Ask @shrouq_mohammud:

ازاي اثق في نفسي وابقي جريئه

للعلم اني لست باعلم منك اطلاقا خصوصا في النقطه لكن اليك اقول
ان الثقه بالنفس لا تاتي من فراغ اقصد انها شعور اينعم لكن يلزمه جهد
جهد عقلي جسدي المهم انه شغل علي حاجة
..بعدين جيت لاحظت حاجه
انه الثقه بالنفس مطلوبة حتي قبل بذل الجهد
هتقولي ليه اللغبطه ده،،
الفكره يا بنتي ان لو الواحد شايف نفسه قليل ولا يستحق ووو لن يسعي للتغير او يسعي ببطئ
لكن ادركت انه ان تدرك نقط ضعفك جيدا ده شئ كويس مش مدعاه لقله الثقه بالنفس
حسيت انه الواحد يبقي عارف نفسه يعني عارف نفسه بجد ده شئ مش سهل
يعني كونك تعرف انك جاهل بشئ ده خطوه اعلي من جهلك بجهلك فتفتي فتشتغل بدون علم فتبوظ .فقط لجهلك بمواطن ضعفك...
عشان كده اقعدي مع نفسك واكشفي عيوبك لنفسك بصدق وبدون افوره عشان متقلبش جلد ذات بس🤐
بعدين مميزاتك عارفه حتي لو صفة هابله من وجه نظرك بس حلوه فوكس عليها ومتتجهليهاش
..بعدين نشوف هل في حاجات بتغضب ربنا بعملها خصوصا لو قدام الناس مثلا. زي لبس مش مناسب او سلوك سئ ... لا.. يبقي فاكس الناس
ركزي مع نفسك ولو عايزه راي حد يبقي حد بتحترميه وبتثقي فيه غير كده راي اي حد ولا الهوا بالنسبالك خصوصا لو ميعرفكيش
لكن ننوه هنا انه لا نترك مجال للشيطان انه يلعب بعقول الناس وجب التنويه عشان ميبقاش جرأه فارغه
تصدقي الجراه ده مهمه في مواقف كتير حقيقي
منها لما تغضب لمنكر ومتعدش تخبي وتخاف تقول انه ده يغضب الله
حقيقي بقي اغلبنا مع الوقت وانا بنتجاهل الاعتراض ونكبته جوانا جبنا
في اعيذك انت تكوني جبانة واسال الله لي ولك ان يصنعنا علي عينه

View more

Next