فقدت الشعور او الثقه فى اى روحانيات .. دايما متشكك وبقيت ميال اكتر للدلائل الماديه لتفسير حقيقه الوجود من حولنا .. ده مسببلى تعاسه لانى مش عارف اطمن على مستقبلى ودايما حاسس انى الوحيد المتحمل نتيجه قراراتى ... ممكن حد ينصحنى
أكيد انا مش هتبقى نصيحتي أحسن حاجة يُفضّل تبقى النصيحة من حد فاهم ومتخصص ويقدر يتناقش في نقطة حساسة زي دي، وعشان انا ماعرفش الشك بسبب ايه؟ والموضوع محتاج تفاصيل، بس هحاول اقول كلام عام لعل الله يوفقني وأساعد بشيء..
عايزة اقول ان اللي بيصبّر الانسان في الحياة دي = الايمانيات والعبادات ومعرفته ان الله عز وجل هو الرحمن الرحيم الكريم الودود..، وان في جنّة عرضها كعرض السماء والأرض، وأبأس واحد في الدنيا (اللي هو مش احنا يعني ان شاء الله) مجرد ما يدخل الجنة ويُسأل "هل رأيت شقاءً قط؟" هيقول "لا والله ما رأيت شقاءً قط"، هينسى كل اللي كان مسببله هموم وضيق في الدنيا -اللي هي دار ابتلاء أصلًا- من كتر النعيم اللي في الجنة من أول لحظة :))✨ فـ ايه اللي هيصبّر الانسان على كدر وكبد الدنيا لو مفيش كل ده؟معرفتنا كل ده لوحده رحمة كبيرة بنا الحمد لله وتُعزز الثقة في الله 🤍
ومن هنا نبدأ نشوف ايه اللي حصل ممكن يكون سبب عدم الثقة دي ؟ لأن كده كده أكيد في خطأ مننا احنا، الخطأ عمره ما هيكون من الرحمن المُدبِّر العليم الحكيم اللي جعل لنا يوم آخر وجنّة تنسّينا الدنيا دي وأنعم علينا بنعم كتير صغيرة وكبيرة وواضحة وخفية 💙
في حاجات في الدنيا ممكن تحصل عكس توقعاتنا، ممكن تصدمنا او تحبطنا، ممكن تتعبنا، لكن كل ده لما نكون عارفين ان الذي يُقدّره ويُدبّره هو الله عز وجل الذي خلقنا ويعلم الأصلح لنا والخير لنا أكتر مننا = يبقى لازم نبقى مُطمئنين ان أكيييد أمورنا كلها خير لنا سواء عرفنا الحِكمة ولا لا.. ممكن ده يبقى صعب نوصلّه اوقات؟ اه، عشان احنا بشر نفوسنا ضعيفة وبنبقى فاكرين اننا فاهمين اوي، بس بجد لما نصبر ونفضل نحاول نوصل للرضا ونرضى دائمًا بقضاء الله وتستقر نفوسنا ان هو ده الخير لنا فنحمد الله عليه = الدنيا بتبقى أهون كتييير + نُؤجر على ده في الآخرة بإذن الله ") احنا عشان مؤمنين فبنؤجَر على الهمّ والحَزَن والصبر أصلًا، يا بختنا والله الحمد لله على نعمة الإسلام ") ومساكين اللي عايشين الدنيا دي من غير ما يبقوا بيؤمنوا، هتفضل الدنيا فيها كدر ومش هيتنعموا في الجنة -إلا لو تابوا: تُبدَّل سيئاتهم حسنات، حتى في دي كَرَم الله عز وجل ورحمته طاغية :))-
احنا في أحب الأيام إلى الله 💙 الأجور فيها مُضاعفة، ومن ضمنها صيام يوم عرفة بيغفر سنة قبل وسنة بعد، ففرصة نتوب ونُقبِل على الله، ونشكي نفسنا لله، وندعي كتيير يارب اهديني واصلحني، يارب انا مش عارف مصلحتي ومش قد انّي اعيش الدنيا دي بشكل مادي فلا تَكِلني إلى نفسي طرفة عين وثبّت قلبي على دينك ✨ وفرصة نعمل أعمال صالحة كتير (أبسطها وأهمها في الايام دي= التكبير والتهليل والتحميد) ونقرأ قرآن ونسمعه كتير عشان كلام الله يُحيي قلوبنا ويبصّرنا بالطريق المستقيم ويطمّننا 🌿 حتى لو كان من غير مشاعر اوي في البداية خلّينا واثقين انه القرآن فيه شفاء ونور يهدي إلى سُبُل السلام وإلى الطريق المستقيم حتى واحنا مش ملاحظين ✨
عايزة اقول ان اللي بيصبّر الانسان في الحياة دي = الايمانيات والعبادات ومعرفته ان الله عز وجل هو الرحمن الرحيم الكريم الودود..، وان في جنّة عرضها كعرض السماء والأرض، وأبأس واحد في الدنيا (اللي هو مش احنا يعني ان شاء الله) مجرد ما يدخل الجنة ويُسأل "هل رأيت شقاءً قط؟" هيقول "لا والله ما رأيت شقاءً قط"، هينسى كل اللي كان مسببله هموم وضيق في الدنيا -اللي هي دار ابتلاء أصلًا- من كتر النعيم اللي في الجنة من أول لحظة :))✨ فـ ايه اللي هيصبّر الانسان على كدر وكبد الدنيا لو مفيش كل ده؟معرفتنا كل ده لوحده رحمة كبيرة بنا الحمد لله وتُعزز الثقة في الله 🤍
ومن هنا نبدأ نشوف ايه اللي حصل ممكن يكون سبب عدم الثقة دي ؟ لأن كده كده أكيد في خطأ مننا احنا، الخطأ عمره ما هيكون من الرحمن المُدبِّر العليم الحكيم اللي جعل لنا يوم آخر وجنّة تنسّينا الدنيا دي وأنعم علينا بنعم كتير صغيرة وكبيرة وواضحة وخفية 💙
في حاجات في الدنيا ممكن تحصل عكس توقعاتنا، ممكن تصدمنا او تحبطنا، ممكن تتعبنا، لكن كل ده لما نكون عارفين ان الذي يُقدّره ويُدبّره هو الله عز وجل الذي خلقنا ويعلم الأصلح لنا والخير لنا أكتر مننا = يبقى لازم نبقى مُطمئنين ان أكيييد أمورنا كلها خير لنا سواء عرفنا الحِكمة ولا لا.. ممكن ده يبقى صعب نوصلّه اوقات؟ اه، عشان احنا بشر نفوسنا ضعيفة وبنبقى فاكرين اننا فاهمين اوي، بس بجد لما نصبر ونفضل نحاول نوصل للرضا ونرضى دائمًا بقضاء الله وتستقر نفوسنا ان هو ده الخير لنا فنحمد الله عليه = الدنيا بتبقى أهون كتييير + نُؤجر على ده في الآخرة بإذن الله ") احنا عشان مؤمنين فبنؤجَر على الهمّ والحَزَن والصبر أصلًا، يا بختنا والله الحمد لله على نعمة الإسلام ") ومساكين اللي عايشين الدنيا دي من غير ما يبقوا بيؤمنوا، هتفضل الدنيا فيها كدر ومش هيتنعموا في الجنة -إلا لو تابوا: تُبدَّل سيئاتهم حسنات، حتى في دي كَرَم الله عز وجل ورحمته طاغية :))-
احنا في أحب الأيام إلى الله 💙 الأجور فيها مُضاعفة، ومن ضمنها صيام يوم عرفة بيغفر سنة قبل وسنة بعد، ففرصة نتوب ونُقبِل على الله، ونشكي نفسنا لله، وندعي كتيير يارب اهديني واصلحني، يارب انا مش عارف مصلحتي ومش قد انّي اعيش الدنيا دي بشكل مادي فلا تَكِلني إلى نفسي طرفة عين وثبّت قلبي على دينك ✨ وفرصة نعمل أعمال صالحة كتير (أبسطها وأهمها في الايام دي= التكبير والتهليل والتحميد) ونقرأ قرآن ونسمعه كتير عشان كلام الله يُحيي قلوبنا ويبصّرنا بالطريق المستقيم ويطمّننا 🌿 حتى لو كان من غير مشاعر اوي في البداية خلّينا واثقين انه القرآن فيه شفاء ونور يهدي إلى سُبُل السلام وإلى الطريق المستقيم حتى واحنا مش ملاحظين ✨
Liked by:
د محمدالفقي
Moaaz Sherif
Ãyâä ♡
سَلسَبِيـلَاا☁️
