Ask @t_r2:

أختي زواجها نهاية هذا الاسبوع ان شاء الله ؛ احتاج افكار اسويها ، شغلات بسيطه تسعدها ، م ببالي اي حاجه )؛!.

-سوو حفله لهاا بينكم وجيبوا اﻻشياء اللي تحبهاا وجيبوا بخاخ ثلج العبوا فيه ! النوافير واطلقوها بوسط حفلتكم
-او اصحي الصبح وصحيها معك وسوي لها كل شي تبغاه من تصحى لما تنام بس بهاليوم يعني وبنص اليوم اوقبل نهايته اهديها ورده ..سلسال مع عباره او اي شي تحبه ♥ والله يتمم لها علئ خير ويوفقهاا .

View more

امين يا رب وياك ، طيب ايش الهدايا ؟

- فلوس بس حطيه مع ورده عشان تتقبله ﻻن ممكن تكون تحتاج فلوس اكثر
-عطر مع شمعه حلوه بس رتبي شكله عشان يطلع حلو
-كرت عليه عباره مع عقد ناعم ذهب اذا تقدرين ع الذهب او خليه سلسال عادي
-طقم عطور وغلفيه تغليف هداياا ولصقي كرت صغير واكتبي عباره فيه
-او اشتري اول حرف من اسمها الحروف المضيئه تعرفينه ؟ وثبتي عليه عطر اللي يجي نحيف وطويل ان شاءالله تفهمين ع وصفي
- بوكس وحطي فيه ورد مجفف ثم حطي ساعه مع الحرف المضيء وحطي بالونه برا .
-كيس يكون كله ورد وبه عطر
شوفي جبت لك صور نفس كﻻمي شوفي الكيس اللي اقولك عليه كله ورد وبه عطر ..واعجبتني بعد طريقة الجزمهه "اعزكم الله" والورده اللي تعيش سنه باﻻناره وفكرة الفرو اﻻبيض تجنن..وان شاءالله اكون افدتك ♥

View more

سكر نبات مُضر للاسنان ؟ ودي فيه مره بس يقولون انه يضر الاسنان ويجيب السكر 💔💔

ﻻ ماظن انه مضر بس دايم الشيء ﻻزاد عن حده انقلب ضده وانتي ﻻتكثرين منه ووشوفي فوايده
تليين الحبال الصوتية، وتحسين الصوت، وعلاج للبحّة الصوتية، والتهابات الحنجرة والبلعوم، ومشاكل الصدر والجهاز التنفسي
-شكلي حتى انا باكله .

View more

ياخخ ابغى شي يطول شعري تعبت وهوا نتفه اذا تعرفين شي يطوله لا تبخلي علي بالذمه لا تبخلي ادري راح تضحكين علي بس شسوي احب الشعر الطويل انتظرك ....

هلاا ياعيني ﻻ شدعوه اضحك !
قريت سؤالك وقعدت افكر لك والله وتذكرت اختي كانت تستخدم لبنتها خلطه مره حلوه انا شفت النتيجه ع شعرهاا اللي هي > حلبه تحطينها بعلبة ماء وتحطين عليه زيت الطبخ وتقفلين عليها وتخلينها 10 ايام وكل مامريتي من عندها حركيها قوه شوي ويفضل تكون بدوﻻب المطبخ ومن بعد 10 ايام ابدي حطيها ع شعرك -ان شاءالله يارب تنفع معك- وبشريني اذا جابت لك نتيجه حلو اوﻻ .

View more

يهمني رأيك لذلك ابغى اسألك عن رأيك بخصوص تخصص الانجليزي ؟

اهلين ياقلبي والله الصراحه مابعد دخلت الجامعه وﻻاعرف عن هالاشياء
لكن انصحك تسألين ناس عندهم خبره بالموضوع وابعدي عن الناس اللي تحطمك..وشوفي حساب قياس بالانستقرام مره بيفيدك وكثير شفتهم سألوا عن هالتخصص او إذا انتي حابه ارسلي ع الخاص وبينزل سؤالك عالعام وتشوفين اﻻراء وان شاءالله يارب استفدتي مني :)♥

View more

- ابي اطول اظافري كيْف ؟ تعبت وانا اكل بهاليفاتمين ولا فادّ.

اهلين ؛ شوفي والله انا شفت اختي لما جربت الثوم صراحه رهيب بس لما تركته ماعاد طالت اظافرها بس خﻻل استخدامها له طالت اظافرها وبتبان لك النتيجه بسرعه ان شاءالله اذا استمريتي تقريباً باسبوع تبين لك ..والطريقه كالاتي تجيبين ثوم وتفتحينها بالنص وهالشيء مهم وتفركين النص ذا باظافرك لما تحسين ان الثوم بدت تخلص ومره وحده باليوم ويومياً ان شاءالله تفيدك هالطريقه .

View more

انا ابي اسوي رجيم .. وش افضل رجيم ؟ اذا تعرفي لا تبخلي ربي يطول بعمرك 😞😔

اهلاا شوفي عن تجربه وتجربة اللي حولي كولي اللي تبين بس بتخفيف واعتدال وسوي رياضه ووتمارين بس بالبدايه ﻻتشدين ع نفسك كل فتره زيدي بالعدد+امشي بالبدايه نص ساعه بعدين ابدي زيدي ربع ساعه يعني امشي 45دقيقه وشوي شوي لما توصلين ساعه بعدين اذا تقدرين امشي ساعه ونص طبعاً افضل لك المشي يومياً وابعدي عن الزيوت والحلا والغازات
اومثلاا جيبي لك صحن دائري او بيضاوي وكل وجبه قسميه بهالصحن مثل الغداء جيبي هالصحن وحطي به كم ملعقه رز وقطعة دجاج وفواكه او زبادي اوخضار اللي تبين مع كوب لبن او حليب اومع بعض <<يعني بكل وجباتك تقيسينها بهالكوب والصحن ذا وخوذي سناكات صحيه فترة الضحى وبين العصر والمغرب او متى ماحبيتي الوقت ..واذا خبصتي مو مشكله كثفي رياضه ومشي .

View more

انا انسانه مره كسوله ويالله أسوي شي واحد يالله! والله ما تتخيلين كيف تعبت لدرجه من كثر ماني كسوله محمله برنامج يذكرن لا حطيت وقت ع اساس اقوم اسوي الشغله اللي بسويها مثلاً اخلي الوقت 5:00 AM واخليها 7 او 6: و15 دقيقه واسحب ويمين إني تعبت وانا ماشاء الله يعني أحب الاهتمام بس اتكأسل لا جيت اسوي اي شي💔

شوفي في طريقه حلوه واتوقع كثير يسوونه
اللي هي تعاقبين نفسك ! يعني مثلاً تخططين وش بتسوين اليوم تمام ؟ واذا انتهى اليوم وانتي ماسويتي هالشيء اونقصتي شي تعاقبين نفسك عليه باشياء تحبينها مثل ماتستخدمين جوالك او اذا كان في طلعه برا البيت ماتطلعين واشياء كذا العقاب يكون باشياء تحبينهاا عشان مره ثانيه ماتتكاسلين وتخافين من انك ماتاخذين الشيء اللي تحبينه واذا سويتي اشغالك وكذا تكافئين نفسك بانك تاكلين شوكﻻ مع قهوه اوتاكلي اكله تحبينها او تروحين مكان تحبينه وكذا
وهذي الحركه انا اسويه اذا كان عندي اختبار ماتقهوى او اطلع لما اخلص مذاكره عشان اتحمس
وان شاءالله تفيدك هالحركه 💘

View more

Next