هو سؤال غريب شويه انا فسخت خطوبتي بس مش عارفه اتخطي الموضوع ولسه بحبه وخايفه ادعي ربنا ان الموضوع يرجع بينا تاني ربنا يستجيب وميكونش فيه خير ليا معاه اعمل اي بعد اذنكو
خدي وقتك .. متحاوليش تضغطي على نفسك انك تعدي الموضوع و خلاص و لو الموضوع كبير و محتاجة ثيرابيست اعملي كده
طيب يعني انتى عارفه انه مش خير ليكي اهو وبعدين هو انتى مش سيبتيه عن اقتناع !!
ادعي ربنا يختارلك ويكتبلك الخير ويعوضك ومتسعيش ف اي حاجة تاني
الدعوة بالاصلح والافضل للطرفين
ادعي دايما ان ربنا يعمللك الخير وبس وسيبي كل حاجة تمشي زي ماتمشي .. واتأكدي ان ربنا بيعمل الخير وبس حتي لو كان عكس ارادتنا ، بس نرضي ونبقي متأكدين ان ربنا حفظنا من حاجات اكبر مننا احنا منعرفش عنها حاجة ،ربنا دايما بيعمل الخير ،والحمد لله 🤎
قولي " اللهم أختر لي ولا تُخيرني فإني لا أُحسن الاختيار ، اللهم أنت أعلم بما في قلبي مني ؛ فـ راضيني و ارضي عني "
ادعي ربنا يريح قلبك ويرزقك باللي فيه الخير
ادعى دايما وقولى اللهم اختر لي ولا تُخيرنى ف أنت خيرٌ من يختار وخلى دايما عندك يقين بالله انو اللى خلقك يستحيل يضرك كله خير بأمر الله
حاسة ان دا تفكير زيادة بس او خوف من انك تكونى ضيعتى فرصة فى ظننك انها مش هتكرر تانى ، و دا مش صح والله ، رزقك مكتوب لك و هتاخديه ، فالحل فى الدعاء بإذن الله ، ادعى ربنا يرفع عنك حمل التفكير و الترتيب و يدبرلك أمرك و يختارلك الخير و يراضيك بيه 🤍.
صلي استخاره و لو هو خير ليكي هيقرب و لو شر ربنا هيشيل حبه من قلبك