ايام خطوبتي كنت بجمع اي هدية يديهالي مبستعكلهاش وبحوش مصروفي عشان لو لا قدر الله مكملناش اديله كل حاجه واللي اقدر عليه من ثمن الخروجات من مصروفي اللي حوشته🤣🚶♀
خطيبى امه شرطت اجيب حاجات فى العفش المفروض على العريس
ولما بابا اتكلم معاهم وقالهم انا مش مقدرتى اجيب الحاجات دى قالولو اتصرف احنا عايزين حاجه تشرفنا قدام الناس ولازم يكون عموله مش جاهز والعموله غاليه اوى وبقاله يومين مكلمنيش والفرح فاضله شهر
اسيبه ولا اضغط بابا واعدى الدور 🙂
سؤال مهم بعيدا عن الموضوع وعلي أساسه حددي قرارك أم خطيبك هي اللي ممشيه الموضوع وهي اللي بتقرر وتتفق ولا ديه أول مره ! لو من أول الخطوبة هي اللي ممشيه كل حاجه وخطيبك ملوش رأي فأنصحك متكمليش ... لكن لو كانت ديه أول مره او تدخلها محدود فحاولي تتواصلي مع خطيبك انه يقنع والدته بالعدول عن رأيها .. ومتضغطيش علي والدك بشيء نهائيا ... هليكي معززة مكرمة ورأيك من رأي والدك هو كثر الله خيره بيساعد في الجوازة لكنه مش ملزم أصلا بشيء فمتحمليهوش فوق طاقته
بحب خطيبي و هو كمان بيحبني بس شقته مش عجبتني و خلاص خلصت و مفضلش حاجه على الفرح ومش قادره افرح بالشقه اعمل اي ؟ اسيبه !!
مش عاجباكي ليه ؟ كنتي حاطة آمال انك ترتبيها ترتيب معين وهو مرتب حاجه تانيه؟ ولا كنتي مرتبه ألوان وهو عمل ألولن تانيه ولا عامل عفش مختلف عن خيالك! لو أي حاجه من اللي فوق ديه فكلها حلولها سهلة ! لما ربنا يفتح عليكوا سوا غيري للي عايزاه 😄 انما لو القصد كمساحة وامكانيات اقل من اللي عايشه فيها..فأكيد عندك علم من الأول بيها ! وبرضو ديه ليها حل لما ربنا يفتح عليكوا ويوسع رزقكم في المستقبل ان شاء الله !مع ان لما ربنا هيفتح عليكم مش هتحبي تغيري اوي بالذات لو ارتبطت بذكريات حلوه باذن الله♥ أنا شايفه انه لو شخص مناسب وذو خلق ودين ومفيش فيه مشكلة الا ديه فرأيي انك تتغاضي عنها والله يكتب لك الخير يارب♥
عايز أخد رأيكم في موضوع مهم لو عندك انترفيو في شغلانة كنت بتتمناها وهتموت وتشتغلها بس انت حاسس ان فيه حاجات كتير ماذاكرتهاش ومش هتلحق تلمها وبنسبة كبيرة ممكن تترفض هتروح الانترفيو ولا هتفكس؟
ايه رايك ف حوار ان الواحد يتجوز ويسافر وييجي لزوجته شهر كل سنه
أمال اتجوز ليه!! مصاريف علي الفاضي!! وهي اتجوزت ليه !!!عشان تسيب ونس أهلها وتروح تقعد لوحدها!! فكرة سيئة الحقيقة نويت الزواج وانت مسافر بره قدامك واحد من خيارين اما انك تنزل نهائي وتستقر معاها أو انك ترتبلها تسافر معاك ...
انا ثانويه عامه أخرج اول يوم العيد الصبح ولا مخرجش ؟ اشاره يلا
اخرجي يوم العيد ده وقت مستقطع من اي حاجه واي مشاغل واي هم ورانا .. نرتاح فيه ،، لو نعرف نخرج ،، نعمل أي حاجة تغيرلنا روتينا ،، منفكرش في اي حاجة كانت او هتكون .. غيري جو عشان حتي ترجعي للي وراكي بنفس
سوال محدش بجد يعديه بصوا متقدم ليا حد دفعتي هو بيحبني وانا بحبه بس الحاله الماديه مش حلوه خالص وفي نفس الوقت فيه حد كويس تاني بيحبني ماديه حلوه جدا مفيش غلطه وجاهز وتأتي قدامه 3 سنين علي اقل لما يكون جاهز هكون انا ،26 فياريت ممكن تنصحوني