Ask @shams7andlh:

هي حقيقة طبعاً.. وتشبه لحدٍ ما ما مررت به ")

مش من الغريب تتشابه القصة بأفظع منها بالواقع
المؤسف أنه حالنا الاجتماعي بعاني من فقر شديد بالوعي شبه إنعدام بالشعور بالأخرين مؤسف جدأ إنه ما تعلمنا نحب وتربينا بنواقص عاطفية خلتنا بحاجه للتنمر او لأثبات الذات او للظهور والتكبر والأنانية
يا الله لو نحب و نرحب بالامور والناس و نتقلبهم بدون خوف

View more

+2 answers in: “أّحٌيِّانِا تَّّسعٌدِنِا أّشٍيِّاء 😍لَا قِيِّمَهِ لَهِا عٌنِدِ الَبِعٌضّ ❤ 🦋 تّګلَمَ عٌنِ مَأّ يدور في عقلك🦋”

إسرِد لي عِبرةَ مِنْ تجاربك الواقعية..✒

سہُجہود "ابنَة فِلسطين"
ما بعرف كيف غيرت طريقي و رحت ركاض على المدرسه متجاهل كل شي سلبي بصير معي بالمدرسه
ما كان خاطر ببالي اي شي سلبي
متفائل وبس
صفيت بالطباور ولاول مره بكون براس الطابور اول واحد كان شعور حلو كتير
كان شي غير العادة
دايما بنص الطابور او اخر الطابور بتحس انك ماشي ورا الناس ما إلك القرار تروح يمين او شمال او حتى انك تعمل اي شي حتى ازا وقعت يمكن يمشو من فوقك و يدعسوك برجلهم
مش انت الي بتتحكم بخط السير ولا انت عارف وين ممكن يوصلك هاد الطابور بمعنى اخر راسك بين هالروس ويا قطاع الروس
انك تكون شخص مسير غير مخير انك تكون شخص ماشي مع الجماعه ورا الناس بدون ما تفهم انت شو دورك او حتى انت وين رايح
انك تكون بقطيع تجهل على انو مذبحه رايح الطريق امان ولا خطر ،
تكون ماشي وما عندك الثقه انك ماشي صح ما عندك الرؤيا لاخر الطريق ما بتعرف بالحدث والمتغيرات اول واحد
ما بتعرف سبب القرارات الصادرة وليش تغير الطريق وشو كان في حلول لحتى ما تغير الطريق
ما بتعرف شو هو الي كان مناسب
انك تنصدم بكون رايح على مختبر العلوم مش على الصف او انك رايح تنظف الساحه مش تلعب رياضه
كله هاد شعور الي مش بأول الطابور بس انا اليوم حسيت
اني مسؤول عن كل الطابور حسيت اني انا الي بدي اختار الطابور وانا الي بدي امشي و أحدد خطوات الدرب خط المسيرة بعهدتي
انا الي شايف اخر الطريق وعارف كيف بدي امشي و اوصل الاخر
عارف كل العقبات الي قدامي وبحللها وبدرولها على حلول انا الي بقرر مصير الكل
ما كنت مصدق حالي ولا مصدق شعوري
شعور انه فش حد يمشيني على كيفه شعور اني انا الي بختار مش حد تاني شعور اني محرك وراي ٤٠ راس
حسيت الطريق ملكي انا المتحكم اختبرت الموقف و وقفت بنص الدرج والكل وقف ما حد طلع عني كملت زاد الشعور و زادة الطاقه اكتر
اختبار تاني تحركت يمين تحركت شمال بالفعل
فرحتي ما بتنوصف شعور المقدمة رهيب بمخوت العقل
بصراحه الشعور استحوذ علي بالكامل مش بس تملكني لا هو احتلني وصار يتحكم بكل شي بسجمي و ب رد فعلي وبتصرفاتي وانفعالاتي

View more

• ماذا يريدُ الطفلُ المختبئ بداخلك؟ •

••• NotReal •••
يريد تفاحة
وصلت السوق بتفرج بالناس والأزمه والاصوات وهالنسوان بقاتلن البياعين ع ربع ليره و ع بريزه
في حبه تفاح خمرية وقعت من عند البياع بتدحرج على الشارع منظرها بشهي زمان ما اكلت تفاح
متى اخر مره اكلت تفاحه اه تزكرت وأحنى عنى ضيوف وناس يخطبو اختي وااااال هاد الحكي قبل سنتين
الحبه وصلت عند رجلي مسكتها بإيدي ومسحتها من لتراب وصفنت بجمال لونها كانت أول مره بشوف تفاحه بهاد الجمال
"بدون ادراك قاعد ببلع ريقي"
تمنيت لو هالتفاحه تكون إلي طيب مهي بإيدي خليني أكلها
عيوني لمعو وحسيت طعمها بتمي قبل ما اكلها بس عقلي : لا وقف لا تكلها انت ما بتوخود اشي مش إلك رجعها
رحت أرجعها حكيت للبياع خذ وقعت من عندك حكالي خدها إلك مارضيت أصر اني اخدها عزت علي نفسي ومع ذلك ضل مصمم اني اخدها
اخدتها وبسرعه رحت داريت حالي عن عيون الناس ما بعرف ليه
رجعت صفنت بالتفاحه وسرحت بالنقط الغامقه على قشرتها ما بتبين الا قربت عيوني منهم كتير
اكلت اول لقمة سحرني طعمها ما كنت متخيل انها لذيذه لهدرجه اكلت تاني لقمة استغربت انه طعمها مختلف عن التفاح الي كنت اكله بالمخيم
امي زمان بالمخيم كانت تجيبلنا كتير فواكة تحطهم بطشت في مي وتقعد تشيل العفن منه بالسكينه
وتحطلنا نوكله كان من الصعب انه تكون في تفاحه كاملة
اكلت كمان لقمة مش راضي ابلعها بستمتع بالطعهم الرائع والعصارة تبعتها فيها اشي غريب مختلف معقول هاد هو التفاح الاصلي
هيك طعمه ئي طيب يا أهبل ما في تفاح مش اصلي طيب شو المختلف بطعمها
اهاااا عرفت هاي التفاحه ما بتشبه هداك التفاح هاي كامله مش مقسوم منها جزء خربان
معناته طعم العفن بكون موجود بالتفاحه حتى بعد ما نشيله بالسكين
وهاي التفاحه ما فيها جزء خربان وهاد هو سبب انها مختلفه وطعمها زاكي
لازم اطعمي خواني منها بس يييي صرت مخلصها

View more

ماذا يريد الطفل المختبئ بداخلك

أخَبِرني مَتى يصيرُ الموتُ راحة ؟

سہُجہود "ابنَة فِلسطين"
بسم الله الرحمن الرحيم
(( يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَرْضِيَّةً فَادْخُلِي فِي عِبَادِي وَادْخُلِي جَنَّتِي ))

View more

هل تمد يد العون لشخص خذلك يومًا ما ؟

Lolo *
لا أعلم لماذا آرى الكثير من الذين يحرصون على أن لا يمدون يد العون ليس لمن خذلهم يوماً ما
إنما لأي كائن كان
ولا أعلم لماذا ارى هذا السؤال كثيرا هل سأمد يد العون لمن خذلني ؟
هل نحن حقا بحاجه لأن نعرف ماذا سنفعل في كهذا موقف هل نحن نجهل أنفسنا لهذا الحد ؟
الا نعي حقيقة مشاعرنا وصبغةِ ارواحنا لأي طيف ولون تنتمي
ولِما لا أمد يد العون هل لأنه خذلني ؟
هل أنا قبيح الروح لهذا الحد؟ ..
وهل إن خذلته مثلما خذلني سأكون مثله استحق أن اخذل ؟
لا أعلم ربما ليس قبحاً إن لم أمدَ يد العون لمن خذلني ولكن لغيره يعد قبحاً لكني لا أستطيع حقاً لا أستطيع هناك شيء في داخلي ان لم أفعل أرغمني

View more

+1 answer Read more

آٓلَُِآٓشُُيَآٓء تٌنِتٌهّـيَ🥺 لَُِڪنِ آٓلَُِذَِڪريَآٓتٌ تٌدٍِوٌوٌمً لَُِلَُِآٔبًَدٍِ😍 🍂تّګلَمَ عٌنِ مَا يِّجِوِلَ فِّيِّ عٌقِلَګ🍂

...
هالصورة الي تخيلتها تحطمت من اول نظرة على المدرسة واي إشي من إلي تخيلته موجود حتى الاصحاب الي توقعت اني الاقيهم كانو موجودين
ما كنت اعرف اني رح اكون منبوذ ومختلف بكل شي عن اولاد المدرسه ما كنت اعرف انه كلماتي ولهجتي رح تخليني وحيد من جديد ما كنت اعرف اني لما اكون جديد بمكان ما ،

راح اكون العدو الي دخل ع دار مش داره
ما كنت متوقع انه الحب الي جواتي رح ينطفى بأول يوم دراسي،

اول يوم كان محبط ومخيب عظيم لأمالي . هاليوم هاد ما كان سهل كان معركة سيطره طاحنه ،كانو طلاب الصف ع دور عاملين زي رجال المافايا يتفقو مع بعض ويبعتو واحد يتحركش ويتزانخ ويعمل من حاله الشخص الازعر الي مقطع السمكة و ذيلها ...
بصراحه انا كنت خايف المكان بعده مجهول وانا جديد وكلهم بعرفو بعض وانا الوحيد الي من برا الكوكب الي عايشين في همه طملت راسي وحطيتها بين إيدي على المقعد ،


كنت افكر كتير ازا قمت وضربته كم حد راح يهجم علي. طيب لو هجمو علي كلهم شو راح يصيرلي مين بده يفزعلي مين بده ينصفني انا مغلوب على امري متضطر اقطم واتحمل الشتم والمسبات والتريقه والزعرنه تبعته ...

View more

أّحٌيِّانِا تَّّسعٌدِنِا أّشٍيِّاء 😍لَا قِيِّمَهِ لَهِا عٌنِدِ الَبِعٌضّ ❤ 🦋 تّګلَمَ عٌنِ مَأّ يدور في عقلك🦋

لما رحنا نسكن بالمكان لجديد لقيت حالي وحيد مليش حد لا قرايب ولا غرايب المكان موحش كل شي مختلف تماما حسيتها نهاية لحياتي
أختلفت كل معاني الحياة... الطفوله الي كانت مفكر حالي عايشها بالمخيم بالفعل انتهت و بشكل جذري .
بلشت انهزم لحد ما سمعت خبر اني راح اتسجل بالمدرسه واكمل تعليمي فجأة عتمة الوحده انقشعت فرحت اني راح اطلع من زنانة الوحده فرحت رغم اني ما بحب المدرسة فرحت لانه المكان لجديد موحش كتير ما كان متل الحارة الي كنت اركض فيها وانا حافي ، ما كان فيه الناس الي ازا بعدت وضعت وما عرفت ارجع على دارنا تعرفني من خلقتي ابن مين و وين ساكن وترجعني لأهلي
ما كان فيه الاصدقاء والقرايب ولاحتى كان فيه الجيران الي لما يجي وقت الغدا الي مش طابخ بداره من القله والفقر يكون على سفرته سبع طبخات ،
ما كان فيه الجيران الي ازا انقطعت الفجريات من الخبز تروح و تصحيهم ويعطوك الخبز الي عندهم،
ما كان فيه الجارات الي بلتمو الصبح عند بعض بالحاكوره ع كاسه الشاي بالنعنع يلقطو ملوخيه تحت شمس الصبح ما كان فيها البيوت العمرانه بالشجر والخضار الي بشرح القلب،
هالمكان لجديد حتى شعاع الشمس الي في بحمل غم ونكد هالشعاع مختلف عن خيوط الذهب والنسيم البارد اللطيف الي كان بالمخيم
لكل هالأسباب وأكتر فرحت اني رح اروح على المدرسة فرحت من قد ما هالمكان لجديد ممقت تخيلت المدرسة فيها الاصحاب وحصه الرياضة والفن تخيلتها بشجر وحديقة وساحات كبيرة تخيلتها متل مدرستي الي بالمخيم الصورة الي رسمتها ببالي عن المدرسه شي طبيعي وعشته ما كان احلام وامنيات طالب بمدرستة كيف بتمناها تكون كنت متوقع لما اروح على المدرسه راح ألاقي كل شي متل ما كان بالمخيم .........
..........................

View more

+2 answers Read more

لــ قـٰٓـلـْـبـِڪ

سـمـآء
أنه شيء....
يزيدُ من تسارعْ النبضِ تدريجياً ...
ثم يثقب الظلام الذي يكسوهُ محدثاً تصدعات تُنيرُ عتمةَ المكان شيء فشيء ،،
ثم يسطعُ القلبَ كالنجمْ في سماء مظلمةَ
ثم تتكون هالةٌ مِنَ النُور يشبهُ شُعاعها شُعاعَ شَّمسٍ في ظهيرة صَيف حارق ،،،
ليتبدل القلب ويمكث بدلا منه كوناً صغير متلألأً
ثم يشتعل الجسد بذلكَ النور والوّهج كثورة ثائر إنتفض من وحل و طين أسود،،،
قم يصبحَ إله يشق العتمة والظلام بوهجه القرمزي
ليزيل الحزن ويبعث السلام في ارجاء المكان

View more

لــ قــلــبـڪ

SPACE🌻

Shahed alshredah
أُحبُّ صوتُكَ تَحديداً ، و في اللَحظة التي أسمعهُ تُخيَط المَسافات بَعضها و تأتيني ، و يَخيلُ لي أن هذهِ المَعمورة لا يسكُنها إلا صَوتي و صوتُكَ و ضِحكتكَ التي أهوى ، كأنها ضِحكة كُل أركان البَيت ، ضِحكة تَمتد إلى سائرِ اليومِ بل كُلهُ
"مقتبس" 🖤🌻

View more

SPACE

Space 🖤☀️

Bilal AlDarras ☉
لم أكن أعلم قبل مجيئك أن الضحكة قد لا تكون شكل تعبيريّ فحسب...
وأن ضحكة، مثل ضحكتك، تستحق عمراً كاملاً من الإنصات، وأنه بمجرّد أن يميل ثغرك، تتحوّل الدنيا، كل الدنيا، إلى سَماءَ نَقِيّه و شَمسٌ دافِئه

View more

Next