باب العامود ، وبيت جدتي الذي هُدم ، زيت الزيتون البكر ، الكوفيه التي زُففت بها لوالدك ، عن الشيخ جرّاح ، واراضي ال 48
واخيراً .. لا تصالح ولو منحوك الذهب.
25/ تشرين الاول /2023
حبيبي ذو الغمارات والعيون ، هكذا سأبدأ ، جئتَ يا ماما بعد الكثير من المعارك ، والكثير من الالام ، تماماً كما كنتُ اتخيّلك وأقول لبابا " رموشه طويله غمازات كثيرة ووجه بشوش "
ولله الحمد اكرمني بك بلا حولٍ منّي ولا قوة
جئت وجاء الخير ، كُلُّ الخير ، رسمت لك اياماً ومستقبلاً ، بدأت اُخطط وأقول وأبحث وأسعى ، هذا كُلّه لك
صرتَ حاضري ومستقبلي وفرحي وامتناني وكلُّ المعاجم التي تُفسر معاني دهشة ، عشق ، حُبّ ، غرام ، روح ، فؤاد.
اليوم أُمسك كف يداك بنومك عشرات المرّات ، أشتمُّك مئات المرات ، يجيء والدك وانا ابكي ضامةً ايّاك بشدّة فيحضننا انا وانت ويفهم ..
هذا هو حال قلب كل من يُحبّ البلاد يا صغيري ، لطالما أحببت فلسطين وطني ، وبسببك انتَ فهمت كيف يكون الوطن روح صغيرة .
خُلقت فلسطيني من أّمٍّ مقدسية وأبّ عظيم ، فلسطيني حتّى النخاع ، وددتك لو تكبر باليوم عامان ، على هذي الحسبة انت الآن تفوق عمري مرتان واكثر ..
سأحدثك عن وائل الدحدوح ، تذكّر اسمه جيّداً فهو أبّ الصحفيين ، عن مخيًم جنين واجتياحه عام 2002 وما بعد ذلك ، عن درجات باب العامود ، وبيت جدتي الذي هُدم ، زيت الزيتون البكر ، الكوفيه التي زُففت بها لوالدك ، عن الشيخ جرّاح ، واراضي ال 48
واخيراً .. لا تصالح ولو منحوك الذهب.
25/ تشرين الاول /2023
كيفك اليوم
الحمدلله ، محدّش مبسوط ومرتاح ، قلوبنا دقاتها سريعه وتعبانه ، في خوف ع اخوانّا دائماً ، بعبط ابني قد م اقدر ، بشمّو قد م اقدر وبدعيلو طول الوقت الله يحفظه من كل اذى وشرّ ويحفظ الجميع، يمكن كافي هيك احكي؟
بكره الليل .. صرت اكرهه كثير على قد م بحبّو .. ي رب وراه تكون شمس الحقّ ساطعة..
بكره الليل .. صرت اكرهه كثير على قد م بحبّو .. ي رب وراه تكون شمس الحقّ ساطعة..
+ 1 💬 message
read all
_
قد تبكيك بلادك باليوم سنين.