#منتقبة

39 people

50 posts

Posts:

أنا منتقبة بقالي كم شهر وبتعرض لضغط جامد من أهلي عشان اقلعه 💔 ليه أهلنا اكتر ناس بتعارضنا على النقاب وعاوزين أننا تقلعه

ظنا منهم انه لمصلحتنا وان الزواج والعمل والدراسه يعطلها النقاب
حاولي تفهميهم ان كلها ارزاق وان راحتك فيه وادعي ربنا يهديهم ويلين قلبهم

ازاي اختار عروسة محترمه..ف زمن ممكن البنت تكون منتقبة ومتعرفش تقولها سلام عليكم.و ف نفس الوقت النقاب ده زينه و هي لا مؤاخذه !! الإختيار صعب.مش معني ان فيه واحده كدا يبقي المتقبات كلهم كدا.دي واحدة متعرفش قيمة اللي هي لابساه ولا عرفه يعني اي هتكون زوجه ف يوم من الايام ..لأن مفيش واحدة عاقله تعمل كدا

بتقواك أنت،
ربنا عمره م هيظلمك إن كنت تخافه وتخشاه وتبتغي مرضاته،
طالما نيتك خالصه له، وبتسعى أنوِ وربنا سبحانه هيقر عينك..
تَخير البيوت فـ المقام الأول وبإذن الله هتوصل لمرادك.

انا في ٤ كلية منتقبة من سنة تقريبا بلبس اسود فقط ليس زهدا ف الألوان ولكن الأسود أفضل من حيث الستر والراحة النفسية بالنسبالي أمي ديما بتلمزني بالكلام والأسود مكبرك ومخليكي زي الستات الكبار الكلام ساعات بيأثر فيا وبيزعلني أعمل إيه

علي فكرة علشان انتي مقتنعة ان الاسود فيه راحة
جربي انك تلبسي الوان وتكون فضفاضة بجد هتعجبك اوى + هتحسن من نفسيتك لان كتر الاسود بيجيب اكتئاب حقيقي حتى لو كنتى بتحبيه
وانا متأكدة انك هتكوني جميلة فى الالوان ، جربي مش هتخسري حاجة ولو ياستى مش عجبك البسي الاسود زى ما انتى عايزة بس انا فعلا بحب الانسان يجرب ويشوف المناسب له

انا في ٤ كلية منتقبة من سنة تقريبا بلبس اسود فقط ليس زهدا ف الألوان ولكن الأسود أفضل من حيث الستر والراحة النفسية بالنسبالي أمي ديما بتلمزني بالكلام والأسود مكبرك ومخليكي زي الستات الكبار الكلام ساعات بيأثر فيا وبيزعلني أعمل إيه

.
اللهم بارك حبيبتي ربنا يثبتك ♥
انا لبست النقاب زيك بالظبط في تالتة كلية واسود 😊
والسنة دي اكون بقالي 20 سنة لبساه ولسه اسود الحمد لله
ربنا يثبتنا ويتقبل خالصا
اعلمي ان طريق الطاعة مش مفروش بالورود
لازم فيه صبر على الاذى ليرى الله صدقك
في اول العنكبوت يقول الله سبحانه ( أحسب الناس أن يتركوا أن يقولوا ٱمنا وهم لا يفتنون.. ولقد فتنا الذين من قبلهم فليعلمن الله الذين صدقوا وليعلمن الكاذبين)
بس في نفس الوقت نحسن الظن بماما انها عايزة تشوفك احسن حد في الدنيا وخايفة عليكي وبتفكر ان النقاب بيمنع الزواج او كلام من المتعارف عليه دة فبتقوللك كده
لكن اما تشوف ثباتك عليه وانك بتلبسي فضفاض وشيك ومهندم في نفس الوقت وتشوف تغير اخلاقك وطباعك للاحسن والبر بيها انه زاد
هتغير رأيها وممكن تحبه هي نفسها مع الوقت
اثبتي ♥

انا في ٤ كلية منتقبة من سنة تقريبا بلبس اسود فقط ليس زهدا ف الألوان ولكن الأسود أفضل من حيث الستر والراحة النفسية بالنسبالي أمي ديما بتلمزني بالكلام والأسود مكبرك ومخليكي زي الستات الكبار الكلام ساعات بيأثر فيا وبيزعلني أعمل إيه

الأول : مبارك عليك النقاب ، أسأل الله عز وجل أن يتقبله منك ويثبتك عليه ويحشرك مع أمهات المؤمنين يوم القيامة
بصي يا أختي : الأهالي بيتقبلوا النقاب بالعافية - لو هم مش أصلا ماشيين في السكة دي - فمعلش وتحملي
مفيش واحدة لبست نقاب وكمان أسود إلا وتعرضت للي بتقوليه وأكتر ، وبتبقى فترة وبتعدي لغاية أما يفقدوا الأمل فيك
ولكن
مادام الأمر كدا وحتفضل والدتك تتكلم في الموضوع دا ، فممكن تدخلي ألوان كحلي وزيتي وبيج وبني ورمادي - اللي هو يعني بيكون لبس سادة ومحتشم وألوان غير الإسود
بشرط
إنك تبقي موصلالهم إن دا آخرك
عشان ما يبقاش الخطوة اللي بعدها ألوان الطيف ، والميكب وبعدين نشيل النقاب خالص .
وفي كل الأحوال مادام انتقبتي ، وإن كان الوضع حاليا أفضل من زمان في تقبل الناس للنقاب ، بس بردو حتتعرضي لمضايقات ولازم تصبري.
وأنا أعرف أخوات معرفة شخصية اتعرضوا لمواقف وتعامل في منتهى السوء وعمرك ما تتخيليه وللأسف كان من أهاليهم قبل المجتمع الخارجي ، فصبرن وثبتن ، فجيت أنا واللي زيي لما شفناهم اتعلمنا منهم ، وإن شاء الله في موازينهم.
فاصبري واثبتي
تقبل الله منك وأعانك.

View more

انا في ٤ كلية منتقبة من سنة تقريبا بلبس اسود فقط ليس زهدا ف الألوان ولكن الأسود أفضل من حيث الستر والراحة النفسية بالنسبالي أمي ديما بتلمزني بالكلام والأسود مكبرك ومخليكي زي الستات الكبار الكلام ساعات بيأثر فيا وبيزعلني أعمل إيه

الاسود دا حاجة كدا فخامة وتحسي حقيقي انك ملكة فيه .. بس في الوان قريبة من الاسود وجميلة بردو جربي كدا لون قريب من الاسود والنقاب بالخمار يكون شبة الدريس هيكون تحفةةة بجد 😍😍😍

انا في ٤ كلية منتقبة من سنة تقريبا بلبس اسود فقط ليس زهدا ف الألوان ولكن الأسود أفضل من حيث الستر والراحة النفسية بالنسبالي أمي ديما بتلمزني بالكلام والأسود مكبرك ومخليكي زي الستات الكبار الكلام ساعات بيأثر فيا وبيزعلني أعمل إيه

الأسود جميل لا تحملي هم الكلام، لكن لوالدتك حق عليك، والألوان الأخرى جميلة وساترة مثل الكحلي والبني والزيتي وغيرها من الألوان الساترة، فلا تحزني ولا تغضبي والدتك ولا تعصي الله بذلك.
خذي بنصيحتي، الله يجعلك من من الناجحين في الدارين.

انا منتقبة وفرحي قريب انا اروح الكوافير عادي واعمل كل حاجة تحت النقاب صح

لو مش هتظهر من تحت النقاب تمام عشان الواحد بيشوف حاجات غريبه والله تزيين العين والحواجب والرموش وتحت العين ونفس الوقت لابسه النقاب 🙂
لو هيبان اتزيني براحتك لما توصلي بيتك لزوجك
ومتاخديش براي كام واحد زباله ميعرفش أ من كوز الدره يقولك عادي وخلاص
Liked by: samr Mahmoud

أية أحنّ وألطف الكلمات اللي إتقالت ليكم ومش قادرين تنسوها."))

whatafterthis321’s Profile Photo1
امرأة منتقبة إذا نظرت إليها رأيت نقابها الأسود أبيض وكأن وجهها في جمال عقلها، تشعر أنك تعرفها بمجرد النظر لنقابها الكامل ...
في 2008 كنت قد خطبت ابنتها، وكان والدها رجلا طيبا لكن يخشى أن تعيش بعيدا، فقالت لي والدتها: "لو ابنتي لفت الدنيا لن ترى مثلك، ولو أملك لدفعت أنا كل شيء."
بالغت في ثنائها لكن كان الكلام ذا أثر كبير وذكرى لم أنسها.

الشباب من أسباب انتشار التبرج تخيل معايا لو كل راجل مسلم يدور على مُنتقبة أو مختمرة عشان يتجوزها .. عمرك كنت هتلاقي متبرجة؟ مستحيل .. هيخافوا يعنسوا ولكن دلوقتي تلاقي الشاب بيدور على المتبرجة أصلًا أو يختارها لجمالها ومش فارق معاه لبسها فبقت البنات تتفنَّن في إظهار جمالها فاظفر بذات الدين تربت يداك

مش صح، وده سبب هامشي جدًا مش مركزي، ومع فئة قليلة جدا إن وجد. والمختمرات والمنتقبات فيهن متبرجات برضه بدركة ما ( مكياجات، ولبس موّضح جغرافيا الجسد ومعالمه الأنثوية )؛ وبأدنى تفكير:
هتلاقي أن الشباب أنفسهم مش درجة واحدة في التدين، فهو مسلم، وهي مسلمة، لكن عندهم تقصير، وفيه عادي بياخد خطوة أولية بناء على جمال الجسد، والظاهرة تفاصيله مع التبرج. فحتة كل الشباب دي بعيدة؛ لأن المجتمع والواقع فيه كلّ شيء! فيه اللي بيدور على الملتزمة بمواصفات الحجاب، سواء اكتفت بطرحة - خمار، ومنظومة زي محتشمة، أو منتقبة. فيه اللي بيدوّر على اللي ماشية على الموضة، سواء كانت محجبة - بقايا حجاب - حجاب رأسمالي ( لبس ضيق، مكياجات )؛ واللي بيمزج ما بين القيم والأخلاق الإسلامية، وقيم السوق الاستهلاكية من تربون، وسبانش، وبندانة، وده منتشر في الطبقة الوسطى اللي متأرجحة ما بين الثقافة الإسلامية والثقافة الغربية بسبب عقدة النقص الحضارية؛ واللي بتلاقي فيها نوع من التعالي على الثقافة الناظمة للمجتمع، ثقافة الشعب يعني. أو مش محجبة من أساسه، وده منتشر أكتر في مجتمع ايجبت، واللي نمط حياتهم في الغالب محاكاة لنمط المعيشة الغربي، معاك جغرافيًا على الخريطة، لكن بيفارقك ويتجاوزك ثقافيًا بوهم اليوتوبيا؛ وعيش الحلم الأمريكي. لكن لا يزال الأغلب على فطرته، وبيدوّر على المحتشمة.
فده كلام سطحي جدا معذرة، وفيه نفس التعالي بالطاعة.
والتبرج له أسباب مركبة، منها حضارية وثقافية عالمية :
- غياب المعنى الصلب من الحياة بعد العلمنة، بعد تفكيك بنية المجتمعات التقليدية في الغرب واللي قامت على الدين، وبناء مجتمعات علمانية - لادينية، معنى حياتها قايم على مركزية الإنسان.
- الفردانية، بتمثل كل فرد لمعنى وسردية صغيرة يتمركز حواليها، بدل سردية كبرى ناظمة للمجتمع ككل. يعني بدل الحجاب والحياء، بتلاقي في الموضة - التبرج والبيرسنيج، معنى يميزها عن الغير، وتبقى مختلفة؛ وتنضم لقطيع تاني.
- عدمية ما بعد الحداثة، وفقدان المعايير الصلبة النخبوية عن الجمال وغيره، واللي فتحت الباب أمام عبثياتها كالأزياء المقطعة بتاعت المتسولين، والبهتانة - ديرتي -؛ وغيرها من اللي بتتفنن في عرض تضاريس الجسد الأنثوي.
- الثورة الجنسية لماركوز، اللي أثّرت على تعاظم النظرة للجسد والشهوات، وده بدوره انعكس على الملابس، وتعظيم دور الإغراء.
- الرأسمالية وتفّننها في اختراع سلع عبثية بالموضة.
- النسوية بعد ما الرأسمالية ضحكت على المرأة، ودعمت خروجها من البيت كعمالة أرخص من الرجال - لضرب الحركات العمالية -، علشان تنفي عنها وصم الاعتمادية، وخلتها تدور في الاستهلاك.
- سبب غيبي: إبليس ووسوسة الشياطين!
مجتمعية خاصة:
- الحرب على التدين والحجاب من الأنظمة العلمانية، لأنه بيمثل هوية ( الإسلام )؛ والعلمنة بترفض أي مرجعية تنظم المجتمع غيرها. والأسماء معروفة اللي مهووسة بالحجاب، وكل شوية بتشغب عليه.
- غياب دور الأب وغيرته في نصح بنته، وتوجيهها، وملاحظتها.
- كتير من اللي بيصمموا أزياء نسائية، مرجعيتهم هلامية؛ وده من آثار العلمنة والعولمة.
- تشجيع بعض الأمهات بناتهن على التبرج، علشان تتجوز!
- ترك تزكية النفس، والصحبة السوء.
- تغيّر المجتمع تأثرًا بالثقافة الغربية من فردانية ونسوية،.. إلخ؛ وخروج البنات إلى العمل - الوظيفة، تم ترجمته مع كثيرات في شراهة الاستهلاك والتبرج.
نصيحة: التزامك مش شطارة منك. أول آخر ده توفيق إلهي، وكتير كان بيتعالى بالطاعة وانقلب حاله. حاولي تشتغلي على تزكية قلبك وتعزيز ثقافتك، الاقتراحات هنا:
https://justpaste.it/dccy3

View more

الشباب من أسباب انتشار التبرج تخيل معايا لو كل راجل مسلم يدور على مُنتقبة أو مختمرة عشان يتجوزها .. عمرك كنت هتلاقي متبرجة؟ مستحيل .. هيخافوا يعنسوا ولكن دلوقتي تلاقي الشاب بيدور على المتبرجة أصلًا أو يختارها لجمالها ومش فارق معاه لبسها فبقت البنات تتفنَّن في إظهار جمالها فاظفر بذات الدين تربت يداك

ليه لازم نربط أوامر الله بحاجة تانية زي
المثال اللي حضرتك ذكرتيه
الحجاب والستر فرض ونقطة
ليه نقول لو الشباب دورت ومش دورت والخ
الشخص اللي عاوز بيته وزوجته في شكل معين هيروح للي هتساعده على الشيء ده
والاتنين هيتحاسبوا على فعلهم سواء فعل حسن أو فعل خبيث
الخلاصة مش نحط ذنب حد على حد تاني
البنت اللي بتخرج من بيتها مرت على ولي أمرها أو والدتها وقبل ده هي شافت نفسها قبل ما تخرج واحدة قادرة تخرج وتتعامل مع المجتمع= واحدة ناضجة ومدركة وواعية
يعني تقدر تفرق بين الحلال والحرام

الشباب من أسباب انتشار التبرج تخيل معايا لو كل راجل مسلم يدور على مُنتقبة أو مختمرة عشان يتجوزها .. عمرك كنت هتلاقي متبرجة؟ مستحيل .. هيخافوا يعنسوا ولكن دلوقتي تلاقي الشاب بيدور على المتبرجة أصلًا أو يختارها لجمالها ومش فارق معاه لبسها فبقت البنات تتفنَّن في إظهار جمالها فاظفر بذات الدين تربت يداك

امممم مش سبب برضوا
هو لو كل واحد عارف دينه كويس وعارف أن الجنه تستاهل بغض النظر عن ولاد وبنات
كانو اهتموا ب ان كل وحده تلبس صح
لو فعلا عارفه ومدركه يعني ايه ربنا رقيب علينا وشايفنا مش هتلبس حاجة زي كدا
بغض النظر ان جواز او غيره

الشباب من أسباب انتشار التبرج تخيل معايا لو كل راجل مسلم يدور على مُنتقبة أو مختمرة عشان يتجوزها .. عمرك كنت هتلاقي متبرجة؟ مستحيل .. هيخافوا يعنسوا ولكن دلوقتي تلاقي الشاب بيدور على المتبرجة أصلًا أو يختارها لجمالها ومش فارق معاه لبسها فبقت البنات تتفنَّن في إظهار جمالها فاظفر بذات الدين تربت يداك

كلامك غلط بنسبة كبيرة جدا ليه بقا هقولك .. التبرج او بمعنى آخر اظهار الجمال والزينة والكلام ده كله موجود فينا فطريا البنت بتحب تبقى جميلة تحط ميكب تظبط شعرها تظهر مفاتنها علشان تبقى اجمل ومفيش منها وتبقى ف اجمل صورة ليها مش بتعمل كده علشان الراجل لا دي فطرتنا ك بنات ربنا خلقنا كده ف تلاقي طفلة بتروح تحط ميكب وتحط مانيكير وعايزة تعمل شعرها هل دي عايزة تفتن حد لا ده فطريا لأنك بنت يعني فتنة الراجل النساء اللهو احنا وفتنتنا احنا الزينة ، فيه بنات بقى بتمشي ورا هواها وفي بنات بيحكمها الدين زده البيخليني البس كده او كده ف مثلا تلاقيني بلبس واسع و و ويعجبني دريس لحد الركبة وابقى هموت عليه لييه بقا علشان ده احنا فطرتنا مش علشان الراجل خالص فاهمة حاجة .. اتمنى اكون وصلتلك الفكرة .

لما الواحدة تكون مش منتقبة ولا ملتزمة ليه بتزعل لما بنقولها خليني ع الطرف وخشي انتي جمب السواق ؟

هو انتي بس محتاجة حد يقعد يفهمك انك مش علشان منتقبة أو ملتزمة زي م بتقولي انك احسن من اي حد تاني، انا قابلت في حياتي منقبات وملتزمات من اللي بتقولي عليهم ميتقلعوش من الرجل حرفيا ، وحاجة اهم بجد لو انتي واحدة منتقبة أو ملتزمة بحق وعلشان فاهمة يعني ايه نقاب أو يعني ايه التزام عمرك م هتقولي كدا لواحدة سواء بقي هتزعل أو لا هي اصلا اصلا متطلعش من اي واحدة متربية ومحترمة ، دي قلة دين قبل م تكون قلة أدب منك وقلة تربية من البيت اللي انتي طالعة منه

الشباب من أسباب انتشار التبرج تخيل معايا لو كل راجل مسلم يدور على مُنتقبة أو مختمرة عشان يتجوزها .. عمرك كنت هتلاقي متبرجة؟ مستحيل .. هيخافوا يعنسوا ولكن دلوقتي تلاقي الشاب بيدور على المتبرجة أصلًا أو يختارها لجمالها ومش فارق معاه لبسها فبقت البنات تتفنَّن في إظهار جمالها فاظفر بذات الدين تربت يداك

كلام غير منطقي ب المرة بتبرري التبرج ب حاجة غير صحيحة... المفروض إن البنت المسلمة تحافظ ع نفسها و ع حجابها الشرعي و مدا كدا نصيبها اللي ربنا كاتبه هتاخده، لكن متقوليش يدور ع منتقبة و مختمرة و الكلام الخايب دا كل واحد مسؤول عن نفسه و هيتحاسب عن نفسه ف بلاش نعلق شماعات غلطاتنا على بعض+ إن الرسول صل الله عليه وسلم قال أكثر أهل النار من النساء... لانهم أساس الفتنة لو كل واحدة التزمت ب كلام ربنا الشباب هينجبروا يحترموا نفسهم و يحترموا البنات.! 🤷‍♀️

الشباب من أسباب انتشار التبرج تخيل معايا لو كل راجل مسلم يدور على مُنتقبة أو مختمرة عشان يتجوزها .. عمرك كنت هتلاقي متبرجة؟ مستحيل .. هيخافوا يعنسوا ولكن دلوقتي تلاقي الشاب بيدور على المتبرجة أصلًا أو يختارها لجمالها ومش فارق معاه لبسها فبقت البنات تتفنَّن في إظهار جمالها فاظفر بذات الدين تربت يداك

هو لو رجل فعلًا مش هيبحث عن المتبرجة أساسًا!
ولو هي مدركة معنى الرجل في الإسلام مش هتحب إن الشخص اللي هتتزوجه يختارها لمجرد إنه أعجبه تبرجها .. فـ لو بصيتي هتلاقي إن فيه خلل كبير في أشياء كثير من الطرفين..
وإظهار المرأة لزينتها وجمالها ده أمر فطري خلقنا الله سبحانه وتعالى به، فـ لو مش بتجاهد نفسها وبتتحرى الحلال من الحرام عادي جدًا إحتمال كبير هتعمل ده حتى لو عارفة إنها مش هتتزوج..
نهاية القول إن كل واحد يبدأ بتغيير نفسه وينشغل بها أفضل له ولدينه..

الشباب من أسباب انتشار التبرج تخيل معايا لو كل راجل مسلم يدور على مُنتقبة أو مختمرة عشان يتجوزها .. عمرك كنت هتلاقي متبرجة؟ مستحيل .. هيخافوا يعنسوا ولكن دلوقتي تلاقي الشاب بيدور على المتبرجة أصلًا أو يختارها لجمالها ومش فارق معاه لبسها فبقت البنات تتفنَّن في إظهار جمالها فاظفر بذات الدين تربت يداك

بعيدا عن الكلام دة لانه غلط جدا وعارفة ان الميكب والتبرج حرام بس الستات بطبعهم بيحبوا يكونو حلوين دة ربنا خلقنا كدا مش عشان نعجب سى السيد وكون ان واحدة مختمرة او منتقبة ف حرفيا هى بتقاوم نفسها كل يوم عشان ربنا وبجد عاش ليها ف هو بردو مش عشان نعجب سى السيد محور الكون ..

الشباب من أسباب انتشار التبرج تخيل معايا لو كل راجل مسلم يدور على مُنتقبة أو مختمرة عشان يتجوزها .. عمرك كنت هتلاقي متبرجة؟ مستحيل .. هيخافوا يعنسوا ولكن دلوقتي تلاقي الشاب بيدور على المتبرجة أصلًا أو يختارها لجمالها ومش فارق معاه لبسها فبقت البنات تتفنَّن في إظهار جمالها فاظفر بذات الدين تربت يداك

المشكلة مش ف كدا المشكلة أن مافيش رقابه من الأهل يعني لو الاب والام علموا ولادهم بالأخص البنات أن ال make up حرام ومنعوا أنهم يستخدموه كانت المشكلةي اختفت

الشباب من أسباب انتشار التبرج تخيل معايا لو كل راجل مسلم يدور على مُنتقبة أو مختمرة عشان يتجوزها .. عمرك كنت هتلاقي متبرجة؟ مستحيل .. هيخافوا يعنسوا ولكن دلوقتي تلاقي الشاب بيدور على المتبرجة أصلًا أو يختارها لجمالها ومش فارق معاه لبسها فبقت البنات تتفنَّن في إظهار جمالها فاظفر بذات الدين تربت يداك

ملهاش علاقة ، التبرج انتشر لقلة الدين والحياء عند النساء ، وقلة المروءة عند الرجال الي بتخرج من بيوتهم النساء المتبرجات .

السلام عليكم.. أنا بنت وأسناني فيها مشاكل وكنت عايزة أروح لدكتورة بس أهلي قالوا لي إنهم غاليين قوي، فيه دكتور معرفة شخصية بيعمل لنا خصم عايزينني أروح عنده، الحق يقال إنه محترم ومشفتش منه حاجة غلط بس هو شاب وخاطب وأنا بفضل الله منتقبة، ايه الأحسن؟ أروحله إن شاء الله ولا أشوف دكتورة؟

وعليكم السلام ورحمة الله وبركاته.
الذهاب لطبيبة أفضل بلا شك، لكن لو لم تكن موجودة أو لم تمتلك الخبرة والمهارة المطلوبة، فلا بأس بالذهاب للطبيب المسلم بشرط ألا تكون هناك خلوة يعني حد يروح معاك وبشرط أن يكون الطبيب ثقة مأمونا.

صديقتي منتقبة تقدم لها شاب من أسرة متدينة واشترط أنه يكتب الكتاب مع الخطبة وقال عشان مينفعش يفضل داخل البيت كدا وبيقول دا الشكل الشرعي للخطبة. هل دا صحيح؟

لا مش صحيح. يروح ويقعد معاها في وجود أهلها لحد ما يتعرفوا على بعض بما يكفي للموافقة من الطرفين على الزواج بعد كده يكتبوا الكتاب
والله أعلم

سلام عليكم يا شيخنا لو سمحت زوجتي منتقبة ونعيش في بيت عائلة ولكن كلا منا في شقته ويوجد تجمعات غداء أسرية كل فترة لو كانت كبيرة بننفصل رجال لوحدهم ونساء لوحدهم اما لو كانت محدودة زوج اختي وأخي فارفض أن تجلس على الغداء معنا من باب الحمو الموت.... ولكن هذا الأمر لا يعجب زوجتي أو اهلي فهل فهمت الحديث خط

إذا جلست بحجابها فلا حرج في هذا
الحمو الموت ذكرت في سياق الخلوة والمبالغة في المخالطة.
وفي الموطأ للإمام مالك رحمه الله أحد أعظم الأئمة الأربعة: هل تأكل المرأة مع غير ذي محرم، أو مع غلامها؟
قال مالك: لا بأس بذلك، على وجه ما يعرف للمرأة أن تأكل معه من الرجال، وقد تأكل المرأة مع زوجها، ومع غيره ممن يؤاكله.
إن كان أخوك تعلم من حاله ما بريبك من دينه وخلقه وأنه لا يراعي الحرمات فلك منع ذلك.

في البناء المنهجي هنختار مذهب، انا مش منتقبة ومش عايزه اختار مذهب يكون النقاب فيه واجب عشان ميكونش حجة عليا وانا عموما كنت سألت شيوخ وافتوني بالاستحباب وده المناسب ليا حاليا معنى كده قدامي المالكي والحنفي بس هل تفكيري كده صح؟

هو تفكير غير سليم ومعيار غير سليم في الاختيار بس لو حضرتك شابة وده هيكون معيار اختيارك فقدامك المالكي فقط وليس الحنفي لأن المذهب الحنفي يذهب إل إلزام الشابة في العصور المتأخرة بستر الوجه.
[ارك الله فيكم ووفقكم للخير

لو مراتي منتقبة ممكن تروح الجيم عادي ولا لا..

اه عادي وفيها اي يعني كده كده الجيم بيكون معاد للرجاله ومعاد للستات وممكن تروح حيم مخصص للستات بس هي مش عشان منقبه متلعبش رياضه يعني 🙂

انا منتقبة ولبسي واسع وحامل لية يحصلي كل التحرش وووو... في العيد

هو أولًا التحرّش مالوش علاقة باللبس لإنه فعل دنيئ مالوش مبرر، ثانيًا بشوف إن الوقت الوحيد المناسب لإن المرأة تتكلم فيه عن إن حصلها تحرش هو وقت حدوث الفعل عشان تجيب حقها، أو بالكتير أوي لو بتتعالج نفسيًا..
إنما مش قادرة أستوعب حقيقي ليه بتقوليلنا إنك حامل ومنقبة واتعرضتِ للتحرش غير لو شايفة إنها مميزات حابة الناس تعرفها يعني. 🌚

جماعه انتم بتشوفو النقاب فرض وحاجه كويسه ولا عادي (موضوع لنقاش )🤔

ebtesamelawady’s Profile PhotoEbtesam
لا هو مش فرض ، بس جميل ان البنت تلبسه عن اقتناع وتكون مش هتقلعه او مش لابسه بهدف انها عايزة الناش تشوف انها واو مفيش زيها منتقبة بقا

لو واحد متقدم وهو كويس جدا وقال لازم البس النقاب هل ده صح

لو عندك استعداد ومقتنعة وشارفة أن بيقول دا حرص عليكى تمام النقاب جميل اوى والله
الفكرة مش فى النقاب اللى مش بفهمه ليه من الأول مش بيتقدم لواحدة منتقبة أو يكون تحكم أو او لان ف ناس بتلبسه عشان اسباب ملهاش علاقة بالالتزام والخ

السلام عليكم حضرتك منتقبة اللهم بارك واللهم الثبات بس ليه بتكتبي Dr.Asma ليه ال Dr ليه مش Asma علطول حضرتك هنا مش المستشفى

وعليكم السلام ورحمه الله وبركاته 🌿
اللهم آمين 🌿
واي المشكله لما اكتبه منا عارفه انى مش ف مستشفى بس برضو
أكيد براحتى اكتبه ولا لا

لو كنت عاوز اللي هتزوجها منتقبة بس قولت مش مشكلة كفاية تبقي لبسها ساتر ومحترمه ف تعاملهاولبسها. هل لو لقيت بنت عجبتني شكلا. شكلا فقط معرفش الباقي.. بس بتبلبس بنطلونات غالباووبتبين نص شعرها ف نص العشرينات .. ينفع افكر اتقدم لواحدة زيها واقول ابقي اخليها تلتزم بالطريقة اللي عاوزها ولا مش هتناسبني

اولا اللبس مش بيقول اي حاجه عن التربية
مش عشان هتكون منتقبة تبقى اخر احترام
لو التانية عجباك انت ممكن تتعرف عليها وتشوف اخلاقها و و وبعدين تقرر
مش معناها تتجوزها علاطول

لو سمحتي ممكن تجاوبيني ضروري انا منتقبة ومش عارفه لو النقاب هيبقي عائق ليا كمعالجة نفسية بعدين لما امارس المهنة ولا عادي ؟

أكيد مش هيكون عائق إن شاء الله، النساء أصلًا الملتزمات وكده بيكونوا محتاجين جدًا حد من فئتهم هو الي يسمعهم الموضوع ده بيكون مريح ليهم أكتر يعني..
بس متقلقيش مفيش حاجة فمجالنا يمنعها النقاب أو حاجة الحمد لله..

السلام عليكم ورحمه الله وبركاته لوسمحت ياشيخ اتقدم ليا شخص وعند اتفاقيات لم يعد وبعد ٥شهور كلم بابا تاني ان يجي بعد ماتقدم لحد تاني اي موقفي واي لازم اعمله دوري هنا اي بعد ما خلاص حاسه ان مشوشه من الموضوع هل ينفع اقعد معاه ولو قعدت اكشف وجهي قدامه ام لا للعلم ان في المره الاولي جه تلات مرات كشفت وشي

وعليكم السلام ورحمة الله وبركاته
رأيي طالما كويس وفيه الصفات الأساسية وافقي، فكرة أنه يروح لحد بعد ما محصلش نصيب الأول مش عيب ولا حاجة، وده وارد.
بالنسبة لموضوع أنه يشوفك تاني، وارد يكون نسي الشكل، فلو طلب يشوفك تاني مفيش مشكلة، بما أنك منتقبة ومش هيشوفك إلا بعد العقد.

قولنا المختصر المفيد في ضوابط الخِطبة.

ما هى ضوابط الخطبة؟
ج/ الحمد لله وحده.
سيأتى وينظر إليها وتنظر إليه، مرة أو مرتين أو أكثر، حتّى يتبيّن ما هو مقدم عليه وتتبيّن..
ثم يقول: يا عمّى أريد أن أتزوّجها، فيسألها أبوها، وتوافق، فيقول: يا بنىّ سوف أزوّجها لك فى المستقبل القريب إن شاء الله.
إذا (كوّنت) نفسك بكذا وكذا فتعال..
ثم ينصرف هائمًا على وجهه يحلم بها وتحلم به، لا يكلمها ولا تكلّمه إلا فى أضيق حدود، تحت إشراف أهلها فقط، وبكلام جادّ لا غزل فيه ولا مشاعر، نعم، كلام جافّ .. (ظلام).
ربما احتاجت أن تسأله عن طريقته فى التربية، ربما احتاج أن يهدى لها كتابا عن الأولاد.. إلى آخر تلك الأمور التى لا يمتثل لها أحد عادة.. (ظلام).
وإذا جاء لزيارة ، فلتخرج بحجابها كاملا، ولا ينفرد بها.. بل لا بد من محرم.. (ظلام).
وإذا كانت منتقبة فبنقابها، وإلا فلتغضّ بصرها عنه، ويغضّ بصره عنها .. (أسود).
ثم ينصرف يجمع القرش على القرش، ليكونا قرشين، فبذلك (يكوّم) نفسه حتى يحلّ الأجل..
فإذا كوّم نفسه، عقد عليها، وأبيح له كلّ ما كان غير مباح، إلا الجماع.. (أبيض)..
فإذا جاء يوم البناء، حلّ له كلّ شىء، ويبقا يورينا شطارته فى الكلام والأحاسيس.. (ألوان فاقعة)!
والله أعلم.
الشيخ خالد بهاء الدين
..
إيه المسموح بيه في فترة الخطوبة خصوصا لو هتبقى مدتها سنة ونص؟ من حيث الزيارات والخروجات والهدايا والمناسبات.
قال الشيخ كريم حلمي :
ج / أولًا: يستحسن تقصير فترة الخطبة قدر الإمكان، لإن إطالتها أمر سلبي.
ثانيًا: الأصل أن الخاطب ما هو إلا أجنبي موعود بالزواج، وفلا فرق بينه وبين الأجنبي سوى بعض الاستثناءات التي أقرها الشرع لتحصيل غلبة ظن القبول والحد الأدنى من التوافق، حتى يكون الارتباط عن بينة، فلا يجوز للمرء التوسّع في أي شيء خارج عن هذا الغرض، كالهدايا الخاصة، والخروجات، وعبارات الإطراء والإعجاب ونحو ذلك.
لأن هذا لا دخل له في التعرّف واختبار القبول، بالإضافة أن هذا يؤدي إلى تعلق القلب، والخطوبة أمر ظني جدًا، لا يكمل في حاجات كثيرة.
لذلك احتاط الشرع لقلب المرأة خصوصًا، والرجل أيضًا، في هذه الفترة.
ثالثًا: للخاطب النظر إلى المرأة، وتكرار النظر حتى يطمئن إلى قبولها والرضى بها، ثم لا يحل له النظر إليها كبقية النساء، وله أن يحادثها بالضوابط المعروفة حتى يطمئن للتوافق بينهما ثم يكون التواصل في أضيق الحدود، ولها طلب ذلك أيضًا.

View more

من غير هزار أنا عندي ٢٦ وكل اللي بيتقدمولي مش مناسبين يعني في تفاوت كبير في كذا حاجة اي الحل إنه يجي حد مناسب أنا ماليش احتكاك بحد والقرايب من بعيد او غيره مفيش حد مناسب أو عارفني وكمان أنا منتقبة هل في حاجة ممكن أعملها ولا لا ؟

فين المشكله نصيبك لسه مجاش
وقد يكون حد لا عالبال ولا عالخاطر ولا تعرفوا بعض أساسا
والنقاب مش عائق والله ماهو عائق
ده قدر ربنا بيبعته في وقته

السلام عليكم، لو واحدة منتقبة يعني مفيش فتنة إن شاء الله، الأفضل لها تصلي التراويح في المسجد ولا في البيت؟

وعليكم السلام ورحمة الله وبركاته
الصلاة في المنزل أفضل للأحاديث الواردة في ذلك.
لكن مفيش مانع تصلي في المسجد لو ده هيشجعها ويخليها تحافظ على صلاة التراويح ما دامت ملتزمة بالضوابط الشرعية

رأيك ايه الأفضل للبنت تلبس النقاب قبل الزواج ولا بعده ؟

الجواز نصيب، منتقبة، مختمرة، محجبة، فاجرة... مش هتفرق الجواز رزق وليه وقته المناسب
مش هيفرق نقاب قبل من بعد المهم تلبسه عن اقتناع عشان ماترجعش تخلعه

من غير هزار أنا عندي ٢٦ وكل اللي بيتقدمولي مش مناسبين يعني في تفاوت كبير في كذا حاجة اي الحل إنه يجي حد مناسب أنا ماليش احتكاك بحد والقرايب من بعيد او غيره مفيش حد مناسب أو عارفني وكمان أنا منتقبة هل في حاجة ممكن أعملها ولا لا ؟

تاخدي بالاسباب وتعرفي انها غير كافيه من غير مسببها سبحانه
سيدنا الشيخ الشعراوي
ادع كتير والله يتولي الامر

من غير هزار أنا عندي ٢٦ وكل اللي بيتقدمولي مش مناسبين يعني في تفاوت كبير في كذا حاجة اي الحل إنه يجي حد مناسب أنا ماليش احتكاك بحد والقرايب من بعيد او غيره مفيش حد مناسب أو عارفني وكمان أنا منتقبة هل في حاجة ممكن أعملها ولا لا ؟

مفيش اى حاجه ممكن تعمليها +سنك مش كبير علفكره عادي اصبري وان شاء الله نصيبك هيجيلك لحد عندك من غير اى مجهود

من غير هزار أنا عندي ٢٦ وكل اللي بيتقدمولي مش مناسبين يعني في تفاوت كبير في كذا حاجة اي الحل إنه يجي حد مناسب أنا ماليش احتكاك بحد والقرايب من بعيد او غيره مفيش حد مناسب أو عارفني وكمان أنا منتقبة هل في حاجة ممكن أعملها ولا لا ؟

إشتغلي
اتعرفي علي ناس جديده
سافري
عيشي حياتك بالطولوالعرض
شيلي الفكرة من بالك هتلاقيه جايلك لوحده يتجوزك

ماهو أكثر موقف مضحك مررت فيه ؟ 😅

حياتي أغلبها كوميديا لأني مشروع كلاون في الأصل ")
أحد المواقف اللي حصل معايا ومحاولتش أستر على نفسي حتى لأ حكيت لأي حد بيدخل بيتنا ..
بما إني مبكونش مركزة في الناس فالشارع وتحديدا المنتقبات مبعرفش أميزهم .. في واحدة صاحبة ماما منتقبة ولو قابلتني هي اللي بتوقفني تسلم عليا واعتذرلها إني مباخدش بالي وكدة .. مرة صحوني بالعافية الساعة 8 يوم أجازتي علشان مشوار اضطراري فحرفيا ماشية بعين نايمة وعين صاحية.. قابلت طنط دي فقولت باااس هصلح أنا موقفي وأنا اللي هبادر بالسلام ووقفتها وسلمت عليها بحرارة وسألتها عن أولادها وأحوال البلاد والعباد .. بعد ما خلصت وهي مبتسمة ومتجاوبة وبتبادلني الأسئلة قالتلي "انتي مين بقا يا حبيبة قلبي؟"
Erorr 404 !!
هي الست دي مش مركزة على الصبح ولا ايه!
مش حضرتك طنط فلانة قالتلي لا يا حبيبتي أنا مش هي ..
ومش هقول أكتر من كدة بقا 🚶‍♂️🚶‍♂️

السلام عليكم ورحمة الله معلمة غير منتقبة تعمل على التدريس أونلاين ولا تضع أي صورة شخصية على وسائل التواصل هل يجوز أن تضع صورة شخصية لها على حسابها في المنصةالتعليمية مع العلم هذا من شروط الوظيفة و هل يجوز وضعه على حساب لينكدن؟

وعليكم السلام ورحمة الله وبركاته
لمثل هذه الحاجة، وإن خلت الصورة من المحاذير الشرعية (مكياج، حجاب غير مضبوط، فلاتر، تبسم لافت للنظر، إلخ) فأرجو أنه يجوز. بالنسبة للينكدإن فالأمر بحسب الحاجة، ولكن لا تتوسعي في نشر الصور ولا تستجيبي للرغبة في الظهور. يعني مجرد صورة جادة بدون تزين وعلى قدر الحاجة فقط
والله أعلم

توافقي زوجك يلبسك النقاب بعد الزواج ولا ترفضي الموضوع ده

لا أوافق على دخول أحد لبيت أحد وأن يملي عليه ما يريد هو ، لا أحب ذلك ، انت تعرف من البدايه البيت وأخلاقه أعجبك تقدم لم يعجبك تراجع ، لا تملي على الناس أفعالهم
أنا بالفعل منتقبة بفضل الله.

احنا الملتزمات ولابسين النقاب محدش بيتقدم، لكن البنات الي بتلبس لبس ملفت وبتطلع شويه من شعرها بتقدملها عرسان كتير وبتختار برحتها. ربنا لا يبارك لهم وقفوا حالنا

واثقه مليون فى المئه إن اللي باعت الكيو مش ممكن تكون فتاه ملتزمه ابدا ولا منتقبة ولولا اني محمله نسخه قديمه كنت عرفت الكيو من بنت ولا ولد بس احساسى بيقول الكيو اصلا من ولد🥴

لما الواحدة تكون مش منتقبة ولا ملتزمة ليه بتزعل لما بنقولها خليني ع الطرف وخشي انتي جمب السواق ؟

تصرف غير لائق الحقيقة، مش معنى أنها مش منتقبة إن المنتقبة أحسن منها، المقياس ده خطير على فكرة.
وريحوا نفسكم ومتركبوش جنب السواق.

ليه بيقولو طلباتى صعبه انا لما أتجوز مش هعمل فرح مش عايزها تحط مكياج نهائى ميكنش ليها تعامل مع أي ولد تكون بتصلى ولبسها فضفاض و يفضل تكون منتقبة الفرح ملوش لازمه و ممكن نسافر بيه أى مكان المواسم مش واجب نهائى هجهز بيتي ومش همضي قايمة ومش عايز منها حاجة وهقدم مهر بدون كتابة مؤخر

علشان اللي حضرتك عاوزه مش مجرد طلبات ده تحكم في انسانة ملهاش ذنب بانك عاوز اية
طيب فكرت هي عاوزة اية ؟؟
انت مش عاوز تعمل فرح...
طيب اي بنت بتكون عاوزة فرح !!
انت مش عايزها تحط ميكب خلاص متروحش لحد بيحط وبيحب كده وتروح ليه ..اتقدم لبنت مبتحطش اصلا .
ميكنش ليها تعامل مع اي ولد ازاي !! امال هنعيش ازاي في شغل ودراسة وتعامل عادي وكلامي في حدود وإطار العمل والدراسة والتعامل اللي في الحياة فقط ، واسأل نفسك هل انت مش هتعرف تتعامل مع بنت سواء في شغلك أو حتي في مواصلات ؟ ، ازاي ممكن تبطل التعامل معاهم عشان هتطلب من انسانه كده ؟؟
تكون بتصلي ولبسها فضفاض حقك بس اتقدم للبنوته اللي دي طبيعة لبسها متروحش لحد مش كده وتقول طلباتي صعبة .
تكون منتقبة يبقي بردو هي كده من البداية مش بقي حق مفروض عليها من مجرد دخولك حياتها .
أما بالنسبة لكلامك أن الفرح مالوش لازمة ياريت تفكر بزاوية مختلفة عن رؤيتك أن في ناس عاوزه تفرح سواء الأهل أو شريكة الحياة لانه يوم واحد في عمر الانسان ...ومحدش له أي ذنب برؤيتك وتفكيرك وانت عاوز ايه او لا .
وهقول لحضرتك حاجه الفرح أو السفر مكانه أو المواسم ده بالاتفاق بدون فرض اراء احنا بنتناقش والتيسير علي الطرفين هو اللي بيتم .
بالنسبة لتجهيز شقتك بالكامل وان كده حضرتك عاوز تتجوز بطريقه شرعية حقك .. بس الصح انك بتجهز بيتك كامل وحقك ميكونش فيه قايمة بس من حقها المهر والمؤخر اللي تطلبه
ولازم تكتب مؤخر والسبب أن لقدر الله حصل انفصال حقها هيكون اية ؟؟ ابسط رد هتقول مالكيش عندي حاجه.. يبقي من حفظ الحقوق كتابة المؤخر .
اخر حاجه بقي ياريت قبل ما تفكر في خطوات الزواج تقرا عنه وتسمع لناس اكبر من حضرتك تتعلم منهم وتفهم أن الزواج مش فرض راي لا مشاركة يعني اللي المفروض عاوزه وهتعمله يكون متوافق مع شريكة الحياة ولو مش كده يبقي في طريق للمناقشة والحوار عشان توصلوا لحل .

View more

لما الواحدة تكون مش منتقبة ولا ملتزمة ليه بتزعل لما بنقولها خليني ع الطرف وخشي انتي جمب السواق ؟

بلاش يا جماعه نغتر بإلتزامنا أو نبص أو نعامل حد إنه أقل تقوى منا، ده نوع من الكِبر، نقابك وإلتزامك ده فضل ونعمه من الله عليكى مش شطاره منك ولا حاجه، كلامك في إهانه صريحه ليها كبنت زيك وتقليل من أدبها وحيائها وإنتي ما تعرفيش حاجه عنها ، لو أمكن تطلبي منها بذوق وافقت خلاص رفضت شوفي المناسب ليكي وبس. 👌

لما الواحدة تكون مش منتقبة ولا ملتزمة ليه بتزعل لما بنقولها خليني ع الطرف وخشي انتي جمب السواق ؟

لو انتِ بنت اوك عادي في الحالتين الموضوع سيء ف كل واحد بيدور علي الأفضل ليه ومش معنى أن البنت مش ملتزمه يبقى كل البنات اللي مش ملتزمات هيقعدوا جنب الرجاله عادي دي نقرة ودي نقرة أحياناً انت لما بتكون مذاكر منهج معين في اللي بتعمل بيه ف حياتك وفي اللي مش بتقدر تطبقه على حياتك لأسباب مختلفه ف كل واحد بيطبق ع قد ما يقدر من اللي ملزوم بيه في الدين مفروض الشخص ما يتهاونش ف الدين ككل بس نادراً اما هتلاقي الشخص المثالي اللي مطبقه بكل حذافيره

رايح أتقدم لواحدة منتقبة بقولهم هشوفها تلت مرات بيقولولي لا مرة واحدة 🤷‍♂️عادي ولا اي

لو اول مره اتحققت من شكلها شوفت ملامحها كويس وأتقبلتها أو لا خلاص وإن اتختبطوا هيبقى فى مرتين كمان لو نسيت شكلها !

لو انت منتقبة وبتشتغلي وحابة تحافظي ع عفتك وقلبك لو في زميلتك مش ملتزمة ومتعوده تتعامل مع رجالة، لما تعوزي تطلبي حاجة من راجل قوليلها وهي الي تطلب ✋

لو انتي ملتزمه وطلبتي منهم حاجه في اطار الشغل اي المانع طالما تعامل شغل فقط
ملهاش علاقه بقا ان دا هيقلل التزامك او عفتك
لكن لو شايفه دا هيقلل التزامك ومش هتعرفي تتعاملي في اطار الشغل يبقا نسيب الشغل افضل

لما الواحدة تكون مش منتقبة ولا ملتزمة ليه بتزعل لما بنقولها خليني ع الطرف وخشي انتي جمب السواق ؟

مافيش فرق بين المنتقبة والملتزمة وبين اللي مش منتقبة ده في المطلق،،
في نظرك بقى شايفين ان طالما اقل في الالتزام يبقى مسموح لكم تقعدوها مكان هي مش حاباه يبقى روحوا كملوا التزام الله يستركم واتعلموا دينكم الأول واحترموا نفسكم

لما الواحدة تكون مش منتقبة ولا ملتزمة ليه بتزعل لما بنقولها خليني ع الطرف وخشي انتي جمب السواق ؟

علشان هي بنت زيك مثلا، مش عايزه تركبي جمب السواق بدلي مع ولد من اللي قاعدين ورا أو سيبي العربيه خالص

Language: English