انا عفوية وتلقائية جدا وحسيت انه بقى عيب والدليل ع كده ان فى علاقاتى العاطفية بخسر لدرجة ان ف كلمة مش قادره انساها اتقلتلى "انتى طيبه كده ازاى " فحسيت ان من كتر ماانا طبيعية اللى قدامى مبيصدقنيش انا عايزه اتغير عايزة اكون متوازنه فى علاقاتى باى حد مش عايزه اكون careing too much او too available
اول حاجه تعمليها علشان متبقيش available too much انك متبقيش available too much. يعني مينفعش تبقى العلاقه اللي انتي فيها بتمثل كل كيانك مينفعش تفاصيلك تتوه في تفاصيل الطرف التاني ده مينفعش تسيبي كل حياتك واصحابك ودراستك ونشاطاتك اللي كانت موجوده قبل الشخص ده ما يدخل حياتك وتتخلي عنهم وتكتفي بوجوده التوازن بييجي من انك تستمري زي ما كنتي وهو بيكون اضافه في حياتك اللي هي اصلا متوازنه حياه مش ناقصه حد يسندها الحد ده هيدخل يضيف اوقات حلوه هيسدد احتياجات زي المشاركه والونس والتشجيع بس مش هتحمل مسؤوله حياتك كلها اللي لو في وقت مبقاش موجود لأي سبب هتلاقي حياتك اتهدد اتلى وادرسي واحضري نشاطات واخرجي مع صحابك ومارسي وهواياتك وبرده حبي واتحبي اعملي كل ده في نفس الوقت حبي بس بلاش التعلق المرضي علشان دا مصيبه
Liked by:
Ahmed Karem
لويس عابدين (مسلم)
