@theahmedadel

#AhmedAdelBlog

Ask @theahmedadel

Sort by:

LatestTop

لو عمر ما حد حضني من عائلتي ولا حسيت احساس الامان والاطمئنان اللي الناس بتقول عليه ده لو انا محرومه من كل ده. أحس بيه ازاي ؟ قلبي بيوجعني اوي كل ما بشوف واحده مبسوطه مع عائلتها مش بحقد والله بس بحس ب نقص مش اكتر أعمل ايه

من غير اهتمام العائلة، الانسان بيفقد اكتر شيء مهم بالنسبة ليه. احساس ان الناس حواليه عارفين قيمته. يمكن من بره بيبان مبسوط بس من جواه مش بيكون على ما يرام.
فكري في دورك الحقيقي في البيت مع اهلك. ايه هي مسئولياتك تجاههم. وازاي انت بتضيفي لحياتهم قيمة.
حاولي تقربي منهم وتتكلمي معاهم. وافتكري ان اهلك بيحبوكي حتى لو مش بيعبروا عن كده. كمان افتكري ان اهلك مش بيقرأوا افكارك. ريحي نفسك من الافكار الكتير.
لما تحاولي تقربي منهم وتوريهم الحنان اللي انت مفتقداه منهم، ده اكيد هيصحي حبهم ليكي. متيأسيش من اول محاولة. حاولي كأنك بتبني علاقات مع اهلك من اول وجديد.
وهم لما يلاقوا التغيير ده، اكيد هيرحبوا بيكي وحتة التعود اللي اتكونت على مر السنين هتتلاشى. بالتالي هيكون التعبير عن الحب والتقدير شيء عادي ومتوقع. بس ابدأي انت الاول واستمري.

انا ف ٢ جامعه ولاد دفعتي واخدين فكره اني بكراش ع اكتر من حد معرفش مين نشر الفكره دي وانا بجد مش بعمل كده ولا بركز مع حد اصلا اغير الانطباع ده ازاي ؟ و محدش يقولي عرفتي ازاي لان انا اللي ف الموقف ف عارفه و متأكده انه متقال عليا كده لو نصيحه ب اسلوب كويس ك اخت ليكم ياريت😊❤️

قدامك حلين، إما تركزي طاقتك انك تبني علاقات أقوى مع زمايلك في الدفعة لأما تسيبيهم يفكروا زي ماهم عايزين. وقتك ملك ليكي لوحدك. واختياراتك كثيرة. ورأيك من دماغك. بس الطريق اللي هتختاريه دلوقتي هيأثر عليكي في السنتين تلاتة اللي جايين. لو اخترتي الحل الاول، هتقدري تغيري نظرتهم ليكي مع الوقت. لو ده هدفك فعلا، الظروف فعلا مهيأة ان ده يحصل. لو اخترتي الحل التاني، ممكن زمايلك يتقلبوا أعداء ويحاولون يهدموا حياتك الاجتماعية. بس في نفس الوقت هتكوني كسبتي نفسك، واحتمال تكسبي زمايل تانيين يحترمونك ويقدرونك بسبب شخصيتك الحقيقية. أيا كان الطريق اللي هتختاريه، مفيش خسائر كبيرة. بس لازم تختاري حاجة من الاتنين عشان لو مش اتصرفتي ممكن سمعتك تتأثر. تم.

جوزى طلقنى عشان بخونة مين فينا اللى غلطان انا ولا هو

الخيانة ملهاش مبرر ولو كان جوزك مقصر معاكي مش تصريح للخيانة.
لأن الغاية لا تبرر الوسيلة.
كان اولى انك تجلسي معاه وتشرحي موقفك بوضوح من غير كسوف. كل زوجة لها حقوق وواجبات والزوج كمان له حقوق وواجبات.
انت عاقبتي جوزك وكانت النتيجة انك اتطلقتي. الزواج مبني على الثقة المتبادلة، لما الثقة بتروح بتنتهي العلاقة حتى لو استمرت العلاقة.
انت غلطي مرتين لما اخترتي انك متصارحيش جوزك بطلباتك. وغلطي لما خنتيه.
وجوزك غلطان انه كان مهمل لحقوقك.
حاولي تتعلمي من الغلطات دي لو اتجوزتي تاني.

People you may like

متقدملي شخص مش مناسب ماديا ومعاه دبلوم وانا كليه وهسكن في شقه ايجار لغايه اما ربنا يسهل وهو موظف في شركه خاصه بس انا شوفت منهم حنيه وحب هو ومامته مشوفتهمش من أهلي نفسهم احنا عارفين بعض من فتره مامته صديقة ماما وبابا رافض وانا عايزاه بس خايفه من قدام اوافق وأسيبها لله ولا كلام بابا صح

طالما والدك شايفه مش مناسب يبقى مش مناسب.
حتى لما ظروف الدنيا تتغير ويكون الشخص ده مناسب ماديا ليكي، اسمعي كلام والدك احسن.
لغاية لما الشخص ده يكون مناسب ليكي في كل حاجة، ووالدك يوافق عليه، تقدري تفكري فيه.
اكيد باباكي عارف الاحسن ليكي. للاسف، هتدوسي على قلبك شوية.
وممكن الشخص ده ربنا يكرمه في المستقبل. ساعتها ممكن يفكر في الخطوبة. لكن فكرة انه يرتبط من غير ما يكون مستعد من الناحية المادية، هتضيف عليه اعباء مادية اكبر، وده هيأثر على العلاقة.
الحنان والاحترام مطلوبين في كل علاقة بس مش هم كل حاجة. المشاعر بتتغير دايما بالذات لما يحصل مشاكل مادية.
واستعينوا بالصبر

التمارين الاونلاين لما يكتب على التمرين 30×3 يعنى اى

يعني 30 عدة في 3 مجموعات.
مثلا لو تمرين ضغط
هتعمل 30 عدة على 3 مجموعات بحيث يكون المجموع 90 عدة
يعني تعمل التمرين 30 مرة بعد كده ترتاح دقيقتين وتعمل التمرين 30 مرة بعدين ترتاح بعدين تعمل التمرين 30 مرة كمان
كده تكون خلصت 3 مجموعات وهكذا
يعني 30 للعدة و3 للمجموعة

اتخطبت وعايزة نفضل اصدقاء نفضل اصدقاء ولا ابعد لو بعت هحس بفراغ جامد 😟🥺

في حاجات بتتغير بعد الخطوبة، خصوصا الاصدقاء.
مش هتحتاجي تفكري كتير على فكرة. كده كده. صحابك هيتغيروا مع الوقت. وخطيبك هيملى الفراغ.
لو الخطوبة نجحت انها تاخدك من صحابك فدي حاجة كويسة وحاجة وحشة في نفس الوقت.
حلوة لأن ده معناه ان الخطوبة نجحت انها تغنيكي عن الصحاب. ووحشة عشان هتبعدك عن صحابك.
سيبي الموضوع يتطور براحته. لو لسه الموضوع بيشغلك، يبقى لازم تسألي نفسك هل الخطوبة اهم عندك من الاصدقاء ولا الاصدقاء اهم من الخطوبة.
لو لسه عايزة صحاب وانت لسة مخطوبة، يمكن الخطوبة مش هي الحاجة اللي انت محتجاها دلوقتي. حاول تعملي التوازن بين مسئولياتك لخطيبك وصحابك.
بس التوازن صعب تحافظي عليه طول الوقت. في لحظة ما، هتحتاجي تختاري بين خطيبك وصديقك. اهم حاجة تكوني انت عارفة عايزة ايه.
ربنا يوفقك.

بحب واحد واهلي رافضين رفض قاطع عشان المسافه وعشان منعرفهوش هو ولا اهله ولو سألنا اي حد هيقولو حلو..وقالولي مش هنحضرلك حاجه لا عزال ولا فرح قولتلهم متحضروش..وخناقات كتير اعمل اي م غير تجريح بعد اذنكم عارفه أن غلطانه بس عايزه حل

لازم تثقي ان اهلك عايزين احسن حاجة ليكي، وهم مش عارفين الشخص ده ومش ممكن يعرفوه، فطبيعي يكونوا شاكين في نيته.
برضه، ايه رأيه في اهلك وبيتكلم عنهم ازاي؟ اعرفي ان ممكن يخدعك عشان تغيري رأيك في اهلك. لو بيعمل كده، يبقي دي علامة ان نيته مش سليمة.
لو ملاحظة تغيير في تعاملك مع اهلك، اسئلي نفسك هي دي معاملتك العادية ولا تأثير الشخص ده.
في الاخر، ده قرارك. بس لو اهلك مش موافقين عليه، لازم تفهمي الاسباب اكتر. يمكن يكون عندهم وجهة نظر.
تقدري كمان تسألي الشريك ده ايه هي اسبابه لو كان بيتكلم عن اهلك وحش. مش هينفع تهجري اهلك تماما، وممكن تعرفي بعد فوات الاوان لو كملتي العلاقة دي للاخر.
وبرضه، القرار ليكي.

+ 7 💬 messages

read all

طريقة اصلحه بيها عشان زعلان منى ولما برن مراته هى اللى بترد

اللي خلاه يسبها ويجيلك هيخليه يرجعلك. وساعتها اعملي ما بدالك. بس اتك على الصبر.

على أي من الآلات الموسيقية تود أن تعزف؟

عزفت كمان وجيتار. الكمان اخدت دروس بس مكملتش.
الجيتار علمت نفسي بنفسي. وكنت بعزف عليه حلو.
اكتر آلة حابب اجربها هي العود لانه صعب بس ألحانه بتشجي.

الإنسان محتاج ايه عشان يكون مبسوط؟

يتعلم يعمل حاجة صعبة عشان يفيد البشرية.

لية البنات المتدينة والمحترمين اللي بتكون لبسة نقاب واكترهم ممكن يكون ازهر وكدا بيكون حظهم ف الجواز متأخر مع انهم متدينين ولابسين نقاب ؟

مش هقول الحلوى الملفوفة لا يلتم عليها الذباب. والكلام الماسخ ده بس النقاب اليومين دول بقى فاشون ستاتمنت اكتر ما هو التزام ديني .

محتاج افاده معايا 15000الف وانا في اخر سنه جامعه حد عنده فكره مشروع ولا مينفعوش

اشتري آيفون واشتغل انفلونسر.

اتخطبت كدة خلاص مستحيل ترجع تاني صح

الخطوبات بتتفسخ والقلوب بتتكسر وكل حاجة بترجع زي الاول عشان تتغير تاني.

ما هو رأيك في كيم كارداشيان؟

مرة واحد كان صاحبي قالي كيم كارداشيان عليها بووتي مش معقولة. بس ساعتها كنت لا أفقه شيئا في السوشيال ميديا. (ومازلت😆)
المهم لما عرفت، فهمت أنها انفلونسر. وهي أستاذة في ملعبها. بس أنا بصراحة عمري مش شوفتها ولا عرفتها ع الحقيقة. 😉
ومسمعتش عنها حاجة وحشة. وشايف أن شغلها حلو ع السوشيال.
مش من الفانز بتوعها اوي بس معنديش مشاكل معاها يعني.

بتاخد انطباع عن حد من كلام الناس ولا مبتحكمش عليه من غير ما تتعامل معاه ؟؟

طبعا احب أصدر احكامي بعد التعامل. بس مفيش وقت اقعد مع كل واحد عشان كده باخد بالمظاهر.

هل تؤمن بأن الأنسان يُعاقب ويُثاب على أعماله في الدنيا قبل الآخرة؟

بفكر في الموضوع ده كتير. اعتقد اكتر أن الإنسان بيتحاسب في الآخرة بس. افرض مثلا واحد ارتكب جريمة قتل وخد اعدام، هل مفيش حساب علي قتله في الاخرة؟ في فرق بين الحساب في الدنيا والحساب في الآخرة. حاول تلاقي حد متخصص واسئله. و طلع الأحاديث والقرآن وكون رأيك. يمكن الحساب في الآخرة بيكون على النية مش الفعل نفسه...

Next

Language: English