Ask @t_r2:

كيف نتخلص من بقايا مشاعر مسبقاً حق سنتين وان هاذا الحُب غلط ولا يرضي الله بمواقع التواصل وتركته لأجل رضاء ربي علماً بان لاشي يربطنا وتخلصت من كل شي يخص الشخص!

حاولي لما تصلين تدعين ربي يبعدك عن هالتفكير وان يخلصك من هالشيء وحاولي لما تتذكرين او يجي ع بالك تشغلين نفسك بشيء ثاني واذا كل فتره تدخلين ع نفس الحساب او تراقبين نصيحه احذفي حساب اللي تراقبينه وحطي بلوك ..وإذا حسيتي نفسك بترجعين تتواصلين الغي حسابك وانسيه وافتحي ثاني وافتحي صفحه لك جديده انك م ترجعين ..واشغلي نفسك بالصﻻة او ذكر الله او شي تحبينه او سوي شي جديد بحياتك ..وان شاءالله اني اكون افدتك ♥

View more

انا جوالي ايفون ٥ ولما اخذته للجامعه اليوم وشفت الكل كشخه جوالاتهم وكلهم ايفون ٦،٧ تفشلت وخبيته ، ايش اسوي ؟

ﻻ ياعمري شدعوه بالعكس جوالك حلو وماعليك من احد وكلن وظروفه خوذيه معك وطلعيه وخليك واثقه وماعليك .

View more

امس انا نزلت رابط صراحه بالسناب وجاني كلام كثير الحمد لله ، عادي لو انزل اللي جاني بالسناب ؟ والا شيء يطفش وماله داعي !

انا اشوف ماله داعي بس اذا انتي حابه وودك تنزلينه مو مشكله بس حاولي م تكثرين مره او اذا حابه تنزلينه عشان تردين ع اللي كاتبه لك ببرنامج صراحه اشوف انه عادي .

View more

يابعد عيني انا اجازتي مع الاسف راح شهرين منها وانا صح مسجله بمعهد لكن قضت على الانتظار مره نتيجة التحصيلي ومره تسجيل الجامعه ومره القبول والخ والان باقي لي بس 4 او 3 اسابيع وبرضو باقي اجراءات لكن ماودي اقضي اجازتي وانا عايشه على موقع الجامعه كيف استفيد او شتقترحون علي اسوي خلال هالشهر الباقي

يسعد صباحكك أولاً..
اي والله لاتقعدين كذا تنتظرين ..نظمي نومك اول شي عشان تتنظم حياتك نوم الليل مره مريح واصحي ع الفجر وصلي وتقهوي ثم اطلعي امشي بالحوش لو نص ساعه ..واذا تقدرين سوي رياضه لو ع الخفيف <مره حلوه الرياضه تخليك ايجابيه *وافطري ثم شوفي وش عندك اشغالك وخلصيهم واذا جاء وقت الظهر وتغديتي خوذي لك غفوه واذا صحيتي سوي قهوتك واعزمي اهلك او اللي انتي تحبين او هالشي خليه بعد المغرب اذا ماكان عندكم طلعه ووقت العصر تعلمي شي حلو يوم تعلمي طريقة رياضه جديده ومره تعلمي شي بالمكياج ومره تعلمي ع طبخه ومره سوي ترتيب جديد بغرفتك واذا من النوع المغامر سوي مقالب والعاب حلوه ..او رتبي طلعه وخططي لها وزي كذا ..اذا بشرتك تعبانه اهتمي فيها اكثر عشان لما نبدا دوامات ماتكوني شايله هم وشعرك حطي له ماسكات واللي يناسبك يعني ..واهم شي اهم شي حاولي لو تقرين وجهين من القرآن واستغفري كثير ورددي حسبي الله ونعم الوكيل<تحقق لك اللي تبين من تجربتي وبالنهايه يارب يارب ان كﻻمي يعجبك وينفعك .

View more

انا كانت هذي اول سنه لي بالجامعه ومن نزلت مكافأتي من شهر 5 وانا اوزعها على الكل امي نصها وابوي نصها واخواني وخواتي الموظفين والجامعيين ما قد نزلت وصارت كامله لي ، ف ما ادري تعبني هالشيء وناقصتني كثير اشياء هل صح او غلط ؟

لا ماينفع توزعينها أولاً هالشي لك ولتعبك ليه غيرك ياخذه؟ امك وابوك ايه بس اخوانك وخواتك موظفين بعد ماله داعي تعطينهم حتى عشان محد يطمع فيك وماهم بحاجه ماشاءاللہ الا اذا كان سلف او فعلاً محتاجين ممكن تساعدينهم ولاهو دايم بعد
ودامك انتي بحاجتهم ليه توزعين فلوسك وانتي اولى بها ! .

View more

ياخخ ابغى شي يطول شعري تعبت وهوا نتفه اذا تعرفين شي يطوله لا تبخلي علي بالذمه لا تبخلي ادري راح تضحكين علي بس شسوي احب الشعر الطويل انتظرك ....

هلاا ياعيني ﻻ شدعوه اضحك !
قريت سؤالك وقعدت افكر لك والله وتذكرت اختي كانت تستخدم لبنتها خلطه مره حلوه انا شفت النتيجه ع شعرهاا اللي هي > حلبه تحطينها بعلبة ماء وتحطين عليه زيت الطبخ وتقفلين عليها وتخلينها 10 ايام وكل مامريتي من عندها حركيها قوه شوي ويفضل تكون بدوﻻب المطبخ ومن بعد 10 ايام ابدي حطيها ع شعرك -ان شاءالله يارب تنفع معك- وبشريني اذا جابت لك نتيجه حلو اوﻻ .

View more

يهمني رأيك لذلك ابغى اسألك عن رأيك بخصوص تخصص الانجليزي ؟

اهلين ياقلبي والله الصراحه مابعد دخلت الجامعه وﻻاعرف عن هالاشياء
لكن انصحك تسألين ناس عندهم خبره بالموضوع وابعدي عن الناس اللي تحطمك..وشوفي حساب قياس بالانستقرام مره بيفيدك وكثير شفتهم سألوا عن هالتخصص او إذا انتي حابه ارسلي ع الخاص وبينزل سؤالك عالعام وتشوفين اﻻراء وان شاءالله يارب استفدتي مني :)♥

View more

اختي انا صديقاتي مزعجااااات جداً جداً وقلقات ويخلني اتوتر حييل والفتره الجايه عندهم تحصيلي وتسجيل الجامعه ومن هالامور وصراحه ودي اعيش اجازتي بسلام من غير قلق ودي احذف الواتس بس برضو متردده !

مزعجات بالواتس قصدك ؟
طيب اذا مايكلمونك انتي شخصياً مانتي مجبوره تردين + ﻻتلومينهم متوترين عشان اختبارهم
وانتي ليه تتوترين ؟ دام م عندك اختبار تجاهلي ﻻتلتفتين لهالامور عشان م يأثر بشخصيتك .

View more

اختي انا وحده ما احب المكياج لاني كسوله واشيل هم المسح ، المدرسه الحمدلله كان ممنوع لكن بالجامعه هل يعتبر عرف اجتماعي وغلط اني ما احط مكياج ولا الوضع فري وعااادي ؟

ﻻ عادي ومن قال ان المكياج اساسي ؟ خصوصاً جامعه او مدرسه
اذا انتي حابه تحطين كحل داخلي وروج صباحي واذا ماودك مو ﻻزم وانا ضد المكياج الزايد بالجامعات .

View more

_

هات اللي بقلبك
السلام عليكم ورحمة الله وبركاته. اعتذر عن تأخري بالدخول والردود بس كنت مكروفه وهالحين الحمدلله فاللي عندها استفسار او سؤال تتفضل وان شاءالله برد ع طول واللي مارديت عليها تعيد سؤالها ﻻن كل اللي عندي جاوبت عليهم ويمكن يكون بعض اسئلتكم ماوصلتني .♥

View more

- ابي اطول اظافري كيْف ؟ تعبت وانا اكل بهاليفاتمين ولا فادّ.

اهلين ؛ شوفي والله انا شفت اختي لما جربت الثوم صراحه رهيب بس لما تركته ماعاد طالت اظافرها بس خﻻل استخدامها له طالت اظافرها وبتبان لك النتيجه بسرعه ان شاءالله اذا استمريتي تقريباً باسبوع تبين لك ..والطريقه كالاتي تجيبين ثوم وتفتحينها بالنص وهالشيء مهم وتفركين النص ذا باظافرك لما تحسين ان الثوم بدت تخلص ومره وحده باليوم ويومياً ان شاءالله تفيدك هالطريقه .

View more

Next