ما بعرف شو ذكرني بس في وحدة هون اختفت ، بيوم من الايام ظنت فيني و حطتني بذمتها مشان حدا تاني (ما بعرف شو كانت نيّتها) بس بالاخير طلعت من المولد بلا حُمص ، ايامها جرحتني عنجد و حاسة اني شمتانة فيها هللا 🏼
اليوم مهندس سعيد قال "بستغني عن اي مهندس الا ناية لأنها سريعة و بتلقط الشغلة ع الطاير و مريحتني حتى لو شو ما طلبت دولارات" يعني الديسك برقبتي من اللابتوب ما راح عالفاضي 🥹🥹
لا تهجموا عليي لأني ما رح رد عليكن بس الاردنيين ما عندهن روح رياضية.. من لما لعبوا مع العراق هالشي بيّن مع انه هنن فازوا و اليوم بيّن اكتر ، ترا كلها لعبة ما بدا هالقد
قدرت استوعب اغلب الشغلات هون الا اللهجة الاماراتية ، اذا حدا عم يحكيني اماراتي لازم اصفن بعد كل جملة و حاول حلل و استوعب شو قال هاد اذا ما طلبت اعادة 🥲 مع اني بتعلم بسرعة بس عقلي عامل بلوك ع اللهجة ابداً
قبل شوي فتحت صفحتي القديمة ، شو هاد لك ناية ؟؟ كمية ذكريات و قصص و تفاصيل انهمرت عليي ، قمت سكرتا بسرعة لأنه ما بدي اتعمق بـ ناية القديمة و شوف كيف انقلبت مرة وحدة
جارتي غير العربية بدا تخلي ابنها عندي ساعة زمن لسبب ما ، طيب انا ما عندي مشكلة بس كيييييفففف بتأمن تترك ابنها مع حدا ما بتعرفه؟؟؟؟ انا لو ابني ما بأمن اتركه حتى عند ابوه (: يعني على قلبي احلى من العسل و بحطه بعيوني بس هيه كيف رح ترتاح؟💔
هويدا كانت عم تستنى الشمس تطلع مشان نروح نعمل نشاطات لا منهجية بس انا فاجئتها من الصبح بالممسحة و الديتول ، بالمناسبة ليش ما حدا بيحكي عن تنظيف البيت as a therapy ؟
اسألوني عن أسر الحرية بقلكن هويدا .. عم تعمل صيام متقطع مشان تنزل وزنها ، المهم انها بتبلش صيام من المغرب و انا ما بعرف اكل ولا بحب اكل الا بالليل و كل شوي بتبهدلني مشان ما اكل قدامها ولا اعمل شي ولا اطلب شي 🙂🙂
عم بعمل جدول وارداتي و مصاريفي لأنه بصراحة بصرف مصروف عيلة لحالي(: المهم في عندي عجز واضح ، يعني مخالفات السيارة لازم بابا يدفعهن لأنه هو دايماً بيدقلي و انا بالسيارة و بتخالف من الموبايل .. تكاليف سفر مسعود لازم امي تدفعهن لأنه هيه اللي بدا ياه وقت انزل لعندهن .. الفواتير كلهن لازم يدفعهن علي لأنه هاد بيته مو بيتي 👍🏻 اذا بيتحملوا مسؤولياتهن بقدر انقذ الموازنة تبعي 🌚