بعد عينك
من يسمّي على عيني
و اذا ضاقت علي هالأرض
يحلف ما يخليني
و يحكي لي إلين أرتاح
و أتبسّم
و اذا جيت أرجف من البرد
يقبّل راحة إيديني !
نويت تغيب
و تتركني حزين
و هالحزن
ما يعرف الترتيب
بقى بي ألف جرح
و هالجروح ان غبت
كيف تطيب ؟
نويت تغيب
يودي هالزمن غالين
لكن ما يعرف يجيب !
" تو بدري ..
ماشبعتك ما ارتويتك
قلبي ماصدق ..لقيتك
ليه تسري
وانت فاتح بيدك ضلوعي وحالف :
هذا بيتك ! .."
وقت اللقا
يكبر بداخلنا الفرح
ضحكاتنا تملا السما
طفلين نشبه بعضنا
ما نكترث للحزن لو مر بخفا
أو من ورى ظهر الوفا
خان وجَرح
وقت الفراق
ما نشبه الا حزننا
دمعاتنا ملح الغرق بذنوبنا
للشيب تاخذنا الخُطى
للموت يركض حلمنا
واللي يُطاق
لا شيء مما نعرفه
كلْ شيء يصبح لا يُطاق
يا حزينة
حنّت ايديك
لدفى راحة يدينه
حن حكي عيونك
لضحكات عينه
و حتى لو قلتي لهم انك قسيتي
ما صدقتي
فيه اشياء واجده بينك و بينه
و حتى لو قلتي لهم انك نسيتي
ما صدقتي
ناسيه هالناس لكن تذكرينه
هذا كذب العاشقين
هو يبيك
و يدري انك لين هاللحظه تبينه
يا حزينة !
°•
وأرفرف لك ..
فرش ألوان،
وترسمني وتكتب تحت :
" بشر يصعب على النسيان "
وتعلقني / على قلبك
أنا أكره بارد الجدران .!
وأرفرف لك ..
وأقول الحُب
ما هو درس وتجي تقراه وتتّعلم
ماهو حـزن،
وما هو مزن،
وما هو آه وتمّثل دور متألم ..!!
هو أنك وانت كلك صمت
عـيونك عـنك تتكلم ..!!
وأرفرف لك ..!!
مثل نجمات وتجمعني يديك اسوار ..
كأن انت زحـام النور
والعتمه خـذت مشوار ..!!
وأرفرف لك ..!!
واقول الحُب ..
ما هو المال ..
ولا لعبه مع الاطفال ..
ولا هو وش كثر تاخذ
من بنّيه ..!!
هي اللحظه التي فيها الى من رحت
قالت عـنك:
" تفارقنا وهو رجال "
شسولف لك .. ؟
عن أيآمي
وموآجع جرحي الدآمي ..؟
عن الغربه
وزولٍ بس افكربه ..!
شسولف لك .. ؟
بسولف لك عن الغربه
وعن سنينٍ ملآهآ اليآس ..
وعن نفوس البشر والنآس ..!
وعن الحزن اللي بعيوني ومحدٍ حآس ..
شسولف لك ..!
عن الفرقى وموآجعهآ ..
وقلبي اللي بقى معها ..
شسولف لك ..؟
عسا ما شر
أنادي لك ولا رديت
عسا ماصابت عيون الحسود قلوبنا ومليت
كسرني الخوف ..
واشواقي رقيقه ما تحب الخوف
أحبك والقلوب اللي تحب
مثل العيون تشوف
