Ask @tasnemmohammed73:

.

اوعى تتجوزى لمجرد إنهُ عريس لقطة زى ما بيقولوا او معاه فلوس وهيريحك او فـ منصب كويس وهتفتخرى بيه،افتكري سيدنا عمر لما كان عايز يتجوز أم كلثوم فخلّه السيدة عائشة تتوسطله عندها و تتكلم معاها،أم كلثوم رفضت سيدنا عمر الـ هو أمير المؤمنين لانها كانت شيفاه قوى وحاسم وقالت دا صعب وقوى انا عايزة حد لين حد حنين عليةّ مخفش منهُ،اختارى الـ تحسى انه عمره ما هيقسى عليكى ولا يفرط فيكى مهما كان,وانتً اوعى تتجوز لمجرد ان شكها مُبهرا وان امك شافتلك عروسة او تتجوز لمجرد احساسك بأن سنك كبر فتتجوز والسلام او تتجوز عشان تقول نفسى فـ ولد او حد يكون منى,اتجوز الـ تملىّ قلبك قبل عينك محدش هشيل جزء من فشلك لو فشلت,بختصار انت وهى،محدش بينفع حد,ربنا يكفينا شر الجواز لو كان مصلحة وهروب من كلام الناس,ربنا يكفينا شر الجواز لو مكنش استقرار ورحمه ورضا من ربنا. 👌😍

View more

.

هاااااااااااااااااام✋
فاكر البنت اللى قولت عليها قليله الادب👧
جارك كان عايز يخطبها بس لما سمع كلامك شالها من دماغه😡
وصاحبك اللى قالك عليها شمال ده كداب كان عايز يمشى معاها بس هى رفضت✋
#خطوبتها_ف_رقبتك
فاكر المحتاج اللى كان بيشحت وقولت عليه ده نصاب!! كان ف واحد هايسعده بس لما سمع كلامك دخل الفلوس ف جيبه تانى💰
بس هو فعلا كان محتاج😔
#عليك_ذنبه
فاكر قريبك اللى مر عليك وعينك جت ف عينه وما سلمش عليك👋
ومن ساعتها انت مابقتش تكلمه ولا تعبره وشلت منه😞 هو عينه شافتك آه بس عقله كان غايب سرحان ف همومه ومشاكله وماخدش باله منك👀
#كان_لازم_تعذره
فاكر جارتك اللى جاتلك ف مناسبه تباركلك وجابتلك هديه🎁وانت قولتلى عليها بخليه وانك جيبتلها هديه احسن من دى واغلى💍فاكره
لا هى مش بخيله بالعكس هى جابتلك هديه من فلوس كانت محوشاها لحاجه تانيه ولما جت مناسبتك راحت اشتريتلك بالفلوس اللى كانت معاها وهى نفسها عارفه ان الحاجه اللى جبتها مش مقامك بس دى مقدرتها😢
#ف_ماتتكلميش_عليها_تانى_لانك_معاكى_اكتر_منها
فاكر صاحبك اللى طلبت منه يقف معاك ف حوار وقفه راجل واعتزرلك
وانت من ساعتها كرهته ونزل من نظرك وقولت عليه مش جدع ومش صاحب صاحبه وندل وواطى فاكره انت هه
ده كان جايلك وحضر نفسه بس واجهته مشكله كان لازم يكون موجود فيها عشان يحلها😯
#لازم_تقدره
فاكر ابوك لما قالك هاجيبلك هديه🎁 لو نجحت وماجبش حاجه وانت من ساعتها زعلان منه ومابقتش تصدقه ومش بتثق فيه😒
هو كان ناوى يجيبلك بس الفلوس قصرت معاه وهو ناوى يعوضك عشان هو زعلان من نفسه
#ماتزدش_الحمل_عليه
#احذرو_سووء_الظن 👌

View more

+12 answers Read more

.

في حاجات ملهاش علاج .. زي أنك مجبتش مجموع في ثانوية عامة .. أو انك معرفتش تنجح في كلية الطب .. أنك بتعمل انترفيوهات ومش لاقي شغل ، أنك بتدخل في علاقات وبتفشل أو مبتعرفش تدخل في علاقات .. أنك محبوب وسط صحابك بس مش حاسس نفسك وسطهم .. أنك بتحس انك عندك كلام كتير لسه مقولتوش مع انك حكيت كل حاجة عندك .. انك مبتحسش ان دمك خفيف زي بقيت الشلة .. انك ساعات بتفتكر نفسك موضة قديمة .. ساعات بتحس انك تافه او ساذج أو سطحي أو انطوائي أو خواف .. انك تخين ومش عارف تخس .. أو انك مش بيليق فيكي الفساتين .. انك حبيت من طرف واحد ٥ مرات ومحدش حس بيك .. أو انك مفروض عليك جوازة مش فاهم اخرها .. في حاجات ملهاش حل زي انك تشتغل في شركة كبيرة بمرتب كبير شغلانة مش قادر تحبها .. أو انك تشتغل حاجة بتموت فيها بس مش عارف تصرف منها على نفسك .. انك تحلم بحاجة ويحققها صاحبك الانتيم ! أو انك تكره حاجة ويكون كل اللي حواليك بيحبوها .. انك تتعزم على أكله مبتكالهاش .. أو انك تتعرف على بنت لطيفة وتتكسف تاخد رقم موبايلها أو اكونت الفيس بتاعها .. أو انك تنسى تصحى يوم امتحانك .. أو تعذي في مامة أعز صحابك ومتبقاش عارف تقوله ايه .. انك تبقى عاوز تسافر مع صحابك وكلهم يفكسوا .. أو انك تبقي عاوزة تقعدي لوحدك وتلاقيهم عملولك سيربرايز بارتي .. انها تقولك مش هينفع نكمل ومتقولكش اسباب وعادة مش بيقولوا .. أو انه يقولك تستاهلي حد أحسن مني وتبقى مش عاوزة حد تاني .. انك تكبر فجأة .. انك متبقاش عارف هتعمل ايه بكرة .. ان ابوك يدخل عليك الاوضة ساعة مشهد البوسة الوحيد في فيلم رعب .. إنك تشتري رواية ويطلع فيها صفحة فاضية .. انك متبقاش عارف المفروض تعيط ولا تضحك .. انك تفرح ببطىء أو تحزن بسرعة أو دراع البلاي ستيشن يهنج وانت بتدخل الجون .. أو الويندوز يضرب وانت بتحمل فيلم .. أو الشبكة تفصل وأنت بتقولها بحبك أو انك تكون نفسك !
ف حاجات ملهاش غير حل واحد انك تِعند مع الكون وتصمم تبقى نفسك وبس !
تبقى نفسك وميهمكش حاجة..

View more

.

عارف لما تشوف عصفورة حلوة و تتهبل عليها عايز تجيبها ، بتجيبها و أول ما تبقى عندك بتبقى مش عارف هي حباك ولا ﻷ و هتطير و تسيبك ولا ﻷ ، ف من عدم ثقتك ف نفسك بتخليك تقص جناحتها عشان تعجزها و تفضل قاعده جنبك ..
هو هو الجواز، الراجل يعجب ب بنت جميلة و مستقلة و مش محتاجه حد و يكون مشدود أوي للشخصية دي ، أول ما ياخدها بيبقى مش عارف يوصل ل دماغها و فكرها.. ف عشان يحددها يعمل إيه؟ عشان يحس إنه أعلى و أعقل يعمل إيه؟ قص جناح من هنا و جناح من هنا ..
بس نصيحة ..
خليك ذكي و إنت بتنقي عصفورتك ، أصل في نوع عصافير جناحه مش بيتقص أصلا ولا يقدر يفضل ف قفص ;)

View more

.

- في واحد صاحبي لما بييجي يطلب مني حاجة بيطلبها عادي و في آخر الكلام يقولي ( هينفع ولا لا.. عشان انت وراك كذا كذا كذا .. ) و يمليني الأعذار اللي ممكن اقلهاله عشان لو حابب اعتذر و محرج منه
- كان معايا بنت ف الشغل مفيش مرة لقت حد مزنوق ف الكلام ف اجتماع مثلا الا و اتدخلت بحيث انها تعدل الكفة ، حتي لو كلنا عارفين انه بيقول اي هبل ، بس عشان ميحسش بالاحراج وسط الناس
- واحد تاني لو اتأخرت عليه ف معاد و هو واصل قبلي الاقيه يقولي ( الشوارع انهارده زحمة جدا ) عشان يبان انه غصب عني و معتذرش
- ليا صاحب بنتقابل كتير و غالبا حافظ كل هدومي ، بس ف الاغلب لازم يقول تعليق حلو ع لبسي اول ما نتقابل
الناس دي بتسهل علينا الحياة مش عشان هم مجبرين بس عشان هم ناس سوية و متصالحة مع نفسها ، مش معقدين زي اغلب البشر اللي ممكن يدوسوا ع مشاعر اللي حواليهم بحجة اننا بنهزر ، فضلا عن اللي بيعملو كده ببجاحة ، الناس دي محبوبة عشان عمرهم ما بيشوفو احساس اللي حواليهم حاجة تافهه ، مواقف بسيطة بيعملوها بس بتأثر فينا لسنين قدام :)
ربنا يزيدهم ف حياتنا و يجعلنا منهم ❤
#نعمة_الاحساس

View more

+6 answers Read more

.

في حد نصيبه اب حنون ، و في حد نصيبه زوج صالح ، و في حد نصيبه ابن بار ، و في حد نصيبه اهل كويسين ، كل واحد فينا له نصيب من حاجه و اتحرم من غيرها لان دي دنيا و ليست جنه ، فـ استحاله هتاخد كل حاجه نفسك فيها ، انت متعرفش اللي معاه حاجه نفسك فيها اتحرم من ايه قصادها ولا شاف ايه في حياته ، وربنا عوضه بالشئ ده ، فاحسن ظنك بالله و اتمني الخير للناس .. ''خليك متاكد ان الشئ اللي مش مكتوبلك ، مش هتاخده بقوتك .. و ان الشئ المكتوبلك مش هتحرم منه بضعفك "
بل برحمه الله ..

View more

+4 answers Read more

.

اوقات بيجى علينا وقت كده مبنبقاش عارفين احنا بنعمل ايه ولا بنتصرف ازاي ..
بنبقي عايشين كده اللي هو " يلا مش مهم " ..
نخسر ناس عادي ،، ونصاحب ناس جديده بردو عادي ..
او بمعنى اصح مبقاش عندنا ولا عزيز ولا غالي ..
مش فاهمين اللى احنا فيه ده اذا كان صح ولا غلط ،، مش عارفين حياتنا ماشيه ازاي بس اللى هو عايزينها تعدى وخلاص ..
روتين ممل بيعدى لا عارفين نغيره ولا عارفين نخلص منه ..
مبقناش مستحملين لعتاب او حتى مناهده ف الكلام ✋🏻
عجبك كلامى تمام مش عاجبك مش لازم يعجبك 👌🏻
عجبك افعالى تمام مش عاجبك مش مهم بردو ☝🏻
شخصيتى انا حر فيهاا مش انت اللى هتمشينى ع مزاجك ..
شعور متناقض ما بين انك فوقت وفهمت الدنيا صح ،، وبين انك حاسس ان في حاجة غلط في تصرفاتك انت مكنتش كده !!
ايه اللى خلاك توصل لمرحله البرود دي !
فعلاً علي قد ما البرود ده بيريح ف مواقف كتير ،،
بس اوقات بتقعد تفكر ف القرارات اللى بتاخدها او المواقف اللى بتعدى ،، كُتر التفكير نفسه متعب ومرهق للذهن ..
بنفضل نفكر ف الموقف اكتر من مره بالرغم من ان ممكن يكون اللى قدامنا ولا فرق معاه اصلاً واحنا اللى مهتمين زياده يبقي ليه من الاول نتعب نفسناا !؟
اوقات كتير بيبقي الحل اننا نسكت ونكبر دماغنا او انك تبعد بقي وتبقي لوحدك !!
هى اه الوحده متعبه بس بتريح الدماغ شويه ✋🏻
الوحده احسن من حاجات كتير بس احنا اللى بنخاف منهاا ،، لمجرد اسمها بس " وحده " 😌💙🌸

View more

+3 answers Read more

.

في الغالب البنت اللي علاقتها بأهلها عبارة عن "اكل..شرب..هدوم..وبس".. بتكون فريسة سهلة جدآ لاى حد يفكر انه يلعب بيها .. البنت عموما كائن ضعيف محتاج لحد يسنده و يقويه مهما بانلك منها عكس ده .. فلو ملاقتش السند ده فى أهلها .. غصباً عنها بتدور عليه بره .. و من هنا يبدأ دور شخص تانى خالص يدخل حياتها لاى غرض هو عاوزه منها و يبدأ يمثل عليها المثاليه و انه الحضن الحنين و القشايه اللى هتنقذها من الغرق .. و بعد فتره هو هو نفس الشخص اللى بيغرقها و يزود عليها وجعها.. و تبدأ اصابع اللوم تتوجهه للبنت تحت مبدأ انها خانة ثقة أهلها فيها .. رغم ان هى اللى متخانه من طوب الأرض ..
و نرجع و نقول "اللي ضهره عريان من اهله صعب الدنيا تغطيه"

View more

+12 answers Read more

.

هترتبطي بواحد علشان فلوسه هتلاقي قلبه مفلس حُب .. و انت هترتبط بواحدة علشان شكلها هتلاقي قلبها مليان قسوة .
ساندوتش الفول بيشبع و ترابيزة عليها أكل بـ 1000 ج بتشبع .. و بطنك مش هتعرف الفرق .
لابس هدوم ماركة بتستر جسمك و لابس هدوم من السوق بتستر جسمك .. و جسمك مش هيحس بالفرق
راكب عربية موديل السنة هتقضيلك مشوارك و العربية القديمة برضو هتقضيلك مشوارك .. و رجلك فـ الحالتين هترتاح .
البيت الصغير بيسترك و القصر الكبير بيسترك .. و فـ الاول والآخر مش هناخد حاجه واحنا رايحين ع القبر .
كفاية اهتمام بالمظاهر و كفاية اهتمام بالشكل و الفلوس و كفاية نقص و ظلم بنطلعه ع الضعيف او الـ شكله وحش او الـ مُش معاه
الشبع فـ العين مش فـ البطن و الغني فـ النفس مش فـ الجيب👌

View more

.

-عامله باسورد للموبايل؟ يبقى بتعمل حاجه غلط😑
-قافله على نفسها باب الأوضه؟ يبقى بتعمل حاجه غلط😕
-بتتكلم فِ الموبايل ف البلكونة؟ يبقى بتكلم ولد😯
-راجعه متأخر؟ لأ في إنـه😎
-عايزه تنزل مع صحابها لوحدها؟ يبقى هتقابل ولد😮
-بتضحك وهي بصه من شباك العربيه؟ بتضحك لولد😡
-بتضحك وهي بصه ف الموبايل؟ يبقى بتكلم ولد😱
-بتتكلم بليل ف الموبايل؟ بتكلم ولد😐
-بتعيط؟ بسبب ولد🙍
-لابسه كويس؟ عشان ولد😏
-واقفه قُدام المرايه؟ عشان ولد😶
-حاطه ميكاب؟ عشان تتعاكس😐
-بتاكُل عشان ولد بتشرب عشان ولد عايشه عشان ولد ماتت بسبب ولد 🙅😒😒✋
ياخي يلعن ابو التفكير العقيم هو مفيش غير الولاد ف الدنيا؟؟؟ مش محور حياتهم عشان تلزقو فيه تفكيركوا العقيم!! مش كلهم بيعملو حاجه غلط.. البنات بذات عايزين شويه خصوصيه وحُريه.. الإحترام مش بحبس البنت الاحترام للبنت حُريتها مع عدم فعل الغلط
افهوا بقااا وارتقو!!!!!! 💔
لازم يبقي ف حريه شوية عشان البنت متفكرش تعمل اي حاجه من وراه اهله ✋

View more

+25 answers Read more

.

تــ M E N S A
وانا ف ابتدائي واحد قريبي اداني ٥٠ جنبه و بعتني اجيبله سجاير وف الطريق الفلوس وقعت .. لفيت عليها ملقتهاش .. رجعتله قولتله الفلوس وقعت .. قالي تلاقيك خدتهم .. قولتله والله وقعوا قالي ماشي ماشي و بصلي نظرة بتقولي انه بيسَرَقّني .. فقولت لامي ياماما والله ماسرقتهم حضنتني وقالتي متحلفش ! انا مصدقاك وطبطبت علي راسي ،، وقالتله ابني مبيكذبش وانا هديلك فلوسك دلوقت .. قولت يااااارب والله ما سرقتهم وكانت يارب طالعه بكل يقين وقوه وضعف في نفس الوقت .. والله مفيش دقيقه لقينا المسجد اللي جنب بيتي بينادي وبيقول في ٥٠ جنيه واقعه .. اللي ضايعه منه يجي ياخدها من المسجد .. مش عاوز اقولك كان شكل الراجل عامل ازاي قدام امي .
السيده عائشه سمعت واحده كل شويه تحلف وتقول ( لا والذي رد الرداء .. لا والذي رد القطفه ) ! ف استغربت من حلفانها ! و سألتها ايه السر ؟! فقالتها انها كانت بتشغل خدامه ل احدي العائلات .. وف يوم ادوها اكل ملفوف في قماشه من قطيفه ف وهي رايحه توصل الاكل وشيلاه علي راسها جه طائر ضخم زي النسر اسمها ( حِدائه ) وقامت شايله الاكل برجليها من علي راس الست وطارت !! .. ف راحت قالتلهم الاكل الطائر خده منها ! محدش صدقها وقالوا هيقموا عليها حد السِرقه وفعلاً الناس اتجمعت علشان يقطعوا ايديها.. والست تبكي وتقول يارب بكل قوتها ف عز ضعفها ! فجأه جت الحِدائه ورمت القماشه القطيفه اللي فيها الاكل في المكان اللي الناس متجمعه فيه !! فبكت من الفرحه ان ربنا سمعها وبرأها وبقت تحلف بربنا اللي خلي الطائر يرجع الرداء القطيفه اللي فيه الاكل ونصرها .عيل صغير ضرب بن سيدنا عُمر بن عبد العزيز وعوره .. فجابوا الولد وكان وشه اصفر وخايف وعمال يقول يارب !! ف سيدنا عُمر لما شافه عرف انه يتيم فقرر انه يعطي الطفل فلوس يعيش بيها وطبطب عليه .. ف زوجة سيدنا عُمر استغربت وقالتله يضرب ابنك ! تقوم تعطي اهله فلوس وكمان تطبطب عليه !! قالها دا يتيم وكفايه انكم فزعتوه وخوفتوه . ! احتوي اللي قدامك و مهما كان غلطان ضُمه وكفايه جدًا لحظة الاسف والرعب ال الواحد بيبقي فيها بسبب غلطته ! .. لما الولد ده قال يارب ربنا برأه والست لما قالت يارب ربنا نصرها.، وكلمة يارب لما الطفل قالها سيدنا عمر رحمه واشفق عليه
قول يارب وهو هينصرك ..هيجيلك حقك ويحقق اللي نفسك فيه هيلم جرحك ويفرح قلبك ويداويك
قولها بكل صِدق وقلب ضعيف ( يارب )

View more

+6 answers Read more

مساحه🌼

ذهب شخص لإستشاره طبيب
وجد الطبيب ان هذا الشخص بحاجه الي عمليه جراحيه سيتوقف عليها حياته.
ولكن يجب عليه أولاً اعداد نفسه لهذه العمليه الجراحية لمده شهر، يقوم بها بالالتزام بنظام غذائي ورياضي يومي وتعاطي الأدوية المقرره، وعليه الا يتوقف يوم واحد عن هذا الاستعداد الذي سيتوقف عليه نجاح العمليه الجراحيه.
عاد هذا الشخص لمنزله، ويوم بعد يوم يقرر أن يبدأ من الغد فيما أمره الطبيب بتنفيده.
إلي أن اصبحت العمليه الجراحيه علي بعد أيام، فأراد المريض القيام بالرياضه وتعاطي الدواء والاكل الصحي... ولكن بعد فوات الاوان مما أدي إلي أن العملية الجراحية لم تتم بنجاح بسبب تكاسل المريض عن أداء مكان مفروض عليه.
هل المريض مخطئ؟ بكل تأكيد مخطي
لان بيده الوقت، يعلم حقيقه الوضع، ولكنه قرر عدم تحمل المسئوليه
مسئوليه حياته واهماله بها.
تعالوا نطبق نفس النظريه علي الامتحانات
دي حياتك، بيدك المذاكره لامتحاناتك، وقت الامتحان مش وقت لم المنهج ولا مذكرته، وقت الامتحانات وقت المراجعه فقط
فلما تشتكي ان مفيش وقت، المنهج كبير وكل الشكاوي من عدم القدره علي تحصيل اي شئ!! لا تلوم إلا نفسك لاخفاقك في تحمل مسئوليه حياتك و إضاعه الوقت الي ان لم يعد هناك وقت.
إن لم تتحمل المسؤولية كسرك الوقت.

View more

+2 answers Read more

.

واحد على انستجرام حط صورته هو ومراته وهمّ قاعدين مع أطفال في مركز للصم والبكم وكتب:
“الأطفال دي بيبصوا لي على إني البطل اللي غيّر حياتهم، بس الحقيقة أن الست اللي جنبي دي هي اللي غيرت حياتي وأتاحت لي فرصة أني أقدر أنا كمان أغير حياتهم، ممكن يكون تصرفي معاهم تصرف طيب، بس ده عشان هي مدتني بالطيبة دي في البداية… الطيبة عاملة زي موج البحر، بتجيب بعضها
وحكى قصة تعارفهم على بعض، وقال أنه وهو في الجامعة كان شخص انطوائي ووحيد جدا، وكان بيحس أن شخصيته ما فيش حد هيحب يعرفها، فكان بيتفادى التعامل مع الناس بكل الطرق، لدرجة أنه كان دايما حاطط سماعات الموبيل في ودنه ولابس زعبوط الhoodie بتاعه على دماغه.
أول يوم شافها كانت قاعدة عند موقف الباص، فابتسمت له ووسعت حاجاتها عشان يلاقي حتة يقعد فيها، كان تصرف عادي جدا، بس هي كانت أول حد يبتسم له من فترة كبيرة قوي، فلقى نفسه تلقائيا بيبتسمورغم أنه كان تصرف طبيعي منها ممكن تنساه إلا أنه فرق معاه جدا ويومه بقى احلى، فبيقول:
(كلامك أو تصرفاتك بتعلق مع الناس لمدة طويلة حتى بعد ما انت شخصيا تنساها، فركز إيه الإنطباع اللي تحب تسيبه)
فضلوا لمدة تلات شهور يتقابلوا عند موقف الباص وهمّ مروحين، يبتسموا لبعض ويقعدوا كل واحد فيهم يستنى الباص بتاعه.
لحد ما في يوم وهو قاعد خبطت على كتفه وكلمته بلغة الإشارة، فهو اتكلم لأول مرة وقالها تستنى عشان يسمعها وشال السماعات من ودانه!
أول ما اتكلم هي وشها احمر😮 وقالتله: “أنت بتسمع؟! أنا افتكرتك أصم عشان حاولت أكلمك كذا مرة بس أنت ما سمعتنيش! فأتعلمت لغة الإشارة عشان اعرف اتكلم معاك”. 😍😍
فكان رده:
(استحالة كنت اتخيل أني استاهل أن حد يتعلم لغة الإشارة عشان بس يتكلم معايا )
واتكلموا وحبوا بعض واتجوزوا واتعلم منها لغة الإشارة وراحوا اتطوعوا في مركز للصم والبكم عشان يعلم الأطفال هناك برمجة (مجال دراسته).
الراجل بيقول في الأخر:
رغم تفوقي في دراستي، أنا كنت شايف إني فاشل على المستوى الإنساني، كنت وحيد ومش شايف أني استاهل أن أي حد يبذل عشاني أي مجهود… هي جت ومن غير ما تعرفني حسستني إني استاهل… بتصرف طيب صادق وحقيقي مش بس غيرت حياتي، دي انقذتني😍 المعروف اللي بنعمله و بنشوفه صغير بيكون تأثيره كبير قوي في النفوس… وافتكر أن أي معروف بتعمله هو قلب حد ربنا حطه في ايدك عشان تنقذه......

View more

-

شوف ياسيدي..
عايز تشرب خمرة.. إشرب لغاية ما تقول انا جدع
بتحب الحريم الشمال.. وماله ، دلع نفسك
ملكش مزاج تصلي ومبتحبش تصوم.. خلاص كبر مخك
عايز تاكل حق اخواتك البنات.. ألف هنا وشفا
عايز لامؤاخدة تتجوز واحد صاحبك.. بالرفاء والبنين
وانتي يا مزمازيل..
- عايزة تلبسي بيكيني أو تلبسي من غير هدوم خالص.. قشطة ، إلبسي وفرجينا
- عايزة تبقي سينجل مازر .. ربنا يخليلك المحروس وتفرحي بيه
- عايزة تتجوزي واحد بيعبد تماثيل عجوة أو بيعبد عواميد الكهربا أو حتى ملوش ملة أصلاً.. ألف مبروك ياحبيبتي
- عايزة تشتغلي رقاصة أو تقفي في شارع جامعة الدول.. شغلانة حلوة وفلوسها زي الرز
عيشوا حياتكم وإعملوا كل اللي انتو عايزينه ، دي حرية شخصية ومحدش له دعوة بيكم ، ولكن.. رجاااءً من فضلكم ، بلاش تحللوا الحرام عشان تريحوا ضميركم وانتو بتعملوه ، الدين له ثوابته وأوامره ونواهيه ، عاجبك تمشي عليها اتفضل امشي ، مش عاجبك اتفضل سيبه ومحدش هيمنعك ، ولكن أن تشوه الدين وتحرف أحكامه وتعبث بثوابته ليوافق شهواتك وهوى نفسك فهذا قمة الفساد والبغي والفجور ، نعم كلنا مخطئون ، وكلنا عصاة ومذنبون ، ولكن لأن أعصي الله وأنا أعلم أني عاصي ، وأخجل من ذنبي وأسأل الله التوبة والهداية والمغفرة ، خير لي ألف مرة من أن أحرف ديني لأستحل المعصية ثم أجاهر بها مفتخراً ومزيناً إياها لنفسي ولغيري.. عافانا الله وإياكم من الفتن والبدع والمنكرات ، ونسأل الله لنا ولكم ولهم الهداية والثبات على الحق

View more

+11 answers Read more

.

شآب يكتب لفتاه 💙
- لا تصارحيني إن أحببتيني 💛..!
إن كنتي أحببتيني لا تصارحيني
فكلمات العشق ونظراته لاتستهويني ,
إن كنتي تحبينني إنتظري وسأطرق بابك متعجلا لاتخبريني عما يدور دآخلك فهذا سيبعدني ولن يرضيني !💚
لاتعطيني إمتيازات لا أستحقها✋،
أبعديني عنك وسأقترب ، وإن اقتربتي سأبتعد
لاتحبيني فأنا أريدك بلا حب ، وسأعلمك انا الحب عندما يرضى القدر جمّعنا في ضل رضا خالقي وخالقك..♡
لاتطلعيني على مشاعرك ,لاتعطيني أوقاتا من وقتك
لاتدفعيني لأخسرك..!
فأنا رجل لايرضى لمن أحبها أن تذنب
لايرضى لها أن تفعل شيئا تخفيه وتخجل منه
لا أريد لضميرها تأنيبا !
ولا لقلبها تعذيبا !
أريدها إن نظرت إلى أبيها إستحقت ثقته , وإذا تحدثت الى أخيها لم تكذب..!
لاتتعلمي الكذب لأجلي ولاتتركي مبادئك من أجلي
فإن احببتني سأتركك..
إجعلي لي حدودا لا أتخطاها , إجعلي لي سدودا تمنع بحور عشقك من العبور !
اقتليني داخلك حتى لا أكبر فأقتلك!
حافظي على ماهو فيك جميل أريدك بريئه، طاهره ، نقية!
أريدك غالية ،منيعة ،بعيدة المنال ..
وحينها سأقهر كل الصعاب للوصول إليك ♡
لاتكوني سهله فلا أشعر قيمتك ولاتحبيني الان حتى لا أكرهك .. فقلبي يريدك ولايريد خسارتك!
لا أريدك نزوة سرعآن ماتزول ,أريدك زوجة طاهره,نقيه,حبيبة
وأماً لأولادي ،تمضي معي عمرا بأكمله
كيف أكون في نظرك رجلاً وأنا أحطم حصون عفتك..؟
كيف تستأمنينني على نفسك إن سرقتك من أهلك..؟
كيف أخلص لك إن دفعتك لخيانتهم..؟
وكيف لى أن أرضى بزوجة كذبت على أبيها من قبل..؟
فالحب أن أحميك وأحافظ عليك ,لا أن أقتل كل ماهو فيك جميل..!
فإن صارحتيني بمشاعرك ماعدت رجلاً ،وما عدتي بريئه

View more

.

علمتني الرياضيات:📊📈
أن السالب بعد السالب يعني موجب، فلا تيأس.. فالمصيبة بعد المصيبة تعني الفرج.
علمتني الرياضيات:📊📈
أن الانتقال من جهة لأخرى سيغير من (قيمتي) وأنه متى ما كبر المقام صغر كل شيء!!
علمتني الرياضيات:📊📈
"أن بعض الكسور لا تجبر"!
علمتني الرياضيات:📊📈
أنه يمكننا الوصول لنتيجة صحيحة بأكثر من طريقة.. فلا تظن أنك وحدك صاحب الحقيقة وأن كل من خالفك مخطئ!
علمتني الرياضيات:📊📈
أن لكل مجهول قيمة.. فلا تحتقر أحدا لا تعرفه.
علمتني الرياضيات:📊📈
أنه فيه شيء اسمه مالا نهاية فلا تكن محدود الفكر والطموح.
علمتني الرياضيات:📊📈
أن العدد السالب كلما كبرت أرقامة كلما صغرت قيمته كالمتعالين على الناس: كلما ازدادو تعاليا كلما صغروا في عيون غيرهم.
علمتني الرياضيات:📊📈
أن لكل متغير قيمة تؤدي الى نتيجة فأختر متغيراتك جيدا لتصل الى نتيجة ترضيك

View more

+8 answers Read more

.

عارف يعنى ايه نصيب وترتيب ربنا .. ؟!
-يعنى تبقى فـ المترو وجمبك مراتك اللى هتعرفها فـ المستقبل وما يحصلش بينكم ولا كلمه ولا حتى نظرة .. ❤️🌸
-او تبقى فى محل بتشترى حاجه و ويخبط فيك جوز اختك بعد سنتين تلاته وماحدش فيكم عارف .. 😅😍
او يكون معاك فـ الدُفعه واحد هيبقى اعز صحابك فـ الشغل بعد خمس سنين مثلاً .. 😉😍
او تبقى ماشى ووراك اكتر انسان هيغير حياتك ولسه ماجاش الوقت اللى تعرفوا بعض فيه .. ؟! 😇😅
-تحس فـ المواقف دى ان القدر واقف بيتفرج علينا ومستغرب .. !؟ وبيسال نفسه ..!! 😓❤️
ازاى الاتنين دول اللى هيغيروا حياة بعض فـ المستقبل لـ نجاح أو لـ فشل أو لـ ندم أو لـ فرحة .. 🌸❤️
والنهاردة واقفين جمب بعض وكأنهم م أتقابلوش ..؟! 😉😍

View more

+1 answer Read more

Space ❤

Ahmed Mohamed
حنيتك الزيادة مع البنت ممكن يخليها تتعلق بيك
فـ حاول تسيطر على تصرفاتك شوية
عشان ممكن كلمة تطلع منك وسط الكلام تكون انت
مش قاصد بيها حاجة تشقلب كيان بنى ادمة طيبة
كل ذنبها انها نفسها تسمع كلمة حلوة .. رفقاً بهم يا صديقى فانهم ضُعفاء

View more

+12 answers Read more

.

بجد تحفه
شاب ضحك على فتاة وأفهمها أنه يحبها ورمى بشباك الغدر عليها..
وطلب منها أنها تذهب إلى بيته بحجة أنه يريد
ان يتكلم معها وخائف أن يراه احد واقف معاها في مكان عام ويجيب سيرتها..
وما كان من الفتاة الا الرفض ولكن بعد ما زين لها كلامه وأقنعها وافقت الفتاة
ومن أجل الغدر اتفق معها على القدوم الى بيته الساعه الخامسه...
في الوقت الذي كان أهله غير موجودين
إتصل بإصدقائه وقال لهم إنه يدعوهم وفعلا جاء الاصدقاء وجلسوا في الشقة منتظرين الفتاة..
وفي نفس الوقت اتصلت عليه أمه ولم يرد عليها..
اتصلت أكثر من مرة ولم يرد عليها.. لغاية انزعاجه من كثرت إتصالات أمه فرد عليها ..
قالت له امه: أبوك في المستشفى وهو في حالة خطيرة وسيجري عملية في الحال..
ترك الشاب اصدقائه في المنزل وقال لهم: الفتاة قادمه عيشوا حياتكم ..
و ذهب الى المستشفى قلقآ على والده.
سالته أمه أين اختك..
قال لها أختي!!!!!! لا اعلم ..
قالت له بعثتها الى البيت لكي تخبرك لانك لا ترد على هاتفك
ترك الشاب المستشفى وساق سيارته كالمجنون عائدآ الى البيت
وعند دخوله المنزل وجد اخته ملاقى على الارض واصدقائه قد عاشوا حياتهم كما اخبرهم
قبل ان تفكر بالضحك على فتاة أو أذيتها فكر في -أختك - أمك - زوجتك - بنتك لأن الله مطلع على كل شيئ و كما #تدين_تدان ...#ضع_مخافة_الله_بين_عينيك

View more

.

الناس الحساسة مش ناس كئيبة ولا نكدية كُل الموضوع أن تركيبتهم غير .. ناس بتفرح من قلبها لما بتشوف تفصيلة صغيرة مُبهجة و بتزعل بردو من قلبها لو حصل حاجة بسيطة أثرت فيها بشكل سلبي !
ناس دموعها قريبة و ضحكتها أقرب .. ناس روحها هشه مش بتستحمل العلاقات المرهقة و الإنتقاد اللاذع و المشاعر المُعقدة .. ناس أي حاجة بتسيب أثر جواهم سواء حلوة أو وحشة !!
الناس الحساسة دي هما الناس الحلوة المُبهجة و الجدعة و الرومانسية .. هما أكتر ناس تركيبتهم دي بتتعبهم و بتصعب الدنيا عليهم ؛ لأن صعب تحس زيهم أو حتي تتوجع زيهم !
أحترم مشاعرهم و أنفعالتهم و ردور أفعالهم مهما كانت مُرهقة و مش منطقية بالنسبة ليك لأنها حقيقية و مش مزيفة 😃 !

View more

+3 answers Read more

.

دي مراتك علي فكره 😟
■ مش عيب علي فكره انك تمسك ايدها وانتو ماشيين في الشارع
■ ولا عيب انك تعلن حبك لها قدام "اهلك" و "اهلها"
■ مش عيب انك تناديها باحب الاسماء ليها......
■ ولا عيب ان في غيابك ترن وتطمن عليها
■ مش عيب انك تقول اسمها قدام الناس
■ ولا عيب انك تساعدها في شغل البيت ···
■ مش عيب انك تفسحها لوحدها وبس وتحسسها انها سبيشال ★
■ ولا عيب انك تجبلها حاجه بتحبها علشان تعرفها انك لسه فاكر بتحب ايه
● العيب انك تحسسها انك غريب وانت ماشي جنبها في الشارع علشان الناس تقول عليك "سي السيد" وتمشي بينك وبينها متر علي الاقل
● العيب انك متمدحهاش قدام اهلك وتحسسها انها غريبه عنكم
● العيب انك تناديها باسم مش حباه او تفضل تناديها باسم ابنها لحد ما تقرب تنسي اسمها وتنسي ان الرسول امرنا ننادي الشخص باحب الاسماء اليه
● العيب انك تكون في الشغل طول النهار وسايبها في البيت بلا ونيس ولا جليس ومتفكرش تطمن عليها
● العيب انك تفضل تقول قدام الناس "دي المدام" "دي ام علان" ومش راضي تنطق اسمها وكانه عار ونسيت الرسول وهو بيعلن حبه لعائشه وسط الجميع
(لو هي بتحب تناديها باسم ابنها كده انت في السليم )
● العيب انك تكون قاعد قدام التليفزيون وهي رايحه جايه قدامك بالغسيل والكنيس وعماله تكح علشان تحس بها وانت ولا هنا ونسيت ان الرسول كان يعمل في مهنه اهل بيته
● العيب ان يوم اجازتك تروح مع صحابك وتنساها بدل ما تفسحها وتفرحها وكانك نسيت ان الرسول كان بيتسابق مع السيده عائشه وكان بيفرح زوجاته !
● العيب انك تفضل تنقط لها مصاريف الشهر وتكون بخيل معاها وتنسي تجيب لها هديه من حين الي حين !
هي سابت بيت كانت تعيش فيه اميره علشان تروح بيت تكون فيه ملكه مش مكينه تولد وتربي وتغسل وتمسح !
جاءت اليك لتكون نصفك الثاني يعني هي " روحك"
بسم الله الرحمن الرحيم
وَمِنْ آيَاتِهِ أَنْ خَلَقَ لَكُمْ مِنْ أَنْفُسِكُمْ أَزْوَاجًا لِتَسْكُنُوا إِلَيْهَا وَجَعَلَ بَيْنَكُمْ مَوَدَّةً وَرَحْمَةً إِنَّ فِي ذَلِكَ لَآيَاتٍ لِقَوْمٍ يَتَفَكَّرُونَ
صدق الله العظيم
يا معشر الرجال استوصوا بالنساء خيرا ورفقا بالقوارير ❤

View more

+8 answers Read more

.

نصيحه لكل بنت :-
آحنا بنضيع سنين شبابنا ( أحلى سنين عمرنا ) عشان بس ندور على الحلال معاكم ..
يكفي انك تعرفي ان اى شاب عشان يتجوز بيحتاج ف رينــج 80000الي 150000كـحـــد أدني ( شبكه ومهر و شقه وعفش وفرح و .. و .. ) فى بلد رينج الرواتب فيه 1200 جنيه ( بلاش تحسبيها عشان متتصدميش )
• العريس المصري هو الوحيد فى العالم اللى لازم يتجوز وهو مديون
فى نفس الوقت اللى بيكون دورك فيه انك تصلي صلاة الاستخارة وتانى يوم تبلغي اهلك ان كنتى موافقه ولا لا
صدقيني والله احنا بنحط معايير تانية لكرامتنا خصوصا بعد الارتباط او الخطوبة ( الشاب بيبقي حاسس انه شايل مسئولية حد تانى غيره )
ممكن تلاقيه يستحمل رزالة مديره ف الشغل .. وممكن يستحمل مشاكل الشغل وقرفه عشانك او عشان هو مطالب بحاجات مطلوب منه يجيبها فى معاد محدد .. لانه لو اتأخر ممكن متكونيش ليه
• بالمناسبة .. 99.9 % مننا مش مرتاحين ف شغلهم ويمكن يكونوا مش حابين الشغل ده اصلا بس مضطرين يكملوا
ومدام مش لاقي الراحه فى شغله .. خليه يلاقي الراحه ف بيته وتكوني انتي السبب فيها
الشاب ممكن يشتغل سنه كاملة عشان يجيبلك كام جرام دهب تلبسيهم فى فرحك وعشان متبقيش اقل من بنت عمك او بنت الجيران
وممكن تلاقيه اشتغل سنه كامله برده عشان يعملك فرح ف قاعة محترمه ويشتريلك فستان شيك مش هيتلبس غير مره وحده فى العمر
انا عارف ان هى دى الفطرة .. والمفروض ان الراجل هو اللى يشتغل ويتعب
وعارف ان بعد الجواز الدور بيبقي مشترك بينهم
بس تفتكري على قد ده كله الشاب ده يستاهل انك تكوني سبب فى تعبه او انك تنكدي عليه
الراجل بطبعه ميحبش يشكي خصوصا لزوجته او خطيبته ( ميحبش يبان ليها انه مكسور ) فبيكتم فى نفسه وميتكلمش فممكن يبانلك ان الدنيا تمام معاه اوى وانتى اللى شايله كل الهموم
واحنا كــ ( شباب مقبل على الجواز ) ضحية مجتمع غبي وعادات وتقاليد منيله بـ 60 نيلة
بس بلاش تبقي انتي كمان عليه .. خلى راحته هى هدفك الاول 👌💙
باختصار :-
الراجل ميقدرش يستغني عن زوجته لو حس انها سبب راحته وسعادته .. انما يقدر يستغني عنها لو كانت ملكة جمال الكون بس مش لاقي الراحه معاها .. :)

View more

Next