إللي بيقولوا على نفسهم "أنا قلبي نظيف/أنا صريحة جدًا/أنا عيبي الصدق/إلخ..." حقيقي بيكونوا أكثر حد ثعبان شفته في حياتي و كل الناس عارفة و هو كمان عارف بس عامل مش واخذ باله 😂
مريض اكتئاب اي افضل الطرق للتعامل معاه ؟
روح لـ therapist.
هو ايه اللي يخلي صف ظابط لما يتقدم لدكتورة وترفض علشان حقها يقول عليها متكبرة ومغرورة ووحشة؟ بجد والله ! هي الناس مبقاش عندها ثقافة الرفض ليه ؟
عنده نقص، ربنا نجدها نوسة.
تاريخ مميز لخطوبه
دي حاجة شخصية إنتوا إللي تحددوها. بس 02/02/2022 حلو
هو الانسان لو معاه فلوس لازم يشتغل برضو عشان الكارير وكده
في رأيي، أيوة.
تفتكر ان لو حد شاغل بالك دايما وعلى طول بيفكر فيه يبقي هو كمان بيفكر فيك
🤔🤔🤔
مش بالضرورة لا.
عادي اقبل عريس اقل مني ف المؤهل الدراسي؟
لا، علشان لو هو مش مرتاح ماديًا بسبب ده يبقى مش هتعيشي في نفس مستوى المعيشة إللي أهلك موفرينه، و علشان لو هو حد ناقص هيطلع نقصه عليكي.
هو لو حد اذاك و عمل فيك حاجات كتير وحشه و رجع و طلب الصلح
بعد م كل حاجة بنكوا كانت انتهيت مع العلم انه مستحيل يتغير هتسمحه
ولا لأ...؟!!!
مش شرط السماح يعني إنكم ترجعوا لبعض أو ترجعوا تتكلموا أو أي حاجة من الحاجات دي. ممكن تسامحي و تبعدي و ممكن تختاري مش تسامحي أو تاخذي وقتك في إنك تسامحي. بس لا، إوعي ترجعوا للعض.
صيدلة حلوة للبنات؟
لو عاوزاها فأه حلوة. مش عارفة إيه إللي دخل بنات و أولاد في الموضوع.
ايه رايك في الفان داي يعني لو محضرتوش فيتني كتير ولا عادي
حقيقي مش عارفة. بتختلف من شخص للثاني.
تفتكروا الحب كافي للجواز!؟
لا، بيهون كثير و بيخلي حاجات كثير أسهل، بس مش كفاية.
لو انا عندى 23 سنه وكمان كام شهر هكمل 24 وفيه شخص متقدم 30 كويس ومحترم دة سن مناسب ولا لا
إنتي إللي تقرري بناءً على عقليته و نضجه و نضجك.
اتقرأت فتحتى على مهندس زميلى اول كلامنا قالى شوفت بنات كتير احلى منك بس مشوفتش طبعك ولا تفكيرك الكلمه زعلتني مع انى مش وحشه ملامحي جميله عديتهاقولت التعبير خانه بعدين من يوم بنتكلم فبقوله ده بعدما انت جيت اتقدم مهندس عايز ميعادوواحد خدمه فقال ليه انت حلوةوانا معرفش وضحك وانا عايزة اسيبه ومش بأفور
سيبيه.
عادي البنت تعترف بحبها الاول ؟
أيوة.
انت شخص هادي بطبعه؟
أيوة.
اقدر افرحك ازاى رغم أننا منعرفش بعض وبتكلم جد والله