بما ان حضرتك في أمريكا، ازاي تشوف الحرية المطلقة هناك، هل بتتأثر و بتبقا نفسك تعيش الحياة بتاعتهم؟ 2 هل الناس في أمريكا اللي عايشين بيعملوا كل شيء بيحبوه بكامل الحرية خصوصا المواعدة و خلافه من الملذات.. هل بتشوف انهم مستمتعين في حياتهم فعلا و ان حياتهم جميلة، لأني شاب و بحس ان أمريكا متعة!
طيب هجاوبك بشوية نقاط بناء على تأملاتي وخبرتي، اللي طبعا لسه مش طويلة هنا .. وكلامي ده بناء على اللي بشوفه وبعيشه بنفسي في المجتمع .. مليش دعوة بسياسات خارجية أو غيرها.
١) طبعا مفيش حاجة في الدنيا اسمها حرية مطلقة .. الحرية المطلقة تعني فساد حياة الإنسان أيا كان جنسه أو دينه أو مكانه.
في النهاية لازم فيه قانون ونظام يسري على الناس، أيا كانت مرجعية هذا النظام.
٢) وهنا السر في تميز أمريكا في نظري .. قوة النظام، وعدالة تطبيقه على الجميع!
(بصرف النظر عن الاستثناءات البشرية).
٣) بالتالي خلينا نعيد صياغة الحرية هنا أنها تعني حرية في إطار النظام وحدوده.
٤) بالنسبة لي كمسلم فأعظم معنى للحرية هو حرية ممارستي لشعائر ديني .. التي للأسف لم تعد كاملة في كثير من بلاد المسلمين كما لا يخفاكم، وما رمضان والتهجد عنا ببعيد!
احنا كنا كل ليلة بعد الصلاة نحمد ربنا على النعمة اللي احنا فيها.
٥) حرية ممارسة الدين مكفولة هنا للجميع .. ما دمت في مكانك ملتزما أيضا بالنظام .. أمس مثلا في صلاة العيد عندنا كان فيه ثلاث سيارات من دوريات الشرطة بتنظم خروج المصلين بسياراتهم من المسجد؛ لدرجة قفلوا لهم الشارع لغاية ما خلصوا.
٦) لو جينا بأه لكلمتك (شاب وبحس أمريكا متعة) فأنا فاهم قصدك من خلف هذه الكلمة .. وعايز أقولك يا صديقي إن ده تصور مغلوط وغير واقعي ومبني على أوهام وقصص مفبركة!
النساء والبنات هنا مش واقفين في الشوارع يتلهفوا على الرجال ولا حاجة، ومش هتمشي وراك بغمزة ولا حاجة .. بالعكس، هي أي نعم بتلبس اللي هي عايزاه حتى لو نسيت تلبس أصلا، لكن في الوقت نفسه لو حد فكر يتحرش مجرد تحرش ولو بنظرة مش تمام = فهو هنا تجاوز الحرية التي يكفلها له النظام لمصيبة سودة ممكن تقضي على مستقبله هنا.
ووارد جدا جارتك تكون طالعة ترمي الزبالة أو بتكلمك من الشباك عشان تنبهك للراجل اللي هيقص الزرع وهي ناسية تلبس حرفيا .. لكن أي تعامل غير لائق أو نظرة منك غير مريحة هتكون وصمة سيئة في الانطباع عنك .. وممكن توصل لمصيبة برضه كما قلت.
بالتالي لو عشت هنا عمرا طويلا .. غاضا لبصرك، حافظا لدينك = صدقني ولا حد هيبصلك، ولا له دعوة بك.
٧) ثقافة البوي فريند والجيرل فريند بيتعاملوا معاها كعهد يقتضي الوفاء .. بالتالي لو أحد الطرفين اتكشف إنه مارس علاقة مع طرف آخر فدي تعتبر خيانة في عرفهم!
والرجل أو المرأة متعددي العلاقات (ولو كان ده حاصل طبعا بشكل سري) = يعتبروا ذوي سمعة سيئة، غير مرحب بها ولا بهم في المجتمع بصورة عامة!
٨) الأصل في الثقافة تقدير عظيم لقيمة الزواج والأسرة واستقرارها (بصرف النظر عن مستجدات تعريف الأسرة وطبيعتها، الله يسلمنا) .. حرصك كأب مثلا على مصاحبة زوجتك في فحوصات الحمل وفي الولادة وفي الزيارات الدورية لفحص الطفل = يقابل باحترام وتقدير شديدين .. وطبعا ده يعكس سوء الواقع من تشتت وتنكر وغير ذلك.
٨) الشعب الأمريكي في مجمله مسالم .. وبيعيش اليوم بيومه .. واستهلاكي لدرجة التخمة .. وما يفرقش معاه أنت مين، ما دمت لطيفا وفي حالك.
(بصرف النظر عن الاستثناءات أيضا).
طيب كلامي ده كله نبذة مختصرة عن الوضع بصفة عامة .. أنت كمسلم مطالب بإيه وهدفك إيه؟!
هدفك تخرج من الدنيا برضا ربنا عنك .. عايش في أمريكا أو في مصر أو في أي مكان (وفي أي مكان تقدر الوقت توصل للفساد وتلاقيه بسهولة على فكرة) .. وخليني أفترض إن أمريكا متعة حسب تصورك ووجهة نظرك أنت (والتي بينت لك عدم واقعيتها) .. خليني أفترض إنك بتنزل من المطار تلاقي البنات في الشارع بيتشاكلوا عليك .. وهتقضي كل يوم مع واحدة من اللي بتشوفهم في التليفزيون!
١) طبعا مفيش حاجة في الدنيا اسمها حرية مطلقة .. الحرية المطلقة تعني فساد حياة الإنسان أيا كان جنسه أو دينه أو مكانه.
في النهاية لازم فيه قانون ونظام يسري على الناس، أيا كانت مرجعية هذا النظام.
٢) وهنا السر في تميز أمريكا في نظري .. قوة النظام، وعدالة تطبيقه على الجميع!
(بصرف النظر عن الاستثناءات البشرية).
٣) بالتالي خلينا نعيد صياغة الحرية هنا أنها تعني حرية في إطار النظام وحدوده.
٤) بالنسبة لي كمسلم فأعظم معنى للحرية هو حرية ممارستي لشعائر ديني .. التي للأسف لم تعد كاملة في كثير من بلاد المسلمين كما لا يخفاكم، وما رمضان والتهجد عنا ببعيد!
احنا كنا كل ليلة بعد الصلاة نحمد ربنا على النعمة اللي احنا فيها.
٥) حرية ممارسة الدين مكفولة هنا للجميع .. ما دمت في مكانك ملتزما أيضا بالنظام .. أمس مثلا في صلاة العيد عندنا كان فيه ثلاث سيارات من دوريات الشرطة بتنظم خروج المصلين بسياراتهم من المسجد؛ لدرجة قفلوا لهم الشارع لغاية ما خلصوا.
٦) لو جينا بأه لكلمتك (شاب وبحس أمريكا متعة) فأنا فاهم قصدك من خلف هذه الكلمة .. وعايز أقولك يا صديقي إن ده تصور مغلوط وغير واقعي ومبني على أوهام وقصص مفبركة!
النساء والبنات هنا مش واقفين في الشوارع يتلهفوا على الرجال ولا حاجة، ومش هتمشي وراك بغمزة ولا حاجة .. بالعكس، هي أي نعم بتلبس اللي هي عايزاه حتى لو نسيت تلبس أصلا، لكن في الوقت نفسه لو حد فكر يتحرش مجرد تحرش ولو بنظرة مش تمام = فهو هنا تجاوز الحرية التي يكفلها له النظام لمصيبة سودة ممكن تقضي على مستقبله هنا.
ووارد جدا جارتك تكون طالعة ترمي الزبالة أو بتكلمك من الشباك عشان تنبهك للراجل اللي هيقص الزرع وهي ناسية تلبس حرفيا .. لكن أي تعامل غير لائق أو نظرة منك غير مريحة هتكون وصمة سيئة في الانطباع عنك .. وممكن توصل لمصيبة برضه كما قلت.
بالتالي لو عشت هنا عمرا طويلا .. غاضا لبصرك، حافظا لدينك = صدقني ولا حد هيبصلك، ولا له دعوة بك.
٧) ثقافة البوي فريند والجيرل فريند بيتعاملوا معاها كعهد يقتضي الوفاء .. بالتالي لو أحد الطرفين اتكشف إنه مارس علاقة مع طرف آخر فدي تعتبر خيانة في عرفهم!
والرجل أو المرأة متعددي العلاقات (ولو كان ده حاصل طبعا بشكل سري) = يعتبروا ذوي سمعة سيئة، غير مرحب بها ولا بهم في المجتمع بصورة عامة!
٨) الأصل في الثقافة تقدير عظيم لقيمة الزواج والأسرة واستقرارها (بصرف النظر عن مستجدات تعريف الأسرة وطبيعتها، الله يسلمنا) .. حرصك كأب مثلا على مصاحبة زوجتك في فحوصات الحمل وفي الولادة وفي الزيارات الدورية لفحص الطفل = يقابل باحترام وتقدير شديدين .. وطبعا ده يعكس سوء الواقع من تشتت وتنكر وغير ذلك.
٨) الشعب الأمريكي في مجمله مسالم .. وبيعيش اليوم بيومه .. واستهلاكي لدرجة التخمة .. وما يفرقش معاه أنت مين، ما دمت لطيفا وفي حالك.
(بصرف النظر عن الاستثناءات أيضا).
طيب كلامي ده كله نبذة مختصرة عن الوضع بصفة عامة .. أنت كمسلم مطالب بإيه وهدفك إيه؟!
هدفك تخرج من الدنيا برضا ربنا عنك .. عايش في أمريكا أو في مصر أو في أي مكان (وفي أي مكان تقدر الوقت توصل للفساد وتلاقيه بسهولة على فكرة) .. وخليني أفترض إن أمريكا متعة حسب تصورك ووجهة نظرك أنت (والتي بينت لك عدم واقعيتها) .. خليني أفترض إنك بتنزل من المطار تلاقي البنات في الشارع بيتشاكلوا عليك .. وهتقضي كل يوم مع واحدة من اللي بتشوفهم في التليفزيون!
