هو ممكن واحده تفسخ خطوبتها عشان خطيبها بارد جداا و مش مهتم بيها خالص و مبيفرقش معاه زعلها و لا دى مش اسباب
اسباب و نص و تلت تربع يعني فى فترة البدايات اللي مفروض يظهرلك فيها أحسن ما عنده و بارد و مش مهتم أمال لما أعباء الحياة تقطم وسطه هيعمل اية🙂
اوافق علي واحد وسيم والبنات هتموت عليه بس تفكرينا مختلف وساعات بحس عقله صغير ولا اوافق علي واحد ملامحه مش اوى بس فاهم وواعي وعقليته كبيره وبيفهمنى بسرعة🙆♀️
انتي كدا عاملة زي اللي بيقارن بين البحر أوسع و لا القطر أسرع، الحكم على الملامح دا حاجة عبيطة موت ممكن يبقى حد حلو جدا بمقاييس المسطرة للجمال بس سبحان الله ملوش قبول عندك أو دمه تقيل على قلبك مش مبلوع و حد تاني بمقاييس الجمال ملامحه عادية بس سبحان الله له قبول على قلبك جدا، فالمقياس الرئيسي هو القبول الشخصي قبل أى حاجة دا و انتي لسه متكلمتيش في شخصية و غيره و سيبك من الصور الفارغه اللي وراها عقل فاضي في منها كتير علشان كدا مش مبهرة بأى شكل