من أعمق جُمل الحُب بالنسبة لي : "She's not Rachel". قالها روس في مُسلسل F.R.I.E.N.D.S ، كان مُحتار بين حبيبتو الأولى ريتشل وحبيبتو الجديدة جولي ، ريتشل كانت حُب المراهقة بالنسبة الو ، ما في أي قواسم مشتركة بينهم غير إنهم بيحبو بعض ، و هاد للي خلا المشاكِل بيناتهم تكون كتيرة لدرجة بتصل لإنهم يتركو بعض لكن حُبهم دايماً بينتصر ويرجعوا لبعض ، و جُولي اللي كانت انسانة على مقاسو تماماً ، الانسانة اللي عندا المواصفات اللي بتكملو ، الانسانة اللي لو اختار انو يفصّل انسان كرمال يحبو كان فصّلها هي ، ريتشل حبّها بقلبو كلو حُب مجنون ومندفع و جولي حُب عاقِل و رزين. لمّا بقى ما قادِر يختار ولا يفهم ، أصحابو قالولو اعمل قائمة فيها عيوب ومميزات كل وحدة فيهن ، بلش يعمل هيك فعلياً وحاول يحكّم عقلو ويختار بحكمة ، عيوب ريتشل كانت كتيرة ومميزات جولي طغت عليها ، لكن لمّا اجا يكتب عيوب جولي ما لقى فعلياً فيها عيب غير إنها مو ريتشل ، مو الانسانة المجنون بحبها ، ما بتشبها ، فقال : "She's not Rachel". وفضّل ريتشل عليها على الرغم من الحُب المحفوف بالمخاطر والمحتاج لتضحيات كبيرة جداً منهم الاتنين كرمال يستمر ، فضّل الحُب الصعب على الحُب المريح." مو دايماً الانسان اللي بنحبو مفروض يكون متل ما بدنا او بمواصفاتنا نحنا مشان نستمر معو ، أحياناً بيكون أبعد من تخيلاتنا وما في تفاصيل بتجمعنا غير الحُب ، و هاد الشي الحلو بالحُب ، لونين مُختلفيين تماماً بيمتزجوا مشان يكوّنوا لون تالِت ، عالمين غريبين بيبنوا عالم جديد يقدروا يعيشوا فيه ويتعايشوه رغم كل اختلافاتهم❤
اخذت قرار تغير جذري لكل حياتي،،، نفسيتي كلامي اسلوب حياتي طريقة لبسي وزوقي بأختيار الموسيقى وحتى الناس الي بحياتي رح الون الهم حياتي ... أنا حدا جديد من هاي اللحظه مسحت كل شي من ذكريات وناس وامل...