لو واحده صحبتي كل ما اكلمها بتتأخر عليا ف الرد باليومين و بحط احتمالات كتير ان ممكن مشغوله وكده بس بلاقيها فاتحه فيس وبتشوف الاستوريز و اكتيڤ و كل حاجه و الموضوع اتكرر اكتر من مره وانا عاتبت كتير و دي حاجه عكس طبعي و ف نفس الوقت مش عايزه اخسرها وبحبها جدا انا عاتبت تاني ومستنيه الرد ف حد عنده حل؟
بقولك اي عشان دي مشكلتي الكبيره مع معظم الناس و للاسف انا مش بلوم غيرهم و مش بلوم نفسي نهاءي
..
انا لو ببان ليكي اني قاعده عالفيس ده بيبقا بس مجرد اني شيرت بوست ف لحظه و مشيت
او كتبت كومنت ف ثانيه و مشيت و قفلت
لو بشوف الستوريز
ف بشوفها في لحظه و اقفل و بعد عشروميت ساعه بشوف البعدها
و هكذا
يبدو الانسان ليكي انو اكتيف علي السوشيال ميديا
في حين انه مبياخدش من وقته غير لحظات فاليوم
الكلام في الشات بقا حاجه تانيه
محتاج مني تركيز و وقت و هرد عليكي وانت هتردي و هنتكلم و مش هقدر ارد في لحظه و اقفل زيها زي ما بشير بوست
ف لما ببقا فاضيه و ف وقت يسمحلي اركز برد
يبقا نكبر كده و نعقل عشان الدنيا مش مستاهله ان حتى الصحاب يبقو مصدر ارف لينا بجد
شكرا لحسن استماعك
نبهبيها مرة اخيرة و لو عايزة ابعدي العدي او هتتأقلمي انها سخص بيرد متأخر
استنى لما تشوفيها وجه لوجه ممكن يكون ف حاجه مزعلاها
ملقتيش حاجه الموضوع اتكرر ممكن تعمليلها ان فريند من ع السوشيال وعادى ان اصحاب لسه بس ممكن نرن على بعض فون او نتقابل انما سوشيال لا
بصي هي ممكن تبقي مشغولة او مش طايقة نفسها وبتفتح الفيس تغير من نفسيتها شوية والسوشيال ميديا سبب دمار العلاقات
مادام هي كويسة معاكي فالحقيقة فعادي اما لو متغيرة فعاتبيها
تجاهليها وكبري دماغك متركزيش مع مين كلمك ومين لأ اشغلي نفسك عشان ميكونش عندك فراغ تركزي مع حد
انا ليا واحده صاحبتي كدا وبنقعد بالشهر مبنكلمش بعض وبينا مسافات مش ف نفس البلد وبشوفها كل شهر او شهرين مره .. كل ما اجي انزل البلد خل الشات اناديها تقولي جايه؟ ونرتب الخروجه واشوفها لا بعاتبها ولا بتعاتبني وبننبسط وبيكون اجمل وقت ف حياتي لما بشوفها واكون معاها💖
ولا عمري فكرت اقولها مبترديش او مبتساليش وبجد الغدر والقرف مجاش غير من اللي بنكلمهم ٢٤ ساعه ومهتمين ببعض اوي هما اللي طلعوا ميستاهلوش وكمان كل واحد مشغول ف حياته وحاله ونفسية كل واحد متغيره والطاقات كمان لو هيا مش قادره ترد وتفتح مواضيع وتتكلم اكيد دا ليه تقديره ومنقدرش نغصب حد على كدا احكمي بالاهميه لما تقعي او يحصلك مشكله او فرحه لو مكنتش جنبك ومعاكي اول واحده يبقي متشتاهلش عتاب ولا تستاهل تحبيها غير كدا هيا اقرب حد ليكي واكتر حد بيحبك برغم قلة الكلام ولو هيا مش مبينه دا ♥
يمكن هي مش بتحب الشاتينج يعني عادي احترمي مساحتها الشخصيه
فَما كُلُّ مَن تَهواهُ يَهواكَ قَلبُهُ
وَلا كُلُّ مَن صافَيتَهُ لَكَ قَد صَفا
إِذا لَم يَكُن صَفوُ الوِدادِ طَبيعَةً
فَلا خَيرَ في وِدٍّ يَجيءُ تَكَلُّفا
ممكن لو لقيتي حل تقوليلي ضروري
من غير جايز هي اكتيڤ زي مابتقولي بس ملهاش مزاج تكلم حد نفسيا مش عاوزه خلي ده كمان احتمال وارد .. اسالي علي فترات واديها مساحه ووقت تشتاق .. المحبه الزياده احيانا بتخنق
