#فيديوهات

@Haidyali5
@nourberry1
مش شكرانيه في نفسي ولا اجتهاد مني ده توفيق من ربنا ووقوف من اخواتي جمبي وبمناسبة الحوار دا حابه اقول شويه حاجات ،، وانا في أولي ثانوي كنت هوقف تعليم عشان حصل حاجات في حياتي خلتني مش عايزه حاجه ،، تانيه ثانوي بقيت اعديها بالزق ومش عايزه اذاكر جيت في ثالثه اخواتي كل واحد وقف جنبي بطريقته
# اخويا الكبير : قالي انا جنبك في كل حاجه انتي عايزاها حتي لو مش عايزه تكملي بس انا نفسي افضل فخور بيكي واهلك كمان كانوا واثقين فيكي ،،طول مشوار الثانوي اخويا كان اب بمعني الكلمه فأنا بحبك يامحمد
# هايدي اختي : كانت دائما تشجعني بطريقتها وروحها الحلوه وأكلها الحلو كل يوم ،، انتي مقصرتيش معايا كنتي وما زلتي ونعم الام والاخت الكبيره وعارفه أن يوم اعلان النتيجه انتي عيطتي اد ايه وانا بحبك
# نور اختي : الدور الأكبر كان ليها عشان هي عايشه معايا ،، دايما كانت بتدعمني نفسيا ، رتبتلي مواعيد دروسي ومواعيد مذاكرتي ، اكلي وشربي ،لو عندي درس تسعه الصبح كانت تصحي من تمانيه تفطرني حتي لو عندها شغل كانت تسيبه وتتصل بيا تفكرني بمواعيد دروسي " منه عندك درس كمان ساعه اجهزى " ، كل اسبوع تتصل بالمستر تطمن علي مستوايا ولو مركزه ولا في حاجات مركزتش فيها،، افتكر مره انا مكنتش فاهمه حاجه في الانجليزي ونمت مضايقه وهي فضلت تشوف فيديوهات يوتيوب وشرحتهالي الصبح وطبقت وهي كان عندها شغل ، مبتحبش المطبخ بس بقت تقف كل يوم عشان تعملي اكل صحي وتتعلم ،، دورها الأكبر عشان عايشه معايا وقضت تفاصيل الثانوي من تعب ومذاكره وتوتر معايا ،، فأنا بحبك
انا اللي وفقني كرم ربنا ووقوف الثلاثه دول معايا كل واحد كان له دور في الثانوي اكتر مني انا يادوب كنت بذاكر بس ،، بس دول سهلولى كل حاجه طول السنه
فربنا يكرمكوا في حياتكوا ياحبايب قلبي ويخليكوا ليا انا من غيركوا ولا حاجه
... نسيت دور ابن اختي الصغير كان بيقطعلي مذكراتي وكتبي

View more