Ask @sarahassan1234567:

Space 💜

Aysha Farhana ♡
غالبا الصورة الي بتظهرلنا من شخص معين مش هي الحقيقية او الكاملة عنه..أي صورة بتظهر منه وأيا كان الحاجه الي هو أظهرها مثلا في شخصيته أو سلوك معين..مش هو كل حاجه عنه..بس احنا في طبيعتنا تقريبا ..بندي انطباع اول علطول حتى لو غصب عننا..بس بنعمل كده
لأني انطباع سريع ..بس في كواليس كتير مش باينه وفي اختلافات بتحصل للشخص ده في موده مثلا بيخليه يتصرف في موقف ويبان انه شخص فكاهي جدا وفرفوش..بس مود تاني مكتئب عادي وحزين فالحكم عليه من مود منهم وكانه هو حاجه من الاتنين دول بس..ده.بيخلينا معندناش مرونه في فهم الي حوالينا بالتالي التعامل معاهم صح..في ناس نظرتها اختلفت عن أمور معينه فبقت بتتصرف بالشكل المختلف..في كتير مننا بيحكم بشكل سريع عليه من غير مايعرف ايه الي مر بيه عشان يوصل لده..بغض النظر عن الحكم ده انه حلو او وحش..بس سريع!
عايزه او نفسي نبطل نحكم بسرعه ..نبطل نحكم أصلا..يبقى عندنا مرونه في نظرتنا لتصرفات الناس..وناخدلهم أعذار ونعرف ان في حاجات كتيره مستخبية مش ظاهرالنا .وممكن تظهر مع الوقت او ممكن متظهرش اصلا ...منحكمش على الناس زي مااحنا بنحب ان ده يحصل معانا بردو ...
في كلام تاني بس مش عارفه ارتبه ..كفايه كده :))

View more

Space for you 💜

Aysha Farhana ♡
أظن أن كل نوع إبداع ماهو إلا تفريغا لمشاعر مكبوتة حزينة أو سعيدة..ولكن الحزن تكون مشاعره أقوى !
لا أدري لماذا ولكنها كذلك..
يتعجب من يرى إبداعنا أكان عبارة عن لوحة مرسومة أو خواطر مكتوبة..أنها غاية في الروعة..هم يرون الناتج النهائي الذي خرج وفقط..لكن لا يرون تلك المعاناه والألم خلف الكواليس..

View more

أرجو التعليق https://ask.fm/AkqLovesAllah/answer/152315537108

لنتفكر معًا! .. أحمد كمال قاسم
مش عارفه الاجابه هتوصلها ازاي ..ومكنتس هعرف اجاوب فنفس الثريد عشان عدد الحروف لا يسمح
بصي هفترض افتراضات معاكي عشان نفكر مع بعض..ممكن ميكونش عندك عيب فشكلك فعلا لكن انت شايفه كده ومهوله الموضوع بسبب مثلا ان الحاجه دي فشكلك أغلب الناس بتبقى مجمعه إنها مش من علامات الجمال..وإن الجمال الحقيقي هو البياض والشعر الناعم والعيون الملونه و...فانت حطيتي كل المواصفات دي عليكي لاقيتي نفسك معندكيش منهم فافترضتي انك عندك مشكله او عيب فشكلك ..لكن ده غلط لأن الجمال نسبي جدا
الافتراض التاني..ممكن يكون عندك عيب فشكلك لكن ممكن يتغير..بالعلاج..فأنت تسعى انك تعالجي العيب ده..ولنفترض حبوب مثلا..هالات..
الاقتراض التالت..هفترض فعلا إن ربنا ابتلاكي بعيب خلقي معين ملكيش يد فيه...إذن فالحل فالوقت ده انك تحاولي تثقي فنفسك...ثقتك فيها هتحببك فنفسك وهتخلي الناس تحبك وتنجذب ليكي..الثقه بالنفس عامله زي السحر كده!
مش هتيجي علطول أكيد ..والمشوار هيبقى طويل ..بس واحده واحده على نفسك هتلاقي ثقتك بتتبني وهيبان عليكي فتصرفاتك فالناس مش هتشوف فيكي غير الجمال ! وهتتجاهل العيب ده ..ممكن فعلا متشوفوش أصلا..لأنك قدرتي تغطيه بكاريزمتك وثقتك!
(شويه tips كده حطيها فدماغك )
مفيش حد كامل حرفيا يعني ..حتى ملكات الجمال شوفي بيعملوا ايه وبيصرفوا اد ايه عشان يظهروا حلوين كده!
والفوتوشوب بيخبي هلات سوده ..تجاعيد معينه ..حبوب مثلا ..مش راضيه تستخبى بالمكياج!
فنتيجه لده..انك تعرفي انك بردو مش كامله
بصي لشكلك كده هتلاقي في تفاصيل حلوه أوي فشكلك كجسم وكوجه...مؤكد في تفاصيل حلوة فيكي ..حاولي تركزي في التفاصيل الحلوة دي وتديها اهتمام أكبر من غيرها عشان مره مع مره هتغطي على العيب الي مدايقك !..مثلا ضحكتك ..انا اعرف بنت بتبص لنفسها فالمرايه علطول وبتدلع نفسها ..ايه
القمر ده! ايه الضحكه الحلوه دي !
عارفه حتى لو الميزه دي كانت صفه فيكي مش مجرد فشكلك ..زي طريقه كلامك مثلا..طيبتك..كل دي صفات لما تبقى فيكي الناس هتشوفها وهيحسوكي جميله جدا!
في ناس بتقدر تحول العيب المعين الي فشكلها..لفكاهة ..لو قدرتي تعملي كده اعملي..اعرف واحده مناخيرها كبيره شويه..بس اخده الموضوع بضحك وبتتريق على نفسها بفكاهه كده بس فنفس الوقت بتقول انا قمر بردو وكل حاجه فيا حلوة! ومش هقدر استغنى عن مناخيري لانها هي الي مميزاني كده !
تابعيReham Helmy

View more

صوره ..🐼

هحط موقف مش صورة قشطهD:؟
كوتشيا الجديد إتسرق من بره الجامع !
حسيت أوي بالرجاله إلي بيتسرق منها جزمها فصلاة الجمعة ..وافتكرت أحمد حلمي لما روح بالقبقاب فعسل أسود..كنت عايزة أكتب ورقة فيها رقمي ورسم كروكي كدة لشكل الكوتشي بحيث إن لو حد عثر عليه فرجل الي سرقه يتصل ..وفكرت أحط الأكونت بتاعي بردو ليكون إلي لاقاه مش معاه رصيد ولا حاجة عشان يتصل..وبعدين لاقيت إن ده أوفر فمعملتش أي حاجة من دول واستعوضت ربنا فيه خلاص..أكيد هيعوضني بكوتشي أحلى منه ..أصلا هو مكانش ماركة ولا حاجة عشان أزعل!
مسحت دموعي بالمناديل الي كانت فشنطي والي خوفت لتكون اتسرقت هي كمان..فضلت أدور على أشيك شبب فحمام الجامع بحيث إنه يليق على طقم الخروج ..وكنت محتارة مابين كروكس أبيض من غير ورد ..و شبشب إسود بورد ..حسيت إن الورد ألوانه قدمت خلاص ومبقاش بيتلبس +إني لاقيت إن لونه إسود ففكرني بلون الكوتشي وأنا خلاص هفتح صفحه جديده وهعتبر الكوتشي مدخلش حياتي اصلا..ومش عايزه حاجه تفكرني بيه...فقولت يلا يا سارة خدي القرار بسرعة الناس هتقفل الجامع عليكي وانتي لسه بتختاري!!
روحت قايلة 1.. 2 ..3 وقررت ألبس الكروكس الي من غير ورد..وروحت البيت بيه بكل ثقه😎

View more

+2 answers Read more

Current mood .. ?! 🤔🌸

Ęmąň
بخاف من الفقد ..فقد الأشياء ..فقد الأشخاص
اكتر حاجه بتخوفني..وأكتر شعور مؤلم بالنسبالي..هي الدنيا فانية وعارفه ده ..ومن طبيعتها ان كل حاجه فيها فترات وهتنتهي وعارفه ده بردو..لكن بردو وقت الفقد بزعل وبتأثر!
بقيت بحاول آخد مسافه بيني وبين الحاجه او الشخص ..عشان تبقى علاقتي بيها سطحية شويه ولما تروح مزعلش ..بقيت بحب التدوين اوي واني آخد ذكريات من المكان الي انا فيه سواء صور او كتابات بكتبها بتعبرعن حالتي فالمكان ده او مع الحاجه دي او مع الشخص ده!
عشان تبقى معايا وتفضل ذكرى وبكده نوعا ما لو فقدت الحاجه او الشخص..هيبقى في ذكرى بتفكرني بيه❤

View more

أرنِي ماذا يصنعُ قلمك ﹏ ،،

عبدالرَّحمٰن وَهْبَه
كتبت ده من فترة وأنا بقرأ كتاب سكن للجميله ريهام حلمي @Reham_Helmy خبيره في مجال الذكاء العاطفي بيتكلم عن المشاعر الي بنمر بيها كلنا وبيشرحها ..ريهام وهي بتشرح بتتعايش معانا جدا عشان تحسسنا إنها فهمانا بجد من جوه جدا...لكن وأنا بقرأ لاقيت نفسي بهرب من أني أتعايش مع شعور معين موجود فالكتاب وليكن (شعور الفقد ) مثلا ..بهرب ومش عايزه اقرأ الجزء الخاص بيه عشان مش عايزة أعيش التجربة مرة تانيه ..حتى لو كنت بقرأ عشان أزود وعيي وأتعامل بعد كده صح لو اتكرر الشعور ده تاني !
"ووجدت أني أتهرب من استرجاع شعور مؤلم مررت به وكأني أريد أن أدفنه وأدفن ذكراه.. حتى لا أسمح له بالعودة مرة أخرى ..وإن كانت عودته لا تعني إعادة معايشة الشعور ..ولكن لمجرد أخذ الخبرة والحكمة منه..وهذا في حالة أني لم أتعامل معه بشكل صحي وقتها ..فمر مع مرور الوقت ولم يعالج بعد!
أي أني لا أريد أن يأتي الشعور نفسه وإن كان مجردا من الشعور!
فمرارة الألم وقتها كانت شديدة للحد الذي جعلني لا أأمل لعودته بأي شكل!."
هي اتكلمت فالموضوع ده وقالت شعورنا ده طبيعي لإن أغلبنا بيخاف يواجه مشاعره ..فالعلاج إننا نواجه ومنخافش نقرأ

View more

انا صوتي دايما بطبعي لما بتكلم بيبقي عالي ومبحسش بكده غير لما حد يحرجني ويقولي وطي صوتك اعمل ايه انصحوني ومش عاوزة تريقة اللي ناوي يتريق ميجاوبش احسن

بصي هي طبيعتك كده وتقبلي نفسك زي مانتي❤
لكن حاولي تدربي مع نفسك انك تتكلمي بصوت واطي ..التدريب ..
وخلي القريبين منك مامتك مثلا او اختك ..يركزو معاكي فالموضوع ده وقوليلهم نبهوني لو لاقيتو صوتي على وانا بتكلم
واحده واحده هتيجي

View more

Space of U 🌸💜

Ęmąň
كليتي العزيزه💙
في البداية أنت لست بعزيزة ولا شيء..ولكني أقول هذا كنوع من أنواع جذب الإنتباه للقاريء لهذا المنشور...أنا فالحقيقة لا أحبك لا أدري إن كنت لا أحبك ككلية أم أني أكره الجامعة بأكملها والتي تشمل جميع الكليات...ولكن يمكنك أن تعط لى الفرصة لأتحدث معك قليلا عن سبب كرهي لك ..أنا شخص ليلى يحب السهر والظلام ولا يحب البكور والصباح..فأنا أضطر كل يوم أن أستيقظ مبكرا لأذهب إليك ..وأمشي كثيرا وأمر من النفق المظلم ويكون الجو حارا وعندما أصل أكون قد استنفذت كل طاقتي تقريبا ..ولكن بعد هذا أجدك لا تقدمين لي ما ينبغي أن تفعليه من أجلي...إنني أشعر بملل وضيق لا ينتهي حينما أدخل قاعة الشرح ويبدأ الشرح...يبدأ العبوس يتسلل في وجهي من كم الروتين الذي أتلقاه من طريقه وأسلوب الشرح ..هذا العبوس يظل مرسوما على وجهي طوال اليوم ..أنظر إلى وجهي في المرآه أو على شاشة الهاتف وأحاول أن أمثل أني بخير ..حتى لايفهم زملائي أن عبوسي هذا بسبب ضيق من أحدهم..ولكني دائما ماأفشل في هذا التمثيل ..فملامحي تفضحني ولا تستطيع الكذب أبدا..أشعر أن معدل ذكائي ينحدر يوما بعد يوم انحدر إلى الأسوأ.

View more

إذا كان بإمكانك التحكم في ذكرياتك، فما هي الذكريات التي ستمسحها ولماذا؟

الذكريات الي اتعلمت منها واخدت الدرس منها خلاص لكن لسه بردو موجوده فعقلي ومش ناسياها...طلاما اتعلمت منها أنساها بقى!

View more

سؤال تفكري ---- ماذا لو كان الإنسان ينمو من الطفولة إلى الشباب ثم يظل شابا لا يتأثر جسده بمرور الزمن إلى أن يأتي أجله فيموت فجأة دون أي اقتران لموته بخلل وظيفي في جسده؟!

لنتفكر معًا! .. أحمد كمال قاسم
بعتذر عن التأخير😅
أظن انه مش هيبقى في حاجه غريبه او مختلفه لو ده حصل..لأن كل الناس فالحاله دي هتبقى متعودة على إن الانسان آخره هو سن الشباب وان دي آخر مرحله لتغيير شكله فيها ..وهتبقى مراحل حياة الانسان مرحلتين بس وهي الطفوله والشباب ..مش هيبقى في مرحله اسمها شيخوخه ..فلما الشخص يموت فشبابه مش هتبقى حاجه غريبه بردو لانها آخر مرحله ليه فعادي!
او ممكن هيكون التركيز فالوقت ده على العمر نفسه والسن كرقم مش التغيير الشكلي...فمثلا بالاحصائيات هيبان ان متوسط عمر الناس هو ال60 مثلا..فلما حد يموت فالسن ده هيبقى عادي وطبيعي بردو...حتى لو شكله متغيرش من وهو 20 سنه !
حاجه أخيرة ..حلو جدا لو كان ينفع يحصل ده وبالذات للستات ..لأنهم مش هيصرفوا فلوس فالشد والبوتكس والفيلر وعمليات التجميل بوجه عام 😅..فلو ده حصل هيبقى مفيد للسيدات أكتر من الرجالة.

View more

الواقع أم الخيال؟

صراع بداخلي دائما بين الواقع والخيال..
لقد وهب الله لي خيالا واسعا ..أسبح فيه وأغمض عينتاي وأفكر..أفكر كثيرا ..وأتمنى لو أن هذا الخيال تحول لحقيقة وهذا الحلم أصبح واقعا!
ولكن سرعان ما أجد أن هذا كله اصطدم بواقع أليم...يدمر ويهدم هذا الشيء الجميل الذي رسمه عقلي ..
فأحتار بعدها وأتسائل! هل أحارب هبة وهبني الله إياها..وأحاول أن اكون واقعية حتى في خيالي؟!
أم أفصل بينهما ..أي أجعل حياتي إثنتين ! واحده في عقلي أجملها بما شئت من خيالي وتقوم بدور المسكن أيضا ..والأخرى التي أعيشها حقا وهي واقعي الذي لا أستطيع أن أنفك منه مهما حاولت!
ولازلت أتسائل....

View more

معلش ممكن سؤال انا لو عاوزه اتعلم رسم ايه الأدوات اللي اجيبها يعني القلم اللي انتي مصوراه مع الرسمه اسمه ايه 💛

هو إلي راسمه بيه ده قلم حبر اسمه pointer ...في قلم تاني كويس بردو اسمه uni pin

View more

Next