Ask @st_hajer:

لخيل ربج جن كاعده براسي وعقلي وداخلي

Jaafer Jalal Almaliky
أعترف جعفر أعترف !
طبيب الأعصاب النمساوي "سيگموند فرويد" يگول...
" المشاعر المكبوتة لا تموت أبدًا !
بل تُدفن في أعماقنا حية !
و لـ سوف تعود للظهور ثانيةٍ بـ طُرق أبشع بـ كثير!"

View more

+4 answers in: “انت/ي بماذا تفكر الآن "”

هاجر جديات محد قبل مصحينه ع مشاعرنا الي لازم نضمها والي لازم مو كلشي نبين كلها تعلمك اذا نكسر كلشي ضم كلشي واترك كلشي وقاوم ؟

Jaafer Jalal Almaliky
السبب الرئيسي اللي ميخليك تعترف بـ مشاعرك هو الـ "أنا" !
خوفك المُستمر علىٰ ذاتك من الأحراج و التجريح يدفعك أن تكبت مشاعرك و تدفنها بـ داخلك !
هـ الخوف حـ يدخلك بـ صراعات إلها اول وما لا إلها تالي !
و النفس البشرية بـ هالحالة حـ تبدي تفرز مشاعر بديلة عن المشاعر المكبوته ! و تتعارض معها !
يتبدل العتاب بـ غضب ، الأحتواء بـ تملُك ، الحُب بـ لامُبالاة ! ... الخ
هـ المشاعر تلجأ إلها كُل ما تحس بـ ان الـ "أنا" تحت التهديد !
و حـ توصل مرحلة أنهُ حـ تحس الـ "أنا" منالت أستحقاقها بـ التبجيل و التقديس و هـ الشي حـ يخليك تشعر بـ التعاسة و الكآبة!
بعدما كانت الـ "أنا" مصدر حمايتك ، صارت مصدر عناء وشقاء و ألم الك !
الحقيقة أنهُ أغلبنا تحول الىٰ عبد للـ "أنا"
ومايگدر يتحرر من هـ العبودية !

View more

+4 answers in: “انت/ي بماذا تفكر الآن "”

نفس شعوري 100% زين ليش عود ليشششش

Jaafer Jalal Almaliky
لأن هي هيچ !
يعني فرضًا آنتَ اكو عندك فد إحساس تجاه شخص مُعين !
و هـ الشخص قد يكون خطأ ! او اي شي
منطقيًا آنتَ لازم شلون تتصرف ؟!
تدفن هـ الإحساس و لاتصُرفه ع شخص ميستحق !
- و آنتَ بـ هالحالة خالفت المنطق بـ المنطق !
" الدفن لايشمل الأشياء الحية"
يلا تعال حلها 🙂
تره مرات العقل و الوعي لعنة !

View more

+4 answers in: “انت/ي بماذا تفكر الآن "”

هاجر اني هيجي ؟ تدرين بحياتي كلها مشفت احد وكال مثل كلامج الي هوه الكلام مو الي بس حسيته الي؟ فعلا هل شي كلش قوي ونتن وصعب ؟؟؟؟

Jaafer Jalal Almaliky
للأمانة يا جعفر أغلبنا ديعيش هـ الشي!
كـ أقل تقدير يمُر بـ حالة وحدة !
أغلبنا يدّعي المنطقية و هو بعيد كُل البُعد عنها !
واللي لازم يسويه ميگدر يسويه !!
مُجرد دنحرگ بـ نفسنا تدريجيًا !
- شگدما توصل مراحل من المنطق و العقلانية !
حـ تكتشف بـ أنك عكس هـ الشي !
حرفيًا حياتنا دوخة !

View more

+4 answers in: “انت/ي بماذا تفكر الآن "”

انت/ي بماذا تفكر الآن "

(ابو يوسف) ameer
تفكير كُلش هوسة و دوخة !!
أنهُ مو كُل مدفون ميت ولا كُل ميت مدفون !
- اكو هواي اشياء ميته بس لازالت موجودة!
و اكو هواي اشياء حية بس أندفنت وراحت!
- مو المفروض يصح الصحيح ؟
و كُل شي يموت يندفن ؟!!
- زين مو المفروض هـ التسلسل المنطقي يشمل الأحاسيس و الأفكار ؟
إذا واحد مات بـ داخله فد إحساس مُعين ليش ميدفنه ؟
ليش يبقىٰ يتحمل تعفُنه و رائحته النتنة؟
ليش يبقىٰ هـ الإحساس الميت مأثر ع حياة الشخص ؟!!
- زين إذا كان الإحساس أساسًا عايش، و أنجبُرنا أن ندفنه ؟!
تخيل تجيب شخص عايش و غصبًا عنه تدفنه !
تخيل كمية المقاومة و الرد القوي اللي حـ تحصله من هـ الشخص !
و شلون حـ يكون شرس و يحاول بـ كُل ما أؤتي من قوة بـ أن يقاوم و أن ينتصر عليك !!
كذلك الإحساس و الأفكار من ندفنها غصبًا عنا !
لـ مُجرد أنهُ ما لگينا الشخص اللي يحتوي هـ الإحساس او كان أساسًا الإحساس لـ شخص خطأ ! أو يمكن الإحساس أصلًا خطأ أو الوقت خطأ؟!!
يعني مرات الواحد يموت لأنه دفن إحساسه الحي !!
هي حرفيًا دوخة!! ، دوخة نفسية فلسفية ! مُحيرة !

View more

+4 answers Read more

970♥️

MarYan
تساؤلات أنطولوجية ميتافيزيقية

هو الواحد شوكت يتفعل عنده "الانحياز المعرفي" ؟!
- الجواب :
من يفكر بـ طريقة غير منطقية حـ يوگع بـ فخ ! و هـ الفخ اسمه "الانحياز المعرفي"
- زين شوكت يكون ضروري ان نفكر بـ لا منطقية و نوّگع نفسنا بـ هالفخ ؟
الجواب :
وقت الأنفعال ! أنهُ تلقائيًا و بدون أي وعي او منطقية لو انفعلت حـ تكسر الدنيا !
مثلًا من تفقد شخص "يموت" و ما الىٰ ذلك من انواع الأنهيار ...
- واكثر وقت ضروري ولازم ان نبتعد عن هـ الانحياز ؟!
الجواب:
اوقات الضغط و كذلك المشاكل لأن إذا تصرفت بـ لا منطقية ولا عقلانية حـ تخرب الأول و التالي !
السؤال الأساسي ..
إذا كنت مُنفعل نتيجة عدة أسباب مُعينة و تمر بـ أصعب المشاكل و كُل أنواع الضغط !
بـ هالحالة المفروض تتصف بـ المنطقية و العقلانية ؟ لو تشتغل بـ نظام الانحياز ؟
- الشي المنطقي الوحيد أنهُ هـ التساؤلات تنطبق علينا أثنينا !
لذلك الأسك عليچ و الأنسر عليه !
و بـ كيف الدنيا بعد تكتفي بـ هالحد لو تستمر !

View more

شلون اعرف باني اعاني من مرض نفسي او اكتئاب 😓

بـ رأيي من توصلين مرحلة تباوعين بـ المرآة و تشوفين نفسچ قبيحة و مابيچ شي حلو ، هنا صرتي تعانين ع الأقل من بداية أكتئاب !
- طالما آنتِ دتشوفين نفسچ جميلة ! إذًا آنتِ سليمة من الأمراض النفسية
مُجرد اكو حُزن ديحاوطچ ، فترة و ترجعين كما آنتِ!
- فـ حاولي ان تفرقين بين الحزن و الاكتئاب !

View more

انا بخاف م الحب ع الرغم من اني احيانا بحس اني محتاجاه جدا ومع ذلك مابثقش ف اي شخص وحاليا انا مرتبطة ومع ذلك بردو بخاف اسيب قلبي يحب حد لدرجة اني بحس اني مابحبش الشخص ده وف نفس الوقت مش بقدر ابعد يمكن تعلق ويمكن بيوحشني حد فاهم حاجه؟! اللي فاهم يقولي اعمل اي

هـ الحالة اللي عندچ تُسمىٰ بـ "رهاب الإرتباط"
السبب الرئيسي لـ هالحالة :
- "فُقدان الحُرية" او الخوف من فُقدان الأستقلال !
أنهُ كُل شي بـ حياتچ حـ يتغير وفقًا لـ الشخص اللي مُرتبطة بيه
وتفقدين جُزء من حُريتچ و إستقلاليتچ
و اكو اسباب ثانوية :
- الخوف من العلاقة نفسها ، يعني أن تصُرفين حُب ومشاعر و أهتمام و بعدين تنتهي هـ العلاقة لـ أي سبب !
-الخوف من الشخص نفسه ، أن يكون مو هو الشخص المُناسب و تنطيه ثقة و بعدين يجرحچ و يأذيچ !
- فقدان الثقة بـ سبب علاقة سابقة فاشلة زرعت بـ داخلچ هـ الخوف ، خوف أن تتأذين مرة ثانية وما الىٰ ذلك !
- صدمة أثناء مرحلة الطفولة ، ان تكونين شهدتي علاقة فاشلة ، مُمكن علاقة الام و الاب او غيرهُم !
فـ آنتِ شوفي السبب اللي وصلچ لـ هالحالة تحديدًا شنو هو ؟
و حاولي تشتغلين عليه و تعالجيه بـ نفسچ
لأن متحتاجين لا طبيب نفسي ولا غيرها !

View more

ماذا حل بك بعد فراقه ؟

MEME
گُمت بـ " الكلشي ماكو " أعثر !
بـ حيث بـ محبس أتوزر
النملة تشيلني و تفتر !
بـ خيط العنكبوت أنجر !
لو طگنّي الهوا أتفَطرّ !
الماي يكُضني و أتطشر !
وردة وكاضها إبن البَرّ
چنّي الحلف بـ "العباس" و العباس بيه شوّر!!
سنيني تطيح من أفتر !
أجُر النَفَس و أتهَطَرّ !
عليه الأبُرة تتگدَرّ !
النار تجيسني و تحتَرّ!
الجامع شافنّي و كَبَّرّ !
الگطن لو جاسني أتعوّر !
أكُض السبحَة و آني أفتر !
عليل و حالتي تُقهَر !
ترُاب من الجفن گبّر !
وَجهي أنگلُب لون "أصفر" !
بياض العين صار "أحمَر" !
كُبَر جَرّحي و بديت أصغَرّ !
أصغَر لـ حَد ما يُكبَر
جامة مُگابلّة المنظَر
شيخ و بـ أبنه يتعير !

View more

قد ندمتو على اشخاص دخلتوهم حياتكم؟

Banosh alkhafaji
آني شخص تستهويه مُمارسة الأخطاء!
سواء أفعال او أشخاص !
أمارس الخطأ بـ رغبة و هـ الأشخاص دخلوا حياتي بـ رغبة مني !
طالما آني دخلتهُم مُستحيل أندم ع شي من فعل يداي!
بـ العكس اصلًا ! لأن كمية الفائدة اللي نكسبها من الأشخاص الخطأ ما نحصل عليها و يه الأشخاص الصح !
الخطأ ينطيك الخبرة بـ الحياة و الفائدة
الصح ينطيك شعور حلو !
- وآني أبحث ع الفائدة أكثر من الشعور !

View more

+1 answer Read more
Next