Ask @sarah800800615:

ⓢⓟ🎀ⓐⓒⓔ

ورد '
فلو كان النساء كمن عرفنا** لفضلت النساء على الرجال
فما التأنيث لاسم الشمس عيب** ولا التذكير فخر للهلال
بقالي ساعة بفكر هبدأ البوست ده ازاي ومش عارفة من كتر المحاسن والمآثر الجليلة للسيدة دي ....
يعني اتكلم عن أول وآخر سيدة ولدت في الكعبة!!
ولا عن سيدة الرسول صلى الله عليه وسلم قال فيها " كانت امي بعد امي"،وكان يقول لها"أماه"وكان يقيل في بيتها. ولا أقول أنها اول من أسلم بعد خديجة من النساء!
بص سيبك من كل ده ،تخيل أنها اول امرأة هاجرت من مكة إلى مدينة مشيا على الأقدام وكانت حافية !
كل هذا وهي أم أمير المؤمنين علي بن ابي طالب ....
أنها السيدة الفاضلة " فاطمة بنت أسد زوجة أبي طالب عم الرسول صلى الله عليه وسلم "
** أما عن ولادتها في الكعبة :
يروى عن يزيد بن قعنب: أنها كانت حاملا واخذها الطلق عند بيت الله الحرام فقالت :يارب إني مؤمنة بك، وبما جاء من عندك من رسل وكتب، وإني مصدقة بكلام جدي الخليل إبراهيم وأنه بنى هذا البيت العتيق، فبحق هذا البيت والمولود الذي في بطني إلا يسرت لي ولادتي؛ قال يزيد: فرأيت البيت قد انشق عن ظهره ودخلت فيه فاطمة وغابت عن أبصارنا وعاد إلى حاله فرمنا أن يفتح لنا قفل الباب فلم يفتح، ثم خرجت في اليوم الرابع وفي يدها علي
ويروى أنها في هذه الأربع أيام كانت تأكل من ثمار الجنة
** وأما عن وفاتها فقد بكى صلى الله عليه وسلم بكاء شديدا ونزل بنفسه ووسع لها القبر وكفنها بقميصة وكبر عليها في الصلاة سبعين تكبيرة ولما قيل له ما رايناك صنعت هذا من قبل قال" لم يكن بعد ابي طالب أبر بي منها ، إنما البستها قميصي لتكسى من حلل الجنة واضجعت في قبرها ليهون عليها عذاب القبر".
** من الحاجات اللذيذة في القصة ولفتت نظري أنها خلفت لأبي طالب أربع أولاد وتلت بنات منهم واحده اسمها جمانه😅 الحقيقة الاسم حلو اوي.
ده جزء صغير من سيرة هذه الصحابيه الجليلة السيدة فاطمة بنت أسد
#من كتاب أعلام النساء

View more

لكِ_🌼

فَـْـرشِــٓے الٓتـُـرابُ
والله العظيم أفضل حاجة ممكن تقدمها لعيالك هي أنك تبقى ناجح في حياتك، أن يبقى عندك هواية أو لعبة بتمارسها...إن يبقى ليك حياة خاصة بيك بعيدا عن الزوج/الزوجة دي مش أنانية إطلاقا وربنا؛ معظم الأهالي رابطة سعادتها بعيالها اللي يطلع دكتور واللي مهندس عشان أهله كان نفسهم في كده .انت كده بتشيلهم عبء مضاعف بتشيلهم هم سعادتهم وسعادتك
عارف لما تبيع اللي وراك واللي قدامك عشان تدخلهم مدارس خاصة مش بتخدمهم والله لأنهم هيروحو يلاقو فرق السما والارض بين لبسهم وتليفوناتهم ولبس زمايلهم وعربياتهم! أنت كده بتعقدهم
أكبر خدمة ممكن تعملهالهم أنك توفرلهم هواية حببهم في القراءة وديهم كورسات رسم واحرص على انك تلعبهم رياضات معينة هم بيحبوها انت كده بتضمن أن عندهم حاجة يطلعو فيها طاقتهم وبالتالي مش هيطلع منهم حد مدمن مثلا أو مكتئب
اسمعو لعيالكم واهتمو بنفسكم مش علشان بقيت آب أو أم تبقى مبهدل وسايب نفسك. ..ده مش مبرر!
علمو البنات الميكب في البيت ،علموهم الرقص ولبسوهم فساتين ملونة وعاقبو عيالكم لو ريحتهم وحشة أو مستحموش النهاردة ، حفظوهم القرءان على يد شيوخ ثقات بتهتم بمعاني الآيات قبل حفظها
علموهم كذا لغة بعيدا عن المدارس الخاصة والفشخرة الكدابة حتى لما تجوزوهم والله ماهيحتاجو 150 طقم سرير ولا هيشربو في طقم الكاسات أبو 6000 جنية 😧
وكلاكيت تالت مرة حافظو على الجزء الخاص بنفسكم ومتهملوش نفسكم عشان حد

View more

لعل الواقع يضحك و يحققلنا خيلاتنا ايه خيلاتك يا ساره.........

أتمنى أنه الواقع يضحكلنا فعلا لأنه في الحقيقة " إن مضحكش لينا هيضحك علينا" فربنا يستر 😏
أما عن خيالاتي واحلامي- الدنيوية- فبدايتها اني اقفل الاسك خالص ونهايتها إني أعلم مليون طفل على رأسهم أبنائي اللي أتمنى أن يكونوا قادة ومصدر نفع، لأن المرأة حتى لو رئيسة جمهورية ولم تربي فلم تصنع شئ" من وجهة نظري"
وأما ما بين الأمنية الأولى والأخيرة فأحتفظ به لنفسي

View more

،،، 🌻

كٙرِيمٙان....⁦♥️⁩
إلى وسائدنا المبللة بالدموع، إلى مرآة دواخلنا، إلى الأرض المثقلة من وقع أقدامنا: أبشري بشخص جديد، بشخص أدرك أن دموعه وان كثرت فلن توقف الكون وستستمر الحياة حتى وإن قضى على نفسه بالموت قبل موته، أبشري بشخص قرر أن يستمتع بالرحلة وأدرك أن السعادة ما هي إلا قرار...قرر ألا يجلد نفسه ألا ينزلها منزل الملائكة وأن يتقبل اخطاءها برحابة صدر، تفهم بأن الظلمة دليل اقتراب الفجر، أبشري بشخص سيضع همومه موضع السخريه فلا يزيده البلاء إلا رضا ولا تزيده السفاهة إلا حلما
قال الشافعي :
يزيد سفاهة فأزيد حلما... كعود زاده الاحراق طيبا.
دلل نفسك فما خلقت لتجلدها، استمع لها واستمتع بما تحب ولاتهلكها فيوما ما ستسأل عنها وحاول دائما أن تكن بخير...

View more

Type anything you want..🌸

Amr Tarek
" نعم يا عومااااااار" مش بشتمك لأ😐 دي أحد الكلمات المستخدمة في الردح المصري الأصيل😅 يقال ان الكلمة دي بتمتد في جذورها للدولة الفاطمية لأن فيها بعض الخلفاء مكنوش بيحبوا عمر بن الخطاب فكانوا يخطبون في الناس ويقولون " فأين انت يا عمر؟ " ويمدوها " يا عوماااار" وطبعا باعتبارنا شعب كرياتيف أصبحت تستخدم في فنون الردح😂😂
" والله لافرشلكوا الملاية👊" كلمة تدل على اني هطلع الفضايح كلها والقديم والجديد، وسببها أن الست الاسكندرانية كانت بتلف حوالينها الملاية اللف دي فإذا رأت أن المجال مناسب للردح ورد الصاع صاعين-وأن وصلة الردح هتطول- فرشت الملاية على الأرض وربعت واجهزت على العدو بسياط لسانها😋 وأصبحت تستخدم في الخناقات الشعبية😅
وشوباااااااش......

View more

اتدلع يا خروف🐑🐏🐐 😅

سارة عادل
"اشتري خروف واكسب عجلة-دراجة- هدية" اه والله زي ما سمعت كده😅، متتصدمش :هي دي أساليب التسويق اللي بتستخدمها الشركات في المغرب علشان تسوق للخراف بتاعتها قبل العيد وبتعمل مسابقات كتير وفي تنافس حار بين الشركات مين هيبيع اكتر..
**من الحاجات اللذيذة كمان أن في فلسطين الناس بعد ما تدبح وتطبخ اللحمة والحلويات بيزوروا موتاهم ويحطوا فوق كل قبر طبق من اللي هم طابخينه
** في ليبيا: بيكحلو الخروف الأول ويبخروه 😅
** في باكستان بيزينوا الأضحية قبل العيد بشهر كامل
**في تونس الحبيبة❤: الأطفال بينزلوا مع اباءهم ينقوا الخروف ويحنوه😅 يعني بيحنوا الخرفان واحنا هنا بنكسل نحني البنيءادميين ويغزلوله الصوف- بيتدلع يعني- وينورهم في البيت كده كام يوم إلى أن يأتي موعد العيد.
** في مسابقة لذيذة اوي بتتعمل في الصين: كل فارس يمتطي جواده وهم طالقين الخرفان على الأرض والفارس اللي يعرف يمسك الخروف من غير ما يقع هو اللي بيفوز. 👌
** في الجزائر بيعملوا مسابقة بين الخرفان بتنطح بعض 😅
واحنا عندنا العيد فرحة ماء ماء واجمل فرحة... العيد بهجة "ويوم النحر هو خير ايام الأرض" متنسوش التكبير لأنه بيضفي على الأيام دي الإحساس بالبهجة والعيد يمكن معدناش بنحس بيه زي زمان لما كنا أطفال لأن الدنيا شغلتنا بس المفروض نحاول نستمتع بيه كما يجب....أبقوا شغلوا يا ليلة العيد،واغنية العيد فرحة واحنا لسه مكبرناش عالبلالين ولا العيدية على فكرة😡💸💲 كل مافي الأمر،استمتعوا.....
# اتدلع- يا-خروف.
# العيد فرحة😍

View more

قولولى اى حاجة وهقراها حتى لو نكته

"Scientista"
يقولون:
الحب داء عضال لا دواء له**يحار فيه الأطباء النحارير
قد كنت احسب أن العاشقين غلو ** في وصفه فإذا بالقوم تقصير.
واحدة النهاردة رشحتلي كتاب الداء والدواء لابن القيم وكما يشتهر ب" الدواء الكافي لمن سأل عن الدواء الشافي"
وسبب وضعه لهذا الكتاب كان أن واحد بعتله يشتكي حاله قائلا "ماذا يقول السادة الفقهاء علماء الدين في رجل ابتلي ببلية، وعلم أنها أن استمرت به افسدت عليه دنياه واخرته، وقد اجتهد في دفعها عن نفسه بكل طريق، فما تزداد إلا توقا وشده، فما الحيلة في دفعها؟ وما الطريق إلى كشفها؟"
الراجل ما ذكرش ايه هي البليه اللي نزلت به ولكن العلماء رجحوا انه أصيب بداء العشق! ❤ لأن الإمام خصص له جزء كامل في الكتاب: ازاي لانقع فيه؟ وكيفية الخلاص به لمن حل به؟ وايه هي أنواع الحب والمباح منها.
غير أن بداية الكتاب تكلمت عن فنون الدعاء وايه أسباب قبوله وكيفية الدعاء لمن نزلت به بليه، كما ذكر الفرق بين حسن الظن بالله والاغترار برحمته!
وايه هي عقوبات المعاصي الشرعية والقدريه؟
المهم يعني الكتاب يستحق القراءة

View more

ع سبيل البهجه رئيس قسم الباطنة عندنا دخل طب بعد ما خلص علوم وكان طالع الاول على الكليه متسبيش حلمك مهما كان 🌼ربنا يوفقك

محمد فوزى البيجاوى
الله يجبر بخاطرك يادوك تعالي شوفي يا بنتي في حاجة حلوة هنا اهو😂 عشان انا مكنتش عارفه ارد عليها ازاي.
# متسيبش حلمك مهما كان ❤

View more

+5 answers in: “ليه بتحبي الطب ؟ وشايف المستقبل في المجال ده ازاي ؟ ومش شايفة ان سنين دراسته كتيرة ومرهقة ومفبس مقابل ؟ ومش شايفة انك مش بتعملي حاجة غير المذاكرة وبس .؟ دي بعض الاسئلة الي بتكدر صفو حياة الناس الي في طب ؟ نحب نسمع راي حد متفائل زيك؟”

انا داخله تانيه كليه وكنت الاولى عالدفعه السنه اللى فاتت بس فكرة انى احب الكليه مش قادره عليها شايفه نفسى ف مكان ودخلت مكان تانى حاسه بشعور انك ف وطن مش بتاعك او انك زومبى وسط بشر مثلا

نتي ما شاء الله عليكي❤
طالعة الأولى ومش عارفه تحبيها!
بصي يا بنت الحلال احنا دايما بنشوف الحاجة البعيدة حلوة ... برغم اني بحب طب بس انا لسه مجربتش نفسي لما أنزل شفت في المستشفى بالليل وكل اللي بتتعاملي معاهم مرضى!
ميزة الطب بالنسبالي انه بيشغل لكن في حالتك انتي بإذن الله هتشتغلي وش.
وادي كرم ربنا أهو . ركزي في كليتك ودوري على هواية ليكي عشان تبسطي وقتك. ..فترة الجامعة يفترض أنها تبقى أجمل فترة في العمر فحاولي تتبسطي ومتبصيش لغيرك أبدا أبدا وعلى فكرة لو طالبة معاكي طب اوي كده ممكن تسمعي ريكوردات في الاجازه وتاخدي فكرة فور فن يعني.
استمري في اللي انتي بتعمليه واجتهدي وانتي هتشوفي الكرم ومتبصيش لغيرك زمانهم دلوقت بيحسدوكي
ربنا يصلح حالك❤

View more

+5 answers in: “ليه بتحبي الطب ؟ وشايف المستقبل في المجال ده ازاي ؟ ومش شايفة ان سنين دراسته كتيرة ومرهقة ومفبس مقابل ؟ ومش شايفة انك مش بتعملي حاجة غير المذاكرة وبس .؟ دي بعض الاسئلة الي بتكدر صفو حياة الناس الي في طب ؟ نحب نسمع راي حد متفائل زيك؟”

طب واللى كان حلمها طب والثانويه ظلمتها وغيرها من ناس كتير متستحقش المكان ده غشت ودخلت وهى دخلت كليه بتكرهها برغم انها طلعت الاولى عالدفعه

في حاجة اسمها كل شئ قسمة ونصيب، في كمان " أن الله لايضيع أجر من أحسن عملا" وربنا مبيكدبش طالما تعبت يبقى ربنا كاتبلي الخير في حاجة تانية، عايزاك تتأكد أن اليد اللي ماسكة زمام الكون يد حكيمة مدبرة،على فكرة انا حاسة بيكي جدا جدا والله انا اخويا اتمرمط السنادي وجاب 96.6 وفي الآخر مش هيلحق اللي كان عايزه وهيدخل علوم.
بس انا مؤمنة أن مش كل اللي عايزينه بيبقى الخير، يا حبيبتي ربنا مش ظالم قلتلك يد مدبرة مبتعملش حاجة عبثا اجتهدي في اللي هتدخليه وانتي عندك قناعة انه الخير واقسم بالله هتنجحي بس لازم تبقي مؤمنة بأنه خير
ياما دكاترة بيفتحوا عيادات وهو مش عارف يكفي أسرته ومفيش حاجة اسمها كلية وحشه خشي الكلية اللي جاتلك وحاولي تحبيها وطوري عندك الإنجليزي والسوفت سكيلز وبكره اللي كنتي عايزة تبقي زيهم يحسدوكي.
بس حمدي ربنا " ولئن شكرتم لأزيدنكم"

View more

+5 answers in: “ليه بتحبي الطب ؟ وشايف المستقبل في المجال ده ازاي ؟ ومش شايفة ان سنين دراسته كتيرة ومرهقة ومفبس مقابل ؟ ومش شايفة انك مش بتعملي حاجة غير المذاكرة وبس .؟ دي بعض الاسئلة الي بتكدر صفو حياة الناس الي في طب ؟ نحب نسمع راي حد متفائل زيك؟”

طب متيجى نعمل العكس وتخلينى احبها واهو كسبتى فيا ثواب 😂😂😂💙

قوليلي الأول بس انتي في سنه كام وايه اللي مش عاجبك فيها.... بصي كلية الطب لو ملهاش أي لازمة خالص فانتي بتاخدي منها بريستيج وقيمة اجتماعية محترمة ومكانة مرموقة وبتشوفي فيها عقليات جميلة❤، مجال العمل بعد كده بتشوفي انجازك فيه ملموس، يكفيك دعوة من حد كان عيان وخف❤ كفاية الثواب، اه العمل مرهق بس العمل مرهق في أي مجال في الدنيا عالاقل انتي لما تتعبي هتلاقي شغل غيرك مش هيلاقيه.
وعشان بنت محدش قالك روحي افتحي عيادة ممكن تقتصري عالمستشفى عشان لما تتجوزي تمسك العصاية من النص.
كلية الطب لما تتخرجي منها وتشتغلي هيبقى عندك دخل ثابت يأمن مستقبلك لأن محدش ضامن غدر الزمن.
على فكرة العمل اصلا للبنت بيشيل عنك هم كبت اللي عايشة فيه ستات البيوت.
طبعا زمانك حاليا بتشوفي زمايلك بتوع ثانوي اللي اتخطبت واللي اتجوزت 😅 زمانك بتقولي مبروك كتير اوي بس صدقيني انتي بتتخرجي من الكلية عندك نضج احسن من اللي عندهم من كتر اللي بتشوفية.
المواد صعبة؟ طب قوليلي ايه اللي سهل يعني لو مش في طب كنتي هتبقى احسن في ايه؟ صبدلة؟ صعبة جدا ،اسنان؟ جميلة بس مكلفة وبيدرس اناتومي وفسيو زيك. وهكذا
أخيرا متديش كل وقتك للكلية الموضوع بسيط أنزل اخرجي مع أصحابك واقري كتب واتعلمي حرفة أو طبيخ مثلا وابدعي اكيد عندك وقت فراغ كبير جدا لكن متضيعيش 7 سنين بين الكتب عشان متكرهيش نفسك وأظن انتي عارفه أن التقدير أسهل حاجة بتيجي في طب انجووي يا بنتي💃💃❤

View more

+5 answers in: “ليه بتحبي الطب ؟ وشايف المستقبل في المجال ده ازاي ؟ ومش شايفة ان سنين دراسته كتيرة ومرهقة ومفبس مقابل ؟ ومش شايفة انك مش بتعملي حاجة غير المذاكرة وبس .؟ دي بعض الاسئلة الي بتكدر صفو حياة الناس الي في طب ؟ نحب نسمع راي حد متفائل زيك؟”

طب انا هتبعتلك اختي اخليها تكرهك في الكلية ^_^

mohamed Mamdoh
الكلية اكيد فيها صعوبات الحياة مش بمبي اوي وفيها ضغط اكيد بس انا عمري ما بديها أكبر من حقها انا عايزة اطلع منها بصحتي ومفيش كلية تقدر تقول عليها صعبة الفكرة انك حاول تستمتع بالوقت والدنيا هتمشي حلوة😅

View more

+5 answers in: “ليه بتحبي الطب ؟ وشايف المستقبل في المجال ده ازاي ؟ ومش شايفة ان سنين دراسته كتيرة ومرهقة ومفبس مقابل ؟ ومش شايفة انك مش بتعملي حاجة غير المذاكرة وبس .؟ دي بعض الاسئلة الي بتكدر صفو حياة الناس الي في طب ؟ نحب نسمع راي حد متفائل زيك؟”

ليه بتحبي الطب ؟ وشايف المستقبل في المجال ده ازاي ؟ ومش شايفة ان سنين دراسته كتيرة ومرهقة ومفبس مقابل ؟ ومش شايفة انك مش بتعملي حاجة غير المذاكرة وبس .؟ دي بعض الاسئلة الي بتكدر صفو حياة الناس الي في طب ؟ نحب نسمع راي حد متفائل زيك؟

mohamed Mamdoh
😂😂 دا انا خفت من السؤال:
** اول حاجة انا دخلت طب استخسار مجموع وكان حلمي صيدلة، الطب كان منفر جدا بالنسبالي لطول المدة .
انا مش عارفة دخلت ليه والله بس اكتشفت انه ممتع جدا،كفاية انك بتدرس جسمك والحاجات اللي بتحصل فيه،بالنسبة لدراسة الطب والله مش صعبة خالص انا كنت بقعد بالأسبوع مفتحش كتاب😅 لدرجة أن أهلي كانوا مفكرين اني سبت الكلية وتقديري جيد جدا الحمد لله، وطول السنة مقضياها فسح وصياعة 😂
طيب طول المدة :
هي طويلة فعلا وخصوصا بالنسبة لبنت لما كل زمايلي بقوا أمهات وانا بذاكر فسيولوجي بس المدة دي بتكسبك خبرة في التعامل مع الناس وكمان فترة الصحاب والغربة دي ممتعة وبتعلمك الاعتماد على النفس وتشوف فيها عقليات مكنتش هتشوفها في مكان تاني، وعلى فكرة السنين بتجري بسرعة البرق مش هتحس بيها
اكتشفت لما دخلت طب أن احنا بنهول الموضوع عشان احنا برة لكن بمجرد ما تنغمس في الدراسة هتلاقيها جميلة❤
بالنسبة للمقابل:
انا بنت مش مطلوب مني افتح بيت فالالفين اللي هاخدهم دول هيزقوا بس في البيت شوية وبعد كده اشهيص نفسي، ويكفيك أنها الكلية الوحيدة اللي مرتبها مضمون بعد ما تخلص. ودي ميزة كبيرة جدا
مين اللي قال إني مش بعمل غير المذاكرة😂😂:
كل بتوع طب عندهم استعداد يحلفولك أن لو واظبت على ساعتين مذاكرة في اليوم والله تجيب امتياز وترتب عالدفعة كمان.
غير أنه بعلم الادب😂😂 انا دخلت الكلية مش بعرف اقلي بطاطس بقيت الحمد لله بعرف كل الطبخات...الجوع كافر اوي في السكن.
انا حاليا في الإجازة وخشني النوم بجنب العضم وريحة الفورمالين.
وعلى فكرة احنا والله كنا في السكن بنقعد نتفرج على افلام ومسلسلات وبنعمل حلويات وجيلي وفي زمايلي جابوا امتياز الناس هي اللي مكبرة الموضوع اوي
هفضل اعشق طب لحد ما اموت كفاية أن الكلية رضيت تلمني😂😂

View more

+5 answers Read more

ما الحل مع الشخص الذي لا يقبل أن تُعامله بالمثل؟.

مش شرط ابدا على فكرة نعامل الناس بالمثل، المعاملة لله مش للناس وبتكشف عن شخصيتك انت، فأكيد لو حد ظلمك مش جنتله انك تظلمه مهو ظلمني أو خانك فتخونه مهو يستاهل، مبتتحسبش كده، " عامل كما تحب أن تعامل" مش كما عوملت.
أتمنى تكون وصلت، ربنا يصلحلك الحال💙

View more

Next