#الكلية

12 people

50 posts

Posts:

للأسف ما زال ناس جاهلة 💔💔بتتصل عليك وحدة ابنها عمره 33 و 34 بدها لابنها وحدة جامعية ونظرا لانه ربنا ما كتب ادرس بجامعة بسبب الظروف وقتها درست كلية 😞✋الحمد لله بس ليش الجامعية بتختلف عن الدبلوم؟

ليش جاهلة؟ الدارس غير عن اللي مش دارس ، بس أنا مستغربة يعني مالها الكلية، هي ممكن بتعطي فكرة إنه الشخص معدله منخفض بالتوجيهي وما بفهم وإلخ.. بس ما هي تعتبر دراسة، لا تتضايقي ولا تزعلي حالك ، رزقك بيجي لحد عندك، الزواج إذا مع شخص مش مناسب ما بدك ياه.

View more

حنان عاوزاكي تساعدين🥺 بصي انا بقيت ٢ كلية ولسا منتظمتش عالصلاة ومتدايقة بجد، بس انا بقيت أصلي كله واقرا قرآن وأذكار اليوم مكون فالبيت واليوم اللي بنزل لأي حتة بلاقي نفسي نسيت او رجعت تعبانة فمقدرش وتفوت فمش عارفة اعمل ايه انظم ده ازاي اجبر نفسي لحد متعود ازاي طريقة يعني تخليني مكسلش ومفوتش حاجة

هو الفكرة إن الضرورة بنتحجج علشان نعملها، اللي بيسيب فروض علشان جاي تعبان أو بسبب كلية، دا لإن الصلاة مش ضرورة عنده.
أقصد بنكون تعبانين جدًا وعندنا امتحان تاني يوم بنتصرف وبنقعد نذاكر، حتى لو هناخد مسكن، هنشرب قهوة، علشان الامتحان ضرورة ولو مروحناش هنسقط.
بنكون تعبانين جدًا وحد بنحبه يتصل بينا وبنكون نايمين كمان، بنصحى ونرد وإحنا مبسوطين.
الفكرة إنك مش حاطة الصلاة أهم وأولى حاجة تتعمل.
إحنا مش مخيرين في النقطة دي، مسجد الكلية صلي فيه، لو المسجد مقفول شوفي في آخر المدرج حد يقف لك على ماتصلي من صحابك وبعدها إنتِ تقفيله، أي محل ملابس يقابلك اطلبي من اللي واقفة فيه، اتصرفي بس الصلاة ماتضعش.
بالنسبة لرجوعك البيت تعبانة، فوالله أنا مقدرة إننا من تعب الكلية بننام في المواصلات أصلًا، بس ماحدش بيروّح ينام على طول، أبسط حاجة بتغيري هدومك وتلبسي هدوم البيت علشان تنامي، دا نفس الوقت اللي هتاخده الصلاة.
فماتكسليش وحطيها ضرورة كده قدامك.

View more

هو صحيح اتعب في الكلية ترتاح بعد الكلية؟

كل وقت له لذته :)
المتعه في الطريق فعلا حتى لو متعب
والكليه طريق وما بعدها كذلك..
فاستمتعوا حتى بتعبها من غير ما تفكروا بدا
بعدها هيبقى في طريق تاني لما تقابلوه بفكر لذة الطريق والمحاوله هتفرحوا ع دا ودا
نصيحه من شخص بيندم جدا انه كان بيتمنى يهجر الكليه
وضيع ايام محسش بلذتها محاولاتها ❤️

View more

اي الغلط في ان البنت تحط رجل على رجل

المفروض هي دي الجلسه الصحيحه للبنت فِ أي مكان ......
ودي الجلسه بتاعتي عموماً وكنت فِ مكتب نائب عميد الكلية وكنت جالسه كدا صاحبتي بصتلي عشان أنزل رجلي ....
الدكتور قالها براحتها وقالها المفروض من أتيكيت البنت إنها تكون جالسه كدا ...

View more

السلام عليكم لو حضرتك رجعت تاني طالب في الكلية حضرتك كنت هتتعلم من كورسات حضرتك ولا من مصادر أخرى ؟

اكيد من كورساتي...ههه
بفضل الله جودة كورسات يودمي اعلى من اعلى جامعات العالم
النقص المقصود الوحيد هو تجنب الاثبات الرياضي بصورة رسمية في كورس الالجوريزم

View more

+1 answer Read more

انتظم في الصلاة ازاي؟!💔

أي عادة عايزة تمشي عليها تتنتظمي عليها ٢١ يوم بعد كده مش هتقدري تسيبها لان دماغك بتستتم نفسها علي كده يعني نظمي ايه اللي عايزاه نبدأ بالفجر نامي كويس يعني ع ١٢ كده واظبطي المنبه علي الفجر حتي لو معندكيش كلية اصحي صلي وبعدين ارجعي كملي نوم عادي أهم حاجه دي لو ظبطتيها هتظبط معاكِ الباقي لان الشيطان بيعقد علينا ثلاث عقد لو صحيتي عقده اتفكت اتوضيتي التانيه اتفكت صليتي ادي التالته كده تمام باقي الصلوات بقي لو ف الكلية شوفي مسجد او استراحه صلي فيها بين المحاضرات لو مفيش مكان تقدري تاخدي مصليه معاكِ وأي ركن كده تلاقيه هادي ومفيهوش حد صلي فيه لو ف البيت أول م يأذن علطول قومي اتوضي او قبليه مثلًا ب ٣ دقايق قومي اتوضي واستني اول م يأذن صلي علشان لو كسلتي هيدخل الوقت ده ف ده وكذلك العصر والمغرب ،العشاء هو بيأذن حاليًا ٦ وربع يعني بدري وقته ممتد لغاية الفجر م بين وقت حاضر أو وقت قضاء تقدري تصليه بس يُستحسن يكون حاضر ولو حابه البركه بقي ف الوقت والتوفيق م الله سبحانه وتعالي صلي العشا وبعدين صلي ركعتين قيام ليل او زي م تحبي وبعدين الشفع والوتر وع فكره قيام الليل وقته م العشا عادي مش شرط الساعه ١ أو ٢ وادعي ربنا يثبتك ع الصلاه ويقويكي هو الموضوع هيبقي شديد ف الاول بس بعدين صدقًا هتستني الفرض علشان تصلي وتطلبي م ربنا اللي محتاجاه وهتتعودي وتحبي اللُقا
وابقي ادعيلي معاكِ.

View more

انا بعت الشاوت ده كذا مره بس باين مبيوصلش ولا اى هو طبيعى يجماعه ان حد يبقى لسه فاكر حب ابتدائى او اعدادى ويبقى لسه بيفكر فيه عشان انا مش فاهمه بجد خصوصا لو ولد؟!!

اه واحد صاحبي ف الكلية، كان معجب بواحدة من وهو ف اعدادي بعدها مشافهاش تاني بس هو كان كل الفترة دي فاكرها ف دماغه مبتطلعش، بالصدفة في فرح واحنا ف رابعة كلية شافها و بدأت عينه تطلع قلوب بقا وكدة، قال لأهله وراح اتقدملها وف الاخر رفضته ❤️

View more

الحياة بعد انتهاء الكلية حلوة ولا صعبة زيها؟

كل مرحلة وليها صعوباتها وتحدياتها المختلفة
الكلية جميل فيها الصحاب واللامسئولية وصعب فيها الفاينل لا يحتمل خاصة لو في طب
بعد التخرج جميل ان فيه فتره مفيهاش فاينل بس لو ف طب هتذاكر مع الشغل عادي 🌚 انما لو انسان طبيعي هتبقى خلصت مذاكرة 🤍
وحش فيه ان مفيش لمة اصحاب وانك مسئول في شغلك او ماديًا، واسوأ لو مش لاقي شغل! ومحتاج فلوس .. ففي ضغط وتفكير ف المستقبل وفي شريك الحياة وهكذا
فخد من كل مرحلة مميزاتها ومتستناش مرحلة بعدها استمتع باللي انت فيه

View more

ممكن مهندس يتقدم لواحدة معاها كلية عاديا زي اداب او تربية مثلا

لما تكون مهندس ليك شغل محترم وبمرتب محترم مش الضحك اللي بسمع عنه دا وقتها تتقدم .. متكونش عايش على قفا اهلك وبتاخد مصروفك من بابي ومامي وماشي تقول انا مهندس وتشوف نفسك على الناس ..
مهندسين كتير مغرقين القهاوي ومش لاقيين شغل.
+ واحد صاحبي لسه بيدرس في خدمة اجتماعية وشغال ك security engineer وبيقبض مرتب انت متحلمش بيه 😃
لقب مهندس بييجي من الشغل .. اما شهادة الكلية انت عارف هتعمل بيها ايه.

View more

عندي فاينال بكرا كيف بتدرسوا؟ 🙂💔

حسب نظام الكلية ودكتور المادة، لو وراك مراجعة الأول راجع وبعدين شوف امتحانات المادة ولو ريتن شوف الأسئلة الاول وعلم ع اجزاءها ف الكتاب بحيث تبقى عارف ان ديه جزئية مهمة بتيجي وأنت بتراجع، ولو فيه نوتس للدكتور أو حاجات قال تركزوا عليها أو معروف بيجيب منها

View more

هو انا كان حلمي كلية و دخلتها الحمد الله عايزة افهم ليه كرهتها دلوقتي مش طايقة اذاكر و لا اعمل اي حاجة

ده طبيعي، الإنسان بطبعه بيحس انه كاره اي شئ بييجي من وراه ضغط نفسي وعصبي ، حتي لو أشخاص وبيحبهم، حاولي تتعايشي واعرفي ان مفيش حاجه بتيجي بالساهل ، وانها مرحلة وهتخلص وهتتخرجي وهتبقي الشخص اللي كان نفسك تكونيه قبل م تدخلي الكلية

View more

هي حياة الكلية متعة عن الثانوية وراحة زي ما المستر بيقولنا، ولا أشرع في البحث عن عريس؟

لا المستر بيضحك عليكم بس عموما هتخشي برضه كلية وهتتبهدلي وكلنا بنشرع في البحث عن الزواج عشان نكمل المأساه اللي عايشنها دي 😂😂😂

View more

هي حياة الكلية متعة عن الثانوية وراحة زي ما المستر بيقولنا، ولا أشرع في البحث عن عريس؟

كل مرحله ف حياتك ليها متعه استمتعى بالجامعه هتكونى احلى ايام حياتك صدقينى اعملى صحاب كويسه اخرجى معاهم ذاكري كويس اقعدى ف الكليه كتير حبي الجامعه واوعى تضيعي لحظه منها علشان متندميش اسالى مجرب ♥️ ربنا يوفقك

View more

هي حياة الكلية متعة عن الثانوية وراحة زي ما المستر بيقولنا، ولا أشرع في البحث عن عريس؟

علي حسب الكلية اللي هتدخليها. يعني الكليات العملية طب وهندسه وعلوم وكدا صعبه ومحتاجه مجهود كبير عشان تنجحي عكس الكليات النظرية.
بس ف الحالتين سواء عملية او نظرية ف الكليه احسن من ثانوي عشان مفيهاش الضغط النفسي والعصبي بتاع المجموع وتحديد المستقبل والكلام الكبير دا 😂 سهلة او صعبة انتي كدا كدا اتحطيتي عالتراك وهتتخرجي هتتخرجي ولو بعد حين 😂

View more

قل لي شيء يرفع من معنوياتي أنا قعدت في كليتي كذا سنة بين نزول وتأجيل 5 سنوات وحاليا قررت خلاص إني هحول لكلية في مجال تاني لأن مش هقدر أكمل هنا. بس عندي شعور بالغربة والصعوبة إني لسه هبدأ كلية من الأول تاني وأنا مشكلتي إني مش منفتح وخايف أفضل في عزلتي أكتر. أشعر إني في حالة كسل كبيرة.

خدها كتجربة جديدة وبداية جديدة، جمد قلبك وغير الحاجت اللي انت مش حاببها وجرب حاجات جديدة
عيش حياتك يعني
وقصص نجاح الناس اللي غيرت مسارها في الكلية كتير، وكتير منهم نجحوا نجاح مدهش
الخلاصة = عيش حياتك وامبسط كدا وهاف فن

View more

ماذا فعلت بعد الخيبة الأولي ؟

كنت ف بحث ميداني تبع الكلية و كنا شلة بنات ف مكان كله تجار مخدرات وبلطجيه وفيلم اكشن اصلا، فلما عرفت عملت 7 رجاله ف بعض ولحقت نفسي قبل م يغمي عليا الحمدلله 😅
وبعدين روحت اتقتلت عياط بقي هعمل اي يعني 🤷🏻‍♀️😂

View more

ما هي موهبتك؟ و كيف اكتشفتها؟

AnabilaLambert’s Profile PhotoRA.
تبسيط الامور المعقدة وترتيب الخربطة مهما كانت معقدة💜 + التدريس 💜
اي موضوع بي معلومات عندج اي نوع كانت وتواجهين صعوبة بيها اني اكدر انظمهن بطريقة تخليج تفهميهن بلا جهد
كظيت الكلية كلها اسوي ملخصات و انشرهن للمرحلة🦦💜
مادة الطب العدلي كلها اني ملخصتها والجراحة العامة
مع انو اني موسجاجة بس المادة الي تدخل مزاجي اسويها الٰه و اخلي الكل يحبها

View more

لو أنا لسه في أولى طب وابن عمتي معايا في الكلية وهو في خامسة وبيحبني وكلم بابا عليا بابا قاله اني لسه بدري بس هو قاله طيب يكون اتفاق بس وبعدين نبقا نعمل الخطوبة المشكلة اني مش عارفة أنا عايزة اي ولسه بدري اوي وطريقي طويل أنا كل ما بشوفه قلبي بيدق جامد ومفيش بينا اي كلام

مانتي لسه سنة أولى بقا فمتعرفيش ليالي الطب شكلها ايه😂😂
يا بنتي ده هينفعك جامد صدقيني توكلي على الله 😂❤️

View more

لو أنا لسه في أولى طب وابن عمتي معايا في الكلية وهو في خامسة وبيحبني وكلم بابا عليا بابا قاله اني لسه بدري بس هو قاله طيب يكون اتفاق بس وبعدين نبقا نعمل الخطوبة المشكلة اني مش عارفة أنا عايزة اي ولسه بدري اوي وطريقي طويل أنا كل ما بشوفه قلبي بيدق جامد ومفيش بينا اي كلام

خلاص خلي شعورك ده جواكي وحاولوا يبقا مفيش تعامل كتير بينكوا لحد م ربنا ياذن كدا وتبقوا م نصيب بعض ❤️❤️وربنا يكتبلك اللي فيه الخير

View more

حد اقتراحات لشغل اقدر اصرف بيه على نفسي بس جنب الكلية بسبب ان ظروف العيلة المادية زفت الفترة دي للعلم اني في كلية طب والدراسة تقيلة اووي فمش عارف أنظم انزل شغل جنب الكلية، فأنا مش معايا غير لاب توب بتاعي هل في اي مجال أو حاجه اقدر اتعملها في كام شهر اقدر اصرف بيها ع نفسي جنب الكلية واخفف عن البيت؟

حاول تتعلم التسويق وانك تمسك إدارة صفحات وكدا دا آكتر حاجه تقدر تتعلمها بجانب الطب
ربنا يوفقك يا دكتور

View more

دكتور حسن ممكن نصيحة لطالب طب باخر سنتين كيف يستعد لمرحلة ما بعد التخرج

ما ترهق نفسك كتير بالتفكير بالنهاية مش انت الي هتختار ربنا الي هيختارلك..
اخر سنتين ادرس فيهم كويس واطلع فيهم بأكبر قدر من العلم وركز على ال UW كتير كتير.. واحرص انك تتخرج بجيد جدا فما فوق.
بالنسبة للغة خلي الك ورد اخر اليوم بأنك تعمل حاجتين نص ساعة تقرأ فيها Article وحاول تنوع ما تخليه دائما medically pure .. واسمع بقدر نص ساعة podcasts واحضر لقناة GP behind closed doors فيها فيديوهات مدة الواحد 10 دقائق لدكاترة بريطانين بداوموا في عيادات وبتعاملوا مع مرضى بالهستوري والاكزام والي اخره .. بحيث اول ما تخلص السنتين بتكون قويت مهارة ال listening & Reading.
بالنسبة ل research فحاول تفهم basics وتشارك بشكل هيك for fun وتقاتليش عليه كتير لأنه معك وقت اله كتير بالامتياز اذا بتحب.
واذا الك على مود المنتدى فشارك عشان العمل التطوعي او اي مؤسسة برا الكلية هيك لتسلية.
وطبعا الي اهم من كل هاد حسن علاقتك بربنا عشان تكون ثابت وقت ما تحصل شيء او تكون الظروف مش بصالحك.
وبالآخر ما تقلق كتير انت المطلوب منك بمرحلتك اذا تعارضت الامور مع بعض بس تدرس وتنجح بموادك هاد اهم حاجة.

View more

هل من الافضل تأجيل الخطبة لبعد الدراسة للفتاة؟

خير البر عاجله، طالما الشخص مناسب فلا بأس، لاسيما إذا كانت الدراسة بالسنوات الآخيرة من الكلية ولعلها تكون حافزًا، وفقكم الله إلى ما فيه الخير لكم.

View more

+5 answers Read more

في نهاية اليوم عاوز اقول اني تعبت جداً من الثانويه العامه تعبت جدا والله بجد مش حكايه مذاكره وكدا قصدي ك ضغط نفسي وعصبي وتفكيري المشتت 💔

leomessiostora’s Profile PhotoIbrahim Elhadad
دي مش ثانوية عامة، دي دمار، كل طالب عدى ثانوية عامة سواء جاب مجموع كبير او قليل ف هو مخرجش زي م دخل.. كلنا خرجنا منها وعندنا عقدة نفسية او حاجة اتغيرت فينا الا من رحم ربي... لكن الوصول للحلم بتاعك بعد كل التعب دة هيخليك تنساه، واحلامنا تستحق نضحي ونتعب من اجلها، وزي م بيقولوا اتعب هترتاح ف الكلية، انت فعلا هترتاح لما تدخل الحاجة اللي انت بتحبها ومهما اتضغطت فيها هيبقى على قلبك زي العسل، كل م تلاقي نفسك فقدت الشغف وتعبت ومش قادر تذاكر حط حلمك قدام عينك وابدا مذاكرة من تاني عشان حلمك وفرحتك بيه يوم م يتحقق.

View more

انا حاليا ف تالته صيدلة عايز احول معهد تمريض لان الكلية بجد تعبانى جدا وكرهتها ومش حاببها اصلا اى رأيك ف الموضوع دا؟؟؟

تالته صيدله وعاوز تحول دلوقتى بعد تلاته سنين اكتشفت كرهك للكليه مش بقلل من مشاعرك بس انا لو مكانك هاقضى السنتين الفاضلين انما احول واضيع ٤ سنين من عمرى ف دراسه تانى لاااااا استخير ربنا واعمل اللى يريحك عموما ....

View more

تحدث عن اكثر شخص ترك أثرا لديك وصف تأثير ذلك عليك.. من باب توضيح أثر الفراشة والا نستصغر أي قول او فعل مهما بدا صغيرا مصداقا لقول الرسول صلى الله عليه وسلم ( تصدق ولو بشق تمرة)..

Ali ( أبو عبد الملك المصري)
*
لما دخلت الجامعة في 2012 .. كان الوضع نفسيًا صعب عليا لإني كنت كارهة صيدلة جدًا، ورافضة حتى إني احضر المحاضرات ..
وكانت أول سنة ليا اخرج برا شارعنا " حرفيًا " فاللي هو فجأة سفر وبهدلة واستضافة ومدينة جامعية وورق وشئون ومن تاني اسبوع بيقولوا فيه كويز !!
وقتها كعادة الأمور .. قعدت حلقة مع البنات في الجامعة وكانت مسئولة الحلقة بتاعتنا شيماء.
شيماء كانت وقتها في 5 صيدلة .. مش هقدر احكي كتير عنها وعن اللي كانت بتعمله، وعن حركتها، الصبح بتكون في مبني الإدارة عشان التعنتات اللي حاصلة وتخلص ورق الرحلات والمؤتمرات تبع نشاط إتحاد الجامعة والمدينة.
انا فاكرة في الترم التاني كنا عاملين 3 مؤتمرات ورحلة كبيرة وحملة في الجامعة وحملة في المدينة وكنا احنا بندهن الحيطان والأرضية.
فهي كانت في إتحاد الجامعة والمدينة، وأسرة الجامعة وأسرة المدينة، وبتقعد كمان الحلقات معانا ومع غيرنا، وبعد العشا دايمًا عندها حلقة في مبنى من مباني المدينة.
وقتها طبعًا كانت الدعوة مفتوحة، والصلاة جماعة وبنقعد حلقات مفتوحة بعد صلاة العشا وبعد صلاة الفجر في ساحة المبنى.
كنا 7 مباني، دايمًا شيماء ماسكة حلقة يومية فيهم بالإضافة لحلقة الفجر في المبنى بتاعها.
ووقت المغرب كانت بتلف ع كل بنت فينا في أوضتها في ال7 مباني عشان بس تسلم علينا وتقولنا متنسوش الأذكار.
مرة رحت أوضتها هي كانت مبنى ج وانا مبنى ب .. لاقيت السرير نصه كتب ومؤلفات شرعية، الفقه الميسر والسيرة النبوية وتاريخ الأندلس - حسب ما أذكر.
وانا كنت شخصية عنيدة، وكنت داخلة الكلية بالنفسية اللي قلتها فوق دي، هي قدرت تحتويني من أول مرة تقريبا، وبقيت انا اللي في كل خطوة بدور عليها .. هي فين؟
بقيت اذاكر واحضر المحاضرات، والتحقت بالإتحاد، وبقيت بشارك في كل حاجة .. بدون توجيه أو كلمة منها !
شيماء معملتش دا بكلامها معانا، لإني مش فاكرة حاجة من كلامها أصلا، لكن بأفعالها وتصرفاتها .. كانت حرفيا قدوة حية في قلوبنا.
في مرة انا والبنات اتجمعنا، وكنا بنات صغيرة بقى ومتضايقين من دكتورة معينة، فهوب اتصلنا بشيماء .. انتي فين؟
- تعالولي عند المدرج الخلفي.
رحنا لاقيناها قاعدة في آخر بنج، كان وراها محاضرة فيها شيت، خرجتلنا ووقفت تهزر معانا وتواسينا وتطمنا وبعدين رجعت تاني لمحاضرتها ..
والله لا أنسى لون خمارها وابتسامتها يومها.
كل اللي عشته في الجامعة بعد كدا، كان الحاجة اللي بتصبرني وبتخليني متمسكة بمبادئي، وان لأ مش دا الطبيعي، اللي شفته من شيماء في السنة دي هي وأخواتها.
الغريب ان رغم كل مشاغلها، معرفش كانت بتجيب وقت للنوم ازاي، لكن كان تقديرها العام جيد جدًا ، وكان فيه أخوات اوائل دفعة بفضل الله.
السنة دي كانت فيصلية في حياتي ع كل الأصعدة والله .. لكن ع الصعيد التربوي كانت هي شيماء بأفعالها الحيّة وأحسب إن دا من صدق إخلاصها إن دلوقتي بعد 9 سنين في كل مرة بقول هي " شيماء "
وانا مش فاكرة من كلامها غير بعض الرسايل اللي سابتهالنا ذكرى، لكن اتعلمت منها كتير ودايمًا بقول لولا توفيق الله ليا في أول سنة إني اتعرف ع شيماء مكنتش هكون ع الحال اللي انا عليه دلوقتي، ولا كنت هغفر لناس كتير أذيتهم ليا، ولا كنت هستمر ع نفس الطريق دا.
فربنا يرضى عنها ويراضيها ويباركلها في زوجها ويصلح لها ذريتها يارب.

View more

ايه انسب عريس لمعيدة في الكلية ؟

لو اجتماعيا يبقي تاخد معيد زيها بقي او دكتور او مهندس او اي حاجه من الشخصيات دي لكن لو بتدور علي راحتها بجد مكنتش هتقول أنسب الجواز مش فرص الجواز حياه شريك بنشوف في عينيه المستقبل كله سواء هو حاصل علي ايه او معاه ايه العلاقات المريحه مبنحسبش ليها معايير الجواز أبسط واجمل من كده بكتير

View more

انت ازاي بتتكلم ع الانتحار بالسهولة دي، اكيد هو عدي بحجات كتير انت مش فاهمها، بستغرب اوي الناس اللي في البوست اللي كبهم عاوزين يبقوا اصحابه واكيد هما بيأذوه، البشر وحشين اوي، وصدقني انا جربت اروح لدكتور وسكعتني مرتين علشان الكلية واول ما بدأت استجاب سبتني علشان العائد المادي، اصلا كل حاجه غلط وعك

مين قال انه ببساطة او بسهولة
خالص ربنا يعين الشخص اللي عنده اضطراب نفسي فعلاً.
محدش فاهمه ولا حاسس باللي جواه غير اللي عاش معاناته او شاف ناس كتير زيه او علي الاقل متفهم هو بيحس بايه.
احنا بس بنوضح ان كل مشكلة ليها حل و ان رغم ان هو شايف الابواب كلها متقفلة
فهو عنده حق بس مش لانها متقفلة
لان طبيعة المرض بتاعه بتقول كده.
زي مريض اسنان كل يوم بيتألم .. لو قال هفضل اعيش بالالم ده طول عمري او مش قادر استحمل الالم فهموت نفسي و ده بيحصل في امراض عضوية.
فبنحاول نوضحله ان الموضوع مع العلاج بيخف.
و ده لانه عاقل و قادر علي الحكم علي الامور.
في ادوية بتقلل الافكار الانتحارية و في جلسات بتقدر تساعد المريض علي كده.
زمايله اللي عايزين يساعدوه كتر خيرهم ..
مش شرط كلهم يكون اتعامل و مؤذيين.
متفهم تجربتك انك روحتي لطبيب
و ممكن متكتش افضل تجربة .. بس نحاول تاني و تالت و نسعي.
و نتعلم من اننا ممكن نكون اختارنا طبيب بشكل خطأ او في مكان خطأ او غيره.
اطلب المساعدة من اللي حواليك .. اكيد انت محتاج دعم و سبورت و ده واجب اللي حواليك تجاهك.

View more

لو سمحتي يا دوك هي مادة البرودكشن دي تعرفي حد كويس شارحها على اليوتيوب ولو قدامي خمس ايام قدام الفاينال ويعتبر مذاكرتهاش تنصحيني بايه ..وشكرا لحضرتك

https://youtube.com/playlist?list=PLISWdirUrr7oviTJXuLmgMeerf8nSsJ0Z
شوف ده كده هيفيدك ولا اي، بس الصراحة كلنا كنا بنذاكر ورا دكاترة الكلية،، لو تعرف تذاكر 3 محاضرات ف اليوم واخر يوم ونص تراجع فيه المنهج كويس ف كله هيبقي تمام إن شاء الله.

View more

انا حاليا ف تالته صيدلة عايز احول معهد تمريض لان الكلية بجد تعبانى جدا وكرهتها ومش حاببها اصلا اى رأيك ف الموضوع دا؟؟؟

حط في الحسبان أنك ضيعت 3 سنين في صيدله من عمرك و شوف ألويات إيه من حيث الشهادة و بعد التخرج ..و صلي صلاة إستخارة بس خليك واعي أن تفكيرك دا ممكن يكون من مداخل الشيطان

View more

أنا وحيدة بروح وبرجع من الكلية لوحدى بروح الأمتحان لوحدى وبرجع لوحدى لما ببقا زعلانه أو فرحانه مبلاقيش حد اقوله مبلاقيش حتى حد أخرج معاه بس عشان اخفف عن نفسي والله احيانا ببقا محتاجه اشترى حاجه وبرجع السكن بسبب أنى مش لاقيه حد يختار معايا بقا مجرد ذكر سيرة الصحاب بيخلينى اعيط من الزعل ع نفسي اعمل اي

يوما ما كنت زيك كدة بالظبط بجد وعارفة اد اية صعب بس انتى شيلى من دماغك فكرة انك محتاجة حد دى بكلمك بأمانة فرحى نفسك بنفسك خلصى امتحانك مثلا بعد مذاكرة كذا يوم ورا بعض وخدى ساعة بعد الامتحان جيبى لنفسك حاجات حلوة تسليكى وخديلك لفة وغيرى مودك متعتمديش ع حد ويعنى فى نفس الوقت متبقيش منطوية ع نفسك يعنى كلمى ناس معاكى ع الاقل فى اللجنة حاولى تكسبى صداقات ولو بكلمة ازيك هيا بتبدأ كدة ومرة فى مرة هتلاقى ليكى ناس حتى لو معرفة سطحية بعد كدة بتتعمقى بس متسبيش نفسك كدة وتقعدى زعلانة وتفكرى انتى لية لوحدك..🌺

View more

لو انا دبلرت سنة وحولت فكلية نظام ساعات معتمدة هل لو سجلت مواد في الصيف ممكن بدل ماتخرج متأخر سنة عن دفعتي اتأخر ترم بس وحد يعرف عمل كدا قبل كدا؟..

صعب جدا وبنسبة كبيرة مش هيحصل لية؟ انت مفتوحلك مادتين بس سمر بفرض ان عليك 6 مواد بس في الترم هيبقا مطلوب منك كل سنة تاخد مادتين وعلشان المادة تنزل سمر لازم ع الاقل 8 يكونو شايلينها(وممكن تقدمو طلب للعميد وعددكو كامل ويرفضه)طيب افرض نزل مواد بنسبة كبيرة وانت فاولى المواد اللي هتنزل مش مفتوحالك(لانها مترتبة على مواد تانية ف سنة تانية وتالتةعايزة اقولك كان علينا مادة بتفتح 5 مواد)فكده فاولى مش هتعرف تاخد مواد وهتدخل تانية وتالته بنفس الحال على امل ان مادة تنزل تقدر تاخدها وفي نفس الوقت مطلوب منك متشلش ولا مادة ولا الgpa يقل عن 2 لانه لو قل مش هتعرف تسجل مواد الترم العادية كاملة وهات اللايحه بتاعة الكلية وشوف الموضوع معقد وهتحط نفسك في احتمالات بنسبة كبيرة هتفشل

View more

ليالي الباطنةvs ليالي الجراحة؟

جربت ليالي الباطنة كانت حاجة فوق التتنيح اللي هو انتو بتتكلموا جد بكرة اللي هو بكرة دا هامتحن باطنة وروحت لامة الكتب ودخلت نمت على عكس طبيعتي يعني وصحيت الصبح قلبي كان هيقف ودوخت من الخوف وسبحان من خلاني عرفت اوصل لحد الكلية، إنما الورقة التانية كان الوضع أهدى بكتير الصبح بس مش فاكرة الليلة نفسها الصراحة، بس شعور إنك خلصت باطنة دا جميل بجد الحمد لله، أنا لدلوقتي باسرح كدا وأسأل نفسي بجد سنة خامسة أسطورة الكلية خلصت...

View more

السلام عليكم .دلوقتي انا في هندسة القاهرة قسم كيميا (فرقة اولى)وحابب مجال علم البيانات والذكاء الاصطناعي .حضرتك تنصحني بايه ..هل هينفع ادرسه جنب الكلية .ولا احول حاسبات القاهرة وهناك فيه قسم مخصوص ل AI .خصوصا اني بقالي سنتين في هندسة .وكده هبقى متأخر عن دفعتي ساعة التخرج .ونظرة المجتمع والاهل وكده .

تنسى المجتمع والاهل والنظرة والكلام الفارغ ده
وجودك في كلية بعيدة هيفرض عليك طول الوقت تشتت بين مجالين
ده السئ
من هنا التحويل بيكون افضل
حاسبات نفسها تعمها ردئ فبنعتمد على نفسنا في اغلب المواد

View more

أنا وحيدة بروح وبرجع من الكلية لوحدى بروح الأمتحان لوحدى وبرجع لوحدى لما ببقا زعلانه أو فرحانه مبلاقيش حد اقوله مبلاقيش حتى حد أخرج معاه بس عشان اخفف عن نفسي والله احيانا ببقا محتاجه اشترى حاجه وبرجع السكن بسبب أنى مش لاقيه حد يختار معايا بقا مجرد ذكر سيرة الصحاب بيخلينى اعيط من الزعل ع نفسي اعمل اي

أول حاجه إنتي مش لوحدك ربنا معاكي تذكري دايما قوله تعالى "ونحن أقرب إليه من حبل الوريد "
تاني شيء ادعي ربنا يرزقك الصحبة الصالحة واسعي في ده روحي حلقات دينية أو ايفينتات علمية واتعرفي على ناس مفيش مشاكل لو شايفة بنت أخلاقها كويسه تسأليها اسمها اي وتتعرفي عليها
شوفي الفيديو ده ممكن يفيدك https://youtu.be/Mll9ZXkHQ3kya__so_’s Video 168742826714 Mll9ZXkHQ3kya__so_’s Video 168742826714 Mll9ZXkHQ3k

View more

انا حاليا ف تالته صيدلة عايز احول معهد تمريض لان الكلية بجد تعبانى جدا وكرهتها ومش حاببها اصلا اى رأيك ف الموضوع دا؟؟؟

حرام عليك تضيع ٣سنين من عمرك وثانيا المعهد سنتين غير سنة الامتياز وهتحتاج تدريب جامد عشان تعرف تشتغل لانك هتشتغل شغل التمريض العادى دة غير انك لو حبيت تكمل كلية بعد المعهد هتقضى فيها ٣سنين والرابعة امتياز ولو هتتخرج هيبقى وراك لسة جيش لا حرام عليك حاول تكمل فى الكلية اللى انت فيها ..

View more

انا حاليا ف تالته صيدلة عايز احول معهد تمريض لان الكلية بجد تعبانى جدا وكرهتها ومش حاببها اصلا اى رأيك ف الموضوع دا؟؟؟

حول طالما انت مش مرتاح ف مكانك واتأكد انك طالما اخترت المكان التاني ب إرادتك وحابب كدا ف انت هتنجح فيه

View more

شاركوني نصاً قصيراً بمعنى عميق ؟

actsinwords
_الاستاذة اللى لابسة طرحة نبيتي ونايمه ورا، صحوها.
صحيت على صوته العالي، وبصيت له، فكمل:
_اطلعي برا المحاضرة.
اخدت شنطتي وخرجت من القاعة بالامُبالاة، قعدت على أول كرسي قابلني بعد ماخرجت من الكلية كلها، بصيت في التليفون لاقيتها لسه مجتش ٩ والمحاضرة التانيه ١٠، فحطيت شنطتي على رجلي بعد ما اتربعت وسندت دماغي عليها، وأنا بنام، لكني فوقت على هزة ايد من حد وهو بيقول:
_أنتِ كويسة؟!
بصيت له بنعس:
_ايوه.
_أنتِ فرقه كام؟
_أولى.
_طب مش المفروض عندك محاضرة دلوقتي لدكتور حمدي؟
رديت بالامبالاة وانا برفع كتافي، وعيوني بتغمض لوحدها:
_اتطردت.
_ليه؟
_علشان كنت نايمة في المحاضرة.
_كنتِ نايمة!!
_اه كنت نايمة، واحدة صاحية من الساعه ٦ علشان اخد ساعتين بهدلة في المواصلات، بعدين احضر محاضرة الساعه ٨ الصبح من الدكتور اللي أسلوب شرحه زفت، ومش بفهم منه ولا أي حاجه.
قعد جنبي وبصلي بتركيز.
_اسلوب شرحه زفت، ومش بتفهمي منه ولا أي حاجه!!!!
_ولا أي حاجه.
_طب ممكن تسمعي مني الكلمتين دول؟!
رديت وأنا بتاوب_ لخص.
_لخص!!!!
_يعني إنجز.
_طيب أنا اكبر منك بكام سنه وتقدرى تعتبريني اخوكي الكبير فالخمس دقايق دول، أسمي ياسين، وخريج زراعة وعايز اقولك إن كلية زراعة مش عايزه اللامبالاة دي لأن الدكاترة هنا صَعبين نوعًا ما، وأنتِ لسه سنة أولي وفأول أسبوع، ومش عارفة حاجة، ودكتور حمدي دا طيب جداً بس أنتِ احترمي المحاضرة بتاعته وكلامه.
_بس بإرادة ربنا اللى عارفلك الخير فين، صدقيني لو فضلتي مش مُتقبّلاها هتقضي أربع سنين نكد، ع فكره أنا مكنتش مُتقبّلها زيك، وكان فبالي كل التفكير اللى بتفكري فيه حاليا، وأنه مش مكاني، لكن السنين هتثبتلك إن دا مكانك ودا المناسب ليكِ، أقري عن الكلية ومجالاتها، صاحبي ناس واتعرفي عليهم، حطي هدف قُدامك واسعي لتحقيقه، تقبليها هتتقبلك الكلية والدكاترة وهتحسي إن دا مكانك، المكان دا ليكِ ومينفعش غيرك يكون فيه، فهمتي؟
_فهمت.
_شطورة.
رديت بأنفعال:
_ايه شطوره دي؟! بعدين أنت مين اساسا.
بصلي بزهول:
_ماقولتلك ياسين.
_أيوه يعني مين برضو.
_ياسين حمدي محمد، إبن الدكتور اللى طاردك دلوقتي.
_اللي اسلوب شرحه زفت؟!
_اللي اسلوب شرحه زفت.
_واللى مش بفهم منه ولا اي حاجه؟!
_ولا اي حاجه.
_على فكره يا أستاذ ياسين باشا حمدي ، أنا نسيت اقولك ع حاجة.
_حاجة ايه؟
_إن دكتور حمدي دا أحسن دكتور في زراعة كلها.
حسيته كتم ضحتك

View more

يالا نساعد بعض كل واحد يقول هو موهوب ف اى وممكن يساعد بيه ويفيد غيره

mohamednageh000’s Profile PhotoMohamed Nageh
بكتب شعر و خدت مركز أول علي مستوي كليتي من شهر ممثلة شاطرة علي كلام المخرج والناس اللي شافتني إمبارح عرفت إن عرض " الظلام " اللي كنت مشاركة فيه من فترة إتصعد علي مستوي الجمهورية و هنافس باقي المحافظات المسرح دا بقا حياتي ♥️
بشرح كويس أي منهج و صحابي في الكلية بيفهموا مني و بقوا مسميني الدكتورة منة 😂
مُدرسة شاطرة و الأطفال بيحبوني الحمدلله
صوتي بيقولوا انه ينفع ك voice over و حابة الموضوع أوي
بحب الكتابة جداً و بلاقي نفسي فيها
بحب التصوير جداً و أتمني أجيب كاميرا فيوم بحب الإيديت و الفوتوشوب
وكل حاجة ليها بالفن
كل دا مش وصلتله بسهولة كل دا وصلتله بعد مودعت حلمي فثانوية عامة 2020 و قولت سلام لطب و صيدلة و دخلت فإكتئاب سنتين بعدها أنتهت الفترة دي بوفاة أمي و جدتي ست الكل و بحادثة عملتها فشهر 8 اللي فات كنت بين الحياة و الموت كنت فاقدة الأمل إني أتحرك علي رجلي تاني بس ربنا أراد إني أرجع أمشي من جديد و كتبلي عمر جديد فخورة بنفسي أوي و بكل اللي عديت بيه ،
أنا مسئولة أمام الله عن المُحاولة فقط و ليس عن النتيجة ♥️♥️♥️♥️✨

View more

انا مش بحط ميك اب خالص هو شكلي كويس الحمد لله يعني بس بحس شكلي بيبقا باهت اوي في الصور مع اصحابي وبحس اني ببان اقل جمال منهم وماما رافضه احط ميك اب ولا حتى زبدة كاكاو ولا حتي كحل او اي حاجه خفيفه خالص ودي حاجه بجد بتأثر على نفسيتي

ممكن علشان سنك صغير ولا اما معرفش انتي قد اي بس اذا ف الكلية فا مسموح عادي يعني اتكلمي مع مامتك وقوليلها هحط ميكاب خفيف وكدا وحاجات بسيطه ولو عندك حد من قريبك ممكن تقوليلها وتأثر عليها

View more

جاتك داهيه في احلامك اللي كلها سفر وانتي اهلك لسه بيخافوا يخلوكي تركبي توكتوك لوحدك .

داهيه تاخد الكفره أما أنون لسانه طويل .
أهلي مش بيخافوا يركبوني توكتوك أنا بوصل الكلية بتوكتوك وكمان شويه أنا اللي هسوقه من كتر ما ركبت تكاتك

View more

أنا وحيدة بروح وبرجع من الكلية لوحدى بروح الأمتحان لوحدى وبرجع لوحدى لما ببقا زعلانه أو فرحانه مبلاقيش حد اقوله مبلاقيش حتى حد أخرج معاه بس عشان اخفف عن نفسي والله احيانا ببقا محتاجه اشترى حاجه وبرجع السكن بسبب أنى مش لاقيه حد يختار معايا بقا مجرد ذكر سيرة الصحاب بيخلينى اعيط من الزعل ع نفسي اعمل اي

سكن وانتي ف جامعه يعني حواليكي ناس كتير جدا ، شوفي زمايلك ف محاضرات أو القسم والكلية واتعرفي عليهم وصاحبيهم

View more