-لما الناس بتموت الحياة بتستمر , بس لما الناس بتبعد الحياة بتوقف, غريب ان الموت ارحم من البعد.؟
لا الموت مو ارحم من البعد 👍 ع الاقل بالبعد بنقدر نشوف من بعيد بس الموت بسرق كل ملامحه وبتضل بخيالنا وعايشين ع كل التفاصيل وبنموت الف بعد والف موته 💔 ••
العين تبدي الذي في قلب صاحبها ....من الشناءة أو حب إذا كانا🌸 إن البغيض له عين يصـــدقها ......لا يستطيع لما في القلب كتمانا فالعين تنطق والأفواه صـــامتة ..... حتى ترى من صميم القلب تبيانا🌸
الشب اللي مولع السيجارة ورا يطفيها 😡 صاحب الباص قال هاي الجملة لشب من الركاب مولع السيجارة في آخر مقعد وساند راسه ع الشباك رد عليه الشب بعصبيه !! بدي كمل سيجارتي ومش مطفيها ولو مش عاجبك نزلني هون كلام الشب استفز السواق قام ضرب بريك مرة وحده وصف صفه معناها تفضل انزل الشب وهو نازل استغرب السواق من ملامحه ولاحظ انه الشب كان يبكي ولسا ماخلص بكى وعرف انه كلامه المستفز نابع من مشكلة بيمر فيها ومش ملاقي الا السيجارة يطلع فيها همه قام السايق لحق الموقف بشياكه عشان ما يزيد ضيقته وقاله أنا صفيت عشان تخلص سيجارتك براحتك لاني داخل هلأ ع الكازية وممنوع أدخل وسيجارتك مولعه ، الشب اطلع للسواق بابتسامه ورمى سيجارته من غير ما يكملها ودخل الباص ، السايق ما دخل الكازية وسأل الشب انت وين نازل ، رد عليه الشب وهو مبتسم قاله بوابة غسيل الكلى ... 💔