لو طلب منك انك متتعمليش مع اي حد حتي كشغل ميكونش مابينك وبين اي حد تعامل خالص ويقولك انا هوفرلك كل حاجه حتي لو نازله تشتري حاجه ولقيتي واحد اللي بيبيع ترجعي دا اسمه اي وهل اكمل ولا اي ؟
بلاش عشان النوع دا هتتعبي معاه جامد، دا غير ان غيرته الأوڤر دي هتتحول لقلة ثقه، عشان كل حاجه ليها حدود لكن هو كده مزودها
مش فاكره التاريخ ولا اليوم بالظبط😂😂💔اللي فاكراه اني كنت وقتها بصلي المغرب وبابا جابهالي أول لما قال 93.7 انا معملتش أي رد فعل غير اني باصه لأهلي وساكته،و انا بطبيعتي لما بيحصل حاجه تزعلني بتصدم بس وقتها لكن رد الفعل الحقيقي بيبقى بعدها بقا😂، المهم أهلي ربنا يباركلي فيهم محدش قال حاجه زعلتني وتقبلوا مجموعي عادي عشان كانوا عارفين اني مكنتش كويسه قبل الامتحانات ومكنتش بعمل حاجه غير اني أعيط، فمحدش فيهم زعلني، بس اللي متأكده منه إن ربنا اداني اكتر من حقي فعلا وإن ربنا كرمني أوي بجد في مجموعي❤، بس كنت بعيط كل يوم قبل منام لما عرفت اني هدخل تربيه 😂💔عشان كنت كارهاها حرفيا، لكن حاليا الحمد لله.
كل فتره كده بيجيلي مود وحش، مود زعل على خنقه على لغبطه على توهان، كل الأحاسيس الوحشه اللي بكرهها بتجيلي مره واحده وتفضل ملازماني يومين تلاته كده، في الوقت دا ببقى مش عاوزه حاجه غير إني أكون لواحدي، بعيده عن كل حاجه وأي حد، بس المشكله بقا إن دا مبقاش ينفع، عشان فيه حاجات بقيت مسئوله منها ولازم أعملها كل يوم وللأسف مفيش منها مفر، فبضطر أمشي يومي وأتعامل عادي بس من جوايا هلكانه والله.
لا يستمر معي أي شيء طويلاً، كنتُ أرحل عن كل شيء، عمَّا أكره، عمَّا أُحب، عمَّا لا أريد، وعمَّا أريد... قضيتُ عمري كله وأنا أشعر دائما بأن عليّ أن أُغادر.
ازاي بتقدر تقوم تاني بعد ما بتتكسر .. سواء في شغل أو علاقة أو ضياع حلم مثلا 🙄🤦🙊
خد وقتك في الزعل عادي جداً، يعني متعملش فيها استرونج ومش فارق معاك وانت أصلا جواك متدمر احزن عادي بالطريقه اللي بتريحك، انعزل لو دا هيريحك، في الاول هتلاقي نفسك بتحن للشخص او الشئ، بس مع الوقت هتبدأ تبقى عادي، مش هقولك هتنسى عشان هكون بكدب، بس ع الأقل هتتأقلم مع الوضع الجديد.
- أرجو أن تتسع لنا الطُرق ، وأن تتوالى علينا المسرات ، و أن يُبهرنا الله بعطائِهِ المُبارك في الحياة ، وأن تستمر مباهجنا الصغيرة بالنموّ ، وأن نرى الربيع في أيامنا القادمة..♥