#القنطره

1 person

3 posts

Posts:

اعمل اي مع واحد كان خطيبى ودخل بيتنا واكل معانا عيش وملح وعيشت أسوأ ايام حياتى ف فترة الخطوبه دى وجيت ع كرامتى اكتر من مره وعقدنى من كل إلى حواليا ورغم كل ده محاولتش اسيبه وهو إلى سابنى ع سبب تافه وبعد مافشكلنا بيتكلم عليا برا وبيحاول يسوء سمعتى وانا مستاهلش كل ده؟!!!💔

فوضى امرك لله
" افعل يابن ادم كما تشاء فكما تدين تدان "، ودى اصعب حاجه لان ربنا هو الا هيرد حقك واصبري وهتشوفى حقك لو مجاش دنيا هى يوم الحساب على القنطره " يوم يفر المرء من اخيه "

تعبت من كتر مبنزل اجيب لبس يا الاقيه غالي ووحش يا مفيش وبقالي سنتين واكتر مجبتش لبس حسبي الله ونعم الوكيل بجد😔😔😔😔😔💔

لو غالي في أوقات من السنه بيبقي السعر حلو جدا مثلا ف ال white Friday و black Friday ...ونهايه السيزون الشتوي والصيفي وفي اماكن ف القاهره زي العتبه و الوكاله و روكسي وف بورسعيد القنطره والسوق الجديد ... و ف الاسكندريه محطه الرمل وشارع اسطنبول و ف شبرا الشارع الجديد عند قهوه شرف .. وفي outlet لكل البراندات بتبقي اسعارها اقل من النص و Town team اسعارها بقت معقوله عموما وكمان bershka و bull&bear بيعملوا خصومات حلوه ف نهايه السنه 🤓لو عايز تستغسر عن أي حاجه انا موجود

لو شخص أذاك وانت قادر ترد عليه هترد ولا هتسيبه لربنا ؟

العفو عند المقدرة من صفات المؤمنين✨🌸
والله سبحانه وتعالى يتكفل بأجره
"فمن عفا وأصلح فأجره على الله"
فكرت كتير اقف يوم القيامه واخد مظلمتي من الناس اللي ظلموني في كل حاجه اللي اغتابني واللي شتم واللي اخد حقي واللي مدنيش درجات في الامتحانات
واللي دمرني نفسياً واللي خذلني واللي خلاني افقد ثقتي بنفسي مراراً وهكذااا
فكرت في موقف الحشر والقنطرة وازاي هاخد من حسناتهم وربنا هيجبر بقلبي وقتها
بس بعد كده قرأت أجر العفو وبعد كده قرأت عن باب في الجنه بينادي على أصحابه اسمه باب العفو وقرأت كيف اننا نترك الكثير من حقوقنا في الدنيا فيبدلنا الله خيرا منها في الحنه ويعفو عنا وييسر علينا الحساب
فاغراني الصراحه وعفوت عن كل من ظلمني
بس لسه القلب كان بيقابل مُر كتير
لحد ما سمعت حلقه لدكتور عبدالرحمن ذاكر حد ضحك عليه في فلوس وفضل يحاول معاه يرجعهاله وهو مرضيش وقاله تذكر ان في حساب وهنجتمع عند ربنا ويفصل بيننا فقفل معاه التليفون وتذكر انه ممكن يتاخر عن دخول الجنه ويستنى ربنا يقضي بينه خصمه في القنطره فراح اتصل بيه فورا وقال اشهد الله اني قد عفوت عنك ولا اريد مالي
الموقف اثر فيا اوي اللي عارف قيمه الجنه مش هيستحمل يتأخر عنها ثواني عشان ياخد حقه من اللي ظلمه او يتاخد منه حسنات ويقف في القنطره
اسفه للاطاله 😅 بس فالعفو جميل
أسأل الله ان يرزقني وإياكم الجنه دون سابقه عذاب ولا مناقشه حساب

View more

Language: English