اليوم صار معي موقف بخجّل وبضحك كتير كنت طالبه أوبر وعم استناه ت يجيني المهم رنلي السائق ووضحلي وين مكانه كونه العنوان الي انا فيه بِتوُه شوي ، عند الإشارات الي موجودين بالمنطقة شفت سيارة ومتل ماهو موصوف بالابليكيشن واقفه عّم تستنى الإشارة حتى تفتح رحت انا وأختي لعند هي السيارة وركبنا والشب عّم يطلع فينا مستغرب كتير وعم يضحك ،،فتحت الإشارة ومشينا قام التفت الشب علينا وقال انتوا طالبين أوبر ولا كريم🌚؟انا: أوبر !! ،ليش مين انت 😳 الشب: مممممممم خلص انا كريم😅 اختي : فارطة ضحك فعلياً لما عرفت انه انا وأختي ركبنا مع شب لا هو أوبر ولا هو كريم شفت بوقتها شريط حياتي كله، يعني شب غريب ماعندي اَي فكرة عنه 🙃 وبالممنظور الشرقي "عمو الخطّاف"😂الشب كتير انحرج من الموقف وانا كنت رح موت من الخوف والخجل شعوري بهي اللحظة متل ياريت الأرض انشقت وبلعتني 😂المهم الشب صار يقلي خلص اختي انا رح وصلكن للوجهة الي بدكن ياها واطمنوا انا اخ الكن ☺️هون انا كان المفروض انزل واطلب مرة تانيه أوبر ،بس مابعرف ليه صليت ساكتة ورضيت انه شب غريب يوصلنا.ماكان فيني الا التزام الصمت والضحك بنفس الوقت وفعلاً الله يرضى عنه وصلنا للبيت وحتى حساب ماكان يرضى يتناول مني الا بعد الف محاولة ت قبل ياخد الله يجزيه كل خير بصراحة الي لملم الموضوع ووصلنا من دون مايحسسنا انه هو بالنهاية لابيشتغل ب أوبر ولا كريم واصلا هو سكان الجبيهة وطبربور كلها مابيعرفها 😄ومشان السيارة الي طلبناها كنسلت المشوار ولبسوني ضريبة الغاء الطلب 🌚وتقييمي الهن ؛ الله يرضى عنهن ريحونا من قرف بعض التكاسي الي بتحملك مية الف جميلة انها وقفتلك وعدا عن أمور النظافه المعدومة والشوب والقرف 😒😌