Ask @sohila_saeeed:

🖤

シ Mohamed Reda シ
هو أنا واقعة فيه كده ليه ! حلو مثلا ؟ مثقف ؟ كلامه بيطمن ؟ شبهي ؟ أو شبه اللي بتمناه تحديداً ؟ يعني سهل كده أرسم وهو يخرج من ورقة رسمي ويقف قدامي، الحبر يتكلم والألوان تتحرك، عادي أقوله انت خارج من كراسة رسمي يعني تخصني، أنا اللي رسمتك ودعيت كتير تتوهب فيك الروح، دعيت انك تكون حقيقة وكنت، فأبسط حقوقي عليك انك تكونلي 💙!
#حنان_سعيد ⁦♥️⁩

View more

•• Space ♥️ ..

Mo♓️aMed ElNabaWy
الاهتمام بالتفاصيل مؤذي، لإنّك بتتوقع دايمًا نفس الاهتمام من الطرف التاني، ومش بتلاقيه، أصل انت برضو بتبالغ أوي، مين ده اللي هيقدر يهتم بتفاصيلك ويشغل دماغه بيك بالشكل ده؟! انت مش محور الكون يعني، ومش ذنبهم إنّك بتعتبرهم محور كونك، محدش هيهتم زيّك، لإن اهتمامك بالتفاصيل مرض، مش كُل الناس عيّانين بيه

View more

– 💙

22
- بتحبيه ؟
= وأنا معاه ببقي غبية جداً ، وعيلة جداً ..
و بلخبط في الكلام جداً جداً ، كلامي طول الوقت مش راكب علي بعضه ..
ايدي بتترعش ، قلبي مابيبطلش دق ، أبقي بضحك ومبسوطة في نفس الوقت اللي عايزة أقوم احضنه فيه و أعيط ..
عايزة أفضل طول الوقت باصه في عيونه والزمن يقف هنا بس مابستحملش .. بتكهرب !
الساعة بتعدي في لحظة واللحظة معاه بمليون ألف ساعة ..
أنا معاه بلاقيني :'))

View more

Space🌸

Hesham ehab
ولّع سيجارة، وبعدين بصّلي وقالي:
-"أفضل قرار مُمكن تاخده ف حياتك هو قرار التخلي، التخلي عن كُل شخص وكُل شئ بيتعبك وبيسببلك أذى نفسي أو عضوي، التمسك بالناس الغلط مش بطولة، ده انتحار، وف النهاية محدش هيخسر غيرك، هُمّا مش هيفرق معاهم إنك حاولت تتمسك، هُمّا لو يفرق معاهم مكانوش تخلوا عنّك من الأساس، كانوا صدّقوك وقبلوك بكُل مشاكلك وعيوبك، بالظبط زيّ ما انت قبلتهم"
#إسلام_شاهين ⁦♥️⁩🔥

View more

space❤

-العيد فرحة🎉... هيه هيه هيييييه 💃😂
وأجمل فرحة .. هيه هيه هيييييييه🎊😂💙
سعدنا بيهاااا ... 😁
* مين؟! 😅
- لا لا متاخدش في بالك، خلينا في المهم 😄
علشان فرحتنا تكمل بالعيد، يبقى لازم نطبق آدابه👍
*هو العيد ليه آداب🤔
-أيوه العيد ليه آداب علمهالنا حبيبنا النبي ﷺ
وهي:
1) التجمل فيه:
كان النبي ﷺ يلبس أحسن ثيابه في العيدين
ويستحب الغسل قبل الخروج إلى صلاة العيد
(سمعاكي يا اللي بتقولي أهو التجمل سنة أهو أروح ألبس طقم العيد الفسفوري بقى وابيت وشي فدرج المكياج 😎)
تجملي في البيت وقدام محارمك براحتك، لكن برة احنا مأمورين بالحجاب و اننا منظهرش زينتنا قدام حد اجبني ، البسي حجابك الجميل اللي يرضي ربنا وانزلي صلي 😃
2) الأكل قبل الخروج إلى المصلى في عيد الفطر :عن أنس رضي الله عنه قال:
(كان رسول الله ﷺ لا يغدو يوم الفطر حتى يأكل تمرات)
والحكمة : ألا يظن ظان لزوم الصوم حتى يصلي العيد فكأنما أراد سد هذه الذريعة 😉
3) التكبير في العيدين من حين الخروج:
﴿ وَلِتُكْمِلُوا الْعِدَّةَ وَلِتُكَبِّرُوا اللَّهَ عَلَى مَا هَدَاكُمْ وَلَعَلَّكُمْ تَشْكُرُونَ ﴾
إيه صيغة التكبير 🤔
لم يصح عن النبي ﷺ شيء في صيغة التكبير،
لكن ثبت عن ابن مسعود أنه كان يقول: الله أكبر الله أكبر لا إله إلا الله والله أكبر الله أكبر ولله الحمد.
3) مخالفة الطريق إلى المصلى :
لحديث أبي هريرة رضي الله عنه: (أن النبي كان إذا خرج إلى العيد رجع في غير الطريق الذي أخذ فيه)
4) أداء العيد في المسجد:
قال الشافعي رحمه الله : بلغنا أن رسول الله صلى الله عليه وسلم كان يخرج إلى العيدين إلى المصلى بالمدينة
5) الخروج إلى العيد ماشيا :
عن ابن عمر رضى الله عنه قال: كان رسول الله صلى الله عليه وسلم يخرج إلى العيد ماشيا
6) التهنئة بالعيد :
لما روى أن أصحاب النبي ﷺ كانوا إذا لقي بعضهم بعضا يوم العيد قالوا: تقبل الله منا ومنكم 👐💜
وهي دي آداب العيد..
يمكن كتير مننا بيعملها لكن بينسى ياخد نية اتباع سنة النبي ﷺ ♥️
كل عام وانتو بخير يا طيبين 😍🎉🎈🎊

View more

التكمله 🌸💜

7 - لو كنت من الناس الل فرّطوا وضيّعوا من أول رمضان ..أو لو مكنتش لسه بدأت أصلاً لسة عندك فرصة متضيّعهاش يقول شيخ الإسلام ابن تيمية ( العبرة بكمال النهايات لا بنقص البدايات ).. لومش هتعدّي مع النّاس الل هتعدّي الأيام ده هتعدّي إمتى ؟!
إنقذ ما يُمكن إنقاذه..قال أحدهم( حُسن الختام خيرٌ من حماسة البدء ).

8 - بالنسبة للناس الل بتطلع من المسجد بعد فجر كل ليلة وترية فتلاقي الجو جميل ومنعش والسما صافيه والشمس جميلة ويصورا ويرفعوا معلّقين ( أشعر أنها ليلة القدر )
‎ممكن فضلاً وليس أمرا بعد إذنكوا منعملش كدة .. مش شطارة والله ولا سبق صحفي بل بالعكس طبيعة المنشورات دي بتضعف الحماسة وتقتل الهمّة عند بعض الناس.
‎تخيّل معايا كدة إنّ واحد همّته ضعيفة وشاف كذا منشور من كذا حدّ بيأكد إن ليلة القدر كانت ليلة كذا .. تفتكر هيكمل باقي الليالي بنفس الحماسة والقوة الل دخل بيها العشر ؟! تفتكر إنه ممكن يكمّل أصلا ؟!
‎الحكمة من إخفاء ليلة القدر إننا نجتهد في ال 10 الأواخر كلهم .. وإلا كان ربنا أطلعنا عليها كما الحال في يوم عرفه في ال 10 الأوائل من ذي الحجة.

9 - جهّز ورقة وقلم واكتب فيها حاجاتك ورغباتك ودعواتك، حاول ما تكتّرش، خليهم 4 أو 5 حاجات علشان تركّز عليهم .، وافضل ادعي بيهم وتحرّي أوقات الإجابة وخصوصا الثلث الاخير من الليل .. وماتدعيش بلسانك ادعي بقلبك وحاول تبكي وانت بتطلب الحاجه ( اصنع قدرك بنفسك )!
قال ابن عبّاس رضي الله عنه ( للعبد مع الله قدران، قدر بالدعاء، وقدر من غير الدعاء )
10 - للشباب.ابتداء من اليوم لو عرفت تعتكف في المسجد من بعد التراويح لحد الفجر يبقى كويس جدًا...إعتكافك في المسجد بعيد عن الاختلاط بالناس هيساعدك علي إتيان العشر الأواخر بشكل مختلف.
نتعب ياجماعه. . نتعب.
يقول ابن الجوزي -رحمه الله-( إن الخيل إذا شارفت نهاية المضمار بذلت قصارى جهدها لتفوز بالسباق، فلا تكن الخيل أفطن منك، فإنما الأعمال بالخواتيم، فإنك إذا لم تحسن الاستقبال ..لعلك تحسن الوداع )
تلك عشرةٌ كاملة والله من وراء القصد.
#منقول ⁦♥️⁩⁦✌️⁩

View more

♥️🍃

لو ضاع عشرين فاضل عشرة، وليال الوتر ، وليله قدر ، ودعاء وبكاء، فاضل فرصه..
ودول عشرة نقاط مُختصرة ومُحدّدة:
1 - ليلة القدر سُمّيت هكذا لإنها تُقدّر فيها مقادير العباد السنوية
مثال ..إذا كتب الله لك قدر سيء للسنة القادمة (وفاة ابن، فشل في زواج، فشكلة خطوبة، حادثة سيارة، الخ)..وصرت تدعو بإخلا‌ص في ليلة القدر بالتوفيق والسعادة والعافية والنجاه ...فإن الله عز وجل يأمر الملائكة أن يمسحوا الصحيفة التي كُتب فيها الشقاء ويكتبون لك ما طلبت ( يَمحُوا اللهُ مَا يشاء ويُثبِت وَعِندَهُ أُمُّ الكِتاب )
2 - ليلة القدر بعبادة 84 سنة، ليلة واحدة ب 84 سنة عبادة، الساعة في ليلة القدر ب 8 سنين عبادة، والدقيقه ب 50 يوم عبادة ....فأين المُشمّرون رهبان الليل فرسان النهار ؟

4 - مفيش أي دليل شرعي ثابث صحيح عن النبي صلي الله عليه وسلم, ولا أحد من الصحابة, ولا سلف الأمه, يُجزم ( وحط علي كلمة يُجزم ده ألف خط ) إن ليلة القدر ليلة 27 ... كل اللي انت بتسمعه ده عباره عن إجتهادات من بعض الفُقهاء والعلماء، والأثر الوارد عن الصحابيّ أُبيّ ابن كعب رضي الله عنه إن ليلة 27 هيا ليلة القدر كان الظاهر من مقصود كلامه إنها كانت ليلة 27 لتلك السنة وليست في كل السنين والله أعلم.
4 - معلوم وثابت ومتواتر إن ليلة القدر تتنقّل وليست ثابتة, سنة تبقي مثلا 25 .. وسنة تبقي 27. وسنة تبقى 29 .. وسنة تبقي 23 وهكذا, في الحديث ( التمسوها في الأوتار )

5 - خطأ كبير وخلل عظيم إنك تجتهد ف القرآن والقيام والدعاء واعمال الخير ف الليالي الوترية فقط (21 _ 23_25_27_29) وتتكاسل وتتراخى ف غير هذه الأيام، إنت كده عملت بالظبط زي اللي عنده امتحان ف 10 دروس فذاكر 5 منهم بس ودخل الامتحان، أبسط قواعد المنطق بتقول إنّه لايمكن يجيب ( full mark ) ف الامتحان لانّه أكيد هيجيله سؤال من الدروس اللي مذكرهاش .

6 - متسخّرش طاقتك ومجهودك في الانشغال بليلة القدر هتكون يوم كام، ولا تشغل نفسك بعلاماتها .، سخّر جهدك وطاقتك في إنك تشتغل ال 10 ليالي دول وكأنهم أخر 10 ليالي ليك في الدنيا، وليلة القدر تطلع زي ما تطلع .. وكلما كنت صادق وجاد سيكون إحساسك وشعورك بها صادق وجاد.

#يُتبع ⁦♥️⁩⁦✌️⁩

View more

البقيه 🌸⁦✌️⁩

لأن كلنا خايفين علي حياتنا
طب ماهي حياتك هي وقتك و وقتك عبارة سنين و شهور و أسابيع و أيام و ساعات بترميهم في الزبالة ليه ؟
قرفان و مكتئب؟عندك وساوس أو هلاوس أو فوبيا؟الطب النفسي موجود ماتسيبس نفسك سرحان في اللا شيء بالساعات اتعالج و عيش حياتك عادي الطب النفسي طب مش عطارة ولا تنجيم ولا تنمية بشرية لا وصفات شعبية الدكتور النفسي زي الدكتور الباطني و ساعات كتير بيبقي دوره أهم
لأن أمراض القولون و المعدة أحد أهم أسبابها عدم القدرة علي التعامل مع الضغوط النفسيه
شجع نفسك كل يوم و اتقدم خطوة كل يوم و إلجأ لربنا و اطلب منه و اتحايل عليه و عيط و زِن و لِح زي الأطفال مش هيسيبك و مش هتهون عليه ومش هيضيعك مهما كنت بس اتعلم و امشي صح و امشي و كمّل
نقلا عن العبقرى : Amr A. Eid

View more

_✒

الحاااااوي
اضغط علي نفسك و اشتغل حتي و انت زهقان حتي و انت تعبان امسك الكتاب و ذاكر و انت قرفان افتح النت و خد كورسات حتي و انت فاصل و ملكش نفس هيجرالك ايه يعني؟
ولا حاجة!
اطلع من الـ Comfort Zoneلأن مفهاش أي انجازات و اعمل اللي ينجحك مش اللي يريحك إعمل الصحيح مش المُريح!
في البداية تركيزك هيبقي ضعيف جدا بعدين هيزيد شوية في المرة اللي بعدها وهكذا
زي بالظبط لما بنقول لواحد إنه يحافظ علي الصلاة فبيشتكي إنه بيصلي و دماغه في ماتش الكورة أو في جيم البابجي اللي بيلعبه أو في اشتراك الجيم اللي هيروح عليه مع الوقت تركيزه هيزيد و هيخشع في الصلاة
دايما بقول
Don't wait for the perfect moment
ماتنتظرش إنك عشان تفتح مادة دراسية أو كورس أو كتاب إنك لازم تبقي في أعلي درجات تركيزك و قدامك اللابتوب متلمع و الانترنت سريع و فنجان القهوة بالمكسرات و الجو هادى
لأ
سيبك من الخيالات دي أقعد في أى ظرف حتي لو تركيزك ضعيف علي الأقل حتي لو ماستوعبتش كويس هتكون أخدت خطوة إنك تغلبت علي نفسك و ربنا هيتكفل بالباقي
استخدم الموجود زي ما عمنا (آندى ستانلي) بيقول:
Start where you are, use what you have, do what you can
كلنا عندنا ظروف و أكتر إنسان إنت شايفه ناجح و لابس شيك و راكب سيارة أحلامه عنده ظروف و ابتلاءات انت ماتستحملهاش وهو كذلك مايستحملش ظروفك و ابتلاءاتك ربنا مش بيحمّل حد فوق طاقته ومش بيبتلي العبد عشوائيا لأ ده بيبتليك بحاجة معينة لمدة معينة لحكمة معينة
مع احترامي لمشاكلك، بس بلاش تعيش في دور الضحية و تشتكي ليل نهار
ماحدش فايق يسمع شكاوي حد كل واحد عنده همومه و مشاغله و اللي هيجاملك مرة و يطبطب عليه مش هيبقي فايقلك التانية و لو فضلت تعيط و تزن و تشتكيله هيشوف رقمك و مش هيرد
كلنا عارفين إن الحياة unfair ..شيل نفسك و كمل لأن ماحدش فايق يشيلك
أقوللك حاجة وماتزعلش؟
ماحدش مهتم بآلامك و مشاكلك علم نفسك بنفسك كلنا عارفين إن المجتمع ظالم و التعليم ضايع و الكوسة و الفساد مبهدلين الدنيا ده الواقع
تعايش معاه و شوفلك سكة
كل اللي انت محتاجه حاليا خط انترنت وجهاز كمبيوتر و تبقي سلطان زمانك تعرف من مكانك ده توصل لأحدث ما وصل إليه العلم في أي مجال، تقدر دلوقتي تقفل الأمبير في أي تخصص و انت عارف كده و أنا عارف كدة كويس
بتحب حياتك؟ سواء هتجاوب بآه أو لأ
فكر فى دي
لو شديناك و رميناك قدام عربية مسرعة هتوافق؟
طبعا لأ،

View more

space🌻💙

Ahmed Hemdan
5 مواقع عليك أن تدمنها أكثر من فيسبوك وتويتر !
1- موقع تيد TED :
تيد ، ted هي اختصار لـ Technology تكنلوجيا Entertainment “ترفيه”. Design “تصميم”. تيد عبارة عن مؤتمر او قاعة محاضرات بيجيلها الناس من مختلف انحاء العالم ، والقي فيها محاضرات ناس مبدعين زي بيل جيتس (مؤسس شركة Microsoft)، بيل كلينتون، لاري بايج (مؤسس Google) وغيرهم كتير ،، الفكرة ان ted بـ يمنحهم 18 دقيقة كحد أقصى لإلقاء أفضل محاضرة في حياتهم .. وبتكون فعلا رائعة.
اللينك ده فيه كل محاضرات الموقع مترجمة للغة العربية
https://www.ted.com/talks/browse?language=ar
محاضرة يوميا هتفرق كتير :))
2- موقع Udacity او Coursera :
واحد من اشهر مواقع الكورسات الاونلاين علي النت ، هتلاقي عليه كورسات مجانية في كل المجالات واحيانا بتاخد شهادة بعد ما تخلص الكورس ، الموقع كنز لاي حد عايز يتعلم ، الكورسات بتكون باللغة الانجليزية ، فحاول تحسن من لغتك عشان تقدر تتفاعل مع كل محتويات الكورس وحلقات النقاش
https://www.udacity.com/ . https://www.coursera.org/
3- موقع رواق Rwaq
اغلب المحتوي العلمي علي النت بيكون باللغة الانجليزية ، وده بيكون عائق امام بعض الناس اللي مستوي اللغة عندهم ضعيف . المحتوي العربي الفترة الاخيرة بدات تظهر فيه بعض المواقع المحترمة واللي مبذول فيها جهد رائع ، زي مثلا رواق
رواق هي منصة بتقدم كورسات باللغة العربية في مختلف المجالات ،الكورسات كلها مجانية والتسجيل فيها سهل جدا
http://www.rwaq.org/
4- موقع ويكي هاو wikihow :
" اسأل مجرب ولا تسأل حكيم " نفسك تعمل حاجة معينة ومش عارف الطريقة ، طريقة عمل المكرونة مثلا ؟ ، التزلج علي الجليد ؟ رسم ؟ الخ
" الموقع ده موسوعة عن كيفية عمل أي شيء، و لذلك جميع مقالات ويكي هاو تبدأ بـ “كيف” أو “How to" ما يقرب من 100 الف مقال في شتي مجالات الحياة ، والفيديو لا يتعدي الـ 10 دقائق ، يعني ممكن تسمعه وانت واقف في المترو
الموقع متوفر ب 60 لغة منهم العربية
http://www.wikihow.com/Main-Page
5- موقع العلوم الحقيقية ، او الباحثون السوريون
الموقعين رائعين ، بينشروا احدث ما وصل اليه العلم من ابحاث واكتشافات ومقالات مترجمة ، بالاضافة لمقالات في اغلب مجالات الحياة ( طب - رياضيات - اقتصاد - نفس etc )
تابعهم وهتستفاد جدا ان شاء الله
http://real-sciences.com/
http://www.syr-res.com/

View more

♥️🍂

في يوم من الايام سنة١٩٧٥ صحيت مدينه في الصين كامله على وجود كلاب بريه مفترسه في مدينتهم ، بتنبح بشكل هستيري مش طبيعي اطلاقاً ..
وطبعاً كلاب بريه مفترسه و مرعبه و مزعجة كانت مشكلة كبيرة .. مكنش فيه قدامهم غير حل واحد انهم يخلوا المدينه من السكان و بعدين يشوفوا حل في الكلاب دي
٩٠ الف واحد مشيو من بيوتهم بسبب كلاب بريه
متخيلين احساس الناس دي و قد ايه كان نفسها الارض تتشق و تبلع الكلاب المقرفه دي الي كركبت لهم حياتهم
و ده فعلاً الي حصل 🙂 .. بعد ساعات من خروج السكان قام زلزال كبير جداً في المدينه جابها حقيقي على الارض .. و بعدها عرفوا ان الكلاب البريه دي كانت بتنبح بالشكل ده علشان تنبههم من الزلزال لان اول كائنات بتحس بالزلازل هي الحيوانات
...
الكلاب دي ربنا حركها في توقيت معين علشان تنقذ ٩٠ الف واحد انهم يموتوا
اتضرروا و كانو شايفين وجود الكلاب في مدينتهم كارثه .. بس في الحقيقه انها كارثة ظاهرها يبدو عذاب لكن باطنها فيه الرحمه
..
في حياتنا كلنا عندنا كلاب طول الوقت بتنبح
كلاب بس ممكن تكون في صورة
جوازة ممشيتش
وظيفه مقدرتش تنجح فيها
خسارة فلوس
حادثة عربيه
مرض
صديق خاين
كلام بتقال عليك
بتنبهنا و بتمنع عننا شر و كلنا زي سكان المدينه مضايقين منها و شايفينها عوائق ..
علشان كدة مفيش احسن من التسليم لادارة ربنا لحياتك طول الوقت ..
ادعي بالسعادة و الراحة .. مع مين او فين متدخلش برضه وسيبها لربنا هو هيوديك للسعاده الحقيقيه بمعرفته
هو قادر يسخر الكون كله علشان يسعدك و يريحك و يحميك من كل شر سبحان الله فعلا يكمن الخير في الشر
الكون كله جنود مجندة من صنع الله .
منقول

View more

~مساحه~🍃

في أربع هرمونات مسؤولة عن تحديد مستوى سعادة الانسان
١- Endorphins
٢- Dopamine
٣- Serotonin
٤- Oxytocin
خلينا نبدأ بالـ Endorphins
لما بنروح الچيم أو نعمل رياضة الجسم بيفرز الهرمون دة علشان يتغلب على احساس الالم اللي بتسببه التمرينات علشان كدة ممكن نحس بمتعة في التمرينات اكتر من الالم
الضحك بردو طريقة كويسة لإفراز الـ Endorphins
فـ احنا محتاجين نقضي على الأقل ٣٠ دقيقة يوميا نعمل رياضة..نقرأ أو نتفرج على حاجة مضحكة ومسلية علشان نقدر نحصل على جرعتنا اليومية من الاندروفينس
تاني نوع هو الـ Dopamine
في رحلة الحياة كل واحد فينا بيحقق مهام كتيرة سواء كبيرة او صغيرة
شعور الإنجاز دة بيتسبب في إفراز الدوبامين بنِسَب متفاوتة
كمان لما بنلاقي تقدير مقابل اَي حاجة عملناها في الشغل او في البيت بيتولد جوانا شعور بالإنجاز والفخر وبالتالي جسمنا بيفرز كميات مناسبة من الدوبامين اللي بيعلي بدوره مستوى شعورنا بالسعادة ودة بيوضح ليه كتير من ستات البيوت ممكن يكونوا غير سعداء بما إنهم نادرا ما بيحصلوا على التقدير والعرفان المناسبين لكميةالمجهودات اللي بيبذلوها كل يوم!
بمجرد ما ندخل شغل جديد نشتري عربية أو بيت أو أجهزة حديثةإلى آخره
في كل مناسبة من دول الجسم بيفرز دوبامين اكتر وبنحس بسعادة اكبر ودة يخلينا نفهم بردو ليه ستات كتيرة بتخرج من أي مود حزين بمجرد ما تعمل شوبينج
تالت نوع هو الـ Serotonin
ودة بيجي لما نتصرف بشكل فيه نفع للآخرين لما نتخطى نفسنا ونكون قادرين على العطاء
حتى مجرد مشاركة معلومة مفيدة مع الغير أو كتابة بوست مفيد على الانترنت أو إجابة حد بيسأل على جروب أو مواقع تبادل الخبرات زي Quoraكل دي حاجات بتفرز السيروتونين وبالتالي بتزود احساسنا بالسعادة
النوع الأخير هو الـ Oxytocin
ودة بيتم إفرازه لما بنقرب من ناس تانيين مثلا لما نحضن حد من أهلنا أو صحابنا أثناء المصافحة باليد علشان كدة المفروض نحضن طفل صغير مزاجه مش مظبوط علشان نزود عنده الهرمون دة ويقدر يحس بسعادة من تاني
فـ ببساطة ضروري نعمل رياضة كل يوم علشان الاندروفينس
نحقق إنجازات ولو صغيرة جدا علشان الدوبامين
نكون نافعين لغيرنا علشان نقدر ناخد حصتنا من السيروتونين
نحضن ولادنا وصحابنا واهلنا علشان ناخد كفايتنا من الاوكسيتوسين
محتاجين نعمل الحاجات البسيطة دي علشان نكون مبسوطين ولما نكون مبسوطين هنقدر نتعامل مع مشاكلنا

View more

💜🌺⁦✌️⁩

/ وبعد أن يدخل اهل النار النار وأهل الجنه الجنه
ينادي منادي قائلاً أرضيت يامحمد 😐 !!
= فيقول :- والله ياربي لا أرضي وواحد من أُمتي في النار 💔
فيقول الله للملائكه أخرجوا من النار كل من كان في قلبه مثقال ذره من ايمان
فتفتح جهنم ابوابها وتخرج طائفه من المسلمين وتذهب الي الجنه 💜🍃
- ثم يقول له أرضيت يامحمد 😐 !!
= فيقول والله ياربي لا أرضي وواحد من أُمتي في النار 💔
فيقول الله للملائكه أخرجوا من النار من دمعت عيناه
دمعه بحجم رأس البعوضه خشيه مني مره 💚🍃
- ثم يقول له أرضيت يامحمد 😐 !!
= فيقول والله ياربي لا أرضي وواحد من أُمتي في النار 💔
فيغار الله علي كلمه التوحيد في قلوب المسلمين
فيقول للملائكه أخرجوا من النار كل من قال لا اله الا الله
محمد رسول الله فتفتح جهنم أبوابها ويخرج كل من نطق شهاده الأسلام 💛🍃
= فيحيط بيهم بريق كالؤلؤ ويعطروا بالمسك فيراهم اهل الجنه
ويظنون انهم كانوا اعلي منهم واعظم منهم عملاً من جمالهم والنور
الذي يلحقهم بهم اثناء ذهابهم الي الجنه ثم تغلق جهنم غلقاً ابدياً 💙🍃
- في هذا الوقت :-
... (( ربما يود الذين كفرو لو كانو مسلمين )) ... 🌸🍃
ربنا يرزقنا الجنه واياكم يارب 💜🌸 ..
#دعواتكم 💜🌸

View more

كلامك كله صح بس لم قريب من ربنا الشيطان مش هيقدر يقرب منى فضولى بعرف اتحكم فيه كل شخص يختلف عن تانى

مهما كنت انت فالاول والاخر بني ادم ..
دا سيدنا ادم وحوا معرفوش يتغلبوا ع الشيطان 😅😅
احنا انسان والانسان ضعيف وطبعي يبقي في فترات انتكاس فايمانك او فقربك من ربنا محدش فينا بيفضل ماشي علي الطريق المستقيم طول حياته لكل منا عثرات .. واحنا مش احسن من الرسل اعتقد عشان منغلطش فاي حاجه 😅😅
كل بني ادم خطااء .. فليه احط نفسي قدام الغلط ولما اغلط اقول اخ ما هو الي كان قدامي 😅😅

View more

+5 answers in: “Space 🍃”

طب لو زى اختى ومش بشوفها اصلا كلام فقط وانا ولا هفكر اطلب انى اشوفها او حتى اشوف صورتها كما تدين تدان

وهو في فتنه اكبر من الكلام 😅😅
بالعكس انت ممكن تحبها بس او تُفتن بيها من طريقه تفكيرها واسلوب كلامها وحديثها .. ودا بنشوفه كتير عن طريق قصص الحُب الالكترونيه ..
طب هسال سؤال تفكر فيه كدا .. اي الي مخليك تقاوح دلوقت وبالرغم من علمك التام ان دي حاجه حرام انك تكلمها وانتو مفيش اي حاجه تخليكوا تبقوا مجبرين تتكلموا شغل مثلا او مشرع فدراسه او او .. ليه بتقاوح بالرغم من انك ممكن متكلمهاش عادي وتقطع الشبهه دي ؟! .. مش مستنيه منك اجابه ع السؤال جاوبه مع نفسك وجواك بس ياريت تبقي اجابه مقنعه مش تقول اصلي بكلمها عشان هي زي اختي ..
وخليك فاكر ياما بنقول ان اخرنا مثلا كلام او او وبعدها الشيطان شاطر وبيقعد يزن والي العن منه والي احنا مش قدها وجهادها صعب جدا وهي النفس .. فدلوقت انت بتقول كدا قدام معتقدش تفضل ع نفس المبدا .. فضولك مش هيسيبك فحالك

View more

+5 answers in: “Space 🍃”

قصدى زى ما فهمتى كدا يعني انا لم اكلم بنت زى اختى و فى نيت زى اختى ومش عاوز منك حاجة غلطت غير لم اقول لوحدة بحبك وعاوز اتجوزك و نيتى حاجات تانى غلطت

وانت ضامن انها تفضل فكاتيجوري زي اختك .. وضامن اصلا عي بصالك زي اخوها ولا لا ..
اي علاقه صحوبيه او اخويه بين ولد وبنت بنسبه ٩٩.٩ % بتقلب يا سيدي باعجاب مش هقولك حب .. فليه انا احلي نفسي موضع شبهات ⁦🤦🏻‍♀️⁩😅

View more

+5 answers in: “Space 🍃”

و ما ربنا هيحاسب شخص ع حسب نية صح ولا غلطت

مفهمتش السؤال اوي .. فهجاوب علي قدر فهمي
هو إنما الاعمال بالنيات اه .. بس انا مروحش اعمل اي حاجه غلط وبعدها اروح اقول اصل انا نيتي كانت كذا .. فالاول والاخر الحلال بيّن والحرام بيّن .. يعني نيتنا بتتحط بناءا ع المبادي الاساسيه المرسخه عندنا اصلا

View more

+5 answers in: “Space 🍃”
Next