هو سؤالي ممكن يبدو سؤال هايف بس معلش خديه بجد: هل انتي شايفة ان واحد داخل الكلية جديد و مجابش لبس جديد في الكلية و فضل يروح بلبسه بتاع الثانوي، مع ان كل الطلبة في اولي كلية بتلبس جديد و كدة، هل دة سبب كافي للطالب دة انه يبقي مكسوف من شكله و يفقد ثقته بنفسه و يداري من صحابه و ينعزل و مستواه ينزل
لا خالص مش هايف ولا حاجة بالعكس... هو اه في اولى كتير من الناس بتجيب لبس جديد... ولأسباب كتير... في ناس بتبقى بس فرحانة بمرحلة جديدة في حياتها وكده... وده شيء طبيعي... انا مثلا جبت لبس جديد اول سنة عشان مكانش عندي لبس كتير اصلا قبلها لأني مكنتش بنزل اصلا كتير وكنت ساعتها بشتري على قد احتياجي... واللي هو شيء طبيعي برضو... مش لازم الاسراف في الحاجة طالما الحمد لله عندي اللي محتاجاه... وده راجع لأن لبس المدرسة هو اللي كنت بنزل بيه كل يوم وكده، اللي حصل في الجامعة ان احتياجي زاد عشان مفيش يونيفورم جامعة... فا جبت لبس يكفيني في نزول الجامعة...وانا اهو مش مكسوفة اني اقول ان معنديش لبس كتير... نيجي بقا لأن ده سبب يستاهل او لأ... من وجهة نظري هو شيء طبيعي يحصل بالذات في الاول... بس لا مش سبب كافي... كل واحد ليه ظروفه الخاصة اللي مختارهاش... والانسان مش بلبسه، مش عشان عندك طقمين تلاتة بتبدل بينهم تبقى انت كده وحش، واللي يحسسك انك قليل ده متقولش عليه صاحب وخسارته مكسب كبير جدا ليك... حاوط نفسك بالناس الصح وانت عمرك ما هتحس ب ده... ولو الاحساس ده جايلك من انك شايف ظروف اللي حواليك احسن منك، فا ده ملهوش غير انك لازم ترضى باللي ربنا قاسمهولك وتقول الحمد لله على النعم االي عندك... انت ممكن تكون اقل منهم ماديا بس احسن منهم في حاجات كتير تانية... بص على نقاط قوتك واشتغل عليها... ولو على المستوى وانت اصلا في اولى، فا انا تخيلي انك فاكر انك هتبقى بنفس مستوى ثانوي... وده مش هيحصل خالص دلوقتي لأنك لسه متعودتش على الجامعة ونظام مذاكرتها... اسفة اني طولت🖤
Liked by:
عبدالعظيم رحومه
عمرو
K A M A L
Mahmoud
3ashrie
+2 answers
Read more