صِبا الرائعة لكِ بعدَ الغياب الطويل 💙🌹

"نزل من عيني"
جملة الصراحة بتخوفني الى حد ما ، موجعة للطرفين حسب رأيي .. ان كان للشخص الي نزل من العين او للشخص الي حس بهالشعور ،
الطريق لانك توصل لمرحلة تقول هالجملة عن شخص طريق ملان شوك
لانه بشكل عام او عالقليلة من وجهة نظري عشان تقول هالجملة عن حدا مفروض يكون اله قيمة كثير كبيرة بحياتنا .
تع نحكي مش بشكل عام .
قديش بيضايق انه انسان نكون شايفينو بحياتنا اشي واو ، دايما بكل محل وبكل زمان نحكي عنه عن شخصيته عن تصرفاته قديش حلوين قديش لطيفين قديش فهمان
فجأة يتحول ، يصير يعمل تصرفات عكس شو أوهمنا عن حاله ،
نتمسك ونقاوم ونمسكه مشان ما يوقع من عيننا
نحط مبررات من هون الى ما لا نهاية عشان صورته تضل حلوة ببالنا
بس هو مصرّ . مُصِرّ!
بشي مرحلة بعد كثير محاولات بالامساك فيه والمحافظة عليه بحياتنا ، بتيجي هذيك القشة الي بتكسر ظهر الجمل ، الموقف الي فيه بتكتشف انه ماضل مجال "ترقّع" لتصرفاته أكثر ، هالموقف بيخليك تشوف الحقيقة بدون أي ضباب ،
بتخليك تشوف قديش هو سطحي، أناني، ما بينفع تكمل حياتك وهو موجود فيها، بعيد كل البعد عنك بالرغم من انه اوهمك بقربه ،
هون بينزل من عيننا ..
منشوفه عم يوقع ولأول مرة مش رح نمسكه .
بس تيجي هذيك اللحظة ..
رح يكون خلص البحر الي صرلنا نجرب نطلع منه ومن عواصفه وامواجه كثير وقت ، ورح ندعس اول خطوة بالبر
ولأول مرة من بداية الطريق رح نتنفس الصعداء.
والحمدلله عالسلامة .🖤
del_0ea58373_2347_43da_99e2_64c36da51457@del_0ea58373_2347_43da_99e2_64c36da51457
Aya@ayuush_saleh
H I S H A M@HishamAbuSaif
N@Yousha998
ألآء العتّوم@LoloOtoom254
‏‏﮼إيمان ‏‏ ‏‏ ‏‏﮼آلشوافعةة@eman_alshawafah9
Abdullah Rs@AboodiMaHaza
مَلَك.@malak_mohsin
Aya tahat@aya_tahat23
Next