أشد إنتقام ممكن تعمله مع حد.. إنك تتجاهله وتتجنبه. زمان لما ٣ من الصحابة مراحوش الحرب مع النبي ﷺ وخافوا من الحر والموت.. ساعتها كان قرار النبي معروف.. الخصام!. النبي ﷺ خاصمهم هو والصحابه كلهم.. مكانوش بيسلموا عليهم، ولا ياكلوا أو يشربوا وياهم، ولا يتشتروا أو يبيعوا ليهم. ساعتها الـ ٣ إتخنقوا، وحسوا إن الدنيا في عيونهم أضيق من خُرم إبره، لا بقوا عارفين ياكلوا، ولا يشربوا، أو يناموا.. ندموا ندم شديد.. بكوا، وإعتذروا، وتابوا.. الخصام والتجاهل النبوي كان أقسي عليهم من الموت نفسه، وعانوا نفسيًا لدرجة تفوق إحتمال أي إنسان. لحد ما ربنا غفرلهم، ونزلت فيهم سورة التوبة، وساعتها سامحهم النبي ﷺ وأصحابه. - ومن هنا لازم تتعلم ترتقي بنفسك عن اي نزاع أو خناقات فارغة لأنهم مش دليل علي قوة الشخصية، ولكن القوة هي إنك ماتحرقش مجهود مع حد، وتخليه ياخد حيز ورُكن من تفكيرك، كل اللي عليك ترجعه غريب.. كأنه إتبخر من حياتك زي المية المغلية.. مابقاش ليه وجود في قاموس معارفك، وساعتها هتبقي فعلاً رديت كرامتك، وخدت حقك تالت ومتلت. وعلي راي دكتور أحمد خالد توفيق الله يرحمه: الشخصيات القوية لا تنتقم ولكن تُرجع الأشخاص غُرباء كما كانوا.
انت متعرفش حاجة عن اسباب الناس انت متعرفش هو ساكت ليه ؟! قال الكلام دا ليه ؟! ليه قرر يمشي ؟! ليه لسه موجود ؟! .. انت معندكش اى صورة كاملة عن اي حقيقة براك ! انت عندك تفسيراتك انت , تحليلاتك انت ادراكاتك الخاصة بيك اللي بتسقطها لا اراديا علي اي موقف او سلوك !! .. انت عندك انت ! .. و اللي لا يمكن عمره هيكون اي رأى ، اي معلومة ، اي حاجة غير انت !!