Ask @sarahassan1234567:

Space 💜

Aysha Farhana ♡
غالبا الصورة الي بتظهرلنا من شخص معين مش هي الحقيقية او الكاملة عنه..أي صورة بتظهر منه وأيا كان الحاجه الي هو أظهرها مثلا في شخصيته أو سلوك معين..مش هو كل حاجه عنه..بس احنا في طبيعتنا تقريبا ..بندي انطباع اول علطول حتى لو غصب عننا..بس بنعمل كده
لأني انطباع سريع ..بس في كواليس كتير مش باينه وفي اختلافات بتحصل للشخص ده في موده مثلا بيخليه يتصرف في موقف ويبان انه شخص فكاهي جدا وفرفوش..بس مود تاني مكتئب عادي وحزين فالحكم عليه من مود منهم وكانه هو حاجه من الاتنين دول بس..ده.بيخلينا معندناش مرونه في فهم الي حوالينا بالتالي التعامل معاهم صح..في ناس نظرتها اختلفت عن أمور معينه فبقت بتتصرف بالشكل المختلف..في كتير مننا بيحكم بشكل سريع عليه من غير مايعرف ايه الي مر بيه عشان يوصل لده..بغض النظر عن الحكم ده انه حلو او وحش..بس سريع!
عايزه او نفسي نبطل نحكم بسرعه ..نبطل نحكم أصلا..يبقى عندنا مرونه في نظرتنا لتصرفات الناس..وناخدلهم أعذار ونعرف ان في حاجات كتيره مستخبية مش ظاهرالنا .وممكن تظهر مع الوقت او ممكن متظهرش اصلا ...منحكمش على الناس زي مااحنا بنحب ان ده يحصل معانا بردو ...
في كلام تاني بس مش عارفه ارتبه ..كفايه كده :))

View more

Space for you 💜

Aysha Farhana ♡
أظن أن كل نوع إبداع ماهو إلا تفريغا لمشاعر مكبوتة حزينة أو سعيدة..ولكن الحزن تكون مشاعره أقوى !
لا أدري لماذا ولكنها كذلك..
يتعجب من يرى إبداعنا أكان عبارة عن لوحة مرسومة أو خواطر مكتوبة..أنها غاية في الروعة..هم يرون الناتج النهائي الذي خرج وفقط..لكن لا يرون تلك المعاناه والألم خلف الكواليس..

View more

أرجو التعليق https://ask.fm/AkqLovesAllah/answer/152315537108

لنتفكر معًا! .. أحمد كمال قاسم
مش عارفه الاجابه هتوصلها ازاي ..ومكنتس هعرف اجاوب فنفس الثريد عشان عدد الحروف لا يسمح
بصي هفترض افتراضات معاكي عشان نفكر مع بعض..ممكن ميكونش عندك عيب فشكلك فعلا لكن انت شايفه كده ومهوله الموضوع بسبب مثلا ان الحاجه دي فشكلك أغلب الناس بتبقى مجمعه إنها مش من علامات الجمال..وإن الجمال الحقيقي هو البياض والشعر الناعم والعيون الملونه و...فانت حطيتي كل المواصفات دي عليكي لاقيتي نفسك معندكيش منهم فافترضتي انك عندك مشكله او عيب فشكلك ..لكن ده غلط لأن الجمال نسبي جدا
الافتراض التاني..ممكن يكون عندك عيب فشكلك لكن ممكن يتغير..بالعلاج..فأنت تسعى انك تعالجي العيب ده..ولنفترض حبوب مثلا..هالات..
الاقتراض التالت..هفترض فعلا إن ربنا ابتلاكي بعيب خلقي معين ملكيش يد فيه...إذن فالحل فالوقت ده انك تحاولي تثقي فنفسك...ثقتك فيها هتحببك فنفسك وهتخلي الناس تحبك وتنجذب ليكي..الثقه بالنفس عامله زي السحر كده!
مش هتيجي علطول أكيد ..والمشوار هيبقى طويل ..بس واحده واحده على نفسك هتلاقي ثقتك بتتبني وهيبان عليكي فتصرفاتك فالناس مش هتشوف فيكي غير الجمال ! وهتتجاهل العيب ده ..ممكن فعلا متشوفوش أصلا..لأنك قدرتي تغطيه بكاريزمتك وثقتك!
(شويه tips كده حطيها فدماغك )
مفيش حد كامل حرفيا يعني ..حتى ملكات الجمال شوفي بيعملوا ايه وبيصرفوا اد ايه عشان يظهروا حلوين كده!
والفوتوشوب بيخبي هلات سوده ..تجاعيد معينه ..حبوب مثلا ..مش راضيه تستخبى بالمكياج!
فنتيجه لده..انك تعرفي انك بردو مش كامله
بصي لشكلك كده هتلاقي في تفاصيل حلوه أوي فشكلك كجسم وكوجه...مؤكد في تفاصيل حلوة فيكي ..حاولي تركزي في التفاصيل الحلوة دي وتديها اهتمام أكبر من غيرها عشان مره مع مره هتغطي على العيب الي مدايقك !..مثلا ضحكتك ..انا اعرف بنت بتبص لنفسها فالمرايه علطول وبتدلع نفسها ..ايه
القمر ده! ايه الضحكه الحلوه دي !
عارفه حتى لو الميزه دي كانت صفه فيكي مش مجرد فشكلك ..زي طريقه كلامك مثلا..طيبتك..كل دي صفات لما تبقى فيكي الناس هتشوفها وهيحسوكي جميله جدا!
في ناس بتقدر تحول العيب المعين الي فشكلها..لفكاهة ..لو قدرتي تعملي كده اعملي..اعرف واحده مناخيرها كبيره شويه..بس اخده الموضوع بضحك وبتتريق على نفسها بفكاهه كده بس فنفس الوقت بتقول انا قمر بردو وكل حاجه فيا حلوة! ومش هقدر استغنى عن مناخيري لانها هي الي مميزاني كده !
تابعيReham Helmy

View more

سؤال تفكري ---- ماذا لو كان الإنسان ينمو من الطفولة إلى الشباب ثم يظل شابا لا يتأثر جسده بمرور الزمن إلى أن يأتي أجله فيموت فجأة دون أي اقتران لموته بخلل وظيفي في جسده؟!

لنتفكر معًا! .. أحمد كمال قاسم
بعتذر عن التأخير😅
أظن انه مش هيبقى في حاجه غريبه او مختلفه لو ده حصل..لأن كل الناس فالحاله دي هتبقى متعودة على إن الانسان آخره هو سن الشباب وان دي آخر مرحله لتغيير شكله فيها ..وهتبقى مراحل حياة الانسان مرحلتين بس وهي الطفوله والشباب ..مش هيبقى في مرحله اسمها شيخوخه ..فلما الشخص يموت فشبابه مش هتبقى حاجه غريبه بردو لانها آخر مرحله ليه فعادي!
او ممكن هيكون التركيز فالوقت ده على العمر نفسه والسن كرقم مش التغيير الشكلي...فمثلا بالاحصائيات هيبان ان متوسط عمر الناس هو ال60 مثلا..فلما حد يموت فالسن ده هيبقى عادي وطبيعي بردو...حتى لو شكله متغيرش من وهو 20 سنه !
حاجه أخيرة ..حلو جدا لو كان ينفع يحصل ده وبالذات للستات ..لأنهم مش هيصرفوا فلوس فالشد والبوتكس والفيلر وعمليات التجميل بوجه عام 😅..فلو ده حصل هيبقى مفيد للسيدات أكتر من الرجالة.

View more

Current mood .. ?! 🤔🌸

Ęmąň
بخاف من الفقد ..فقد الأشياء ..فقد الأشخاص
اكتر حاجه بتخوفني..وأكتر شعور مؤلم بالنسبالي..هي الدنيا فانية وعارفه ده ..ومن طبيعتها ان كل حاجه فيها فترات وهتنتهي وعارفه ده بردو..لكن بردو وقت الفقد بزعل وبتأثر!
بقيت بحاول آخد مسافه بيني وبين الحاجه او الشخص ..عشان تبقى علاقتي بيها سطحية شويه ولما تروح مزعلش ..بقيت بحب التدوين اوي واني آخد ذكريات من المكان الي انا فيه سواء صور او كتابات بكتبها بتعبرعن حالتي فالمكان ده او مع الحاجه دي او مع الشخص ده!
عشان تبقى معايا وتفضل ذكرى وبكده نوعا ما لو فقدت الحاجه او الشخص..هيبقى في ذكرى بتفكرني بيه❤

View more

في حاجه نسيتها😅

sara
ممكن يبان ان في تناقض مابين كلامي هنا وكلامي من فتره عن ان الجامعه مجتمع غريب ومش لاقيه الي شبههي ...انا وقتها كنت حاسه بده فعلا وإن مفيش حد شبهي واني وحيده والكلام الحزين ده...لكن حاليا انا مقتنعه بالاجابه الي كتبتها فالثريد ده واني مكنتش بدور كويس او اني مش لازم الاقي الي شبهي عادي!

View more

+4 answers in: “أكيد كنتي نفسك تبقي دكتوره”

أنا معاكي ف دور الضحية،بس أتخنقت من المكان والي فيه أساسا مش شبهي ولو كان ف المكان ناس بحبهم او شبهي كانت هتتهون..!

مش لازم تلاقي شبههك فالجامعه..او ممكن يكون في شبهك بس عشان مدورتش كويس فملاقيتش لسه!
في كل الحالات ..الدنيا واسعه فعلا..وفي أماكن كتيير جدا ممكن تلاقي فيها الي شبهك
حاجه كمان ..انا اكتشفت مؤخرا ان حلو جدا انك تتعامل مع المختلف عنك ..بل بالعكس انت لما تتعامل مع المختلف عنك بيديك خبره في التعامل مع الناس اكتر وبتكتسب وبتفهم حاجات كتيره مش هتعرف تكتسبها مع الي شبهك لان الي شبهك غالبا مش هيضيفلك حاجه ..هو هيحسسك بنوع من أنواع الونس والأمان والألفه مش أكتر.

View more

+4 answers in: “أكيد كنتي نفسك تبقي دكتوره”

لأ الحقيقة الصدمة الي بتيجي من البداية ومفيش حاجة بتتغير.. معرفش فيه إيه لكن الغيوم بس الي محاوطاني ف المكان بس

هو مش صح نفضل غرقانين فاحزاننا..أوقات الواحد بيحب يعيش دور الضحية وبيضيع وقت كتير من عمره فحاجه خلاص حصلت وربنا قدرها
لكن خلاص بقى نتاقلم ونتعايش واكيد ده الخير..وفي فرص كتير بتتفتح مبناخدش بالنا منها لأننا غرقانين فبحر همومنا او غيومنا أيهما أقرب! :)

View more

+4 answers in: “أكيد كنتي نفسك تبقي دكتوره”

بالمناسبه إما كنت ف ثانوي كان نفسي ف كده چيست لما دخلت الكليه الي نفسي فيها بعد فتره حسيت أنه مش مكاني ومش عارف أبدع فيه.! أو أطلع الي جوايا.. وبدأ المكان روتين ليس إلا..

لأن احنا بنحط توقعات كبيره عن الجامعه نفسها وأنها حاجه واو وحياتنا هتتغير وهنرتاح فيها وكده ..وده لأن الجامعه بتتروج لينا بالشكل ده
لكن هي فالحقيقه مش كده خالص :)
كمان واحنا فثانوي مبيبقاش عندما وعي كافي بالحاجه الي بنحبها او مبنحبهاش..فمثلا حد يبقى بيحب الرياضيات اوي..وحلمه يدخل هندسه ..يدخلها اهو وحلمه يتحقق..يكتشف الحقيقه بقى وإن الي درسه فثانوي قشور بالنسبه للكليه نفسها والمواد هتبقى دراستها بشكل اعمق..فهيتصدم بردو..فيه ناس لما تدخل الي فاكره إنها بتحبه تلاقي نفسها بتحبه فعلا وإن تعمقها فالمواد فالجامعه زود حماسها ..وناس تانيه بتكتشف إنها مكانتش بتحب الحاجه دي خالص ..وكان نفسها تدخلها مش عشان حبها فعلا ليها لا عشان يتقال عليها"دكتور" او"باشمهندس"...فدول مبيكونوش ناجحين فمجالهم.

View more

+4 answers in: “أكيد كنتي نفسك تبقي دكتوره”

معرفش قرأت إجابتك مش أنا الي سائلة وتقريبا عمري ما سألت ولكن وددت لو نتقابل فمعرفش أنت جامعة ايه أصلا،،آنس الله وحشتك

شكرا ليكي والله💕
لو قصدك على اجابه الجامعه ..فهو فاضل تيرم تاني وفاينل وهتخرج ان شاء الله ..ادعيلي بقى

View more

+2 answers in: “هو أنت جامعة المنصورة؟”

ليه؟D:"

هو انا كنت بكتب الانسر الي فاتت وانا متدايقه لكن دلوقتي بقيت أحسن ..هي الإجابة مش هتتغير كتير لكن حدتها هتقل!
-أنا فعلا بحس الجامعه مجتمع غريب عني ..لأني مش حابه الكليه نفسها وكانت آخر توقعاتي ..لا هي فالحقيقة مكانتش فتوقعاتي أصلا! (بحاول احبها 3سنين ونص ومش عارفه ) فخلاص هتخرج اهو ومش مهم احبها..
-الاكسبكتيشنز بتاعتي عن مجتمع الجامعه انه حاجه واو وفظيعه انهار ادامي من سنه أولى..
-مبعرفش ابقى موجوده فمكان مش مرتاحه فيه وادي فيه..فبالتالي وجودي فالجامعه كان بيأثر على البروداكتيفيتي بتاعتي بشكل عام فكل حاجه ..فالجامعه نفسها ومستوايا الدراسي..وحتى فالعادي
أثر على علاقتي بالناس باني مكتسبتش صداقات كمان ...
المهم الريزلت لده كله اني فضلت طول السنين الي فاتت كل ماادخل من باب الجامعه اقول لنفسي من جوه كده ..المكان ده مش بتاعك ..الجامعه لاتليق بك يا فتاة..بس بعدها بكتم الصوت عادي جدا واقوله عيب كده ..واسلم الكارنيه لعمو الي بره ..وأدخل جوة الجامعه اكتئب تاني عادي ..وتستمر الدايرة المغلقه :")

View more

+1 answer in: “اكثر شي كارهه ذا الفتره ؟”

Space of U 🌸💜

Ęmąň
كليتي العزيزه💙
في البداية أنت لست بعزيزة ولا شيء..ولكني أقول هذا كنوع من أنواع جذب الإنتباه للقاريء لهذا المنشور...أنا فالحقيقة لا أحبك لا أدري إن كنت لا أحبك ككلية أم أني أكره الجامعة بأكملها والتي تشمل جميع الكليات...ولكن يمكنك أن تعط لى الفرصة لأتحدث معك قليلا عن سبب كرهي لك ..أنا شخص ليلى يحب السهر والظلام ولا يحب البكور والصباح..فأنا أضطر كل يوم أن أستيقظ مبكرا لأذهب إليك ..وأمشي كثيرا وأمر من النفق المظلم ويكون الجو حارا وعندما أصل أكون قد استنفذت كل طاقتي تقريبا ..ولكن بعد هذا أجدك لا تقدمين لي ما ينبغي أن تفعليه من أجلي...إنني أشعر بملل وضيق لا ينتهي حينما أدخل قاعة الشرح ويبدأ الشرح...يبدأ العبوس يتسلل في وجهي من كم الروتين الذي أتلقاه من طريقه وأسلوب الشرح ..هذا العبوس يظل مرسوما على وجهي طوال اليوم ..أنظر إلى وجهي في المرآه أو على شاشة الهاتف وأحاول أن أمثل أني بخير ..حتى لايفهم زملائي أن عبوسي هذا بسبب ضيق من أحدهم..ولكني دائما ماأفشل في هذا التمثيل ..فملامحي تفضحني ولا تستطيع الكذب أبدا..أشعر أن معدل ذكائي ينحدر يوما بعد يوم انحدر إلى الأسوأ.

View more

هل تفتقد شخصاً ما؟

أنا حاسه إني مفتقداني أنا مش مفتقدة حد غيري!
أنا بطبيعتي قريبة من نفسي جدا وبقعد مع نفسي كتير لأني أكتر حد بيفهمني..وعندي وعي كبير عن ذاتي...بس بقالي فترة تايهه عن نفسي وفي سد كده مانعني من أني اعرفني كويس أو اعرف مالي!
في حالة توهان كده..هو غالبا الحالة دي بتجيلي كل فترة وبعد وقت بتبدا الدنيا تنور وبتكون التوهه دي نهايتها راحةوتنوير لحاجات جوايا مكنتش هعرفها الا بوجود التوهه دي!
فأنا مستنية الفترة دي تعدي عشان اعرفني اكتر..وأقرب مني أكتر..ومفتقدنيش:))

View more

اكثر شي كارهه ذا الفتره ؟

كارهه عدم انتمائي لزمايلي الي فالكلية..والموضوع مش معناه اني احاول أقرب يمكن أقرب منهم ونكون صحاب ..لا باين أننا مينفعش تكون علاقتنا ببعض حاجه أكبر من الزماله
هو اوكي انا مش اجتماعيه وبطبعي مليش صحاب كتير لكن بردو بحب يكون ليا ناس برتاح لما أكون معاهم حتى لو عددهم قليل...الموضوع ده مدايقتي جدا ..بحس بالغربة واني لوحدي جدا +اني كمان مش حاسه بانتمائي للكلية نفسها..ومش حاسه بانتمائي للجامعة كمان!
ايه ده! أنا حاسه إني مش عارفه أنتمي لاي حاجه ..عايزة أعيط

View more

+1 answer Read more

أرنِي ماذا يصنعُ قلمك ﹏ ،،

عبدالرَّحمٰن وَهْبَه
كتبت ده من فترة وأنا بقرأ كتاب سكن للجميله ريهام حلمي @Reham_Helmy خبيره في مجال الذكاء العاطفي بيتكلم عن المشاعر الي بنمر بيها كلنا وبيشرحها ..ريهام وهي بتشرح بتتعايش معانا جدا عشان تحسسنا إنها فهمانا بجد من جوه جدا...لكن وأنا بقرأ لاقيت نفسي بهرب من أني أتعايش مع شعور معين موجود فالكتاب وليكن (شعور الفقد ) مثلا ..بهرب ومش عايزه اقرأ الجزء الخاص بيه عشان مش عايزة أعيش التجربة مرة تانيه ..حتى لو كنت بقرأ عشان أزود وعيي وأتعامل بعد كده صح لو اتكرر الشعور ده تاني !
"ووجدت أني أتهرب من استرجاع شعور مؤلم مررت به وكأني أريد أن أدفنه وأدفن ذكراه.. حتى لا أسمح له بالعودة مرة أخرى ..وإن كانت عودته لا تعني إعادة معايشة الشعور ..ولكن لمجرد أخذ الخبرة والحكمة منه..وهذا في حالة أني لم أتعامل معه بشكل صحي وقتها ..فمر مع مرور الوقت ولم يعالج بعد!
أي أني لا أريد أن يأتي الشعور نفسه وإن كان مجردا من الشعور!
فمرارة الألم وقتها كانت شديدة للحد الذي جعلني لا أأمل لعودته بأي شكل!."
هي اتكلمت فالموضوع ده وقالت شعورنا ده طبيعي لإن أغلبنا بيخاف يواجه مشاعره ..فالعلاج إننا نواجه ومنخافش نقرأ

View more

Next