Ask @shams_ps:

- اكتب رسالة لـ شخص فبالك ، وأنا هرد نيابة عنه ! 👌😀

✮ V O D K A ✮
بدي اكتب لرئيس الوزراء محمد #اشتية
عن موضوع استيراد النفط العراقي عن طريق الاردن
سيادتك لمّا قررت تستورد النفط من #العراق
و تكرّره في مصافي #الاردن
و تجيبه الى #فلسطين
على شكل وقود
فكرتك عظيمة بس عنا مشكلتين
الاولى اسرائيل ما بتوافق بدخول وقود لا يوافق المقاييس الاوربية
و النفط اللي بتكرره الاردن على شكل وقود لا يوافق المقاييس الاوربية
الثانية اسرائيل ستسمح ببيع وقود مستورد في فلسطين
بشرط ان لا يقل سعر لتر الوقود عن 15% من سعر الوقود في اسرائيل
و نحن كفلسطينين هامش البيع عندنا 5% بيننا و بين اسرائيل
فيتبقى لديك 10% فقط
يعني وفرّت في كل لتر بنزين على جيبة المواطن 60 اغورة
حلوين الستين اغورة مش عاطلين
بس جيب ورقة و قلم تا قولك!
برميل النفط كم لتر بنزين بعمل معاك؟ 70 لتر بنزين
تكلفة البرميل من العراق كم؟ 66 دولار
وتكلفة تكريره و توزيعه من الاردن كم؟ 24% من سعر البرميل
يعني انت دافع 82 دولار على 70 لتر بنزين يعني 295 شيكل
طالع عليك اللتر ب 4.2 شيكل
مع ضريبتهم 4.9 شيكل
يعني انت موفّر 1.1 شيكل من السعر للي بنوخدو من اسرائيل
وما بتعرف شو مستنيك مصاريف جديدة
يعني يمكن اقل من 1.1 رح توفّر للخزينة
بدل كل هالفيلم يا رئيس وزراءنا المحترم
مش كان احسن اننا نعطّل اتفاقية #باريس من الاصل؟
اللي مكبلتلنا ايدينا و رجلينا و هوانا و ارضنا و بحرنا؟

View more

اعترافك بتل ابيب بلغي كل محاولاتك عشان تبيني مثقفة وبطلعك قحبة جاهلة

شايف الحدود الفلسطينية الاردنية؟
موجود فوق الاجواء 3 طائرات قادمات من #اسطنبول الى #عمّان
هدول التلات طائرات الاردنية مش مسموح يحلقو
فوق الاجواء الفلسطينية الا بموافقة اسرائيلية من مطار #تل_ابيب
عشان يستخدمو الاجواء للمرور الى العاصمة الاردنية عمّان
فما تيجي حضرتك تتفلسف و تقول ليش بحكي تل ابيب
كل العالم بحكيلها تل ابيب و كل العالم بحسبلها حساب
عشان يمرّو من فوقها و يوفرو ديزل بدل ميروحو عاللفّة

View more

+2 answers in: “Space ..💙”

تل ابيب يا قحبة؟!!

في الوقت اللي انت بتناديني بهاد اللقب القبيح
بحب احكيلك ان مطار #تل_ابيب بتنزل فيه طائرات من كل انحاء العالم
وبلدان ما بعمرك سمعت فيها اصلا؛ خد شوية امثلة عشان الثقافة
ميلان ، سرقسطة ، بافوس، رودوس، اوسلو، باكو، بوردو
هاد غير مدريد و باريس و نيويورك و اسطنبول
كل هاي المُدن والعواصم قاعدة بتيجي منها طائرات
الى تل ابيب في هاي الساعه اللي بكلمك فيها 04:50
و عفكرة #باكو هي عاصمة دولة اسلامية
و الموجود على الطائرة وزير دفاع هاي الدولة الاسلامية
خليك انت في الشتائم و السب عشان شو؟ عشان بحكيلو تل ابيب
هو انت طالع في ايدك اشي غير انك تسب يا قليل الزوق ؟
#اخص عليك

View more

+2 answers in: “Space ..💙”

Space ..💙

غَيـد أحمد
في هذه اللحظات يوجد العشرات من الطائرات حول العالم
قادمة الى منطقتنا او مغادرة منها
من #عمّان الى بوخارست و من تل ابيب الى #موسكو
ومن برشلونة الى الدوحة و من #نيويورك الى #تل_ابيب
و من #القاهرة الى #الرياض و من #دمشق الى طهران
و من #بيروت الى دبيّ و من #بغداد الى عمّان
و غيرها الكثيرالكثير..
لكن يبقى السؤال: انت ليش مش موجود على وحدة منهم؟؟
شكلك ما بتحب الرحلات الخارجية؟
خليك من الصالة للمطبخ و من المطبخ للبرندا!
مالو السفر الداخلي؟ منيح و كويس

View more

+2 answers Read more

صباح الخير .. 💙

Moataz Mahmoud
صباح الجمال؛ هاد هو نهاية نهر #كيشون كما يسميه اليهود
او نهر #المقطّع كما يسميه الفلسطينيين
الصورة من نهاية النهر في #حيفا قبل أن يصبّ في #البحر_المتوسط
اليهود استفادو من النهر في مياه الشرب و صيد السمك و المتنزهات
و احنا مع انه النهر بمرّ من تحت اراضينا
ما عملنا اي اشي عشان نستفيد من جمال هاد النهر

View more

من حقيّ أن ...........؟ " عبروا عّن حقوقكمم المفقودة ؟

بدي احكي عن (حقوقنا المفقودة) كفلسطينيين من المياه
اللي بتمشي تحتنا و احنا مش عارفين!!
في عنا نهر اسمه نهر #المقطع؛ اليهود بحكولو نهر #كيشون
كيشون يعني المنحني، من كلمة انحناء
مصدر هاد النهر جبال #فقوعة؛ اليهود بحكولها جبال جلبوع
وهي قرية فلسطينية شرق #جنين
النهر طوله 70 كيلو متر و يمر من تحت اراضي جنين
و بضل ماشي ماشي الى #حيفا حتى يصب في #البحر_المتوسط
بنشوف بالخريطة كمية البحيرات
اللي اليهود عاملينها على منابع نهر كيشون - المقطع
وعلى امتداد النهر حتى حيفا عاملين بحيرات
هاد غير انهم بستفيدو من النهر لمياه الشُرب
السؤال ليش كفلسطينيين مش عارفين نستفيد من هاد النهر العظيم؟
شوف الخريطة؛ مافي اي بحيرة بالضفة على هاد النهر الجميل؟ ليش؟

View more

هل حدث معك موقف نطقت الشهادتين وظننت انها النهاية؟؟

Waleed Altayeh
سائقي سيارات #العمومي (الطيارجية) مستحيل اركب معاهم
إلا و أتشاهد بالشهادتين؛ خصوصا لما يجي على كوربة
ولما اتشردق بكاسة مية بنطق الشهادتين؛ بس على #الصامت
قديش هالانسان بفكر حالو اشي كبير و جبروت و هيلمان
و هي شردقة من شفطة ميّة؛ بتخلي شريط حياته يمرق قدام عيونو و هو بدمّع

View more

إحصائية #فلسطينية بتقول ان المدخنين في #فلسطين عددهم 800 الف؛ وفلسطين فيها 5 مليون؛ يعني 16% من الشعب مُدخنين؛ و بدي اشوف نسبتكم عالآسك؛ اكتر و لا اقل من 18% يالا يا ابطال

vs

~ ❤ ~ اي اشي ببالك

عبدالهادي ابو غويلة
متل اليوم و قبل 243 سنة استقلت امريكا عن بريطانيا
خطاب #ترامب كان مليان بالفخر بالمتطوعين اللي قادوا #الثورة
و بفتخر انه استقلالهم نالوه ب #الحرب مش ب #السلام
و شو سبب حرب #الاستقلال اصلا؟
بريطانيا كانت بتفرض عليهم ضرائب و مافي إلهم تمثيل بالبرلمان
راحو عاملين ثورة عبريطانيا و انتزعو استقلالهم
بسقوط 87 الف شهيد خلال 8 سنوات
ليش مسموحلكم يا #trump الاستقلال؛ و احنا مش مسموحلنا؟

View more

كان الله في عون امراة أنجبت ذكراً ففرحت واستبشرت وتأملت فيه خيرآ فصار مع الزمن أنثى. #أحسن الله عزائك يا خالة

انت غلطت مرتين يا عماد
المرة الاولى لما رفضت انسان ميوله انثوية!
و بتتخوت على تصرفاته او منظره؛ اللي #ربنا حطّها فيه
و هي حالة بالمجتمع واجبك تحترمها و ما تتنمر عليها
و المرة التانية لما بتقول احسن الله عزائك يا خالة
شو قصدك؟ الانثى عيب مثلا؟ او اشي ناقص؟
ما بطلعلك تقلّل من شأن الانثى؛ بس لأنها أنثى
#عيب

View more

أيه الحاجة اللي المفروض تبقي غير قانونية !؟ 🤷‍♂️

Alien'
تجار الاعضاء البشرية وتجار #المخدرات وتجار اللحوم الفاسدة
و المطاعم اللي بتدبح حمير و بتعملها #شاورما
بنسمع كل يوم بالاخبارعن إلقاء القبض على هيك نوع تجار و مطاعم
لكن و لا مرة نشروا اسماء؛ طيب ليش؟
التاجر بيطلع بكفالة و المطعم برجع يفتح عادي بعد تصويب اوضاعه
لأنه القانون بحمي اساميهم؛ ياريت يبطّل هاد الاشي قانوني

View more

أغتصبك

Medo
اقدم الحضارات و قبل 7000 سنة
مارسوا اقبح اشي يتصوره العقل
و هو #اللواط و كان بالتراضي!
جاي انت يا ميدو تسألني في 2019 أغتصبك؟؟
متخيل كمية القـبـــح اللي في راسك؟
متخيل مدى الرجعية اللي في فكرك؟
متخيل حجم العهـر اللي في اخلاقك؟
#اخص عليك

View more

مرحبا كيفك ؟ لو حدا سرق فونك وصورك وهددك فيهم وستفزك ونشر كم صوره بس مسكوه/ا والقاضي حكم عليه يشتغل خدام عندك شو راح اتخلي يعمل ؟ كخيال ومزح

الاء
و هو حرّ و مش خدّام؛ سرق تلفوني و نشر كم صورة
هاد لو يصير خدام شو رح يعمل؟؟
بنشرلي كل #الصور و #الفيديوهات

الله الغني عن خدماته قليل الاصل و الشرف
الله يكفيني شره.. ما بدياه خدّام

رحلة ع البذان ٧٠ يوم الجمعة الي بحب يروح يخبرني ❤

عبدالهادي ابو غويلة
ان شاء لله بتنبسطو في #الرحلة
ما بعرف كم واحد صرتو بس عندي كلمتين
للناس اللي دايما بتشكيلي مافي شغل بالبلد
فكرة الاخ عبد الهادي بتعملو منها احلى شغل، وبتعطميكم شهد العسل
مع شوية تنظيم بتعملو شغل مرتب، كيف يعني تنظيم؟؟
يعني ما تكون رحلة و السّلام
لاء.. خليها رحلة تخلي زباينك تيجي عليك كل شهر
تحكيلك يالا بدنا كمان رحلة، لأنهم انبسطو معاك كمنظّم رحلات
كمنظّم رحلات بتقدر تجيب عدّة الرحلات كاملة
و تصير هي الشغل تبعك ، و ما تعتمد على زباينك بالاغراض
متل.. شوالات فحم، كوانين نار، كاسات، محارم
أكياس زبالة، أكياس ثلج، قناني ميّة، اساعافات اولية
زواكي و شوكلاتات و شيبسات و بسكويت
توفير لحمة و دجاج من مصدَر المصدَر
و عفكرة #فلسطين مليااااانة اماكن بتقدر تزوروها
و اذا بدك توسّع النشاط على #اسرائيل
بتصير القصة اكبر و احلى و احلى

View more

بنت بترسم وبتكتب شعر حلو موهوبة بكل شي كيف تستغل موهبتها😢😢في حد بعرف اشي مشروع حلو اعمله

مشروع يجيبلك #مصاري؟؟
لو الاجابة آه؛ اليكِ افكاري
مع اني ما بعرف مستوى رسمك و اشعارك
بس لنفرض انك موهوبة بكل معنى الكلمة
بتقدري ترسمي ناس و توخدي على كل رسمة 30 ش
و على كل رسمة تكتبي بيت شعر و بيت الشعر ب 10 ش
مع اعلان مموّل عشان الاعلان يوصل لكل الناس
هاي اول فكرة
الفكرة التانية
بتروحي على شركة #جوال او #اوريدو
و تعملي معهم مشروع ترسمي كبار المشتركين
المشتركين اللي فواتيرهم عالية بحبو الهدايا الخاصة اللي متل هيك
الفكرة التالتة
ترسمي رؤساء البلديات التمانية اللي بالبلد
هاي الفكرة بتكسي منها شهد العسل؛ بحبو العجقات رؤساء بلدياتنا
يمكن يوظفوكي بالبلدية رسّامة لكبار الشخصيات اللي بتزور البلديات

View more

السلام عليكم لو كنت جزءا من الطبيعه ماذا تريد أن تكون ؟

أمِـﻧَحٍوِتْبّـ♡{©}ژﻟﯾﺧھَہّ
بحب اكون شجرة؛ و لو السؤال شو الشجرة؟
بحكيلك يا شجرة #زيتون يا شجرة #أرز
لو ليش شجرة زيتون؟
عشان بتعطيك كتير؛ من ظلّ وزيت و زيتون و صابون
بس ما بتطلب منك اشي ، زي كل الشجر
و لو ليش شجرة أرز؟
عشان عنا أرزة طولها +9 متر مركبين عليها كاميرا متحركة
بتعطيك اخبار كل شي بصير حواليك
انت بس اقعد عالشاشة و ضلك العب بالريموت
و الله احسن من المحطات الفضائية

View more

Status..💚

esam majde ❤️
#اسرائيل تحتجر 14 مليون #شيكل من اموال السلطة
كتعويضات ل 52 عميل احتجزتهم #السلطة في سجونها
يعني بطلع لكل عميل 270 الف شيكل تقريبا
لو نرجع لاسباب خصم اسرائيل لأموال السلطة
بكون السبب ان السلطة تدعم الارهاب من خلال
دفع اموال للاسرى واهالي الشهداء
ليش المفاوض الفلسطيني ما بناقش بنفس الاسلوب؟
زي ما بتعوّضوا عملائكم، احنا بدنا نعوّض اسرانا و اهالي شهدائنا
و هاي حَلينا ملف خصم اموال المقاصة
اعطيني الملف اللي بعده

View more

ما موقفكم من سفقه البحرين؟؟

صفقة البحرين بالصاد و ليس السين
الصفقة غير مناسبة ابدا لقيمة فلسطين
فلسطين ثمنها اكبر من 50 مليار على 10 سنوات
ببساطة احنا الفلسطينية 15 مليون حول العالم
لو ثلث الفلسطينيين يعني 5 مليون فلسطيني
قرّروا يدفعوا بس 1000 دولار بالسنة
بنعمل 50 مليار في 10 سنين
يعني ما يحمّلوا اهالينا جْميلة
بالخمسين زفت على راسهم
وقضيتنا ابداً مش اقتصادية
#صفقة_القرن صفقة خاسرة بكل ما تحمل الكلمة من معنى

View more

برأيك ، شو احسن هدية لشخص مميز وقريب منك ؟

شوف انا بحب #الهدايا تكون قريبة للشخص
يعني يكون قريب منها بمعنى أصحّ

مثلا حْرام يتغطى فيه، او وسادة يحط راسه عليها
أو بشكير او منشفة او طاقية او سنسال او محبَس
هيك نوع #هدايا بيعنيلي اذا انا انهديتها
Next