*

ما بقتنع بفكرة المواساة، حزنك أو أي شي زاعجك ما انوجد لتشاركه مع حدا ليحاول يخفف عنك! حزنك مش موجود ليحاول حدا قريب منك يخفيه بشوية كلام سطحي بهدف المواساة أو إسترجاع الأمل أو حتى نسيانه شو ما كان!
لأ، خلي الحزن ياخود مجده فيك لحتى يزهق منك، خليه ياخود معه شو ما ياخود، مشان لما يروح ما يرجع.
ما بنكِر إن في ناس بتحب تفضفض وما بترتاح غير لما تحكي، هالناس مش همه محور الموضوع الي بحكي فيه ..
كونك إنسان قوي كتير وما في شي بيأثر فيك، وقت ما تحس في شي زاعجك يعني هو شي مهم، شي بيستحق تهتم فيه، تعرف سببه وتتخلّص منه .. لا تروح تشاركه مع حدا ليحكيلك كم كلمة سطحية ما رح تحوّل في حزنك شيء سوا إنها تشعرك بالندم لمشاركته.
لهيك انا انسان بيحل مشاكله لحاله، وبيزعل بينه وبين حاله .. مش مسموح لأي حدا يشاركني أحزاني -غير كم شخص بحس نقاشي معهم اله فايدة- وما بطلب من حدا حلّ، عندي قناعة تامّة انه انا دايمًا المشكلة وانا نفسي برضو الحلّ، المشكلة ممكن تكون من برا بس واجبي أحاول أصلّحها أو اتخلّص منها لحتى تصير تناسبني.
المواساة للاطفال إنّما احنا ما حتشوف منّا غير الإبتسامة والروح المعنوية العالية حتى لو كان في جوانا حرب.
بس بتعرف؟ في شغلات رح تقلل من هالروح المعنوية، وبرضو ما رح أشاركها معك.🖤