تي زبيب مرة واحد لا قمح ولا شعير ههههه السؤال الاخير تلاتة مرات نمسح فيه والسؤال الأول مسحته مرة ضاع الوقت قبل نبو ال 60 ضاعت من يدي باهية الدرجة لكن تصفى 50 معاش نبي شيء
هل دخلت قسم الكهربائية برغبة منك ام هي رغبة شخص اخر؟ ولماذا اخترت هذا المجال؟
أول شيء من قبل لما صغير كنت نبي بشري غيرت رأيي ف ثالتة ثانوي وكنت نبي هندسة نفط ف السيمستر الثالت غيرت رأيي أولا لأنه النفط الشركات الأجنبية معاش فيه ف ليبيا وطلع فيه حفظ واطلعت شن يقرو ما مشاش معاي جوهم. وبعدين أستاذي م.منصور بو حميرة قالي شوف كهربائية وسألت عليها وكنت نعرف م.محمد المزوغي من قبل, المهم سألته ع المواد وشن نظامهم ف عجبني الجو. كانت توصية من أشخاص آخرين واطلعت عليها وبعدين ولت رغبتي.
مبروك يعني زي ماتقول لما بطيح حاجة تقول ابركها لوطا اما مبارك معناها مبارك ههههه يعني تبي للشخص البركة وحاجات كويسة تانية الأصح مبارك لكن حني ماشية فينا مبروك
بالتوفيق، انا علي حد علمي ان الهندسة الكهربائية من اصعب التخصصات، هل تواجه صعوبه في دراستك لها ؟
صحيح من الأصعب ف العالم والأصعب ف ليبيا. الحق ياربي لا ما نواجهش في صعوبة أني مانقراش هلبا وماشية الأمور تبي قراية لكن كل سيمستر أحرف من سيمستر مش مستحيلة هي تجتهد وتقرا تجاوب حتى لو دماغك مش قوي هلبا, وموفق/ة حتى أنت.
المشرك هو من يجعل مع الله إله آخر الملحد غير مؤمن بوجود الله المنافق هو من إذا حدث كذب وإذا وعد أخلف وإذا أؤتمن خان والكافر ينطبق ع اللي فاتو الأولى والتانية ومعناها هو المنكر والجاحد يعني أي شيء غير أن تؤمن بالله وحده لا شريك له أو أي دين غير الإسلام يعتبر كفر.