Ask @sondoskamal66:

💛

Hamouda ALshaqi
بصير أنّه بتعدّي عليك فترة بحياتك بتفرض عليك شغلات أكبر من عمرك . .
وأنت بينك وبين حالك بتقول أنا مستحيل أقدر أتجاوز كل هالمطبّات ؛ ما رح كون قد الحمل الكبير يلّي انفرض عليّ بهالوقت ،
للوهلة الأولى بتفكّر الدنيا أخدت منّك كل مفاتيح الفرج لحتّى تبقى مقيّد ومو قادر تطلّع حالك من وضعك الصعب يلّي أنت فيه ؛
بس بعد فترة بتلاحظ أنّك تخطّيت كل المشاكل والعثرات يلّي انخلقت بنص طريقك . .
بتشوف أنّك كنت قادر أنّك تحمل مسؤوليّة كبيرة كتير رغم الرّقم يلّي وصله عمرك ؛ رغم تسلسلك بعيلتك ؛ رغم الوجع يلّي ملّاه ل قلبك ، وقتا بتتأكد أنّه ربّك ما بحطّك بموقف صعب إلّا وعاطيك القدرة لتتجاوزه ؛
أنّه ما بيحط على كتافك حمل قاسي إلّا و عاطيك القوّة لتكون قد هالحمل ؛ و دائماً ربّنا ما بيعطي المصاعب والمسؤوليّات إلّا لأقوى جنوده . .
لهيك ؛ تماسك وما تسمح ل ولاشي يخفّف من ثقتك بذاتك وقدراتك ؛ لأنّك "معجزة " . . 🖤

View more

بعثـر كلمات 🖤!

↵نـدى..❥
اللي انت بتكرهو ، غيرك بِحبّو ، و اللي انت شايفو أوڤر ، غيرك شايفو عادي ، اللي انت بترتحلو ، غيرك ما بِطيقو ..
و اللي موجّعك كتير ؛ غيرك بيعتبرو تافه ، احلامك بالنسبة لحدا تاني ممكن تكون حماقة و ارتباطك بحدا معين او شي غالي عليك ، غيرك شايفو غلط و العكس صحيح ..
كل واحد بِنام ع الجنب اللي بِريحو ، كل واحد إلو مقاييسو ؛ كل واحد غير التاني ،
ما تشغل بالك بارضاء الناس لانو هاد بعمرو مارح يصير اشتغل لحالك ولسعادتك وبس ؛
لانو غالبا م حدا رح يجرّب يحققلك جزء منها ! 🖤

View more

Next