Ask @shimaa_alaa:

تحب تقول ايه للشخص اللى مدمن على ذنب ومعصيه معينه وبيعمل ذنوب وسيئات ومش بس كده ده مبيصليش خالص وقليل جدا من الذكر والدعاء وكمان بيبقى مش على طهاره و و و تحب تقوله ايه حتى لو كنت نفسك او حتى انا واتكلم ولو باختصار جدا عن الدين وربنا ورضا ربنا وعن الذنوب والسيئات والحرام واللى ميرضيش ربنا واسف جدا

مرحبا مرحبا بهذا القلب الخيّر الطيب احساسك ده هو دليل أن قلبك لسه فيه خير وحب لربنا وخشيه الحمد لله وأبشر أبشر ان ربنا هو هداك للتوبه وقذف هذا الشعور فى قلبك عشان ترجعله تانى ربنا بيقول ثم تاب عليهم ليتوبوا فأبشر ربنا تاب عليك فى السماء فهيا أكمل توبتك فى الأرض وما أحلى التوبه فى هذه الأيام المباركه
عارف كلنا بنذنب وبنعصى ربنا ومحدش كامل لكن اهم حاجه اننا نتوب بعد كل غلطه ونتبع السيئه بالحسنه ولو مش عارفين نبطل ذنب معين اول حاجه ندعى ربنا أنه يعينا على نفسنا ونجاهد وبعدين نزاحمه بالطاعات ونقفل أبوابه لحد ما هتلاقى نفسك في يوم بطلته بفضل الله
أولا اصدق الله يصدقك يلا قوم صلى ركعتين توبه وادعى ربنا واطلب منه المعونه وجاهد نفسك فى الصلاه وبس حاليا وحاول تثبت عليها وهى هتظبطلك كل حاجه ومعاها اسمع واقرا قران كتير بصوت قارىء بتحبه المهم يومك ميعديش من غير قرآن وابعد عن
صحبهه السوء وأقفل البيبان اللى بتجرك لتحت خليك راجل فى قرارك واثبت وأبشر بالخير الكثير والله
ربنا يردك إليه رداً جميلاً ويثبتك وينصر الاسلام ويعزه
بيك يارب 🌸

View more

الا شيماء .. شيماء قدوه لكل اللي يعرفوها .. شيماء مينفعش تتشتت نهدى و نستعيذ بالله من الشيطان و نعمل restart بقه يا دكتور :))

يا جماعه بلاش البصه دى بالله شيماء دى مجرد عبده إيمانها بيقل وبيزيد
انا فعلا هعمل ريستارت والله المستعان لكن محتاجه دعوات كتير ليا ولغيرى ولكل حد بيجاهد فى الطريق

View more

انا مختمره وعقدوني في الخمار واللبس المحتشم هو انا غلطانه علشان بطلب الاحترام ،كرهت نفسي في اللبس ده مع اني مش برتاح غير فيه تعبت بجد منركلا م الناس

أولا نيتك إيه؟! إنتِ لابسه اللبس ده لربنا مش للناس فطظ جداً فى رأي وكلام أى حد
اللبس المحتشم بيديكى احترام أكتر وبتمشى وانتِ كلك سكينه ووقار وعزه لأن ده اللى ربنا أمرك بيه وانت بتطيعيه سبحانه حبا وخوفا من العذاب
افتكرى ويريد الله أن يتوب عليكم ويريد الذين يتبعون الشهوات أن تميلوا ميلا عظيما
وما أثقل عليهم أن تكون فتاه جميله محتشمه تنشأ ذريه محتشمه مثلها
طيب ولو سمعتى كلام الناس وبعدتى عن اللبس كده ارتاحتى ؟! لاء!!! طب هما كده بطلوا كلام يدايقك بالعكس أى لبس هتلبسيه هيطلعوا فيه القطط الفطسانه ويتكلموا بردوا رضا الناس غاية لا تدرك وأصلا كمان رضاهم مش غايه من الأساس
أسأل الله أن يعينك ويثبتك على الحق ويردك إليه رداً جميلاً ❤🌸

View more

ما بالُ نفسك لا تبدى تَجَزُعَا تغفو وتصحو ولا نراها تُفْزَعَا تقطعت اوصال قلبك حينها وتبادرت عليك الهموم تَوَجُعا وتظل مسكينا قد منعوا فؤاده عن وصل حبك رغم عنك تَمَنُعَا ليتهم علموا جزاء محبتِك او علموا مرار الهم تَجَرُعَا او ليتهم ذاقوا المرارةَ والأسى من بعد تقطيع الوصول تَقَطُعَا

ردا على رساله رقمى

هو بس انا مبحرجش حد غير فعلا لما يكون حد لطيف ومطمن انه مستخبى ورا شاشات يمكن انا اكون عارفه مين اللى باعت السؤال بس مش عاوزه افكر كتير عشان بجد يعنى كفايه اللى الواحد فيه
وبمناسبه الرقم بقي هو رقم خاص بفودافون كاش لكذا حاجه يعنى وده مش رقمى الاساسي ده زى ما قولت انه لاغراض خاصه وانه مع ناس كتير اصلا والحمد لله محدش بيدايقنى لانى اولا لو حد عمل كده هعرف اتصرف ان شاء الله وهخليه يكره نفسه انه فكر يعمل حاجه زى كده ثانيا فيه اختراع اسمه البلوك بردوا وده للناس اللطيفه بزياده
فشكرا جدا على النصيحه يعنى واكيد انا مش هنزل رقمى الخاص كده لكل الناس ياريت الامور تكون اتضحت

View more

أصعب حاجة ان حد يفهمك غلط أو حد يوصل عنك حاجة غلط في بمعنى يكون ف سوء تفاهم وبسببها تخسر ناس انت بتحبهم لية كد

عشان دول بشر مش ملايكه ودى دنيا مش جنه وربنا بيقلب القلوب
اللى بيحبك لو سمع عنك حاجه وحشه هيدافع عنك لانه عارفك كويس واللى بيكرهك مش هيبطل يقول كلام وحش فطظ جدا بقى فى كلام الناس
لو حد بيحبك فهمك غلط اتعاتبوا يا جماعه واغلب سوء الفهم بيكون بسبب منطوق لم يقصد ومقصود لم ينطق وبينهم بتضيع الكثير من المحبه

View more

اى حاجة بتغيرلك مود النعس و تساعدك ع المذاكرة ؟📚

قوموا شموا هواء وانكشوا شعركم واتنططوا شويه كده وقولوا لمامتكم أو باباكم أو اخواتكم انكم بتحبوهم وخدوا حضن عافيه بقى
واتوضوا وصلوا ركعتين قضاء حاجه وبعدها ممكن تقرءوا سوره يس
وقولولى النتيجه

View more

Next