#بايوتكنولوجي

7 people

1 post

Posts:

إحكيلنا إزاي عديت من حزن نتيجة الثانوية العامة و إزاي حالياً رضيت بكلية علوم مبقللش منها طبعاً وتكلم شويه عن كلية علوم ?

أه زعلت عشان كنت فاكر ان تعبي راح هدر واتظلمت ف العربي ال ضيعلي ٢٪ منهم ١٪ تعبير معرفش ازاي ?
وف البيت بعد التظلم ولما عرفت حقي كانوا مُصرين يعملوا قضية بس أنا ال رفضت وقولت مش هستني وكتبت علوم أول رغبة
رغم أني مكنتش راضي ع ال عملته دا
بس حقيقي كان أحسن حاجه عملتها
أي نعم بعيد ع الكلية وقرفها بس أنا أتعرفت ع ناس منها حقيقي من أعظم المكاسب ال ف دنيا
من قبل الكلية والكل عمال يقولي متخشش علوم صعبة وعاوزة وعاوزة وهي كلية عملية والكل قعد ينفرني م الكلية دي ويقولي معهد صحي ومعهد ومعهد وسنتين وريح دماغك مشبقلل بردو من المعهد
بس أنا بقا كنت قرأت كتير ع البايوتكنولوجي ومجال دراستها ومستقبلها بعد كدا
وكنت رايح كلية البايوتكنولوجي ف القاهرة بس محصلش نصيب
وبقيت هنا ف المنصورة ف كلية علوم قسم بايوتكنولوجي ال هو (التكنولوجيا الحيوية وتطبيقاتها )
ومندمتش خالص ع اختياري دا وحابب المجال ال بدرسة عشان كان بالنسبة ليا مش شايفه صعب ع قد مهو محتاج منك تحبه وتبذل فيه مجهود
الخلاصه من الليلة الكبيرة ال بحكيها دي
أن كل واحد يعمل ال ف مقدرته وميحملش نفسه أكتر من طاقتها ومفيش حاجة أسمها قمة وقاع
أنت بأيدك تبقي قمة ف المكان ال أنت فيه أي ً كان هو أيه
وربنا بردو هو ال شايف لينا الخير فين وبيدفعنا له
أهم حاجه هي انك تبقي راضي

View more