Ask @sohila_saeeed:

Space 🍃

OMAR
ايه الدليل ع تحريم الصحوبية بين البنت والولد ولو سمحتي متقوليليش الأية بتاعة"محصنات غير مسافحات ولا متخذات أخدان" عشان الأخدان دول العشاق واحنا مبنعملش كدا احنا اصحاب محترمين!
لما اتطلب مننا بحث وقعدنا ندور ف المصادر والمراجع اتضحلي شئ مهم جداً
القصة كلها ف إن ربنا أصلاً حرم الأدنى وبالضرورة تحريم الأدنى يستلزم تحريم الأعلى
بمعنى اني لما اقولك متحطيش المفتاح ف الباب وتفتحيه أصلاً متقوليش انت مقولتش اكسر الباب؟طب هنتكلم ف الموضوع ازاي هقولك يعني ربنا أمرك بغض البصر عنهم وقالها ف أية صريحة " وَقُل لِّلۡمُؤۡمِنَـٰتِ یَغۡضُضۡنَ مِنۡ أَبۡصَـٰرِهِنَّ "يعني مجرد النظر ليه مينفعش وتبعدي نظرك عنه وتغضيه لمجرد ان قلبك ميتفتنش بيه وكمان قال"وَلَا یَضۡرِبۡنَ بِأَرۡجُلِهِنَّ لِیُعۡلَمَ مَا یُخۡفِینَ مِن زِینَتِهِنَّۚ"يعني مجرد الخلخال اللي بيعمل صوت ممكن ميكونش مسموع ف الشارع أصلاً أو الكعب مينفعش برضوا عشان متلفتيش نظرهم وتبعدي عنهم
وكمان قال «أَيُّمَا امْرَأَةٍ اسْتَعْطَرَتْ فَمَرَّتْ عَلَى قَوْمٍ لِيَجِدُوا رِيحَهَا فَهِيَ زَانِيَةٌ، وَكُلُّ عَيْنٍ زَانِيَةٌ»
يعني لا تتعطري لمجرد انهم يجدوا ريحك ووصف المرأة اللي تفعل ذلك بالزانيه وصف كبير جداً عند الله وصعب لمجرد انهم بس يشموا ريحه منك من بعيد
وكمان قال " فَلَا تَخۡضَعۡنَ بِالقول فَیَطۡمَعَ الذي فِی قَلۡبِهِ مرض" وقال "وإذا سألتُمُوهُن مَتَاعًا فاسْئَلُوهُن مِن وراء حجاب ذلك أطهر لقلوبكم وقلوبهن"
يعني وانتِ بتتكلمي متترققيش ف صوتك او تغيريه او تغني او غيره من أي شئ عشان ميطمعش فيكي
والرسول صلى الله عليه وسلم قال(ما تركت بعدي فتنة هي أضر على الرجال من النساء)وأظن الحديث واضح جداً ف المسألة
وبعد كل دا تروحي تصاحبي وتقولي رفيقي وصديقي وابن قلبي
يعني ربنا ميزنا بميزة العقل نفكر بيه شوية ونفهم القرءان كله مش ناخد منه على مزاجنا ونقول مفيش دليل قاطع فخلاص بقى على الدنيا السلامة
حدود التعامل ف الشغل تبقى ازاي تبقى حضرتك نعم يا فندم اتفضل يا فندم مفيش حاجه اسمها قولي توتو بقى خلاص احنا بقينا اصحاب او نروح نحكي قصة حياتنا لبعض او غيره نلزم الكلفة ونتجنب الألفة وما يصاحبها بقى
بقولك البوست دا ليه؟
عشان أبقى أقمت عليكي حُجّه لو قولتي ف يوم معرفش لا انتِ شوفتي وعرفتي وفهمتي وهتبدأي تتحاسبي حساب تاني خالص غير قبل ما تشوفي الكلام دا
#cpd

View more

+5 answers Read more

اللهم الكفايه بك 💜✨

عمرك جربت تعيش مع احساس الكفايه ؟!
انك تكون مكتفي بالله عن كل شي ، ووجوده بيملا فرغات نفسك فلا تشعر بغياب احد او بعده عنك
" اليس الله بكاف عبده "
لما تتظلم ومتلقيش حد جمبك وبيدافع عنك
" وكفي بالله نصيرا "
لما تحس انك لوحدك وكل الناس سابوك ، ومحدش بيتمني قربك او بيسعي يخطب ودك
"وكفي بالله وكيلا "
ولما تلاقي محدش بيقدر جهدك ، وديما موضع اتهام بالتقصير والنقص
" وكفي بالله عليما "
كفي بالله يا جماعه ، كفي به حسيبا ونصيرا وكافيا ووكيلا ، كفي به حبيبا ، كفي به انيسا وجليسا ، كفي بالله
اكتفوا بالله ، فهو وحده الذي لا يخون ولا يغييب ولا يتركنا مهما بدر منا
وساعتها مش هيفرق معاك .من خان ، ومن استهان ، ومن جرح ، ومن غاب ، ومن كذب ، ومن خدع ،
من قرت عينه بالله ، قرت عينه من كل شي
#دعواتكم ⁦♥️⁩⁦✌️⁩

View more

.. 🌸✨

أنتَ متخيل معايا إن تلت رمضان خلص ⁦🤦🏻‍♀️⁩💔
ومتخيل بردك الفتور الى في قلبك ده وكسلك عن العبادة والنوافل
طب ده من إيه؟!
أول حاجه طبعاً البُعد عن الأجواء الإيمانيه
حضرتك قاعد طول النهار قدام شوية مسلسلات ملهاش أى ستين لازمه ولا حضرتك بردك مشارك في دورة رمضانية في معاد التراويح وطول النهار حضرتِك طول النهار في المطبخ ومشغوله عن ربنا!
ومبتنزلوش التراويح ده انا هحسدكوا بقي قادرين تنزلوا ومبتنزلوش
تانى حاجة بتجيب فتور الإنشغال بالدنيا مش عارفه مين قال ايه؟ وشوفت مين جابت ايه؟ وشوفت وشوفت
تالت حاجه طول الأمل
يعنى ايه يعنى بكرا هصلي التراوبح بكرا هقول الاذكار يااعم أنا هشد أخر كام يوم يمكن الحق ليله القدر
طب حضرتك دى من مُفسدات القلب اصلاً، طب مين الى قالك إنك هتعيش لأخر عشر أيام؟
رابع فاتر للطاعة هو البُعد عن العِلم
خامس حاجة والأخيره.الإفراط في أى حاجة زى الكلام وده شئ غلط في العادى اصلاً والإفراط في الأكل ده بيخليك تقصر في العبادة حضرتك إلافراط بالاختلاط بالناس وده شئ بيجيب مصايب حرفياً👌
طب قوليلي الله يكرمك أعمل ايه؟!
أولاً:إلزِم نفسكَ اقعد كدا غصبا عن نفسك مش هقوم غير بعد الذكر الفلانى مش هقوم غير أما أخلص النافله الفلانيه
ثانيا:داوم علي الذكر
وأنتِ كمان حتى لو مبتصليش وعندِك عذر شرعى إتوضي واقعدى مكان الصلاه الى متعوده تصلي فيه وصلي علي الرسول عليه أفضل الصلاه والسلام وأذكار بقي لمدة خمس دقايق
ثالثاً: الإحسان للخلق
طب أنا طول النهار بعمل أكل ومكانى في المطبخ علي رأى شباب المستقبل بتوع جروب الدفعة أحسن للناس أمتى وازاى وانا طول النهار بذاكر أو بشتغل للشباب ربنا يقويهم
النيه بالإحسان يعنى أنوى وانتى في المطبخ إن ده لولادى وإنى بعمل كدا عشان ماما ترضي عنى وعشان ربنا يرضي عنى وانت أنوى إنك بتشتغل عشان تعف نفسك وعشان ده واجبك وعشان أهلك يبقي اللهم باارك في أجرك
رابعاً:الكرم
وده في رمضان بيندرج تحتيه بند الصدقه ودى من أعظم الأعمال وأحببها إلي الله وبتشرح الصدر وتنقي قلبك ياااه دى لو أعدت اتكلم عنها للصبح مش هنزهق
خامساً بقي ودى المفجاءه التعلّم!
يعنى الدراسه في رمضان مش بتبعدنى عن الذكر
لا حضرتك وانت بتستسهل إن كله بيقول كدا فبتمشي في التيار وكمان إنك تتعلم عن ربنا وتتعلم عن القراءن ميبقاش قرايه بس كدا تقضيه واجب وكل يوم جزء واجرى
ربنا ينفع بيكم 💜✨
دعواتكم

View more

التهجد والقيام والتراويح 🙄🤔

So♓ila
اللي بيتلخبطوا بين التهجد والقيام والتراويح ومش عارفين الفرق بينهم 😄❤
ركزوا معايا كويس❤
س/ ايه الفرق بين صلاة التراويح ، التهجد ، قيام الليل ؟!
ج/ كلهم واحد .. مفيييش فرق بين التلاته 😃
كلهم مسميات تطلق علي صلاة التطوع من بعد العشاء ..
بس الفرق كله في توقيت صلاتك ؟!
يعني لو صليت بعد العشاء مباشرة من غير ما تناملك حبة تبقي
تراويح ❤
لكن لو صليت العشاء ونمت شوية وصحيت في الثلث الأخير من الليل يبقي
تهجد ❤
القيام ده مسمي عام معناه
انك تقوم ليلك او جزء منه بين يدي ربك ❤
س/ يعني نصلي انهي واحدة فيهم .. وبأنهي نية ؟!
ج/ صلي التراويح بعد العشاء وناملك شوية مثلا واصحي في الثلث الاخير صليلك ركعتين او اكتر تهجد ❤
يعني مش هتخسر حاجة لو صليت الاتنين 😃
س/ طب هيا كام ركعة التراويح ؟!
ج/ هيا علي الأرجح ١١ ركعة [ ده السنه وممكن تزود ، المهم تكون عدد زوجي ٨ مثلا وبعدها ركعتين شفع وركعة وتر فتصبح عددا فردياً اللي هو ١١ ]❤
س/ بنصليهم ازاي ؟!
ج/ ركعتين ركعتين .. بنصليهم [ مثني مثني ]
بين كل اتنين ناخد راحة نذكر الله دقيقتين كده ومنها نستريح [ عشان كده سموها التراويح ] 😆❤
س/ طب ينفع نقرأ فيها من المصحف ؟!
ج/ اه ينفع نقرأ من المصحف فيها [ لانها صلاة نافلة مش فرض ]☺
س/طب انا معنديش حامل للمصحف ؟!
ج/ ولا يهمك .. ينفع نشيل المصحف بإيدنا [ لو مش متوفر حامل للمصحف ] 💜✨
س/ الناس بتصلي بجزء في اليوم بس انا طاقتي علي أدها ومش هقدر .. ينفع اصلي بسور قصيرة ؟!
ج/ ايووون ينفع نصليها بقصار السور [ لغير القادر علي حمل المصحف او لغير القادر علي قراءة اجزاء كبيرة ]💙
س/ طب انا بصراحة مش هقدر أصلي 11 ركعة ؟!
ج/ لغير القادر علي اتمام الـ ١١ ركعة يصلي ركعتين .. صلي اي حاجة المهم تصلي ماتبخلش علي نفسك😸
س/ بالنسبة للبنات .. المسجد ولا البيت افضل ؟!
ج/ للمرأة صلاة التراويح في [ بيتها] أفضل ويجوز تصليها طبعا في [ مصلي للنساء ] اذا أمنت الفتنة
#دعواتكم
#copied

View more

إقتباس 🌷

HāŠŇāā Ahměď♡
كنا في درس ديني فالمُحاضر قال :
" قولي ايه اللي انت عملته النهارده يدُل علي أنك لاتقدم علي الله عز وجل في قلبك أحد "
" بنت رفعت ايدها "
- انا بخلص كليه يومياً الساعه 6 وعلي ما بوصل بيتي بتكون الساعه بقت 8 بنام وبصحي الساعه 11 عشان ابدأ مذاكره و بفضل مطبقه لتاني يوم عشان حاجه واحده بس عشان صلاه الفجر متضيعش عليا وأصليها في وقتها بالظبط ، فبنام يومياً 3 ساعات بكون مرهقه جامد بس مش مهم المهم هو يكون بيحبني
" شاب رفع إيده "
- أنا عندي 23 سنه ، بحبها من وانا عندي 13 سنه ، بقالي 10 سنين ، بقالي 10 سنين هموت وأكلمها ، وبالفعل جات فرص كتير اني اكلمها واعترفلها بحبي بس كنت بقول لنفسي هحبها ازاي اكتر من ربنا ماهو لو كلمتها وقولت ليها هكون حبيتها اكتر لان كده هكون عصيته مستنيها في الحلال وعذابي في اني ابعد عن الحرام واللي بيغضبه عشان يحبني دا بالنسبالي حاجه عزبه والله
" شاب رفع إيده "
- والدي متوفي ووالدتي مريضه كانسر ،وانا الابن الوحيد ليهم انا في 2 هندسه بخلص كليتي وبروح اشتغل في المطاعم او سواق علي تاكسي طول الليل عشان اصرف عليها ومش اخد من معاش بابا اي حاجه عشان بحوشه عشان اطلعها العمرة اللي هي نفسها فيها كنت 90 كيلو وخسيت ل55 كيلو من قله النوم والتعب والارهاق بس مش مهم كل دا المهم رضاها عني عشان مجرد مابترضي عني بحس برضاه عني
" بنت رفعت ايدها "
-انا بختم القران بقالي 3 سنين كل 15 يوم مره مش رياء بس حبيت افهمكم انكم تقدروا ، مفيش حاجه صعبه ... بقالي 3 سنين يعني بقالي 36 شهر مع القران مفرقتوش
" شاب رفع إيده "
-ليا ميعاد معاه كل يوم الساعه 1 الصبح بروح ابكي بين ايده زي الطفل اللي عنده 5 سنين وبترجاه يرزقني الفردوس مش بس الجنه ، انا بالنسبالي قيام الليل فرض سادس
" بنت رفعت إيدها "
- انا مش مهم ايه اللي بعمله بالظبط بس والله وبالله وتالله لن أتنازل عن حُسن الخاتمه وهيجي اليوم اللي هيتقال فيه فازت ورب الكعبه
- انا سألت نفسي وقتها نفس السؤال ، ملاقيتش إجابه مقنعه ليه ،حسيت ان لسه كتير اوي عن الجنه ،فمبالك باللي باصص علي الفردوس
كيف تزعم حُبه ! ان المُحب لمن يُحب مُطيع "
كلامهم خدني للفردوس مش للجنه بس مع كل إجابه إتقالت انا حسيت في كلامهم كل معاني البيت دا
وأنت عندي ك روحي يا الله بل أنت منها أحب
" مالوا كما مال الفؤاد حيث الممات جميل "
#منقول 💜🌸

View more

.. ⁦❤️⁩🌸

So♓ila
راكب جنب السواق و لابس الهاند فرى لقيته مره واحده كدا بيقولى انت بتسمع ايه ؟ .. قولتله ام كلثوم .. قالى بتسمعلها ايه .. قولتله فات الميعاد
قالى لا لا مش يوم فات الميعاد ده خالص .. اشغلك انا الست و تخلع السماعه ؟ .. قولتله بس كدا ده انا ارميها خالص .. قام مشغل اغنيه " امل حياتى " ❤
و فجأه بردو بدون اى مقدمات لقيته بيقولى بعد جواز ٩ سنين م غير خلفه و لف ع الدكاتره و هنا و هنا .. مراتى قالتلى الصبح و انا نازل انها حامل .. قالى كنت طاير م الفرحه بسبب العيل اللى بتمناه م ربنا .. فجأه قالتلى جمله خلتنى مش عارف ارد عليها .. قالتلى انا كان نفسى ف العيل ده بس عشان اشوفك فرحان كدا .. كنت عايزه ابقى ام عشان اشوف الفرحه دى ف عينيك .. لقيتنى بعد ما كنت فرحان بالعيل قيراط .. فرحان بيها ٢٤ قيراط
سكت شويه و قام قايلى عارف يا باشمهندس .. ربنا ممكن يمنع عنك حاجه و يديك الاحلى منها .. انا ربنا منعنى م الخلفه ٩ سنين .. بس ادانى ست عندى بالدنيا كلها .. عمرى ما فكرت اسيبها ولا اعمل زى ما قالولى و اشوف غيرها .. عشان هى عمرها ما حسستنى ان البيت ناقص م غير خلفه كانت ماليه عليا حياتى كلها .. و لما ربنا لقانى راضى ب قدره و حكمته ادانى العيل .. بس لقيتنى فرحان بيها اكتر ما فرحان بالعيل
قولتله ربنا كرمه واسع .. قالى يااااه اوى والله يا باشمهندس .. هو الواحد محتاج ايه غير ست زى دى .. صبرت عليا ف ضيق رزقى و رضيت معايا بالعيشه ع المره قبل الحلوه .. و فضلت ورايا و سندانى لحد ما ربنا كرمنى و اشتريت العربيه دى .. و قال ايه كانوا عايزنى اسيبها عشان العيل طب ده كلام ! انا ربنا قبل ما يكرمنى بالعيل .. كرمنى ب ست بنت اصول عندى احسن م ١٠٠ عيل .. هتمنى ايه اكتر م كدا هو احنا هننهب يعنى !!
و جه عند جمله ام كلثوم و هى بتقول " و كفايه اصحى ع ابتسامتك بتقولى عيش " .. و لقيته بيقول اه والله كفاااايه اوى ياااارب .. و قعد يغنى مع الاغنيه طول الطريق .. و حلف انه مياخدش منى اجره مع انى واخد الكرسيين اللى قدام لوحدى
و انا نازل ضحكتله كدا و بقوله هستنى السبوع بقا .. قالى والله وقتها ل اسيبهولك ف العربيه لحد ما اقابلك ف اى يوم صدفه و اديهولك ❤
..
واختم الموقف دا بجمله الست
( والي صدق فالحب قليل ✨💜 ) ..
#copied

View more

Space...❄💙

آيات||'وَبَشِّرِ الصَّابِرِينَ
هل خطر ببالك يوما الأعمى ماذا يرى؟
ستقول ببساطة الموضوع سهل سأغمّض عيني!
للأسف كلامك خطأ..
عندما تغمض عينيك أو تكون بغرفة حالكة الظلام ستظل في مقدار ثابت من الاستثارة العصبية لمستقبلاتك الضوئية، وعصبك البصري سيستمر بإرسال تدفقاته العصبية للمخ .. وهذا يجعلك ترى اللون الأسود.
في الحقيقة الأعمى لا يرى شيء !
هو فاقد عصبه البصري أصلاً..
يعني حتى اللون الأسود لا يراه ..
كأن أطلب منك أن ترى من خلال خدّك أو إبهامك؟؟
هل سترى لون أسود ؟..لا لن ترى شيء أصلاً..
نفس الفكرة الأعمى لا يرى شيء..
"أعرف إن مجرد تخيل الأمر صعب "!
سؤال آخر..
لا أعرف إذا كان قد خطر ببالك..
الإنسان الذي يوُلد أصم .. بأي لغة يفكر داخل عقله؟
لما سألوا الصُمّ كان الجواب: نفكر بأصواتنا الداخلية.
"بصراحة الجواب غير واضح" !
لأن أصواتنا الداخلية تكون انعكاسا للغتنا الأم..
فكيف يكون لهم أصوات داخلية غير خاضعة لأية لغة؟!
" مجرد تخيل هذا الأمر كذلك صعب "
أدركت مع الوقت لماذا يذكّرنا القرآن بنعم عادية بالنسبة لنا..
يذكرنا بالنعم الرئيسية وبالحد الأدنى منها..
ونحن نمر على آياتها مرور الكرام دون أن نتمهل لنتفكر كيف لو كانت حياتنا بدونها..؟
(قُلْ أَرَأَيْتُمْ إِنْ أَخَذَ اللَّهُ سَمْعَكُمْ وَأَبْصَارَكُمْ) !
مثلاً:
سورة النحل لم تحكِ عن نعمة البيوت الفاخرة ولكنها حكت عن نعمة وجود معنى البيوت أصلًا، وقدرتها على منح الشعور بالطمأنينة والسكينة!
"وَاللَّهُ جَعَلَ لَكُم مِّن بُيُوتِكُمْ سَكَنًا".
أو مثلا سورة الرحمن لم تحكِ عن نعمة العلوم المعقدة والشهادات الثمينة ولكن حكت عن أمر أبسط من ذلك بكثير، مجرد القدرة على التبيين والإيضاح وشرح مكنونات النفس للآخرين..
"خَلَقَ الْإِنسَانَ، عَلَّمَهُ الْبَيَانَ".
أو مثلا سورة النجم التي لم تسرد مستويات معقدة من السعادة ولكنها أشارت إلى الطيف الواسع المتباين لمشاعرك البشرية البسيطة
"وَأَنَّهُ هُوَ أَضْحَكَ وَأَبْكَىٰ"،
ولم تتكلم عن نعمة الأموال المكدسة والمقتنيات الفارهة ولكنها لفتت الانتباه إلى وجود معنى (الاقتناء) والتملك ذاته!
"وَأَنَّهُ هُوَ أَغْنَىٰ وَأَقْنَىٰ".
لا يوجد شيء يستدعي العجب اذا عندما تنتهي سورة النجم بسؤال توبيخي من طراز خاص:
"فَبِأَيِّ آَلَاءِ رَبِّكَ تَتَمَارَى"؟!!
#القرآن_الجميل
( منقول )

View more

Space ..🤖

Sæ Êd
بخصوص الFast food
سمعت معلومة حلوة جدا
تفتكروا ليه بنحس بحرقان في المرئ " اسمه حموووو " بعد مناكل حاجة مقلية من برا ( زي الطعمية والبطاطس .. ) .. ؟!
.
.
.
معرفتوش 🙄 .. طب تعالوا نقول ..
غير ان الزيت مبيتغيرش غير كل سنة مرة😂
الراجل كل شوية يرمي ميه في الزيت علشان يختبر سخونته او بيعمل show و فرحان بالنار اللي بتطلع مش عارفة
طيب ايه المشكلة في الميه؟
الزيت بيتكون من حوالي22 ذرة كربون الذرة رقم 17 عاملة رابطة ثنائية مع اللي جنبها لما الراجل بيرمي ميه في الزيت بيحصل تفاعل بين الميه والزيت والرابطة دي بتتكسر و ينتج كحول وحمض و الكحول مادة متطايرة سريعة الاشتعال بيتصاعد و يعمل النار دي و الحمض هو اللي بيسبب الحرقان لأن عصارة المعدة أصلا حمضية جدا ..
#معلومه_ع_الماشي ⁦❤️⁩🤚

View more

Space ❣ :

س/ أعرف منين إنه بيحبني ؟!
ج/ لما يفتقدك ، لما يحس إن في حاجة نقصاه فيبدأ يدور عليكِ ، لما تغيبي فيحس بغيابك علي طول مش بعد مده طويلة ، الي يلاحظ ضعفك وتعبك ويحاول يسندك مش يستغل الضعف دا ، الي بيحسسك إن خسارتك فاجعة بالنسبه له ، وإنك متتعوضيش ، فكرة عدم وجودك بنسباله مصيبة ، الي تشوفي الحب في افعاله مش كلامه وبس ، الناس كلها بتتكلم بس المُحب بيظهر حبه دا بأفعال ، الي تلاقيه بيسلك اي سبيل يوصله ليكِ بأسرع وقت مش واقف بيتفرج عليكِ تحت شماعة الظروف ، الي يسندك ويطمنك وقت خوفك مش يهرب ويسيبك وقت خوفك لوحدك ، الحب عمره ما كان كلام بس والله ، فمترهقوش قلوبكم ..!
#copied

View more

.. 🌸⁦♥️⁩

So♓ila
طب تعالوا نشوف الاول حبيبك النبي قايل عنهم ايه!
عن النبي صلى الله عليه وسلم قال :(ما من أيام أعظم ولا احب إلى الله العمل فيهن من هذه الأيام العشر فأكثروا فيهن من التهليل والتكبير والتحميد) وروى ابن حبان رحمه الله في صحيحه عن جابر رضي الله عنه عن النبي صلى الله عليه وسلم قال:( أفضل الأيام يوم عرفة)
طيب نعرف بقي كل يوم منهم حصل فيه ايه ويمكن دى حاجه ما اتكررتش فى اى عشر ايام تانيه
1-اول يوم من ذي الحجة غفر الله فيه لآدم ومن صام هذا اليوم غفر الله له كل ذنب
2-اليوم الثاني استجاب الله لسيدنا سيدنا يونس عليه السلام وهو فى بطن الحوت , ومن صام هذا اليوم كمن عبد الله سنة و لم يعص الله طرفة عين
3-اليوم الثالث استجاب الله دعاء زكريا ,وربنا رزقه بالابن الى كان نفسه فيه
طيب معنى كدة ان اول تلات ايام للدعاء واخدلى بالك ومركز للدعاء ادعى اوى من قلبك ادعى بعقلك ادعى وانت صايم ونقدر نقول ايام المغفرة والرحمه فأدعى ربنا يغفرلك كل ذنوبك اللى فاتت واللى انت عملتها فى حياتك كلها
4-اليوم الرابع ولد سيدنا عيسى عليه السلام, ومن صام هذا اليوم نفى الله عنه الياس و الفقر و في يوم القيامة يحشر مع السفرة الكرام
5-اليوم الخامس ولد سيدنا موسى عليه السلام, و من صام هذا اليوم برئ من النفاق و عذاب القبر
6-اليوم السادس فتح الله لسيدنا محمد عليه الصلاة و السلام بالخير,و من صامه ينظر الله اليه بالرحمة و لا يعذبه أبدا
وكدة نقول بردة ان التلات ايام دول ايام الرزق وايام الفرحه والمغفرة فأدعى ربنا يرزقك
7-اليوم السابع تغلق فيه أبواب جهنم و من صامه أغلق الله له ثلاثون بابا من العسر و فتح الله له ثلا ثين بابا من الخير
8-اليوم الثامن المسمى بيوم التروية و من صامه أعطي له من الأجر ما لا يعلمه إلا الله وسمي بهذا الاسم لأن الناس كانوا يرتوون فيه من الماء في مكة ويخرجون به إلى منى حيث كان معدوماً في تلك الأيام ليكفيهم حتى اليوم الأخير من أيام الحج، وقيل سمي بذلك لأن الله أرى إبراهيم المناسك في ذلك اليوم
9-اليوم التاسع وهو يوم عرفة من صام ذلك اليوم كان كفارة للسنة الماضية والسنة المستقبلية
10-اليوم العاشروهو يوم العيد ويوم التضحية ومن قرب فيه قرباناً كان كفارة لكل ذنوبة وهيبقى يوم بدايتك بعون الله بعد انتهاء العشر ايام بأذن الله
ايام العشق الالهى اللى بتوصل فيه لمرحله انك اكنك غسلت ذنوبك كلها
اغسل نفسك⁦♥
#منقول

View more

Space 🌸

Mohamed Tarik (L0ne Sc0rpiOn)
ونحن في الحقيقه لا نحب الحب لذاته
بل احببنا الاهتمام الناتج عنه ، الاحتواء الذي يكسو ارواحنا بسببه ، خفقان القلب ولمعه العيون حين تشرق شمس نفوسنا برؤيه من احبنا
بسطاء يا الله تسعدنا كلمه ويفرحنا السؤال

View more

تحدث 💜 ؛

النبي استمع لطفل صغير حزين بسبب موت عصفور كان بيلعب به، ومسبوش الا اما فرحه،
مش بس كده ده النبي استمع لجمل أصم كان يئن من ظلم صاحبه له
الفكره اي كان حزن اللي قدامك لازم تهتم طالما اخترت تسمعه، مش من حقك تسفه من حزنه، ولا تتهمه انه بيدلع، محدش يعرف مدي الوجع الا اللي مكوي بيه، محدش يتهم حد انه بيكدب أو بيمثل، لو قادر تفرحه متزودش عليه وجعه،
ولا اري عقوبه للسخريه من حزن الآخرين الا يبتليك الله بنفس الوجع،
الله المستعان

View more

🌸

قال لها -بصدق- : وأنت أطيب وجه رأيته !
أجابته -بدلال- : أطيب مش أجمل ؟!
فترك قلبه يكتب:
الجمال ؟
كثير في الدنيا ..
وأحيانا ما يكون رخيصا .. جدا ..
لكن الطيب .. النور اللي يوضح طريقك، ويملأ قلبك، ويُشبع روحك، ويُدفئ عمرك، ويؤنس مشوارك = لا يكون إلا لواحد .. هو الحقيقة، وما سواه زيف .. هو العدل، وما دونه حيف .. هو الأمان، وغيره خوف ..
حدثيني بعد ذلك عن تفاهة مصطلح (الجمال) أمام حب اختلط باللحم والعظم وسرى في الدم !
نعم تافه .. لأن الجمال يعتمد في أساسه على مقارنة .. وهو لم يعد يرى سواكِ أصلا.

View more

انتى جميلة و نقية جداً حسيت انى عايزة اقولك كدة و قولته تصبحى و انتى حلوة و مبهجة و ربنا محققلك الخير ف اللى بتتمنيه 💙

ي صباح الجمال 😍💜 ..
فرحتيني جدا اقسم بالله ربنا يفرحك ويبسطك ياارب ⁦❤️⁩🤩 ..
بحبك ف الله جدا 💙😌

View more

__ 🌸👌

So♓ila
ليله القدر يا حلوين 😍🌸
بدات انهارده بعد المغرب❤
بتكون ليله وتريه "فرديه" يعني
ربنا يجعلنا من أهلها وعتقائها 🌼🌸
▪️قال تعالى:
إِنَّا أَنْزَلْنَاهُ فِي لَيْلَةِ الْقَدْرِ ۝ وَمَا أَدْرَاكَ مَا لَيْلَةُ الْقَدْرِ ۝ لَيْلَةُ الْقَدْرِ خَيْرٌ مِنْ أَلْفِ شَهْرٍ ۝ تَنَزَّلُ الْمَلَائِكَةُ وَالرُّوحُ فِيهَا بِإِذْنِ رَبِّهِمْ مِنْ كُلِّ أَمْرٍ ۝ سَلَامٌ هِيَ حَتَّى مَطْلَعِ الفجر)🌷💐
▫️عن أبي هريرة -رضي الله عنه- أن رسول الله -ﷺ- قال:
من قام ليلة القدر إيماناً واحتساباً، غُفِرَ له ما تقدم من ذنبه
[صحيح البخاري (1901) ومسلم (760) واللفظ للبخاري].
▫️وعن جابر بن عبد الله أن رسول الله -ﷺ- قال:
إني رأيتُ ليلة القدر، فأُنسيتها، وهي في العشر الأواخر من لياليها، وهي طلقة بلجة، لا حارة ولا باردة، كأن فيها قمراً، لا يخرج شيطانها حتى يضيء فجرها
ومعنى: بلجة: أي واضحة ظاهرة
[صحيح ابن حبان (3688)
💥نسأل الله -عز وجل- في عليائه أن يجعلنا وإياكم من أهلها، ومن شهودها، وأن يتقبل فيها دعاءنا، وأن يبدل فيها أحوالنا، وأحوال أمتنا بهلاك أعدائنا، وأن يجعلهم الله تعالى عِبرة لكل مُعتبر، اللهم آمين❤❤
( اللهم انك عفو كريم تحب العفو فاعفو عنا .. 💜🌸👌 ) ..
#دعواتكم 🌸💜

View more

🌟 • 1 •《 JUNE 》🌟

Ahmed ™ Magdy ®
هتكلم بخصوص إنك تاخد نية صلاه معينه و بعدين تغيرها :
1- أنت دلوقتي نويت تصلي " العصر " و بعد ما كبرت و بدأت الصلاه أفتكرت
أنك مصلتش الظهر .. فـ قمت ناوي و أنت في الصلاه إنك تصلي الظهر.
- هنا صلاة العصر باطله لأنك مخرجتش منها و صلاة الظهر باطله لأنك مبدأتهاش
صح ولا كبرت تكبيرة إحرام ليها صح فـ الفرضين هنا باطلين مينفعش تتحول من
نية فرض لفرض تاني في نفس الصلاه -
2- أنت دلوقتي واقف بتصلي مثلاُ سُنة الظهر .. وقفت و كبرت .. و بعدين
بدأت الصلاه .. و إفتكرت إن وراك معاد مهم .. فـ قولت خلاص هصليها
ظهر و خلاص مش سُنه و كملت الصلاه على أساس انها فرض مش السنه
الـ أنت بادئ بيها .
-النافله بطلت و الفرض بطل -
3 - بدأت صلاة الظهر بنية صلاة الظهر .. و بعد ما كبرت و بتصلي
قولت انا قدامي وقت لسه .. خلاص هخلي دي السنُه .. و كملت الصلاه
على ااساس أنها السُنه مش الفرض الـ أنت بادئ بيه .
- الفرض بطل و النافله بطلت -
4- الحاله الوحيده الـ يصح فيها الانتقال :
إنك مثلاُ تكون بتصلي سُنة ظهر مثلاُ و بعدين قولت أنا هصليهم لله
مش سُنه .. هنا عادي .. دي إسمها " نفل مُطلق " يعني مش متمسي
بإسم .. لله يعني .. لكن مينفعش مثلاُ تكون بتصلي ركعتين لله و انت
جوا مسجد و تقوم مغير النيه و أنت بتصليهم و تقول لأ دول تحية
مسجد .. ده غلط و يبطلها ..
مووضوع النيه ده بيفرق جامد في الصلاه .. و الـ مكنش يعرف فلا إثم عليه
باذن الله .. بس خلي بالك من موضوع النيه ده .. و أعطِ كُل
ذي حقاً حقه .
#منقول

View more

Next