Ask @soso8686:

أيغفُر النّـدم شّيئاً مِن الخطيئة ؟

Yasmeen-abualrob
النّدم مش دايمًا بنفعش !
مرّات النّدم بعلّم، بوعّي، بكبّر، وأكتر من هيك بقوّي.
كل الشّغلة هي كيف ممكن نستثمر هاد النّدم ومنردّش ع جملة "متندمش علّي صار"
إمبلا، لازم نندم عشان يكون في لتجاربنا عبرة ومعنى، ونكمّل بهالمشوار بأقل ما يمكن من خسائر، خاصّةً معنويّة.

View more

Space ✌🌸

سحر
وانتهت صداقتنا
"كل شئ له نهاية" مابحبش الجملة هاي ، بتذايقني، !
ساعات بنحب شغلات وبنتمني ما تنتهي ابدا لكن الأسطورة بتقول انه لازم !الأسطورة بتقول ان "كل شئ له نهاية" !بس في الحقيقة الصداقة في قاموسي بتنتهي بس الشخص بينقص، او بيقل من نظرصاحبه !
انا ما بكرهك ولا زعلان منك وما بحمل اي مشاعر سلبية اتجاهك انت بس نقصت من نظري مش اكتر !
نقصت من نظري لانه الواقع بيقول "بناقص من الناقص" !الصاحب هو سند وما في سند بيميل !
وعشان هيك وبمنتهي الحب والأريحية بقول دايما للشخصيات اللي انتهت صداقتنا معهم
"يلا في ستين داهية" -بمنتهي الحب- ❤️💙

View more

صصبا💜'#

Ayah shyyab
ويوم عن يوم،رح تدرك إنّه بعض النّاس بتحبّ فكرة شخصيتك، بتحبّ الفكرة العامّة اللي بتمثّلها ذاتك، بس ماعندهم النّضوج الكافي ليحبّوا ويفهموا ذاتك الحقيقيّة، ماعندهم الجرأة الكافية ليغوصوا وينغمسوا بهويّتك الحقيقيّة، من مشاعر وأفكار ومعتقدات وأحلامك.
و بعض النّاس بتحبّ وجودك العامّ،
بس غيرهم بيلاقوا بوجودك سرّ وأثَر عظيم 💜👑

View more

_👑

MAHMOUD.
طَيّب كيّف فِي شَغلّآت بِتموُت وبتيجّي الصُدّفة تِحييهآ؟
الجُملّة هآي لَخصّت كتيّر أَشيآء!
مُمكن تكُون شَغلّآت إحنّآ قَررنّآ نسَكرّ عَليهآ بقَلّبنّآ، ومَآ بِدنّآ نِفتَحهآ وفَجأَة مَع أَول صُدفّة كُل إِشي بيّتغَيّر !💜

View more

حقتي صصبا💙:

Ayah shyyab
لما تشوف شخص بعز عليك واقف على سور عالي , رح تخاف عليه , رح تصرخ فيه وتحكيله انزل , وقتها ممكن يرد عليك و ينزل بس برضه ممكن يضل واقف مبتسم , مش خايف , وما يرد عليك ويستفزك ببروده ويراهنك كمان إنه ما رح يصير فيه إشي .وقتها , ما تنصدم إذا فعلاً ما صار فيه اشي و ما وقِع , ما تنصدم إذا ضل يمشي على هاد السور بثقة , لأنك ما بتعرف كيف مثبت رجليه , ما بتعرف شو اللي مقوي قلبه , ما بتعرف كيف شايف الحياة من عنده , ولأنك برضه , رغم كل التفاصيل اللي شايفها واللي بتعرفها , ما بتعرف إشي .!
هيك تماماً لما يكون هاد الشخص بعلاقة مش عاجبتك بس هو مبسوط فيها 👌💜👑

View more

-❤️

يا للسخرية
هل تعلم شيئاً حول كمية الملل التي تسير بها الأمور عندما يتحدث إلي أحد ما أو يتواجد بقربي؟
عن إحدى متاهاتي ،انك عندما تتحدث إلي ،وقبل أن تنطق ،أكون قد سمعتك بالفعل،ماذا تريد ولماذا تريد ،ومتى تريد وهذا الأمر الآن قد تجاوز مرحلة التوقع بشكل مخيف ليصبح شيئاً حتمياً.
وانت تحادثني ،اراك من مكان مافي الاعلى وانت تسير في متاهتك أياً كانت،بكل ماتملك من حيل الحديث أراك ،أرى حقيقتك،الدوافع الغايات ،والاسباب،واؤكد لك انها تزيد وضوحاً امامي كلما حاولت أن تبتعد عنها.
ربما لهذا لا أستطيع أن أكون حقيقياً معك ..أبداً👑💜

View more

-

ما تحاول ابداً انك تبين ضعفـك أو في اشي كاسرك، مش رح تستفيد اشي، غير إنك تكون بنظر الناس إنسان كئيب وبائس ونكد و رح تنكـد عليهم، خلّي عندك نوع من الزهد لأي اشي
ما يهمك أي بني آدم بالوجود ، أي بني آدم على وجه البسيطه ممكن يتعوض عادي جداً ، ، ما تحاول تشرح كلشي إنت فاهمه ومقتنع فيه.
ما تخلي اللي جواك يكون برّاك، خلي اللي براك يكون اللي انت بدك الناس تشوفه، ما تحاول تكون ساذج وتعيش ببـراءه على مبدأ
" اللي بقلبي على راس لساني"
بالعاميّه رح تصير ملطشه للرايح والجاي !!!👑💜

View more

Siba ✨ :

"بالنهاية؛ ولا مرة إحساسنا بفقدان شخص ما بختفي، لا الوقت ولا دوشة الحياة ولا إشي بمحي ذكرى مساحة شخص عزيز..
يمكن الزمن بخلينا نتعامل مع ضجة هالفراغ بآليات مختلفة تخلينا نكمّل..
بس هالمساحة اللي فرغت من أصحابها بتضل فاضية للآخر."

View more

siba✨

يلي بروح ، طرف الجنة مش مربوط بإيدو ، ويلي بينكر خيرنا وقت يحط راسو ع المخدة بدوب من الخجل وبتاكلو العتمة ، ويلي ما بمدلنا إيدو ، إيد الله بتعلى على إيدو وشتان ما بينهم ، ويلي سرق منا شغلاتنا الحلوة ، شغلاتنا المرة بكرا رح تروح منا لعندو ، ويلي حكا عنا ما حنصير ، لما نصير رح يكون بالزاوية بتفرج عالعتمة واحنا بنضوي . 💙✨

View more

صبا الرائعة ، احكِ 🌸❤💜

Osama Bani Omar
بتتملكني مشاعر كُره تجاه أي حد بيستخف أو بستصغر أوجاع الناس ومشاكلهم مهما كانت ومهما كانت مشاعره او مشاكله من وجهة نظره الخاصة اكبر من مشاكلهم كل واحد فينا عندو قدرة تحمل، كل واحد فينا عندو تجاربه يلي بطبيعة الحال غير عن تجارب غيره وأعطتو دروس وقوة بتختلف عن الناس التانيين ما في بالحياة تجربة بتعطيك درع تميُّز او ميدالية ذهبية بتخوّلك تقعد تعطي أحكام عالغير وتقيّم ردود فعلهم ع قصصهم كُلنا زعلانين، وكلنا عنا لحظات كآبة وتعب شايفينها قد الدنيا بلا ما نزيدها ع بعض.

View more

Next